Bakı Apellyasiya Məhkəməsi Qərardad — İş №2-1(103)-2729/2024

Azərbaycan Respublikası adından QƏRARDAD Bakı şəhəri İş № 2-1(103)-2729/2024 06.08.2024 BAKI APELLYASİYA MƏHKƏMƏSİ Hakimlər: Şərafət Asif qızı Məmmədova (sədrlik edən və məruzəçi), X5 və X3 ibarət tərkibdə, Azər Aydın oğlu Mövlayevin katibliyi ilə, İddiaçı Rəhim oğlunun cavabdeh Azərbaycan Respublikası Əqli Mülkiyyət Agentliyi Patent və X1rşı "qərarın ləğv edilməsi və əmtəə nişanının qeydiyyata alınaraq şəhadətnamə verilməsi" tələbinə dair inzibati iş üzrə Bakı İnzibati Məhkəməsinin 01 fevral 2024-cü il tarixli, 2-1(112)-2227/2024 saylı qərardadından iddiaçı tərəfindən verilmiş apellyasiya şikayətinə Bakı Apellyasiya Məhkəməsinin binasında açıq məhkəmə iclasında şifahi məhkəmə baxışı qaydasında baxaraq aşağıdakı qərardadı qəbul etdi. TƏSVİRİ HİSSƏ İddiaçı Rəhim oğlu cavabdeh Azərbaycan Respublikası Əqli Mülkiyyət Agentliyi Patent və X1rşı iddia ərizəsi ilə məhkəməyə müraciət edərək Azərbaycan Respublikası Əqli Mülkiyyət Agentliyinin Sənaye Mülkiyyətinin Mühafizəsi Sahəsində Mübahisələrə baxan Apellyasiya Şurasının 30 may 2003-cü il tarixli, A34/23 saylı qərarının ləğv edilməsi, “Cafe de Baku” əmtəə nişanının iddiaçının xeyrinə qeydiyyata alınaraq əmtəə nişanına dair şəhadətnamənin verilməsi” öhdəliyinin cavabdehin üzərinə qoyulması barədə qərar qəbul edilməsini xahiş etmişdir. Bakı İnzibati Məhkəməsinin Bakı İnzibati Məhkəməsinin 01 fevral 2024-cü il tarixli, 2- 1(112)-2227/2024 saylı qərarı ilə iddia geri götürülmüş hesab edilmiş və bu əsasla iş üzrə icraata xitam verilmişdir. Qərardaddan narazı qalan iddiaçı apellyasiya şikayəti verərək, qərardadın ləğv edilməsini xahiş etmişdir. Apellyasiya şikayəti onunla əsaslandırılmışdır ki, ilk iclas məhkəmə tərəfindən 13 dekabr 2023-cü il tarixinə təyin edilmişdir. Həmin iclasda Məhkəmə işin baxışa keçirilməsi barədə qərardad qəbul etmiş və baxış iclasını 12 mart 2024-cü il tarixinə təyin etmişdir. İddiaçı məhkəmə iclasının 12 mart 2024-cü il tarixə təyin edildiyini barədə Elektron Məhkəmə sistemindən bildiriş almışdır. Lakin Məhkəmə 12 mart 2024-cü il tarixə təyin edilmiş iclasın gününü dəyişdirərək 1 fevral 2024-cü il tarixə təyin etmiş və bu barədə İddiaçını lazımı qaydada xəbərdar etməmişdir.Beləliklə, inzibati məhkəmədə icraat zamanı ciddi prosessual pozuntulara yol verilmişdir. TƏRƏFLƏRİN İZAHATLARİ Məhkəmə iclasının yeri və vaxtı barədə lazımi qaydada məlumatlandırılmış tərəflər məhkəmə iclasına gəlməmişdir. Məhkəmə Kollegiyası iddiaçının məhkəmə iclasının təxirə salınması barədə ərizəsini təmin etməyə zərurət və əsaslar müəyyən etməyərək İPM-in 62.3-cü maddəsinə əsasən işə onun iştirakı olmadan baxılmasını mümkün hesab etmişdir. ƏSASLANDİRMA HİSSƏ Azərbaycan Respublikası İnzibati Prosessual Məcəlləsinin 82-ci maddəsinə əsasən apellyasiya instansiyası məhkəməsi mübahisə ilə bağlı işə şikayət həddində və hüquqi məsələlər, habelə sübutlar və faktlar (faktiki hallar) əsasında mahiyyəti üzrə tam həcmdə baxır. Məhkəmə kollegiyası tərəfləri dinləyib, iş materiallarını nəzərdən keçirib, apellyasiya şikayətinin dəlillərini araşdırıb hesab edir ki, İnzibati məhkəmədə icraat zamanı yol verilmiş ciddi prosessual pozuntular səbəbindən iddiaçının apellyasiya şikayəti qismən təmin edilməli, birinci instansiya məhkəməsinin qərardadı ləğv edilməli, hazırkı iş məhkəmə icraatının davam etdirilməsi üçün həmin məhkəməyə göndərilməlidir. Belə ki, iş materiallarında görünür ki, İddiaçı Rəhim oğlu cavabdeh Azərbaycan RespublikasıƏqli Mülkiyyət Agentliyi Patent və X1rşı iddia ərizəsi ilə məhkəməyə müraciət edərək Azərbaycan RespublikasıƏqli Mülkiyyət Agentliyinin Sənaye Mülkiyyətinin Mühafizəsi Sahəsində Mübahisələrə baxan Apellyasiya Şurasının 30 may 2003-cü il tarixli, A34/23 saylı qərarının ləğv edilməsi, “Cafe de Baku” əmtəə nişanının iddiaçının xeyrinə qeydiyyata alınaraq əmtəə nişanına dair şəhadətnamənin verilməsi” öhdəliyinin cavabdehin üzərinə qoyulması barədə qərar qəbul edilməsini xahiş etmişdir. Azərbaycan Respublikası İnzibati-Prosessual Məcəlləsinin 45.4-cü maddəsinə əsasən, iddia ərizəsi məhkəməyə daxil olduğu gündən icraata qəbul edilmiş sayıldığından, iddia ərizəsi və ona əlavə edilmiş sənədlərin surəti iş üzrə cavabdehə göndərilmiş, işin hallarını və mübahisənin vəziyyətini müzakirə etmək məqsədilə məhkəmə hazırlıq icraatına başlanmışdır. İlk iclas məhkəmə tərəfindən 13 dekabr 2023-cü il tarixinə təyin edilmişdir. Həmin iclasda Məhkəmə işin baxışa keçirilməsi barədə qərardad qəbul etmiş və baxış iclasını 12 mart 2024-cü il tarixinə təyin etmişdir. İddiaçı məhkəmə iclasının 12 mart 2024-cü il tarixə təyin edildiyini barədə Elektron Məhkəmə sistemindən bildiriş almışdır. Lakin Məhkəmə 12 mart 2024-cü il tarixə təyin edilmiş iclasın gününü dəyişdirərək 1 fevral 2024-cü il tarixə təyin etmiş və bu barədə İddiaçını lazımı qaydada xəbərdar etməmişdir. Azərbaycan Respublikası İnzibati Prosessual Məcəllənin 55.3-cü maddəsinə əsasən, məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Azərbaycan Respublikası İnzibati Prosessual Məcəlləsinin 55.5-ci maddəsinə görə, iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir Azərbaycan Respublikası İnzibatiProsessual Məcəlləsinin 62-ci maddəsinə əsasən, Məhkəmə proses iştirakçılarını işə şifahi və ya yazılı icraat qaydasında baxılması, şifahi məhkəmə baxışı ilə bağlı iclasın vaxtı və yeri, prosessual hüquq və vəzifələri, habelə ayrıayrı prosessual hərəkətlər haqqında xəbərdar etməyə borcludur. Məhkəmə bildirişi şifahi məhkəmə baxışı ilə bağlı iclasın təyin edildiyi tarixə (günə) ən azı 10 gün qalmış proses iştirakçılarına təqdim edilməlidir. Xüsusilə təcili hallarda sədrlik edən hakim həmin müddəti azalda bilər. Məhkəmə bildirişində məhkəməyə çağırılan şəxsin şifahi məhkəmə baxışı ilə bağlı iclasa gəlmədiyi halda da onun iştirakı olmadan işə baxılmasının və iş üzrə qərar qəbul edilməsinin mümkünlüyü barədə xəbərdarlıq olmalıdır. Yuxarıda göstərilənlərdən aydın olur ki, birinci instansiya məhkəməsinin iddiaçının iddiasının geri götürülmüş hesab edilməsi və bu əsasla iş üzrə icraata xitam verilməsi barədə mövqeyi qanuni və əsaslı olmamşdır. Azərbaycan Respublikası İnzibati Prosessual Məcəlləsinin 87.7.2-ci bəndinə əsasən inzibati məhkəmə tərəfindən mahiyyəti üzrə qərar qəbul edilmədikdə apellyasiya instansiyası məhkəməsi, barəsində şikayət verilmiş məhkəmə qərarını ləğv edərək işi müvafiq inzibati məhkəməyə göndərə bilər. Göstərilənlərə əsasən məhkəmə kollegiyası belə nəticəyə gəlir ki, apellyasiya şikayəti qismən təmin edilməli, birinci instansiya məhkəməsinin qərardadı ləğv edilməli, iş sonrakı prosessual hərəkətlərin yerinə yetirilməsi üçün həmin məhkəməyə göndərilməlidir. Azərbaycan Respublikası İnzibati Prosessual Məcəlləsinin 80, 85, 87-ci maddələrini rəhbər tutaraq, məhkəmə kollegiyası qərara aldı: Apellyasiya şikayəti qismən təmin edilsin. Bakı İnzibati Məhkəməsinin 01 fevral 2024-cü il tarixli, 2-1(112)-2227/2024 saylı qərardadı ləğv edilsin. İş sonrakı prosessual hərəkətlərin həyata keçirilməsi üçün Bakı İnzibati Məhkəməsinə göndərilsin. Qərardaddan kassasiya şikayəti nəzərdə tutulmamışdır.