Bakı Apellyasiya Məhkəməsi Qərardad — İş №2-1(103)-4266/2023

Azərbaycan Respublikası adından QƏRARDAD Bakı şəhəri İş № 2-1(103)-4266/2023 15.12.2023 BAKI APELLYASİYA MƏHKƏMƏSİ Hakimlər: Tağızadə Mirzə Nəsib oğlu (sədrlik edən və məruzəçi),X3 və Əkbərov Kamran Hüseyn oğlundan ibarət tərkibdə Mirzəyeva Ayşəm Lehsan qızının katibliyi ilə, İddiaçı , Cavabdehin nümayəndəsi X2 iştirakları ilə, İddiaçı cavabdeh Azərbaycan Respublikası Baş Prokurorluğuna qarşı “təqdimat verilməsi öhdəliyinin qoyulması” tələbinə dair iddiası üzrə Bakı İnzibati Məhkəməsinin 2- 1(112)-10052/2023 nömrəli, xx.xx.2023-cü il tarixli qərardadından iddiaçı tərəfindən verilmiş apelyasiya şikayətinin mümkünlüyünə Bakı Apellyasiya Məhkəməsinin binasında şifahi məhkəmə baxışı qaydasında açıq məhkəmə iclasında baxaraq müəyyən etdi: İddiaçı cavabdeh Azərbaycan Respublikası Baş Prokurorluğuna qarşı SSRİ Silahlı Qüvvələrində müddətli həqiqi hərbi xidmətinin əmək kitabçasında qeyd olunduğu kimi, yəni 27 noyabr 1980-ci il tarixdən 26 dekabr 1982-ci il tarixə kimi qəbul etməklə ona “Silahlı qüvvələr veteranı” adının və vəsiqəsinin verilməsi tələbi barədə iddia ərizəsi ilə məhkəməyə müraciət etmişdir. Bakı İnzibati Məhkəməsinin 2-1(112)-10052/2023 nömrəli, xx.xx.2023-cü il tarixli qərardadı ilə iddia mümkün sayılmamışdır. (hakim Günel Sevdimlıyeva) Qərardadan narazı qalan iddiaçı apelyasiya şikayəti verərək, qərardadın ləğv edilməsi, iddia tələbinin təmin edilməsi barədə qərar qəbul edilməsini xahiş etmişdir. Kollegiya apellyasiya şikayətini müvafiq qaydada iş materialları ilə birlikdə araşdıraraq hesab edir ki, apelyasiya şikayəti qeyri-mümkün sayılmalıdır. Azərbaycan Respublikası İnzibati Prosessual Məcəlləsinin 87.2-ci maddəsinə əsasən apelyasiya instansiyası məhkəməsi apelyasiyanın mümkünlüyü əsaslarını yoxlayır. Həmin Məcəllənin 85.1-ci maddəsinə əsasən şikayət məhkəmə qərarının tam formada təqdim olunduğu gündən 30 gün, məhkəmə qərardadının isə elan olunduğu gündən 10 gün müddətində inzibati məhkəmə vasitəsilə verilir. İş materiallarında olan poçt bildirişinin verilməsi barədə xəbərnamədən görünür ki, Bakı İnzibati Məhkəməsinin iddiaçı tərəfindən mübahisələndirilən 2-1(112)-10052/2023 nömrəli, xx.xx.2023-cü il tarixli qərardadıı iddiaçıya xx.xx.2023-cü il tariixində təqdim edilmişdir. Məhkəmə iclasında iştirak edən iddiaçı özüdə etiraf etmişdir ki, həmin qərardad onun tərəfindən xx.xx.2023-cü il tarixində təhvil alınmışdır. İddiaçının apelyasiya şikayəti isə xx.xx.2023-cü il tarixdə tərtib edilmiş və Bakı İnzibati Məhkəməsinə həmin tarixdə təqdim edilmişdir. Göründüyü kimi, mübahisələndirilən məhkəmə qərardadı xx.xx.2023-cü il tarixdə alınmış, apellyasiya şikayəti 21 gün sonra (xx.xx.2023-cü il) verilmişdir. Azərbaycan Respublikası İnzibati Prosessual Məcəlləsinin 85.1-ci maddəsinə əsasən şikayət məhkəmə qərarının tam formada təqdim olunduğu gündən 30 gün, məhkəmə qərardadının isə elan olunduğu gündən 10 gün müddətində inzibati məhkəmə vasitəsilə verilir. Azərbaycan Respublikası İnzibati Prosessual Məcəlləsinin 24.1-ci maddəsinə əsasən bu Məcəllə ilə müəyyən olunmuş müddət proses iştirakçısının təqsiri olmadan buraxıldığı hallarda, məhkəmə həmin şəxsin ərizəsinə əsasən buraxılmış prosessual müddəti bərpa etməlidir. Buraxılmış prosessual müddətin bərpa edilməsi barədə ərizə müddətə əməl olunmasına mane olan hallar aradan qalxdığı gündən 15 gün ərzində verilməlidir. Müddətin buraxılmasına səbəb olmuş hallar ərizədə və ya ərizə üzrə keçirilən məhkəmə iclasında əsaslandırılmalıdır. (24.2) Ərizənin verilməsi ilə eyni vaxtda müddəti buraxılmış prosessual hərəkət də edilməlidir. (24.3) Təbii fəlakət və ya digər qarşısıalınmaz hallar, eləcə də hüquqi müdafiə vasitələrindən istifadəyə yol verilməməsi barədə yazılı xəbərdarlıqla bağlı olan hallar istisna olmaqla, müddətin buraxılmasından 1 il keçdikdən sonra həmin müddətin bərpasına dair ərizə verilə bilməz (24.4). Ərizə prosessual hərəkətin edilməli olduğu məhkəməyə verilir. Həmin ərizəyə məhkəmə iclasında baxılır. Ərizəçiyə məhkəmə iclasının yeri və vaxtı barədə məlumat verilir. (24.5) Buraxılmış prosessual müddətin bərpa edilməsi haqqında qərardad qəbul edən məhkəmə, eyni vaxtda buraxılmış prosessual hərəkətlərə dair məsələni də həll etməlidir. (24.6) Sadalanan normalardan görünür ki, iddiaçı buraxılmış prosessual müddətin bərpasına dair “ərizə” ilə müraciət etməli, müddətin buraxılmasına səbəb olmuş hallar ərizədə və ya ərizə üzrə keçirilən məhkəmə iclasında əsaslandırılmalıdır. İddiaçı xx.xx.2023-cü il tarixdə yazılı vəsatətlə məhkəməyə müraciət edərək, səhhətiylə əlaqədar Türkiyə Respublikasında olduğunu nəzərə alıb apellyasiya şikayəti verməsi üçün buraxılmış prosessual müddətin bərpa edilməsi ilə bağlı məsələyə baxılmasını xahiş etmişdir. İddiaçı eyni zamanda xx.xx.2023-cü il tarixdən xx.xx.2023-cü il tarixədək “hepatosteatoz, şəkərli diabet tip 2, subkompensasiya mərhələsində, xroniki eroziv qastroduodenit” diaqnozu ilə abulator müalicədə olması barədə Azərbaycan Respublikası Müdafiə Nazirliyinin Baş Klinik Hospitalı tərəfindən verilmiş 326 nömrəli, xx.xx.2023-cü il tarixli arayış təqdim etmişdir. Cavabdehin nümayəndəsi xx.xx.2023-cü il tarixli məhkmə iclasında iddiaçının təqdim etdiyi arayışı buraxılmış prosessual müddətin bərpası üçün üzürlü hal hesab etməyərək, apellyasiya şikayətinin mümkün hesab edilməməsini xahiş etmişdir Həmin tarixli məhkəmə iclasında iddiaçı təqdim etdiyi arayışa əsasən buraxılmış müddətin üzürlü hesab edilməsini, apellyasiya şikayətinin mümkün hesab edilərək işə mahiyyəti üzrə baxılmasını xahiş etmişdir. Tərəflərin izahatlarını, yazılı vəsatəti və müvafiq arayışı araşdıraraq məhkmə kollegiyası hesab edir ki, ambulator müalicəyə dair arayış, buraxılmış prosessual müddətin üzürlü hesab edilməsi üçün əsas ola bilməz. Belə ki, ambulator müalicə zamanı iddiaçı qəbul edilmiş müvafiq qərardad üzrə sonrakı prosessual hərəkətlərin aparılması məqsədi ilə özü və yaxud vəkil xidmətlərindən istifadə edərək, vəkil vasitəsilə qanunvericilikdə nəzərdə tutulmuş müddət çərçivəsində apellyasiya şikayəti verə biləcəyi halda bunu etməmişdir. Nəticədə qanunvericilikdə nəzərdə tutulmuş prosessual müddət üzürsüz səbəbdən buraxılmışdır. Azərbaycan Respublikası Konstitusiya Məhkəməsinin “X1 şikayəti ilə əlaqədar Azərbaycan Respublikası Ali Məhkəməsi MİÜMK-ın 16 avqust 2006-cı il tarixli qərarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair 08 may 2008-ci il tarixli qərarında göstərilmişdir ki, qanunla nəzərdə tutulmuş prosessual müddətin bərpası üçün yalnız elə səbəblər üzürlü hesab edilə bilər ki, onların mövcudluğu prosessual hüquqlara və vəzifələrə malik şəxsin iradəsindən asılı olmasın, özü tərəfindən onların dəf edilməsi imkanlarından kənara çıxsın, müvafiq hərəkətin yerinə yetirilməsinə, maneə törətsin və ya məhdudiyyət yaratsın. Müddətin buraxılması ilə nəticələnmiş səbəbin üzürlü hesab edilməsi bilavasitə məhkəmənin öz mülahizələrindən asılıdır. Bu mənada üzürlülük, göstərilən meyarların sərhədində dayanan elə inkar olunmaz səbəblər barəsində qəbul olunmalıdır ki, belə məsələ ilə əlaqədar MPMin tələblərinə riayət edilməklə çıxarılmış məhkəmə aktı qanunilik, obyektivlik və qərəzsizlik baxımından şübhə altına alınmasın. Azərbaycan Respublikası İnzibati Prosessual Məcəlləsinin 87.3-cü maddəsinə əsasən apelyasiya mümkün sayılmadıqda apelyasiya instansiyası məhkəməsi şikayəti qəbul etməkdən imtina edir. Həmin Məcəllənin 87.4-cü maddəsinə görə apelyasiyanın mümkünlüyü ilə bağlı məhkəmə qərardad çıxarır. Göstərilənlərə əsasən məhkəmə kollegiyası belə hesab edir ki, İddiaçı Bakı İnzibati Məhkəməsinin 2-1(112)-10052/2023 nömrəli, xx.xx.2023-cü il tarixli qərardadından verdiyi apelyasiya şikayəti qeyri-mümkün hesab edilməli və apelyasiya şikayətinin qəbulundan imtina edilməlidir. Azərbaycan Respublikası İnzibati Prosessual Məcəlləsinin 80, 87, 89, 94-cü maddələrini rəhbər tutaraq məhkəmə kollegiyası qərara aldı: Buraxılmış prosessual müddətin bərpasına dair vəsatət təmin edilməsin. İddiaçı cavabdeh Azərbaycan Respublikası Baş Prokurorluğuna qarşı “təqdimat verilməsi öhdəliyinin qoyulması” tələbinə dair iddiası üzrə Bakı İnzibati Məhkəməsinin 2- 1(112)-10052/2023 nömrəli, xx.xx.2023-cü il tarixli qərardadından iddiaçı tərəfindən verilmiş apelyasiya şikayəti qeyri-mümkün hesab edilsin və apelyasiya şikayətinin qəbulundan imtina edilsin. Qərardaddan təqdim olunduğu gündən 10 (on) gün müddətində Bakı Apellyasiya Məhkəməsi vasitəsi ilə Azərbaycan Respublikası Ali Məhkəməsinin İnzibati Kollegiyasına kassasiya şikayəti verilə bilər.