Bakı Apellyasiya Məhkəməsi Qərardad — İş №2-1(103)-839/2023

Azərbaycan Respublikası adından QƏRARDAD Bakı şəhəri İş № 2-1(103)-839/2023 01.06.2023 BAKI APELLYASİYA MƏHKƏMƏSİ Hakimlər Yusifov Cahangir Afər oğlu (sədrlik edən), X2 və Məmmədova Şərafət Asif qızından ibarət tərkibdə, İddiaçı cavabdeh Təhsildə X1rşı “diplom üzrə ixtisasın tanınması və ekvivalentlik haqqında şəhadətnamənin verilməsi” tələbinə dair Bakı İnzibati Məhkəməsinin 2-1(113)- 3723/2022 nömrəli xx.xx.2022-ci il tarixli qərarından iddiaçı tərəfindən verilmiş apellyasiya şikayətinə əsasən işə Bakı Apellyasiya Məhkəməsinin binasında (Bakı şəhəri, Z.Xəlilov küçəsi, 540-cı məhəllə), açıq məhkəmə iclasında baxaraq m ü ə y y ə n e t d i: İddiaçı cavabdeh Təhsildə X1rşı iddia ərizəsi ilə məhkəməyə müraciət edərək, Kiyev Milli Ticarət-İqtisad Universitetinin Xarkov Ticarət-İqtisad Universiteti tərəfindən verilmiş 28 fevral 2021-ci il tarixli B21 004058 saylı bakalavr diplomunun Azərbaycan Respublikası ərazisində tanınması və ekvivalentliyi haqqında şəhadətnamənin verilməsi vəzifəsinin cavabdehə həvalə edilməsi barədə qərar qəbul edilməsini xahiş etmişdir. Bakı İnzibati Məhkəməsinin 2-1(113)-3723/2022 nömrəli xx.xx.2022-ci il tarixli qərarı ilə iddia tələbi rədd edilmişdir. İddiaçı apellyasiya şikayəti verərək təmin olunması, iddianın tələbinin təmin olunması barədə qərar qəbul edilməsini xahiş etmişdir. Cavabdeh Təhsildə Keyfiyyət Təminatı Agentliyi tərəfindən xx.xx.2023-cü il tarixdə məhkəmə daxil ollmuş məktubda bildirilmişdir ki, İddiaçı Ukrayna Kiyev Milli Ticarət və İqtisadiyyat Universiteti tərəfindən verilmiş xx.xx.2021-ci il tarixli B21 № 004058 nömrəli diplom üzrə aldığı ixtisasın tanınması barədə qərar qəbul edilmiş, AR Nazirlər Kabineti 03 fevral 2023-cü il tarixli Qərarı ilə təsdiq edilmiş “Xarici dövlətlərin ali təhsilə aid kvalifikasiyalarının tanınması Qaydaları”nın tələblərinə uyğun olaraq tanınma haqqında elektron şəhadətnamə ərizəçinin şəxsi kabineti vasitəsilə ona təqdim olunmuşdur. Eyni zamanda İddiaçı məhkəməyə elektron üsulla ərizə ünvanlayaraq iddia tələbinin təmin olunduğundan iş üzrə icraata xitam verilməsini xahiş etmişdir. Məhkəmə kollegiyası iclasının vaxtı və yeri barədə lazımi qaydada xəbərdar edilmiş tərəflər məhkəmə iclasına gəlməmiş, Azərbaycan Respublikasının İnzibati Prosessual Məcəllənin (“İPM”) 62.3-cü maddəsinin tələblərini nəzərə alan məhkəmə kollegiyası onların iştirakı olmadan, məhkəmə iclasının keçirilməsini mümkün hesab etmişdir Məhkəmə kollegiyası iş materiallarını araşdırıb hesab edir ki, iş üzrə icraata xitam verilməlidir. Belə ki, cavabdeh orqanın məhkəməyə təqdim etdiyi məktubuna və ona əlavə edilmiş elektron sənəd çıxaırışına əsasən müəyyən olunur ki, cavabdeh orqan tərəfindən iddıaçıya Ukrayna Kiyev Milli Ticarət və İqtisadiyyat Universiteti tərəfindən verilmiş xx.xx.2021-ci il tarixli B21 № 004058 nömrəli diplom üzrə aldığı ixtisasın tanınması barədə qərar qəbul edilmiş və ona “Xarici dövlətlərin ali təhsilə aid kvalifikasiyalarının tanınması Qaydaları”nın tələblərinə uyğun olaraq tanınma haqqında şəhadətnamə verilmişdir. İddiaçının məkəməyə ünvanladığı elektron ərizəsindən də göründüyü kimi, ona qeyd edilən şəhadətnamənin verildiyini təsdqləyərək, iş üzrə icraata xitam verilməsini məhkəmədən xahiş edir. Azərbaycan Respublikasının İnzibati Prosessual Məcəlləsinin («İPM») 67.1-ci maddəsinin tələbinə görə mübahisə ilə bağlı məhkəmənin yekun qərarı qəbul edilənədək cavabdeh (inzibati orqan) iddiaçının tələbinin təmin olunduğu yeni inzibati akt qəbul etməyə və ya qanunda nəzərdə tutulmuş başqa tədbir görməyə haqlıdır. Həmin Məcəllənin 67.2-ci maddəsinə əsasən sədrlik edən hakim iddiaçının tələbinin təmin olunduğu yeni inzibati aktın qəbul edilməsi və ya qanunda nəzərdə tutulmuş başqa tədbirin görülməsi, habelə bu barədə məhkəməyə müvafiq məlumatın verilməsi üçün cavabdehə müddət təyin edə bilər. Həmin Məcəllənin 67.3-cü maddəsinə əsasən bu Məcəllənin 67.2-ci maddəsinə uyğun olaraq müəyyən edilmiş müddət ərzində cavabdeh tərəfindən iddiaçının tələbinin təmin olunduğu və işin mahiyyəti üzrə mübahisənin artıq mövcud olmadığı hallarda məhkəmə icraata xitam verilməsi barədə qərardad qəbul edir. Beləliklə də qeyd olunanları nəzərə alan məhkəmə kollegiyası yekunda belə nəticəyə gəlir ki, iş üzrə icraata xitam verilməsi barədə qərardad çıxarılmalıdır. Yuxarıda göstərilənlərə əsasən və İPM-in 80, 83, 89, 90-cı maddələrini rəhbər tutaraq, məhkəmə kollegiyası q ə r a r a a l d ı: İş üzrə icraata xitam verilsin. Qərardaddan kassasiya şikayəti verilmir.