Şirvan Apellyasiya Məhkəməsi Qərardad — İş №2-1(106)-45/2025

Azərbaycan Respublikası adından QƏRARDAD Şirvan şəhəri İş № 2-1(106)-45/2025 08.01.2025 ŞİRVAN APELLYASİYA MƏHKƏMƏSİ Şirvan Apellyasiya Məhkəməsinin İnzibati Kollegiyası hakimlər Hüseynov Fikrət Cilingir oğlu (sədrlik edən və məruzəçi), X3 və Bəhmənov Habil Xanoğlan oğlundan ibarət tərkibdə, məhkəmə iclasının katibi X4 iştirakı ilə, Şirvan İnzibati Məhkəməsinin 12 mart 2024-cü il tarixli, 2-1(120)-37/2024 nömrəli qərarından cavabdeh tərəfindən verilmiş apellyasiya şikayəti əsasında İddiaçı cavabdeh Kürdəmir rayonu Pirili Bələdiyyəsinə qarşı qərarın ləğv edilməsi tələbinə dair inzibati işə açıq məhkəmə iclasında baxaraq, Müəyyən etdi: İddiaçı cavabdeh Kürdəmir rayonu Pirili Bələdiyyəsinə qarşı iddia ərizəsi ilə məhkəməyə müraciət edərək, Kürdəmir rayonu Pirili Bələdiyyəsi ilə onun arasında bağlanmış xx.xx.2008-ci il tarixli Torpaq icarə müqaviləsinin ləğv edilməsinə dair Pirili Bələdiyyəsinin 30 noyabr 2020-ci il tarixli, 13 saylı ümumi iclasının qərarının ləğv edilməsi barədə qərar çıxarılmasını xahiş etmişdir. Şirvan İnzibati Məhkəməsinin (hakim F.Abbasov) 12 mart 2024-cü il tarixli, 2- 1(120)37/2024 nömrəli qərarı ilə iddianın təmin edilməsi, Kürdəmir rayonu Pirili bələdiyyəsinin 30 noyabr 2020-ci il tarixli, 13 saylı qərarının ləğv edilməsi, ekspertiza tədqiqatının dəyəri olan 50 (əlli) manat pul vəsaitinin İddiaçı alınaraq Azərbaycan Respublikası Ədliyyə Nazirliyi Məhkəmə Ekspertizası Mərkəzinin (büdcə təsnifatının kodu: 142595, büdcə səviyyəsinin kodu: 3, ********** X1, KOD 210005, VÖEN **********1, Müxbir hesab AZ 41 NABZ********************, SWİFT BİK CTREAZ 22) hesabına köçürülməsi qərara alınmışdır. Qərardan cavabdeh tərəfindən apellyasiya şikayəti verilmişdir. Cavabdeh Kürdəmir rayonu Pirili Bələdiyyəsi 18 dekabr 2024-cü il tarixli ərizə ilə məhkəmə kollegiyasına müraciət edərək, apellyasiya şikayətindən imtina etdiyini bildirmişdir. Azərbaycan Respublikası İPM-nin 1.1-ci maddəsinə əsasən Bu Məcəllə inzibati hüquq münasibətləri ilə bağlı mübahisələrin (bundan sonra - inzibati mübahisələr) məhkəmə aidiyyətini, həmin mübahisələrə məhkəmədə baxılmasının və həll edilməsinin prosessual prinsiplərini və qaydalarını müəyyən edir. Həmin Məcəllənin 1.2-ci maddəsinə əsasən Bu Məcəllə ilə başqa qayda müəyyən edilmədiyi və bu Məcəllə ilə nəzərdə tutulmuş prosessual prinsiplərə zidd olmadığı hallarda, inzibati mübahisələrə dair işlər üzrə məhkəmə icraatında (bundan sonra - inzibati məhkəmə icraatı) Azərbaycan Respublikasının Mülki Prosessual Məcəlləsinin müddəaları tətbiq oluna bilər. Məhkəmə kollegiyası iş materiallarını araşdıraraq hesab edir ki, Azərbaycan Respublikasının MPM-nin 191-ci maddəsində nəzərdə tutulan hallar və digər tərəfin apellyasiya şikayəti olmadığından cavabdeh Kürdəmir rayonu, Pirili Bələdiyyəsinin apellyasiya şikayətindən imtinaya dair ərizəsi təmin olunaraq ona münasibətdə apellyasiya icraatına xitam verilməli və tərəflərə izah olunmalıdır ki, işdə iştirak edən şəxsin apellyasiya şikayətindən imtina etməsi birinci instansiya məhkəməsi qərarının tanınmasına səbəb olur. Azərbaycan Respublikasının MPM-nin 369.1-ci maddəsinə əsasən işdə iştirak edən şəxsin apellyasiya şikayətindən imtina etməsi birinci instansiya məhkəməsi qətnaməsinin tanınmasına səbəb olur. -369.2-ci maddəsinə əsssən apellyasiya şikayəti verən şəxs apellyasiya instansiyası məhkəməsində qətnamə qəbul edilənə kimi yazılı formada ondan imtina edə bilər. -369.3-cü maddəsinə əsasən məhkəmə bu Məcəllənin 191-ci maddəsində nəzərdə tutulan əsaslar olduqda şikayətdən imtinanı rədd edə və işə apellyasiya qaydasında baxa bilər. -369.4-ci maddəsinə əsasən şikayətdən imtinanın qəbul edilməsi haqqında məhkəmə qərardad qəbul edir və bu qərardadla apellyasiya şikayətindən imtina etmiş şəxslərə münasibətdə apellyasiya icraatına xitam verir. Qeyd olunanlara əsasən, Azərbaycan Respublikasının İPM-nin 1-ci və Azərbaycan Respublikasının Mülki Prosessual Məcəlləsinin 191, 263-264, 268, 369-cu maddələrinin tələblərini rəhbər tutaraq məhkəmə kollegiyası, Qərara aldı : Cavabdeh Şirvan İnzibati Məhkəməsinin 12 mart 2024-cü il tarixli, 2-1(120)-37/2024 nömrəli qərarından verdiyi apellyasiya şikayətindən imtinası qəbul edilsin və hazırki inzibati iş üzrə apellyasiya icraatına xitam verilsin. Qərardaddan təqdim olunduğu gündən 10 (on) gün müddətində Şirvan Apelyasiya Məhkəməsi vasitəsi ilə Azərbaycan Respublikası Ali Məhkəməsinə kasasiya şikayəti verilə bilər.