Şəki Apellyasiya Məhkəməsi Qərardad — İş №2-1(107)-97/2023

Azərbaycan Respublikası adından QƏRARDAD Şəki şəhəri İş № 2-1(107)-97/2023 05.01.2023 ŞƏKİ APELLYASİYA MƏHKƏMƏSİ Hakimlər Rəfiyev Rövşən Rafiq oğlu (sədrlik еdən və məruzəçi), Məlikov Vəzirxan İsgəndər oğlu və Cavadova Günay İsmayıl qızından ibarət tərkibdə, Atababayev Faiq Gülağa oğlunun katibliyi ilə, Şəki İnzibati Məhkəməsinin 27 oktyabr 2020-ci il tarixli 2-1(116)-1325/2020 nömrəli qərarından üçüncü şəxs X3 nümayəndəsi və vəkili Vəkil tərəfindən vеrilmiş аpеllyаsiyа şikаyətinin mümkünlüyü məsələsinə аçıq məhkəmə iclаsındа baxaraq müəyyən etdi: Şəki İnzibati Məhkəməsinin (hakim İlqar Cabbarov) 27 oktyabr 2020-ci il tarixli 2- 1(116)-1325/2020 nömrəli qərarı ilə İddiaçı cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsinə qarşı (üçüncü şəxslər Qəbələ Rayonu Hacıalılı kənd Bələdiyyəsi, X5) “Daşınmaz əmlakın dövlət reyestri xidməti tərəfindən mərhum X2 adına tərtib edilmiş xx.xx.2017-ci il tarixli RX seriyalı ******* nömrəli çıxarışın ləğv edilməsi öhdəliyinin cavabdehin üzərinə qoyulması” tələbinə dair iddiası təmin edilmişdir. Həmin qərardan üçüncü şəxs X3 nümayəndəsi və vəkili Vəkil tərəfindən аpеllyаsiyа şikаyəti verilmişdir. Müəyyən edilmişdir ki, аpellyаsiyа şikаyəti qаnunlа nəzərdə tutulmuş müddət burаxılmаqlа verilmişdir. Apellyasiya şikayətinin mümkünlüyü ilə bağlı 5 yanvar 2023-cü il tarixə məhkəmə iclası təyin edilmiş, üçüncü şəxs X4, nümayəndəsi və vəkili Vəkil bu barədə rəsmi məlumat verilmiş və eyni zamanda apellyasiya şikayətinin verilməsi ilə bağlı ötürülmüş prosessual müddətin üzrlü səbəbdən olması barədə sübutları həmin vaxta kimi məhkəmə kollegiyasına təqdim etmələri təklif edilmişdir. Məhkəmə kollegiyasının iclasının keçirilməsinin vaxtı və yeri barədə lazımi qaydada məlumat verilməsinə baxmayaraq üçüncü şəxs X5, nümayəndəsi və vəkili Vəkil məhkəmə iclasına gəlməmiş, üçüncü şəxsin vəkili ərizə göndərərək, məhkəmə iclasının növbəti tarixə təxirə salınmasını xahiş etmişdir. Məhkəmə kollegiyası üçüncü şəxsin vəkili tərəfindən iclasda iştirak edə bilməməsinin üzrlü səbəbdən olması ilə bağlı sübut təqdim edilmədiyindən onların iştirakı olmadan işə baxılmasını mümkün hesab etmişdir (Azərbаycаn Respublikаsının İnzibati Prosessuаl Məcəlləsinin (bundan sonra Azərbаycаn Respublikаsının İPM və ya İPM) 62.3-cü mаddəsi) Məhkəmə kollegiyası iş materiallarını tədqiq edərək hesab edir ki, aşağıdakı əsaslara görə üçüncü şəxs X3 nümayəndəsi və vəkili Vəkil apellyasiya şikayəti mümkün sayılmamalıdır. Belə ki, Azərbаycаn Respublikаsının İnzibati Prosessuаl Məcəlləsinin: - 81.2-ci maddəsinə əsasən, inzibati məhkəmə icraatının iştirakçıları (tərəflər və məhkəmə icraatına cəlb olunmuş üçüncü şəxslər) yalnız onların tələblərinin təmin olunmadığı hallarda şikayət vermək hüququna malikdirlər. - 85.1-ci maddəsinə əsasən, şikayət məhkəmə qərarının tam formada təqdim olunduğu gündən 30 gün, məhkəmə qərardadının isə elan olunduğu gündən 10 gün müddətində inzibati məhkəmə vasitəsilə verilir. İş materiallarından görünür ki, Şəki İnzibati Məhkəməsi tərəfindən xx.xx.2020-ci il tarixdə qərar qəbul edilmiş, qərarın surəti xx.xx.2020-ci il tarixdə üçüncü şəxs X3 ünvanına göndərilmiş, üçüncü şəxs tərəfindən qərarın surəti xx.xx.2020-ci il tarixdə poçt göndərişi barədə xəbərnaməyə imza edilərək qəbul edilmişdir. Göründüyü kimi, üçüncü şəxs X1 İnzibati Məhkəməsinin 27 oktyabr 2020-ci il tarixli 2-1(116)-1325/2020 nömrəli qərarını xx.xx.2020-ci il tarixdə aldıqdan sonra apellyasiya şikayətini verməmiş, bununla da Şəki İnzibati Məhkəməsinin 27 oktyabr 2020-ci il tarixli 2- 1(116)-1325/2020 nömrəli qərarından şikayət verilməsi üçün qanunvericiliklə müəyyən edilmiş müddəti ötürmüşdür. Azərbаycаn Respublikаsının İnzibati Prosessuаl Məcəlləsinin: -87.2-ci maddəsinə əsasən, apellyasiya instansiyası məhkəməsi apellyasiyanın mümkünlüyü əsaslarını yoxlayır. -87.3-cü maddəsinə əsasən, apellyasiya mümkün sayılmadıqda apellyasiya instansiyası məhkəməsi şikayəti qəbul etməkdən imtina edir. -87.4-cü maddəsinə görə, apellyasiyanın mümkünlüyü ilə bağlı məhkəmə qərardad çıxarır. Apellyasiyanın mümkün sayılmaması barədə qərardad qəbul edilməmişdən əvvəl proses iştirakçılarının dinlənilmə hüququ təmin edilməlidir. Beləliklə, məhkəmə kollegiyası hesab edir ki, Şəki İnzibati Məhkəməsinin 27 oktyabr 2020-ci il tarixli 2-1(116)-1325/2020 nömrəli qərarından üçüncü şəxs X3 nümayəndəsi və vəkili Vəkil tərəfindən verilmiş apellyasiya şikayəti mümkün sayılmamalıdır. Eyni zamanda məhkəmə kollegiyası üçüncü şəxsə və vəkilinə izah edir ki, Şəki İnzibati Məhkəməsinin 27 oktyabr 2020-ci il tarixli 2-1(116)-1325/2020 nömrəli qərarından apellyasiya şikayəti verilməsi üçün buraxılmış prosessual müddətin bərpası barədə ərizə verə bilər. Yuxarıda göstərilənlərə əsasən məhkəmə kollegiyası qərara aldı: Üçüncü şəxs X3 nümayəndəsi və vəkili Vəkil Şəki İnzibati Məhkəməsinin 27 oktyabr 2020-ci il tarixli 2-1(116)-1325/2020 nömrəli qərarından verdiyi apellyasiya şikayəti mümkün sayılmasın və şikayətin icraata qəbulundan imtina edilsin. Qərаrdаddаn rəsmi qаydаdа verildiyi gündən 10 (on) gün müddətində Azərbaycan Respublikası Şəki Apellyasiya Məhkəməsinin İnzibati Kollegiyаsı vasitəsi ilə Azərbaycan Respublikası Ali Məhkəməsinə kassasiya şikayəti verə bilər.