Bakı İnzibati Məhkəməsi Qərardad — İş №2-1(112)-10149/2023

Azərbaycan Respublikası adından QƏRARDAD Bakı şəhəri İş № 2-1(112)-10149/2023 05.12.2023 BAKİ İNZİBATİ MƏHKƏMƏSİ Hakim Abdullayeva Aygün Abdulla qızının sədrliyi, Məhkəmə iclas katibi X1 Ağa qızının katibliyi ilə, İddiaçılar İddiaçı1, İddiaçı3, İddiaçı2, İddiaçı4 cavabdeh Bakı şəhər Qaradağ rayon Polis İdarəsinə qarşı yaşayış yeri üzrə qeydiyyata alınma barədə iddia tələbinə dair inzibati işə şifahi məhkəmə baxışı icraatı çərçivəsində məhkəmənin binasında (Bakı şəhəri, N.Vəzirov küçəsi-56) açıq məhkəmə iclasında baxaraq, MÜƏYYƏN ETDİ: İddiaçı1, İddiaçı3, İddiaçı2, İddiaçı4 cavabdeh Bakı şəhər Qaradağ rayon Polis İdarəsinə qarşı yaşayış yeri üzrə qeydiyyata alınma barədə iddia tələbinə dair iddia ərizəsi ilə məhkəməyə müraciət etmişdir. Tərəflərə məhkəmə iclasının vaxtı və yeri barədə lazımi qaydada məlumat verilməsinə baxmayaraq, tərəflər məhkəmə iclasına gəlməmiş, iddiaçılar məhkəmə iclasına gəlməmələrinin səbəbi barədə hər hansı bir məlumat verməmişlər, cavabdeh məhkəməyə ərizə ünvanlayaraq işə onların iştirakları olmadan baxılmasını xahiş etmişdir. Məhkəmə tərəflərin iştirakları olmadan, şifahi məhkəmə baxışı icraatı çərçivəsində məhkəmə iclasının keçirilməsini mümkün hesab etmişdir. Məhkəmə iddia ərizəsini və iş materiallarını araşdıraraq hesab edir ki, iddiaçılar İddiaçı1, İddiaçı3, İddiaçı2 və İddiaçı4 iddia tələbi geri götürülmüş sayılmalıdır. Belə ki, İddiaçı1, İddiaçı3, İddiaçı2 və İddiaçı4 məhkəmə iclasının vaxtı və yeri barəsində lazımi qaydada (poçt rabitəsi vasitəsilə və elektron məhkəmə sistemi vasitəsi ilə göndərilmiş “SMS” bildirişlərə əsasən) məlumatlandırılmalarına baxmayaraq, məhkəmə iclaslarında iştirak etməmişlət, iştirak etməmələrinin səbəbi barəsində isə məhkəməyə hər hansı bir məlumat verməmişlər. Belə olan halda məhkəmə hesab edir ki, məhkəmə icraatından ardıcıl olaraq 30 gündən çox müddət ərzində yayındığından, iddiaçılar İddiaçı1, İddiaçı3, İddiaçı2 və İddiaçı4 iddiası geri götürülmüş sayılmalıdır. Azərbaycan Respublikası İPM-nin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Qeyd olunanlara və Azərbaycan Respublikası İPM-nin 55.3-cü maddəsinə əsasən əsasən, məhkəmə QƏRARA ALDİ: İddiaçılar İddiaçı1, İddiaçı3, İddiaçı2 və İddiaçı4 iddia tələbi geri götürülmüş sayılsın. Qərardaddan onun təqdim olunduğu vaxtdan 10 (on) gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına şikayət verilə bilər. Hakim Aygün Abdullayeva