Bakı İnzibati Məhkəməsi Qərardad — İş №2-1(112)-14323/2025

Azərbaycan Respublikası adından QƏRARDAD Bakı şəhəri İş № 2-1(112)-14323/2025 29.09.2025 BAKİ İNZİBATİ MƏHKƏMƏSİ Bakı İnzibati Məhkəməsi, hakim Tanrıverdiyeva Günel Cəbrayıl qızının sədrliyi, İddiaçı iştirakı ilə, İddiaçı cavabdehlər Azərbaycan Respublı̇ kası Elm və Təhsı̇ l Nazı̇ rlı̇ yi, Azərbaycan Respublı̇ kasının Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentlı̇ yinə, Azərbaycan Respublı̇ kası Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentlı̇ yı̇ nin Şəkı̇ - Zaqatala Regı̇ onal Təhsı̇ l İ̇darəsinə qarşı təkrar sertifikatlaşdırmanın nəticəsinin ləğv edilməsi və s. tələbinə dair iddiası üzrə iş materiallarına məhkəmənin binasında (Bakı şəhəri, Nəsimi rayonu, N.Vəzirov küçəsi, 56) baxaraq, MÜƏYYƏN ETDİ: İddiaçı cavabdehlər Azərbaycan Respublı̇ kası Elm və Təhsı̇ l Nazı̇ rlı̇ yi, Azərbaycan Respublı̇ kasının Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentlı̇ yinə, Azərbaycan Respublı̇ kası Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentlı̇ yı̇ nin Şəkı̇ - Zaqatala Regı̇ onal Təhsı̇ l İ̇darəsinə qarşı iddia ərizəsi ilə Bakı İnzibati Məhkəməsinə müraciət edərək, cavabdehlər tərəfindən təşkil edilmiş 20 iyun 2025-ci ildə keçirilmiş təkrar sertifikatlaşdırmanın nəticəsinin ləğv edilməsinin cavabdehlərin üzərinə qoyulmasına, Azərbaycan Respublikası Elm və Təhsil Nazirliyi yanında Məktəbəqədər və Ümumi Təhsil Üzrə Dövlət Agentliyinin 25 iyun 2025-ci il tarixli 3-29-69/3-2-29F/2025 nömrəli əmrinin iddiaçı barəsində ləğv edilməsi və ona təhsilverənlər üçün nəzərdə tutulmuş sertifikat verilməsinə dair yeni əmr verilməsinin cavabdehlərin üzərinə qoyulmasına; 30 iyun 2025-ci il tarixli 97 saylı əmək müqaviləsinə xitam verilməsinə dair əmrin ləğv edilərək işlədiyi orta məktəbdə vəzifəsinə işə bərpa edilməsi və işə bərpa olunduğu günədək məcburi iş buraxma müddəti üçün aylıq əmək haqqının ödənilməsi öhdəliyinin cavabdehlərin üzərinə qoyumasına dair qərar qəbul edilməsini xahiş etmişdir. Azərbaycan Respublikası İnzibati Prosessual Məcəlləsinin (bundan sonra mətndə - İPM) 45.4-cü maddəsinə görə iddia ərizəsi məhkəməyə daxil olduğu gündən icraata qəbul edilmiş sayılır. İddia ərizəsi məhkəmənin icraatına daxil olduqdan sonra İPM-in 49-cu maddəsinə müvafiq olaraq işin hazırlıq icraatına başlanılmış və iş üzrə aidiyyət məsələsinə baxılması üçün məhkəmə iclası xx.xx.2025-ci il tarixə təyin edilərək bu barədə tərəflərə məhkəmə bildirişi göndərilmişdir. Məhkəmə iclasında iştirak edən iddiaçı işin ərazi aidiyyəti üzrə göndərilməsinə etiraz etmədiyini bildirmişdir. Məhkəmə iclasının vaxtı və yeri barədə qanunla müəyyən edilmiş qaydada xəbərdar edilməsinə baxmayaraq cavabdehlərin nümayəndələri hər hansı üzrlü səbəb bildirmədən məhkəmə iclasında iştirak etməmişdirlər. Məhkəmə işə cavabdehlərin nümayəndələrinin iştirakı olmadan baxılmasını mümkün hesab etmişdir. Belə ki, iş üzrə tərəflərə təqdim edilmiş məhkəmə bildirişində tərəflərə iclasa gəlmədiyi halda işə baxılmasının və iş üzrə qərar qəbul edilməsinin mümkünlüyü barədə xəbərdarlıq olunmuşdur. (Azərbaycan Respublikası İnzibati Prosessual Məcəlləsinin 62.3-cü maddəsi). Məhkəmə tərəfin izahatını dinləyib iş materiallarını araşdıraraq hesab edir ki, inzibati iş ərazi aidiyyəti üzrə Şəki İnzibati Məhkəməsinə göndərilməlidir. Belə ki, iddia tələbindən görünür ki, iddiaçı cavabdehlər tərəfindən təşkil edilmiş 20 iyun 2025-ci ildə keçirilmiş təkrar sertifikatlaşdırmanın nəticəsinin ləğv edilməsinin cavabdehlərin üzərinə qoyulması, Azərbaycan Respublikası Elm və Təhsil Nazirliyi yanında Məktəbəqədər və Ümumi Təhsil Üzrə Dövlət Agentliyinin 25 iyun 2025-ci il tarixli 3-29-69/3-2-29F/2025 nömrəli əmrinin iddiaçı barəsində ləğv edilməsi və ona təhsilverənlər üçün nəzərdə tutulmuş sertifikat verilməsinə dair yeni əmr verilməsinin cavabdehlərin üzərinə qoyulması; 30 iyun 2025-ci il tarixli 97 saylı əmək müqaviləsinə xitam verilməsinə dair əmrin ləğv edilərək işlədiyi orta məktəbdə vəzifəsinə işə bərpa edilməsi və işə bərpa olunduğu günədək məcburi iş buraxma müddəti üçün aylıq əmək haqqının ödənilməsini tələb edir və həmin tələblər cavabdeh Azərbaycan Respublı̇ kası Elm və Təhsı̇ l Nazı̇ rlı̇ yinə və Nazı̇ rlı̇ yin yanında Məktəbəqədər və Ümumı̇ təhsı̇ l üzrə Dövlət Agentliyinə qarşı yönəldilmişdir. Məhkəmə qeyd edir ki, hazırkı iddia mübahisələndirmə iddia növünə aid olduğundan və cavabdehlər Azərbaycan Respublı̇ kası Elm və Təhsı̇ l Nazı̇ rlı̇ yinin, həmçinin Azərbaycan Respublı̇ kasının Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentliyinin səlahiyyəti birdən çox məhkəmənin yurisdiksiyasına aid olan ərazini əhatə etdiyindən, həmin tələbə İnzibati Prosessual Məcəllənin 8.1.2-ci maddəsinə uyğun olaraq iddiaçının yaşayış yerinin məhkəməsi tərəfindən baxılmalıdır. Belə ki, İnzibati Prosessual Məcəllənin 8.1.2-ci maddəsinə əsasən mübahisələndirmə haqqında iddialara mübahisə edilən inzibati aktı qəbul etmiş inzibati orqanın yerləşdiyi yerin məhkəməsi tərəfindən baxılır. İnzibati akt səlahiyyəti birdən çox məhkəmənin yurisdiksiyasına aid olan ərazini əhatə edən inzibati orqan tərəfindən qəbul edildiyi hallarda, belə inzibati aktlara qarşı iddialara hüquqlarına (qanunla qorunan maraqlarına) müdaxilə edilən şəxsin yaşayış yerinin və ya olduğu yerin məhkəməsi tərəfindən baxılır. Azərbaycan Respublikasının xaricdə yerləşən diplomatik nümayəndəlikləri və konsulluqlarının səlahiyyətinə aid olan ərazilərdə Azərbaycan Respublikasına qarşı iddialara müvafiq icra hakimiyyəti orqanının yerləşdiyi yerin məhkəməsi tərəfindən baxılır. Bu Məcəllənin 8.1.2-ci maddəsi ilə müəyyən edilmiş aidiyyət qaydaları məcburetmə və öhdəliyin icrası haqqında iddialara da şamil olunur. Həmin Məcəllənin 32.1-ci maddəsinə əsasən mübahisələndirmə haqqında iddia vasitəsi ilə iddiaçı inzibati aktın ləğv olunmasını və ya dəyişdirilməsini məhkəmədən tələb edə bilər. Mübahisələndirmə haqqında iddia mübahisə edilən inzibati aktın icra olunması nəticəsində meydana gəlmiş nəticələrin aradan qaldırılması tələbini özündə əks etdirən əlavə ərizə ilə birlikdə də qaldırıla bilər. “Yaşayış yeri və olduğu yer üzrə qeydiyyat haqqında” Qanunun 2-ci maddəsinə əsasən şəxsin yaşayış yeri - tam həcmdə fəaliyyət qabiliyyətli şəxsin mülkiyyətçi kimi icarə və kirayə müqaviləsi üzrə, yaxud Azərbaycan Respublikasının qanunvericiliyi ilə nəzərdə tutulmuş digər əsaslarla daimi və ya daha çox yaşadığı ev, mənzil, xidməti yaşayış sahəsi, yataqxana, ahıllar və əlilliyi olan şəxslər üçün sosial xidmət müəssisələri, xüsusi təhsil müəssisələri və digər bu kimi yaşayış yerləri başa düşülür. Həmin Qanunun 3-cü maddəsinin 1-ci bəndinə əsasən yaşayış yeri Azərbaycan Respublikası vətəndaşı barədə - yalnız Azərbaycan Respublikası vətəndaşının şəxsiyyət vəsiqəsi ilə müəyyən edilir. Məhkəmə hesab edir ki, hazırkı iş üzrə məhkəmənin ərazi aidiyyəti məsələsi iddiaçının yaşayış yeri ünvanı üzrə müəyyən edilməlidir. AZEMİS Elektron məhkəmə sistemi vasitəsilə əldə edilmiş şəxsiyyət vəsiqəsi məlumatlarından görünür ki, İddiaçı yaşayış yeri üzrə Zaqatala rayonu, Maqov Ə/D, Yolayrıc kəndində qeydiyyatdadır. Məhkəmə onu da qeyd edir ki, cavabdeh qismində həmçinin Azərbaycan Respublı̇ kası Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentlı̇ yı̇ nin Şəkı̇ - Zaqatala Regı̇ onal Təhsı̇ l İ̇darəsi göstərilsə də, həmin İdarənin səlahiyyəti də Şəki İnzibati Məhkəməsinin ərazi yurisdiksiyasına aiddir. “Məhkəmələr və hakimlər haqqında” Qanunun 43-cü maddəsinə əsasən inzibati məhkəmə Azərbaycan Respublikasının inzibati ərazi vahidləri üzrə təşkil edilir. İnzibati məhkəmənin təşkili və olduğu yer Məhkəmə-Hüquq Şurasının təklifi nəzərə alınmaqla, Azərbaycan Respublikası Konstitusiyasının 109-cu maddəsinin 32-ci bəndinə uyğun olaraq müəyyən olunur, ərazi yurisdiksiyası isə Məhkəmə-Hüquq Şurası tərəfindən müəyyən olunur. Məhkəmə Hüquq Şurasının 14 noyabr 2019-cu il tarixli 4 nömrəli qərarı ilə “Azərbaycan Respublikası apelyasiya, ağır cinayətlər, hərbi və inzibati məhkəmələrin ərazi yurisdiksiyası” təsdiq edilmişdir ki, həmin qərara görə Zaqatala rayonu Şəki İnzibati Məhkəməsinin ərazi yurisdiksiyasına aiddir. Beləliklə, məhkəmə hesab edir ki, iddiaçının yaşayış yeri Zaqatala rayonu olduğundan, hazırkı iddia mübahisələndirmə iddia növünə aid olmaqla cavabdehlərin səlahiyyəti birdən çox məhkəmənin yurisdiksiyasına aid olan ərazini əhatə etdiyindən, hazırkı işə ərazi aidiyyəti üzrə Şəki İnzibati Məhkəməsində baxılmalıdır. İPM-in Məcəllənin 8.5-ci maddəsinə əsasən, bu Məcəllənin 8.2 – 8.4-cü maddəsində nəzərdə tutulmuş hallarda məhkəmə əsaslandırılmış qərardad qəbul edir. Məhkəmənin aidiyyətlə bağlı qərardadından həmin qərardadın təqdim olunduğu vaxtdan 10 gün müddətində yuxarı məhkəməyə şikayət verilə bilər. Göstərilənləri rəhbər tutaraq, məhkəmə QƏRARA ALDİ: İddiaçı cavabdehlər Azərbaycan Respublı̇ kası Elm və Təhsı̇ l Nazı̇ rlı̇ yi, Azərbaycan Respublı̇ kasının Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentlı̇ yinə, Azərbaycan Respublı̇ kası Elm və Təhsı̇ l Nazı̇ rlı̇ yi yanında Məktəbəqədər və Ümumı̇ təhsı̇ l üzrə Dövlət Agentlı̇ yı̇ nin Şəkı̇ - Zaqatala Regı̇ onal Təhsı̇ l İ̇darəsinə qarşı təkrar sertifikatlaşdırmanın nəticəsinin ləğv edilməsi və s. tələbinə dair 2- 1(112)-14323/2025 nömrəli inzibati iş baxılması üçün aidiyyəti üzrə Şəki İnzibati Məhkəməsinə göndərilsin. Qərardaddan təqdim olunduğu vaxtdan 10 gün müddətində Bakı İnzibati Məhkəməsi vasitəsilə Bakı Apellyasiya Məhkəməsinə (Bakı şəhəri, Z.Xəlilov küçəsi, 540-cı məhəllə) şikayət verilə bilər. Hakim Günel Tanrıverdiyeva