Bakı İnzibati Məhkəməsi Qərardad — İş №2-1(112)-1713/2025

Azərbaycan Respublikası adından QƏRARDAD Bakı şəhəri İş № 2-1(112)-1713/2025 28.01.2025 BAKİ İNZİBATİ MƏHKƏMƏSİ Hakim Abıyev Nəriman İbrahim oğlunun sədrliyi, İddiaçı (bundan sonra mətndə İddiaçı MMC) cavabdeh Azərbaycan Respublikası Fövqəladə Hallar Nazirliyi X1 Xidmətinə (bundan sonra mətndə X1 Xidməti) qarşı “avtodayanacağa dair yanğın təhlükəsizliyinə cavab verməsi barədə aktın verilməsi tələbi barədə inzibati mübahisəyə dair işə məhkəmənin inzibati binasında (Bakı N.Vəzirov küç. 56) açıq məhkəmə iclasında baxaraq müəyyən etdi: İddiaçı MMC cavabdeh X1 Xidmətinə qarşı iddia ərizəsi ilə məhkəməyə müraciət edərək, cavabdeh X1 Xidmətinin imtinasının qanunsuz hesab edilməsi və iddiaçı tərəfindən Bakı şəhəri, Nizami rayonu, Məhsəti Gəncəvi küçəsi, 2538-ci məhəllədə inşa olunmuş 3 girişli yaşayış binalarına (1 və 3-cü girişlər-iki səviyyəli zirzəmili (avtodayanacaq), birinci mərtəbəsi qeyri-yaşayış olan 14 (+texniki) mərtəbəli, 2-ci giriş – iki səviyyəli zirzəmili (avtodayanacaq), birinci mərtəbəsi qeyri-yaşayış olan 15 (+texniki mərtəbəli)) və həyətyanı sahəni əhatə edən bir səviyyəli zirzəmili avlodayanacağa dair yanğın təhlükəsizliyinə cavab verməsi haqqında aktın verilməsi vəzifəsinin cavabdehə həvalə edilməsinə dair qərar çıxarılmasını xahiş etmişdir. Azərbaycan Respublikası İnzibati Prosessual Məcəlləsinin (bundan sonra – İPM) 45.4-cü maddəsinə görə iddia ərizəsi məhkəməyə daxil olduğu gündən icraata qəbul edilmiş sayılır. İddia ərizəsi məhkəməyə daxil olduqdan sonra İPM-in 49-cu maddəsinə uyğun olaraq işin hazırlıq icraatına başlanılmış, İPM-nin 47-ci maddəsinə uyğun olaraq, məhkəmənin xx.xx.2024-cü il tarixli sərəncamı ilə iddia ərizəsi və ona əlavə edilmiş sənədlərin surəti cavabdeh inzibati orqana təqdim edilmiş, cavabdehdən iddia ilə bağlı yazılı münasibət (etiraz) bildirilməsi tələb olunmuş, həmçinin, tərəflər işin halları, mübahisənin vəziyyəti ilə bağlı məsələlərin müzakirəsi üçün məhkəməyə dəvət olunmuşlar. Məhkəmənin xx.xx.2024-cü il tarixli, 2-1(112)-10833/2024 saylı qərardadı ilə iş üzrə məhkəmə texniki ekspertizası təyin edilmişdir. Cavabdeh inzibati orqan X1 Xidmətinin xx.xx.2024-cü il tarixli iddia tələbinə dair yazılı münasibəti məhkəməyə təqdim edilmişdir. İddiaçı nümayəndəsi və vəkili Vəkil xx.xx.2025-ci il tarixdə məhkəməyə ərizə ünvanlayaraq, iddia ərizəsi və ona əlavə olunmuş sənədlərin baxılmadan geri qaytarılmasını xahiş etmişdir. Məhkəmə iş materiallarını araşdıraraq hesab edir ki, ərizə təmin edilməklə inzibati iş üzrə icraata xitam verilməlidir. Məhkəmə hesab edir ki, iddiaçı öz hərəkəti ilə iradəsinə uyğun olaraq məhkəməyə iddianın geri götürülmüş sayılması barədə ərizə verdikdə o, iddia ərizəsinin məhkəmədə baxılmasını və iş üzrə qərarın qəbul edilməsini istəmir. Həmin səbəbdən də iddiaçının iradəsinə uyğun olaraq məhkəmə iddianın geri götürülmüş sayılması barədə qərardad qəbul etməlidir. İPM-nin 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Göstərilənlərə əsasən və İPM-nin 55.5, 80, 81.1, 85.1-cı maddələrinə əsasən məhkəmə qərara aldı: İddiaçı nümayəndəsi və vəkili Vəkil ərizəsi təmin edilsin. İddiaçı cavabdeh Azərbaycan Respublikası Fövqəladə Hallar Nazirliyi X1 Xidmətinə qarşı “avtodayanacağa dair yanğın təhlükəsizliyinə cavab verməsi barədə aktın verilməsi tələbinə dair iş üzrə icraata xitam verilsin. Qərardaddan təqdim olunduğu gündən 10 gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına (Bakı şəhəri, Zahid Xəlilov küçəsi 540-cı məhəllə) apellyasiya şikayəti verilə bilər. Hakim: Nəriman Abıyev