Bakı İnzibati Məhkəməsi Qərar — İş №2-1(112)-2111/2023

Azərbaycan Respublikası adından QƏRAR Bakı şəhəri İş № 2-1(112)-2111/2023 03.05.2023 BAKİ İNZİBATİ MƏHKƏMƏSİ İddiaçı cavabdeh Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinə qarşı X4 üçüncü şəxs qismində cəlb edilməklə “yeni ünvanın verilməsi” tələbinə dair iddiası üzrə GİRİŞ HİSSƏ Bakı İnzibati Məhkəməsi Hakim Ağalarov Həmid Azər oğlunun sədrliyi, məhkəmə iclasının katibi X7 qızının katibliyi, iddiaçının nümayəndəsi və vəkili Vəkil, cavabdehin nümayəndəsi X3 iştirakı ilə, İddiaçı cavabdeh Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinə qarşı, X4 üçüncü şəxs qismində cəlb edilməklə “yeni ünvanın verilməsi” tələbinə dair iddiası üzrə inzibati işə 03 may 2023-cü il tarixdə, məhkəmənin binasında (Bakı şəhəri, N.Vəzirov küçəsi 56), açıq məhkəmə iclasında şifahi məhkəmə baxışı qaydasında baxaraq aşağıdakı qərarı qəbul etdi. TƏSVİRİ HİSSƏ İşin halları: İddiaçı cavabdeh Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinə (bundan sonra mətndə - 1 saylı Bakı Ərazi İdarəsi) müraciət edərək, Bakı şəhəri, Suraxanı rayonu, Zığ qəsəbəsi, İdris Süleymanov küçəsi ünvanında yerləşən ümumi sahəsi 360,0 kv.m-dən ibarət olan 41 saylı fərdi yaşayış evinin məhkəmə qətnaməsinə əsasən onun istifadəsinə verilən hissəsinə yeni ünvan nömrəsi verilməsini xahiş etmiş, lakin cavabdeh fərdi yaşayış evinin texniki cəhətdən bölünməsinin mümkün olmamasına istinad edərək müraciəti təmin etməmişdir. İddiaçı cavabdeh 1 saylı Bakı Ərazi İdarəsinə qarşı iddia ərizəsi ilə məhkəməyə müraciət edərək, Bakı şəhəri, Suraxanı rayonu, Zığ qəsəbəsi, İdris Süleymanov küçəsi ünvanında yerləşən ünvan 1 yerləşən ümumi sahəsi 360,0 kvm-dən ibarət olan 41 saylı fərdi yaşayış evinin məhkəmə qətnaməsinə əsasən onun istifadəsinə verilən - yaşayış evinin sahəsi 89,1 kv.m., hündürlüyü 2,10 metr olan tikili, sahəsi 16,3 kvm, hündürlüyü 2,10 metr olan tikili, sahəsi 18,5 kvm,hündürlüyü 2,10 metr tikili, sahəsi 16,7 kvm. hündürlüyü 3 metr olan tikili, sahəsi 32,3 kvm. hündürlüyü 3 metr olan tikili, sahəsi 2,8 kvm. hündürlüyü 2,10 metr olan tikili, sahəsi 2 kvm.hündürlüyü 2,10 metr olan tikili, sahəsi 4,6 kvm.hündürlüyü 2,10 metr olan tikili-cəmi 242,4 kvm.olan hissəsinə yeni ünvan nömrəsi verilməsi vəzifəsinin cavabdehin üzərinə qoyulması barədə qərar qəbul edilməsini xahiş etmişdir. İddiaçıçının nümayəndəsi və vəkili xx.xx.2022-ci il tarixdə iddia tələbinin dəqiqləşdirilməsi barədə ərizə ilə məhkəməyə müraciət edərək, ünvan 2 ünvanda **********78-10301 daşınmaz əmlakın reyestr nömrəsi ilə qeydə alınan və ********** qeydiyyat nömrəsi ilə xx.xx.2022-ci il tarixdə daşınmaz əmlakın dövlət reyestrindən verilmiş çıxarışda göstərilən 0,02021 ha torpaq sahəsinin üstündə yerləşən ümumi sahəsi 178,9 kv.m tikilililərin (“A” tikilisindən 3 otaq-ümumi sahəsi 119,1 kv.m, yaşayış sahəsi 77,5 kv.m, köməkçi sahə 41,6 kv.m, “B” tikilisindən 2 otaq-ümumi sahəsi 59,8 kv.m, yaşayış sahəsi 34,8 kv.m, köməkçi sahə 25,0 kv.m olan tikililərinin) İddiaçı adına ayrıca reyestrdə qeyd alınması və yeni ünvan verilməsi öhdəliyinin cavabdehə həvalə edilməsi barədə qərar qəbul edilməsini xahiş etmişdir. Məhkəmənin xx.xx.2022-ci il tarixdə protokol qaydasında qəbul etdiyi qərardadla ərizə icraata qəbul edilmişdir. İddiaçının əsaslandırması: İddia tələbi onunla əsaslandırılmışdır ki, ünvan 2 ünvanda yerləşən ümumi sahəsi 360,0 kvm-dən ibarət olan fərdi yaşayış evi 1/2 hissə ilə iddiaçı ilə X1 paylı mülkiyyətində olmuşdur. İddiaçı cavabdeh X2 qarşı paylı mülkiyyətdə olan həmin evin naturada bölünməsi barədə iddia ərizəsi Bakı şəhəri Suraxanı Rayon Məhkəməsinin 2(010)- 489/2020 saylı, xx.xx.2020-ci il tarixli qətnaməsi ilə təmin edilmişdir. Məhkəmə qətnaməsi qanuni qüvvəsini alaraq, icra sənədi icra edilmişdir. İddiaçı məhkəmə qaydasında bölünən sahəyə yeni ünvan verilməsi ilə bağlı cavabdehə müraciət etmiş, cavabdeh ona aid hissəyə yeni ünvan verməkdən imtina etmişdir. Cavabdehin etirazı: Cavabdeh 1 saylı Bakı Ərazi İdarəsi iddiaya dair etirazla məhkəməyə müraciət edərək, qeyd etmişdir ki, bölgüsü nəzərdə tutulan fərdi yaşayış evi bir dam altında yerləşir. Sözügedən fərdi yaşayış evi vahid konstruktiv yükgötürən divarlara malik olmaqla vahid dam örtüyündən ibarətdir. Konstruktiv cəhətdən vahid olan bina iki əsas tikiliyə bölünə bilinmədiyindən yeni ünvan verilməsi mümkün olmamışdır. Sözügedən torpaq sahəsi və üzərində yerləşən fərdi yaşayış evi İddiaçı (ümumi sahəsi 178.9 kv.m, "A" tikilisindən 3 otaq (ü/s: 119.1 kv.m., y/s: 77.5 kv.m., k/s: 41.6 kv.m.), "B" tikilisi 2 otaq (ü/s: 59.8 kv.m., y/s: 34.8 kv.m., k/s: 25.0 kv.m.) və 0.02021 ha torpaq sahəsi) və X1 (ümumi sahəsi 181.1 kv.m. "A" tikilisindən 3 otaq (ü/s: 134.1 kv.m., y/s: 42.8 kv.m., k/s: 91.3 kv.m.), "C" tikilisi 1 otaq (ü/s: 47.0 kv.m., y/s: 23.5 kv.m., k/s: 23.5 kv.m.) və 0.02256 ha torpaq sahəsi) paylı mülkiyyətində olmaqla daşınmaz əmlakın dövlət reyestrində qeydiyyata alınmışdır. Lakin iddiaçı tərəfindən təqdim olunmuş Bakı şəhəri Suraxanı Rayon Məhkəməsinin 2(010)- 489/2020 saylı, xx.xx.2020-ci il tarixli qərardadının nəticə hissəsində İddiaçı aid olan hissə 242,4 kv.m kimi göstərilmişdir. Tərəflərin iştirakı və izahatları: Məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, üçüncü şəxs məhkəmə iclasına gəlməmiş və gəlməməsinin səbəbləri barədə məhkəməyə məlumat verməmişdir. Məhkəmə İPM-in 62.3-cü maddəsinə əsasən işə üçüncü şəxsin iştirakı olmadan baxılmasını mümkün hesab etmişdir. Məhkəmə iclasında iştirak edən iddiaçının nümayəndəsi və vəkili Vəkil iddia tələbini müdafiə edərək, iddia ərizəsinin dəlillərinə uyğun izahat vermiş və göstərilənlərin nəzərə alınaraq, iddianın təmin edilməsi barədə qərar qəbul edilməsini xahiş etmişdir. Məhkəmə iclasında iştirak edən cavabdehin nümayəndəsi iddia ərizəsinə etiraz edərək, etirazın dəlillərinə uyğun izahat verərək, iddianın təmin edilməməsi barədə qərar qəbul edilməsini xahiş etmişdir. ƏSASLANDİRMA HİSSƏSİ İddianın mümkünlüyü: Məhkəmə iddia tələbi ilə bağlı ilk növbədə qeyd edir ki, iddia ərizəsi onun mümkünlüyünü şərtləndirilən tələblərə cavab verməklə təqdim olunmuş və bu səbəbdən mümkün hesab edilir. Belə ki, irəli sürülmüş iddia öhdəliyin icrası haqqında iddia olmaqla inzibati məhkəmə icraatı qaydasında baxılmalıdır. İPM-in 2.2.3-cü maddəsinə əsasən, inzibati orqan tərəfindən inzibati aktın qəbul edilməsi ilə əlaqədar olmayan müəyyən hərəkətlərin edilməsinə dair iddialara (öhdəliyin icrası haqqında iddia) inzibati məhkəmə icraatı qaydasında baxılır. Həmin Məcəllənin 34.1-ci maddəsinə görə, öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. İddia ümumi mümkünlük şərtləri (iddianın lazımı qaydada qaldırılması, iddiaçının prosessual fəaliyyət qabiliyyətinə malik olması, iddianın ərazi və predmet aidiyyəti və s.) ilə yanaşı xüsusi mümkünlük şərtlərinə də cavab verir. Belə ki, iddiaçı iddia ərizəsində inzibati orqanın müəyyən hərəkətlərin edilməsindən imtina etməsi nəticəsində subyektiv hüquqlarının pozulduğunu irəli sürür. İddiaçı əvvəlcədən eyni məzmunlu tələblə inzibati orqana müraciət etmiş, sonuncu bundan imtina etdiyindən hazırkı məhkəmə mübahisəsi yaranmışdır. Faktiki hallar və sübutlar: İşin faktiki hallarından görünür ki, ünvan 4 ünvanında yerləşən fərdi yaşayış evi İddiaçı və X1 hər biri ½ hissə olmaqla paylı mülkiyyətində olmuşdur. İddiaçı cavabdeh X2 qarşı “daşınmaz əmlakın naturada bölünməsi” tələbinə dair iddia ərizəsi ilə Bakı şəhəri Suraxanı Rayon Məhkəməsinə müraciət edərək, cavabdeh X4 ilə paylı mülkiyyətində olan Bakı şəhəri Zığ qəsəbəsi, İdris Süleymanov küçəsində yerləşən ümumi sahəsi 360 kv.m olan evin naturada bölünməsi barədə qətnamə qəbul edilməsini xahiş etmişdir. Bakı şəhəri Suraxanı Rayon Məhkəməsinin xx.xx.2020-ci il tarixli 2(010)-489/2020 saylı qətnaməsinə əsasən iddiaçının iddiası təmin edilmiş, Bakı şəhəri, Suraxanı rayonu, Zığ qəsəbəsi, İdris Süleymanov küçəsində yerləşən 41 saylı evin paylı mülkiyyətçiləri İddiaçı və cavabdeh X4 arasında faktiki aparılmış bölgü əsassında aşağıdakı qaydada naturada bölünmüş: Yaşayış evinin sahəsi 89,1 m2 hündürlüyü 2,10 m olan tikili, sahəsi 16,3 m2 hündürlüyü 2,10 m olan tikili, sahəsi 18,5 m2 hündürlüyü 2,10 m olan tikili, sahəsi 16,7 m2 hündürlüyü 3 m olan tikili, sahəsi 32,3 m2 hündürlüyü 3 m olan tikili, sahəsi 8 m2 hündürlüyü 3 m olan tikili, sahəsi 28,2 m2 hündürlüyü 3 m olan tikili, sahəsi 2,8 m2 hündürlüyü 2,10 m olan tikili, sahəsi 2 m2 hündürlüyü 2,10 m olan tikili, sahəsi 4,6 m2 hündürlüyü 2,10 m olan tikili, sahəsi 15,6 m2 hündürlüyü 2,10 m olan tikili, sahəsi 8,3 m2 hündürlüyü 2,10 m olan tikili, cəmi 242,4 m2 İddiaçı istifadəsində, sahəsi 25,9 m2 hündürlüyü 2,10 m olan tikili, sahəsi 11,6 m2 hündürlüyü 2,10 m olan tikili, sahəsi 9,7 m2 hündürlüyü 2,10 m olan tikili, sahəsi 15 m2 hündürlüyü 2,10 m olan tikili, sahəsi 25 m2 hündürlüyü 2,10 m olan tikili, sahəsi 36,9 m2 hündürlüyü 3 m olan tikili, sahəsi 17,7 m2 hündürlüyü 3 m olan tikili, sahəsi 12,2 m2 hündürlüyü 3 m olan tikililər cavabdeh İddiaçı istifadəsinə qalmaqla tərəflər arasında naturada bölünmüşdür. Bakı şəhəri Suraxanı Rayon Məhkəməsinin xx.xx.2020-ci il tarixli 2(010)-489/2020 saylı qərardadına əsasən, Bakı şəhəri Suraxanı Rayon Məhkəməsinin 2(010)-489/2020 saylı xx.xx.2020-ci il tarixli qətnaməsinin nəticə hissəsində yol verilmiş yanlışlıq düzəldilərək, üçüncü abzas “Yaşayış evinin sahəsi 89,1 m2 hündürlüyü 2,10 m olan tikili, sahəsi 16,3 m2 hündürlüyü 2,10 m olan tikili, sahəsi 18,5 m2 hündürlüyü 2,10 m olan tikili, sahəsi 16,7 m2 hündürlüyü 3 m olan tikili, sahəsi 32,3 m2 hündürlüyü 3 m olan tikili, sahəsi 8 m2 hündürlüyü 3 m olan tikili, sahəsi 28,2 m2 hündürlüyü 3 m olan tikili, sahəsi 2,8 m2 hündürlüyü 2,10 m olan tikili, sahəsi 2 m2 hündürlüyü 2,10 m olan tikili, sahəsi 4,6 m2 hündürlüyü 2,10 m olan tikili, sahəsi 15,6 m2 hündürlüyü 2,10 m olan tikili, sahəsi 8,3 m2 hündürlüyü 2,10 m olan tikili, cəmi 242,4 m2 İddiaçı istifadəsində, sahəsi 25,9 m2 hündürlüyü 2,10 m olan tikili, sahəsi 11,6 m2 hündürlüyü 2,10 m olan tikili, sahəsi 9,7 m2 hündürlüyü 2,10 m olan tikili, sahəsi 15 m2 hündürlüyü 2,10 m olan tikili, sahəsi 25 m2 hündürlüyü 2,10 m olan tikili, sahəsi 36,9 m2 hündürlüyü 3 m olan tikili, sahəsi 17,7 m2 hündürlüyü 3 m olan tikili, sahəsi 12,2 m2 hündürlüyü 3 m olan tikililər cavabdeh İddiaçı istifadəsinə qalmaqla tərəflər arasında naturada bölünsün” sözləri “Yaşayış evinin sahəsi 89,1 m2 hündürlüyü 2.10 m olan tikili, sahəsi 16,3 m2 hündürlüyü 2.10 m olan tikili, sahəsi 18,5 m2 hündürlüyü 2.10 m olan tikili, sahəsi 16,7 m2 hündürlüyü 3 m olan tikili, sahəsi 32,3 m2 hündürlüyü 3 m olan tikili, sahəsi 8 m2 hündürlüyü 3 m olan tikili, sahəsi 28,2 m2 hündürlüyü 3 m olan tikili, sahəsi 2,8 m2 hündürlüyü 2,10 m olan tikili, sahəsi 2 m2 hündürlüyü 2,10 m olan tikili, sahəsi 4,6 m2 hündürlüyü 2,10 m olan tikili, sahəsi 15,6 m2 hündürlüyü 2,10 m olan tikili, sahəsi 8,3 m2 hündürlüyü 2,10 m olan tikili, cəmi 242,4 m2 İddiaçı istifadəsində, sahəsi 25,9 m2 hündürlüyü 2,10 m olan tikili, sahəsi 11,6 m2 hündürlüyü 2,10 m olan tikili, sahəsi 9,7 m2 hündürlüyü 2,10 m olan tikili, sahəsi 15 m2 hündürlüyü 2,10 m olan tikili, sahəsi 25 m2 hündürlüyü 2,10 m olan tikili, sahəsi 36,9 m2 hündürlüyü 3 m olan tikili, sahəsi 17,7 m2 hündürlüyü 3 m olan tikili, sahəsi 12,2 m2 hündürlüyü 3 m olan tikililər cavabdeh X1 istifadəsinə qalmaqla tərəflər arasında naturada bölünsün” sözləri ilə əvəz olunmuşdur. Məhkəmənin qətnaməsi qanuni qüvvəsini almış və icra edilərək icra sənədi üzrə icraata xitam verilmişdir. Daha sonra ünvan 4 ünvanında yerləşən fərdi yaşayış evinə dair daşınmaz əmlakın dövlət reyestrində aparılmış qeydiyyata əsasən, İddiaçı payı: ümumi sahəsi 178,9 kv.m, "A" tikilisindən 3 otaq (ü/s: 119,1 kv.m., y/s: 77,5 kv.m., k/s: 41,6 kv.m.), "B" tikilisi 2 otaq (ü/s: 59,8 kv.m., y/s: 34,8 kv.m., k/s: 25,0 kv.m.) və 0.02021 ha torpaq sahəsi); X1 payı: ümumi sahəsi 181,1 kv.m. "A" tikilisindən 3 otaq (ü/s: 134,1 kv.m., y/s: 42,8 kv.m., k/s: 91,3 kv.m.), "C" tikilisi 1 otaq (ü/s: 47,0 kv.m., y/s: 23,5 kv.m., k/s: 23,5 kv.m.) və 0.02256 ha torpaq sahəsi) olmaqla daşınmaz əmlakın dövlət reyestrində qeydiyyata alınmışdır. Hazırda iddiaçı onun payı kimi reyestrdə qeydə alınmış hissəyə yeni ünvan nömrəsi verilməsi vəzifəsinin cavabdehə həvalə edilməsini xahiş edir. Tətbiq edilən hüquq: Azərbaycan Respublikasının Konstitusiyası: Maddə 13. Mülkiyyət I.Azərbaycan Respublikasında mülkiyyət toxunulmazdır və dövlət tərəfindən müdafiə olunur. ... Maddə 29. Mülkiyyət hüququ İ. Hər kəsin mülkiyyət hüququ vardır. İİ. Mülkiyyətin heç bir növünə üstünlük verilmir. Mülkiyyət hüququ, o cümlədən xüsusi mülkiyyət hüququ qanunla qorunur. ... Azərbaycan Respublikasının Mülki Məcəlləsi: Maddə 220. Paylı mülkiyyətdə olan əşyanın bölünməsi və ondan payın ayrılması 220.1. Paylı mülkiyyətdə olan əşya mülkiyyətçiləri arasındakı razılaşmaya əsasən onlar arasında bölünə bilər. 220.2. Paylı mülkiyyətin mülkiyyətçisi öz payının ayrılmasını tələb edə bilər. 220.3. Paylı mülkiyyətin mülkiyyətçiləri ümumi əşyanın bölünməsi və ya ondan payın ayrılması üsulu və şərtləri haqqında razılığa gələ bilmədikdə paylı mülkiyyətin mülkiyyətçisi öz payının naturada ayrılmasını məhkəmə qaydasında tələb edə bilər. Əgər payın naturada ayrılmasına yol vermirsə və ya bu, ümumi mülkiyyətdə olan əşyaya tənasübsüz zərər vurmadan mümkün deyildirsə, ayrılan mülkiyyətçi öz payının dəyərinin paylı mülkiyyətin digər mülkiyyətçiləri tərəfindən ona ödənilməsi hüququna malikdir. 220.4. Bu maddəyə əsasən paylı mülkiyyətin mülkiyyətçisinə naturada ayrılan əşyanın onun mülkiyyət hüququndakı payına tənasübsüzlüyü müvafiq pul məbləğinin ödənilməsi və ya başqa kompensasiya ilə aradan qaldırılır. Paylı mülkiyyətin mülkiyyətçisinə naturada pay ayrılması əvəzinə qalan mülkiyyətçilər tərəfindən kompensasiya ödənilməsinə onun öz razılığı ilə yol verilir. Mülkiyyətçinin payı cüzi olduqda, real surətdə ayrıla bilmədikdə və ümumi əmlakdan istifadə edilməsində onun mühüm mənafeyi olmadıqda, məhkəmə həmin mülkiyyətçinin razılığı olmadan da paylı mülkiyyətin qalan iştirakçılarının öhdəsinə ona kompensasiya ödənilməsi vəzifəsini qoya bilər. 220.5. Mülkiyyətçi bu maddəyə uyğun kompensasiya aldığı andan ümumi əmlakdakı paya hüququnu itirir. 220.6. Bu Məcəllənin 220.3-220.5-ci maddələrində müəyyənləşdirilmiş qaydalara əsasən ümumi əmlakın bölünməsi və ya ondan pay ayrılması açıq-aşkar məqsədəuyğun olmadıqda, məhkəmə əmlakın açıq hərracdan satılması və satış pulunun ümumi mülkiyyətin mülkiyyətçiləri arasında onların paylarına mütənasib surətdə bölüşdürülməsi haqqında qərar qəbul edə bilər. “Daşınmaz əmlakın dövlət reyestri haqqında” Azərbaycan Respublikasının Qanunu: Maddə 2. Daşınmaz əmlaka hüquqların dövlət qeydiyyatı 2.1. Daşınmaz əmlaka mülkiyyət və digər əşya hüquqlarının dövlət qeydiyyatı (bundan sonra - hüquqların dövlət qeydiyyatı) Azərbaycan Respublikasının Mülki Məcəlləsinə uyğun olaraq daşınmaz əmlaka hüquqların əmələ gəlməsinin, məhdudlaşdırılmasının (yüklülüyünün) başqasına keçməsinin və bu hüquqlara xitam verilməsinin dövlət tərəfindən tanınması və təsdiq edilməsi barədə hüquqi aktdır. 2.2. Azərbaycan Respublikasının Mülki Məcəlləsi ilə və bu qanunla müəyyən edilmiş qaydada daşınmaz əmlak üzərində hüquqların qeydiyyatı daşınmaz əmlakın dövlət reyestrində (bundan sonra - dövlət reyestri) aparılır. 2.3. Daşınmaz əmlak üzərində qeydiyyata alınmış hüquq mübahisələndirilə bilər. 2.4. Hüquqların dövlət qeydiyyatı ilə bağlı mübahisələr məhkəmə qaydasında həll edilir. Maddə 3. Daşınmaz əmlaka hüquqların qeydiyyatı haqqında qanunvericilik 3.1. Daşınmaz əmlaka hüquqların qeydiyyatı haqqında qanunvericilik Azərbaycan Respublikasının Konstitusiyasından, Mülki Məcəlləsindən, bu qanundan və digər normativhüquqi aktlardan ibarətdir. ... 7.2. “Daşınmaz əmlak obyektlərinə Azərbaycan Respublikası Mülki Məcəlləsinə uyğun olaraq müvafiq icra hakimiyyəti orqanı tərəfindən müəyyən edilmiş qaydada xüsusi vasitələrdən istifadə edilmədən yerləşdiyi yerin müəyyən edilməsinə imkan verən ünvan verilir. Azərbaycan Respublikası Prezidentinin 2008-ci il 27 noyabr tarixli 27 nömrəli Fərmanı ilə təsdiq edilmiş “Azərbaycan Respublikasında ünvan reyestrinin aparılması və daşınmaz əmlak obyektlərinə ünvan verilməsi Qaydaları”: 1.4. Ünvan reyestri daşınmaz əmlakın vahid kadastrı ilə əlaqələndirilməklə, məkana görə daşınmaz əmlak obyektlərinin xüsusi vasitələrdən istifadə edilmədən yerləşdiyi yerin müəyyənləşdirilməsinə imkan verən və onların fərdiləşdirilməsini təmin edən məlumat bazasıdır. Ünvan reyestri ünvan istifadəçilərini ünvanla bağlı zəruri informasiya ilə təmin etmək məqsədi ilə tərtib edilir və aparılır. 1.5. Ünvan reyestrinin aparılması və ünvanların verilməsi Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidməti (bundan sonra – Dövlət Xidməti) tərəfindən həyata keçirilir. 3.2. Daşınmaz əmlak obyektinə ünvan aşağıdakı hallarda verilir və ya dəyişdirilir: ... 3.2.5. daşınmaz əmlak obyekti ayrı-ayrı hissələrə bölündükdə; ... 3.3. Daşınmaz əmlak obyektinə ünvan verilməsi üçün onun mülkiyyətçisi (sahibi, tikintisi başa çatmayan daşınmaz əmlak obyektlərinə münasibətdə həmçinin sifarişçisi) və ya qanunvericiliyə uyğun verilmiş etibarnamə əsasında onu təmsil edən şəxs ərizə ilə Dövlət Xidmətinə müraciət edir. 3.4. Ərizə daxil olduğu gündən 3 (üç) iş günü müddətində müvafiq məlumatlar ünvan reyestrinə daxil edilməklə daşınmaz əmlak obyektinə ünvan verilir və bu barədə ərizəçiyə və ya qanunvericiliyə uyğun verilmiş etibarnamə əsasında onu təmsil edən şəxsə təsdiqedici sənəd (arayış) təqdim edilir. 3.6. Daşınmaz əmlak obyektinə ünvanın verilməsi bu qaydaların 3.7-ci bəndində göstərilən rekvizitlərin həmin daşınmaz əmlak obyektinə təhkim və müvafiq məlumatların ünvan reyestrinə daxil edilməsi ilə həyata keçirilir. “İnzibati icraat haqqında” Azərbaycan Respublikasının Qanunu: 11.1. İnzibati orqanlar qanunun tələblərinə riayət etməyə borcludurlar; 11.2. İnzibati orqanlar yalnız qanunla nəzərdə tutulmuş hallarda və qaydada şəxsin hüquq və azadlıqlarına müdaxilə edə bilərlər; 15.1. Qanunla məcburi şərt kimi nəzərdə tutulmuş hallar istisna olmaqla, yalnız formal tələblərə əməl olunmasını təmin etmək məqsədilə inzibati orqanlar tərəfindən fiziki və hüquqi şəxslərin üzərinə bu və ya başqa öhdəliklərin qoyulması qadağandır; 16.1. Fiziki və ya hüquqi şəxsə münasibətdə hər hansı hüquq normasını tətbiq etməli olan inzibati orqan, maraqlı şəxsin vəsatətinə əsasən və ya xidməti vəzifəsindən irəli gələn hallarda öz təşəbbüsü ilə həmin normanı tətbiq etməyə borcludur. Azərbaycan Respublikasının İnzibati-Prosessual Məcəlləsi: 58.7. Sübutlar məhkəmə tərəfindən tam və hərtərəfli araşdırıldıqdan sonra qiymətləndirilir. 68.1. Məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. 68.2. Məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır Məhkəmənin mövqeyi: İlk növbədə qeyd edilməlidir ki, Paylı mülkiyyətdə olan əşyanın bölünməsi və ondan payın ayrılmasının qaydası yuxarıda da qeyd edildiyi kimi Azərbaycan Respublikası Mülki Məcəlləsinin 220-ci maddəsi ilə tənzimlənir. Həmin müddəalara əsasən, paylı mülkiyyətin mülkiyyətçiləri ümumi əşyanın bölünməsi və ya ondan payın ayrılması üsulu və şərtləri haqqında razılığa gələ bilmədikdə paylı mülkiyyətin mülkiyyətçisi öz payının naturada ayrılmasını məhkəmə qaydasında tələb edə bilər. Hazırkı iş üzrə iddiaçı yəni mübahisə predmeti daşınmaz əmlakın paylı mülkiyyətçisi öz payının naturada ayrılması ilə əlaqədar iddia ərizəsi ilə rayon məhkəməsinə müraciət etmiş və məhkəmənin qanuni qüvvəyə minmiş qətnaməsinə əsasən əmlak paylar konkret müəyyən edilməklə nautada bölünmüşdür. Həmin qətnamə icra edilmişdir. Lakin qətnamə əsasında sözügedən fərdi yaşayış evinə dair daşınmaz əmlakın dövlət reyestrində qeydiyyat aparılsa da, yenə də paylı mülkiyyət kimi saxlanılmışdır. Qanunvericiliyin yuxarıda qeyd edilən normalarından göründüyü kimi, daşınmaz əmlak obyektinin ayrı-ayrı hissələrə bölünməsi daşınmaz əmlak obyektinə ünvan verilməsinin əsaslarından biridir. Məhkəmə hesab edir ki, mübahisə predmeti daşınmaz əmlak obyekti ayrı-ayrı hissələrə bölündüyündən, iddiaçı ona aid hissəyə yeni ünvan verilməsini tələb etməkdə haqlıdır. Məhkəmə cavabdeh orqanın imtinasının dəlillərini iddianın təmin edilməməsinin əsası kimi qəbul etmir. Belə ki, cavabdehin fərdi yaşayış evinin vahid konstruktiv yükgötürən divarlara malik olmaqla vahid dam örtüyündən ibarət olması dəlillərinə münasibətdə məhkəmə qeyd edir ki, həmin məsələ işə baxan rayon məhkəməsinin predmeti olmuş və sözügedən fərdi yaşayış evinin naturada bölünməsinin mümkünlüyü nəticəsinə gəlinmişdir. Cavabdehin məhkəmə qətnaməsində iddiaçıya aid hissənin 242,4 kv.m kimi göstərilməsi dəlillərinə münasibətdə qeyd edilməlidir ki, iddiaçı hazırda yeni ünvan verilməsini tələb etdiyi hissə məhz daşınmaz əmlakın dövlət reyestrində qeydə alınmış olan ümumi sahəsi 178,9 kv.m olan hissədir. Belə olan halda, məhkəmə hesab edir ki, cavabdeh 1 saylı Bakı Ərazi İdarəsi imtinası qanunsuzdur və iddiaçının hüquqlarının pozulmasına səbəb olan hal qismində qiymətləndirilir. Beləliklə məhkəmə, toplanmış sübutlara məcmusu ilə qiymət verərək, hesab edir ki, iddia təmin edilməli, ünvan 4 ünvanında yerləşən **********78-10301 daşınmaz əmlakın reyestr nömrəsi ilə qeydə alınan və ********** qeydiyyat nömrəsi ilə xx.xx.2022-ci il tarixdə daşınmaz əmlakın dövlət reyestrindən verilmiş çıxarışda göstərilən 0,02021 ha torpaq sahəsinin üzərində yerləşən ümumi sahəsi 178,9 kv.m tikilililərin (“A” tikilisindən 3 otaqümumi sahəsi 119,1 kv.m, yaşayış sahəsi 77,5 kv.m, köməkçi sahə 41,6 kv.m, “B” tikilisindən 2 otaq-ümumi sahəsi 59,8 kv.m, yaşayış sahəsi 34,8 kv.m, köməkçi sahə 25,0 kv.m olan tikililərinin) İddiaçı adına ayrıca reyestrdə qeyd alınması və yeni ünvan verilməsi vəzifəsi Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinə həvalə edilməlidir. NƏTİCƏVİ HİSSƏ Azərbaycan Respublikasının İnzibati-Prosessual Məcəlləsinin 52, 68, 69, 75.4, 85.1ci maddələrini rəhbər tutaraq, məhkəmə qərara aldı: İddia təmin edilsin. ünvan 4 ünvanında yerləşən **********78-10301 daşınmaz əmlakın reyestr nömrəsi ilə qeydə alınan və ********** qeydiyyat nömrəsi ilə xx.xx.2022-ci il tarixdə daşınmaz əmlakın dövlət reyestrindən verilmiş çıxarışda göstərilən 0,02021 ha torpaq sahəsinin üzərində yerləşən ümumi sahəsi 178,9 kv.m tikilililərin (“A” tikilisindən 3 otaq-ümumi sahəsi 119,1 kv.m, yaşayış sahəsi 77,5 kv.m, köməkçi sahə 41,6 kv.m, “B” tikilisindən 2 otaq-ümumi sahəsi 59,8 kv.m, yaşayış sahəsi 34,8 kv.m, köməkçi sahə 25,0 kv.m olan tikililərinin) İddiaçı adına ayrıca reyestrdə qeyd alınması və yeni ünvan verilməsi vəzifəsi Daşınmaz Əmlakın Dövlət Kadastrı və Reyestri publik hüquqi şəxsinin 1 saylı Bakı Ərazi İdarəsinə həvalə edilsin. Qərardan təqdim olunduğu gündən 30 gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına (Bakı şəhəri, Zahid Xəlilov küçəsi 540-cı məhəllə) apellyasiya şikayəti verilə bilər. Hakim Həmid Ağalarov