Bakı İnzibati Məhkəməsi Qərardad — İş №2-1(112)-2121/2023

Azərbaycan Respublikası adından QƏRARDAD Bakı şəhəri İş № 2-1(112)-2121/2023 02.03.2023 BAKİ İNZİBATİ MƏHKƏMƏSİ Hakim Abdullayeva Aygün Abdulla qızının sədrliyi, Məhkəmə iclas katibi X3 Ağa qızının katibliyi Cavabdehin nümayəndəsi X1 iştirakı ilə, İddiaçı MMC-nin cavabdeh Azərbaycan Respublikasının İqtisadiyyat Nazirliyi yanında Dövlət Xidmətinin Bakı şəhəri Lokal Gəlirlər Baş İdarəsinə qarşı qərarın ləğv edilməsi barədə iddia tələbinə dair inzibati işə məhkəmənin binasında (Bakı şəhəri, N.Vəzirov küçəsi-56) açıq məhkəmə iclasında baxaraq, MÜƏYYƏN ETDİ: İddiaçı MMC cavabdeh Azərbaycan Respublikasının İqtisadiyyat Nazirliyi yanında Dövlət Xidmətinin Bakı şəhəri Lokal Gəlirlər Baş İdarəsinə qarşı qərarın ləğv edilməsi barədə iddia ərizəsi ilə məhkəməyə müraciət etmişdir. Tərəflərə məhkəmə iclasının vaxtı və yeri barədə lazımi qaydada məlumat verilməsinə baxmayaraq, cavabdehin nümayəndəsi məhkəmə iclasına gəlmiş, iddiaçının səlahiyyətli nümayəndəsi isə gəlməmişdir. İddiaçı səlahiyyətli nümayəndəsinin məhkəmə iclasında iştirakının təmin edilməməsinin səbəbi barəsində isə hər hansı bir məlumat verməmişdir. Məhkəmə iddiaçının səlahiyyətli nümayəndəsinin iştirakı olmadan, hazırlıq icraatı mərhələsində məhkəmə iclasının keçirilməsini mümkün hesab etmişdir. Məhkəmə iddia ərizəsini və iş materiallarını araşdıraraq hesab edir ki, İddiaçı MMC-nin iddia tələbi geri götürülmüş sayılmalıdır. Belə ki, İddiaçı MMC məhkəmə iclasının vaxtı və yeri barəsində lazımi qaydada məlumatlandırılmasına baxmayaraq (iş materiallarında olan məhkəməyə məlum olan iddiaçının ünvanında göndərilmiş poçt zərfləriən və “AZEMİS” elektron məhkəmə sistemi vasitəsilə göndərilmiş “sms” bildirişlərə əsasən), məhkəmə iclasında iştirak etməmiş, iştirak etməməsinin səbəbi barəsində isə məhkəməyə məlumat verməmiş, ümumiyyətlə məhkəmə ilə əlaqə saxlamamışdır. Belə olan halda məhkəmə hesab edir ki, məhkəmə bildirişlərində iddiaçıya məhkəmənin tələbinə baxmayaraq 30 gündən çox müddət ərzində ardıcıl olaraq iş üzrə məhkəmə icraatından yayındığı halda, iddianın geri götürülmüş sayılması barədə qərardad qəbul edilə biləcəyi barədə xəbərdarlıq edilməsinə baxmayaraq, iddiaçı heç bir üzrlü səbəb göstərmədən və qabaqcadan məhkəməyə heç bir məlumat vermədən məhkəmə icraatından ardıcıl olaraq 30 gündən çox müddət ərzində yayındığından, iddia geri götürülmüş sayılmalıdır. Məhkəmə iclasında iştirak edən cavabdehin nümayəndəsi iddianın geri götürülmüş sayılmasına etiraz etmədiyini bildirdi. Azərbaycan Respublikası İPM-nin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Qeyd olunanlara və Azərbaycan Respublikası İPM-nin 55.3-cü maddəsinə əsasən əsasən, məhkəmə QƏRARA ALDİ: İddiaçı MMC-nin iddia tələbi geri götürülmüş sayılsın. Qərardaddan onun təqdim olunduğu vaxtdan 10 (on) gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına şikayət verilə bilər. Hakim Aygün Abdullayeva