Azərbaycan Respublikası adından QƏRAR Bakı şəhəri İş № 2-1(112)-2878/2025 16.05.2025 BAKİ İNZİBATİ MƏHKƏMƏSİ GİRİŞ HİSSƏSİ hakim Hacıbəyova Miminat Tacib qızının sədrliyi, Qurbanlı Elnur Qubad oğlunun katibliyi, İddiaçı, cavabdehin nümayəndəsi Nümayəndə iştirakı ilə, İddiaçı cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Sosial Ödənişlərin Təyinatı üzrə Mərkəzi Filialına qarşı “cavabdehin üzərinə iddiaçıya əmək kitabçasında qeyd edilən iş stajı nəzərə alınmaqla xx.xx.2024-cü il tarixdən yaşa görə əmək pensiyasının təyin edilməsi və həmin tarixdən yığılıb qalan pensiya məbləğinin hesablanaraq ödənilməsi öhdəliyinin qoyulması” bаrədə inzibati işə məhkəmə binasında (Bakı şəhəri, N.Vəzirov küçəsi, 56) açıq məhkəmə iclasında şifahi məhkəmə baxışı qaydasında baxaraq: MÜƏYYƏN ETDİ: TƏSVİRİ HİSSƏ İ. Mübahisənin predmeti
1. İddiaçı Bakı İnzibati Məhkəməsində cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialına qarşı iddia qaldıraraq cavabdehin üzərinə iddiaçıya əmək kitabçasında qeyd edilən iş stajı nəzərə alınmaqla xx.xx.2024-cü il tarixdən yaşa görə əmək pensiyasının təyin edilməsi və həmin tarixdən yığılıb qalan pensiya məbləğinin hesablanaraq ödənilməsi öhdəliyinin qoyulması barədə qərar qəbul edilməsini xahiş etmişdir.
2. İddiaçı iddia tələbini onunla əsaslandırmışdır ki, iddiaçı xx.xx.1977-ci il tarixdən əmək fəaliyyətinə başlayaraq 2005-ci ilin dekabr ayınadək müxtəlif peşələrdə işləmişdir. İş yerləri barədə əmək kitabçasında ətraflı məlumatlar var. Yaşı əmək pensiyası almağa imkan verdikdə, iddiaçı cavabdeh orqana müraciət etmiş, ona xx.xx.2024-cü il tarixdən 220 manat yaşa görə sosial müavinət təyin edilmişdir. Sosial müavinət təyin edilərkən əmək stajı nəzərə alınmadığını və ona əmək pensiyasının təyin edilmədiyini gördükdə yazılı ərizə ilə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialına müraciət etmişdir. Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialı tərəfindən ona ünvanlanan 07 iyun 2024-cü il tarixli imtina məktubunda qeyd edilir ki, iddiaçının ümumi sığorta stajı 21 il, 9 ay 26 gündür. Beyləqan rayon Dövlət Arxivinin xx.xx.2024-cü il tarixli arayışına əsasən xx.xx.1999-cü il tarixindən xx.xx.1999-cü il tarixinədək B.Hüseynov adına sovxozun ləğvetmə Komissiyasında, xx.xx.1999-cu il tarixindən xx.xx.2000-ci il tarixinədək “Azad-86” müəssisəsində, xx.xx.2000-ci il tarixindən xx.xx.2004-cü il tarixinədək Beyləqan rayon Şərq bələdiyyəsində və xx.xx.2005-ci il tarixindən sonra 4 saylı Rayonlararası Təmir- Tikinti Trestində olan əmək fəaliyyətini təsdiqləyən arxiv sənədləri Dövlət arxivinə təhvil verilmədiyindən sözügedən dövrlər barədə məumat və ya sənəd aşkar edilməmişdir. Bu səbəbdən də əmək haqqı alıb-almadığını müəyyən etmək mümkün olmamış və iddiaçının əmək stajı cəmi 21 il, 9 ay 26 gün hesablanmışdır. Ona görə də yaşa görə əmək pensiyasının təyin edilməsindən imtina edilmişdir. Cavabdeh orqanın iddiaçıya yaşa görə əmək pensiyasının təyin edilməsindən imtinasını əsassız hesab edir. Belə ki, xx.xx.1999-cu il tarixindən xx.xx.1999-cü il tarixinədək B.Hüseynov adına sovxozun ləğvetmə Komissiyasında, xx.xx.1999-cu il tarixindən xx.xx.2000-ci il tarixinədək “Azad-86” müəssisəsində, xx.xx.2000-ci il tarixindən xx.xx.2004-cü il tarixinədək Beyləqan rayon Şərq bələdiyyəsində və xx.xx.2005-ci il tarixindən sonra 4 saylı Rayonlararası Təmir-Tikinti Trestində olan əmək fəaliyyətini təsdiqləyən arxiv sənədlərinin Dövlət Arxivinə təhvil verilməməsinə görə iddiaçı məsuliyyət daşımır. İddiaçının iş stajını təsdiq edən əmək kitabçası var. Vətəndaşların pensiya təminatı haqqında Azərbaycan Respublikasının qanunun 69-cu maddəsində deyilir ki, iş stajı müəyyən edilmiş qaydada idarə, müəssisə və təşkilatın verdiyi sənədə əsasən təsdiq edilir. İş stajını sübut edən əsas sənəd əmək kitabçasıdır. Qanunda da qeyd edildiyi kimi iş stajını təsdiq edən əsas sənəd əmək kitabçasıdır və iddiaçının əmək kitabçası da mövcuddur və orada da açıq aydın iddiaçının iş stajı qeyd edilib. Belə olan halda cavabdeh orqanın mənə yaşa görə əmək pensiyasının verilməsindən imtina etməsi əsassızdır. İddiaçı göstərilənlərə əsasən iddia tələbinin təmin edilməsini məhkəmədən xahiş etmişdir. 3.Cаvаbdеh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialı Azərbaycan Respublikasının İnzibati Prosessual Məcəlləsinin 47-ci maddəsinə uyğun qaydada iddiaya dair etirazını təqdim edərək bildirmişdir ki, İddiaçı 13 fevral 2024cü il tarixdə yaşa görə əmək pensiyasının təyin edilməsi ilə bağlı Mərkəzi Filiala müraciət etmişdir. İddiaçı tərəfindən təqdim edilən əmək kitabçasının surətinə və Nazirliyin elektron informasiya sistemində olan məlumatlara əsasən ümumi sığorta stajı 21 il 9 ay 26 gün təşkil edir. Eyni zamanda İddiaçı fərdi şəxsi hesabının sığorta hissəsində qeydə alınmış pensiya kapitalı 01.01 2006-cı ıl tarixədək 21 il 6 ay 26 gun sığorta stajına uyğun olaraq 21737,19 manat xx.xx.2022-ci il tarixdən xx.xx.2023-cü il tarixədək 3 ay sığorta stajına uyğun olaraq 4,69 manat olmaqla, ümumillikdə 21742.15 manat təşkil edir ki, bu məbləğ qanunvericiliklə tələb olunan 40320.00 manat pensiya kapitalından azdır və əmək pensiyasının minimum məbləğindən (280.00 manat) az olmayan pensiya təminatına imkan vermir. Həmçinin, Nazirliyin elektron informasiya ehtıyatlarındakı məlumatlara əsasən xx.xx.2006-cı il tarixdən xx.xx.2018-ci il tarixədək iddiaçının fərdi şəxsi hesabının sığorta hissəsində pensiya kapitalı qeydə alınmamışdır. İddiaçının təqdim etdiyi əmək kitabçanın surətində qeyd olunmuş mötəbərliyinə əsaslı şübhələr olan xx.xx.1999-cu il tarixdən xx.xx.1999-cu il tarixədək xx.xx.1999-cu il tarixdən xx.xx.2000-ci il tarixədək, xx.xx.2000-ci il tarixdən xx.xx.2004-cü il tarixədək və xx.xx.2005-ci il tarixdən sonra əmək fəaliyyəti dövrlərinin araşdırılması zərurəti yaranmışdır. Beyləqan rayon Dövlət Arxivinin xx.xx.2024-cü il tarixli arayışına əsasən xx.xx.1999-cu il tarixdən xx.xx.1999-cu il tarixədək В.Hüseynov adına sovxozun ləğvetmə Komissiyasında xx.xx.1999-cu il tarixdən xx.xx.2000-ci il tarixədək “Azad-86” müəssisəsində, xx.xx.2000ci il tarixdən xx.xx.2004-cü il tarixədək Beyləqan rayon Şərq bələdiyyəsində və xx.xx.2005-ci il tarixdən sonra 4 saylı Rayonlararası Təmir-Tikinti Trestində olan əmək fəaliyyətini təsdiqləyən arxiv sənədləri Dövlət Arxivinə təhvil verilmədiyindən sözügedən dövrlər barədə məlumat və ya sənəd aşkar edilməmişdir. Bu səbəbdən əməkhaqqı alıbalmadığını müəyyən etmək mümkün olmamışdır. Əlavə olaraq qeyd edilmişdir ki, iddiaçıya xx.xx.2024-cü il tarixdən 220 manat məbləğində yaşa görə sosial müavinət təyin edilmişdir. Cavabdeh göstərilənlərə əsasən iddia tələbinin rədd edilməsini məhkəmədən xahiş etmişdir.
ƏSASLANDİRMA HİSSƏSİ
İİ.İddianın növü və mümkünlüyü
4. Məhkəmə qeyd edir ki, hazırkı iddia məcburetmə iddia növünə aiddir.
5. Azərbaycan Respublikasının İnzibati Prosessual Məcəlləsinin 2.2-ci maddəsinə əsasən inzibati məhkəmə icraatı qaydasında aşağıdakı iddialara baxılır:.. 2.2.2. inzibati orqanın üzərinə inzibati aktın qəbul edilməsi ilə bağlı müvafiq öhdəliyin qoyulmasına dair iddialara və ya inzibati orqanın hərəkətsizliyindən müdafiəyə dair iddialara (məcburetmə haqqında iddia); 2.2.3. inzibati orqan tərəfindən inzibati aktın qəbul edilməsi ilə əlaqədar olmayan müəyyən hərəkətlərin edilməsinə dair iddialara (öhdəliyin icrası haqqında iddia); Həmin Məcəllənin 33.1-ci maddəsinə əsasən məcburetmə haqqında iddia vasitəsi ilə iddiaçı onun arzuladığı inzibati aktı qəbul etmək vəzifəsini cavabdehin üzərinə qoymağı məhkəmədən tələb edə bilər. Həmin Məcəllənin 33.2-ci maddəsinə əsasən bu Məcəllənin 33.1-ci maddəsində nəzərdə tutulmuş qayda həm iddiaçının arzuladığı inzibati aktın qəbulundan cavabdeh tərəfindən imtina edildiyi hallara, həm də cavabdehin hərəkətsizliyi səbəbindən (hərəkətsizliyə qarşı iddia) inzibati aktın qəbul edilmədiyi hallara şamil olunur. Həmin Məcəllənin 34-cü maddəsinə əsasən, 34.1. Öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. Öhdəliyin icrası haqqında iddia vasitəsi ilə həmçinin inzibati orqanlar tərəfindən ümumi hüquqi öhdəliklərin pozulması nəticəsində vurulmuş ziyana görə kompensasiyanın ödənilməsi də tələb edilə bilər. Həmin Məcəllənin 35.1-ci maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. 6.Hazırda iddiaçının iddiası mümkünlük şərtlərinə cavab verir. Belə ki, iddia düzgün cavabdehə qarşı verilmiş, iddia müddətinə əməl edilmiş, iddiaçı cavabdehə müraciət etmiş, iddia qaldırmaqda iddiaçı subyektiv hüquqa malik olmuşdur.
İİİ. Mübahisə ilə bağlı işin faktiki vəziyyəti.
7.İddiaçı məhkəmə iclasında iddia ərizəsində göstərilən məzmunda çıxış edərək iddia tələbinin təmin edilməsini məhkəmədən xahiş etdi. 8.Cavabdehin nümayəndəsi məhkəmə iclasında iddiaya etirazda göstərilən məzmunda çıxış edərək iddianın təmin edilməməsini məhkəmədən xahiş etdi.
9. Tədqiq edilmiş sənədlər:
AZE seriyalı 0******* nömrəli şəxsiyyət vəsiqəsindən görünür ki, İddiaçı xx.xx.1960-cı il təvəllüdlü Azərbaycan Respublikası vətəndaşıdır. Beyləqan rayonu Şərq bələdiyyəsinin xx.xx.2024-cü il tarixli 25 nömrəli arayışında qeyd edilmişdir ki, Minarə Allahverdi qızı əmək kitabçasında göstərilən kimi xx.xx.2000-ci il tarixdən xx.xx.2004-cü il tarixədək Şərq bələdiyyəsində mühasib işləmişdir. Lakin məlum olmayan səbəblərə görə Şərq bələdiyyəsinin həmin dövr üçün əmr kitabı və əmək haqqı cədvəli qorunub saxlanmamış və 2019-cu ildə keçirilən bələdiyyə seçkilərində seçilmiş bələdiyyə üzvlərinə rəsmən təhvil verilməmişdir. Ona görə də işlədiyi dövr üçün barəsində verilmiş əmrlər və aldığı əmək haqları barədə rəsmi arxiv arayışı vermək mümkün deyildir. İddiaçıya məxsus ИT-İ ******* nömrəli əmək kitabçasında qeyd edilmişdir ki, o, xx.xx.1977-ci ildə Beyləqan rayon 4 nömrəli pambıqçılıq sovxozunda işə qəbul edilmiş, xx.xx.1999-cu ildə işdən azad edilmiş, xx.xx.1999-cu ildə “Azad-86” müəssisəinə işə qəbul edilmiş, xx.xx.2000-ci ildə işdən azad edilmiş, xx.xx.2000-ci ildə Beyləqan rayonu Şərq bələdiyyəsində işə qəbul edilmiş, xx.xx.2004-cü ildə işdən azad edilmiş, xx.xx.2005ci ildə 4 saylı rayonlararası təmiz tikinti trestində işə qəbul edilmişdir. Əmək və Əhalinin Sosial Müdafiəsi Nazirliyinin tabeliyində X1 Fondunun Sosial Ödənişlərin Təyinatı üzrə Mərkəzi Filialının 07 iyun 2024-cü il tarixli 3-17-1/2-M- 134207/2024 nömrəli “Yaşa görə əmək pensiyasının təyin edilməsindən imtina olunması haqqında” məktubunda qeyd edilmişdir ki, təqdim edilən əmək kitabçasının surətinə və Nazirliyin elektron informasiya sistemində olan məlumatlara əsasən İddiaçı ümumi sığorta stajı 21 il 9 ay 26 gün təşkil edir. Eyni zamanda fərdi şəxsi hesabının sığorta hissəsində qeydə alınmış pensiya kapitalı xx.xx.2006-cı il tarixinədək 21 il 6 ay 26 gün sığorta stajına uyğun olaraq 21737,19 manat, xx.xx.2022-ci il tarixindən xx.xx.2023-cü il tarixinədək 3 ay sığorta stajına uyğun olaraq 4,69 manat olmaqla, ümumilikdə 21742,15 manat təşkil edir ki, bu məbləğ qanunvericiliklə tələb olunan 40320,00 manat pensiya kapitalından azdır və əmək pensiyasının minimum məbləğindən (280,00 manat) az olmayan pensiya təminatına imkan vermir. Həmçinin, Nazirliyin elektron informasiya ehtiyatlarındakı məlumatlara əsasən xx.xx.2006-cı il tarixindən xx.xx.2018-ci il tarixinədək fərdi şəxsi hesabınızın sığorta hissəsində pensiya kapitalı qeydə alınmayıb. Əlavə olaraq bildirilir ki, təqdim edilən əmək kitabçasının surətində qeyd olunmuş mötəbərliyinə əsaslı şübhələr olan xx.xx.1999-cu il tarixindən xx.xx.1999-cu il tarixinədək, xx.xx.1999-cu il tarixindən xx.xx.2000-ci il tarixinədək, xx.xx.2000-ci il tarixindən xx.xx.2004-cü il tarixinədək və xx.xx.2005-ci il tarixindən sonra əmək fəaliyyəti dövrlərinizin araşdırılması zərurəti yaranmışdır. Beyləqan rayon Dövlət Arxivinin xx.xx.2024-cü il tarixli arayışına əsasən xx.xx.1999-cu il tarixindən xx.xx.1999-cu il tarixinədək B.Hüseynov adına sovxozun ləğvetmə Komissiyasında, xx.xx.1999-cu il tarixindən xx.xx.2000-ci il tarixinədək “Azad- 86” müəssisəsində, xx.xx.2000-ci il tarixindən xx.xx.2004-cü il tarixinədək Beyləqan rayon Şərq bələdiyyəsində və xx.xx.2005-ci il tarixindən sonra 4 saylı Rayonlararası Təmir-Tikinti Trestində olan əmək fəaliyyətini təsdiqləyən arxiv sənədləri Dövlət Arxivinə təhvil verilmədiyindən sözügedən dövrlər barədə məlumat və ya sənəd aşkar edilməmişdir. Bu səbəbdən əmək haqqı alıbalmadığınızı müəyyən etmək mümkün olmayıb. “İşçilərin əmək kitabçasının forması və onun tərtibi qaydaları”na əsasən əmək kitabçanızın surətində qeyd edilmiş xx.xx.1999-cu il tarixindən xx.xx.2000-ci il tarixinədək (işə daxil olma qeydində 8 saylı əmr, işdən azad olma qeydində 4 saylı əmr yazılmış və bir neçə möhürlə təsdiqlənib), xx.xx.2000-ci il tarixindən xx.xx.2004-cü il tarixinədək (işə daxil olma qeydi həm latın qrafikalı, həm də kiril qrafikalı əlifba ilə yazılıb), xx.xx.2005-ci il tarixindən sonra 4 saylı Rayonlararası Təmir Tikinti Trestində olan dövrün doldurulma qaydası pozulduğu üçün (işdən azad olmaya dair məlumatlar (tarix, əmr nömrəsi) qeyd olunmayıb) həmin tarixdən sonra olan əmək fəaliyyəti dövrünüzün və qeyd olunan dövrlərin sığorta stajınıza daxil edilməsi mümkün hesab edilmir. Qeyd olunanları nəzərə alaraq bildiririk ki, ümumi sığorta stajınız qanunla yaşa görə əmək pensiyası hüququnun yaranması üçün nəzərdə tutulandan (25 ildən) az olduğuna görə sizə bu növ pensiyanın təyin edilməsi qanunvericiliyin tələbləri baxımından mümkün hesab edilməyib.
İV. Məhkəmənin mövqeyi
10.Məhkəmə, iddiaçının və cavabdehin nümayəndəsinin izahat və çıxışlarını dinləyərək, iş materiallarını tədqiq edərək hesab edir ki, iddia tələbi əsalıdır. 11.“Əmək pensiyaları haqqında” Azərbaycan Respublikasının Qanununun 1.0.1-ci maddəsinə əsasən əmək pensiyası - bu Qanunla nəzərdə tutulmuş qayda və şərtlərlə müəyyən edilən və məcburi dövlət sosial sığortaolunanların (bundan sonra – sığortaolunan) onlara əmək pensiyası təyin olunduqdan əvvəl aldıq-ları əməkhaqqı və digər gəlirlərin, yaxud sığortaolunanlarin ölümü ilə əlaqədar onların ailə üzvlərinin itirdikləri gəlirlərin kompensasiyası məqsədilə vətəndaşlara aylıq pul ödənişidir; Həmin Qanunun 1.0.2-ci maddəsinə əsasən sosial sığorta stajı (bundan sonra sığorta stajı) əmək pensiyası hüququnun müəyyən edilməsi zamanı nəzərə alınan iş və ya digər fəaliyyət dövrlərinin (müvafiq icra hakimiyyəti orqanına məcburi dövlət sosial sığorta haqları ödəmək şərtilə) və eləcə də müvafiq qanunvericiliklə sığorta stajına daxil edilən digər dövrlərin məcmusudur; Həmin Qanunun 1.0.15-ci maddəsinə əsasən əmək pensiyasının müəyyən edilməsi əmək pensiyasının təyin edilməsi, onun məbləğinin yenidən hesablanması və əmək pensiyasının bir növündən digərinə keçiddir; Həmin Qanunun 5.3.-ci maddəsinə əsasən, Əmək pensiyalarının təyin edilməsi, hesablanması və yenidən hesablanması (bu Qanunun 26.3-cü maddəsi istisna olmaqla), bir növdən başqa növə keçirilməsi və ödənilməsi qaydası müvafiq icra hakimiyyəti orqanı tərəfindən müəyyən edilir. Həmin Qanunun 7-ci maddəsinə əsasən, 63 yaşına çatmış kişilərin və 60 yaşına çatmış qadınların fərdi şəxsi hesabın sığorta hissəsində qeydə alınmış pensiya kapitalı əmək pensiyasının minimum məbləğindən az olmayan pensiya təminatına imkan verdikdə sığorta stajından asılı olmayaraq, bu pensiya təminatına imkan vermədikdə isə azı 25 il sığorta stajı olduqda (2017-ci il iyulun 1-dək yaşa görə əmək pensiyası təyin edilmiş şəxslər istisna olmaqla) yaşa görə əmək pensiyası hüququ vardır. Qeyd. Bu Qanunun 7ci maddəsində nəzərdə tutulmuş kişilərin yaş həddi 2017-ci il iyulun 1-dən başlayaraq 2021-ci il iyulun 1-dək, qadınların yaş həddi 2017-ci il iyulun 1-dən başlayaraq 2027-ci il iyulun 1-dək hər il 6 ay artırılır. Həmin Qanunun 21.2-ci maddəsinə əsasən sığortaolunanın sığorta stajına bu Qanunun 21.1-ci maddəsində qeyd olunan müddətlərdən əlavə, aşağıdakı müddətlər daxil edilir: 21.2.1.işçinin işəgötürən tərəfindən hesablanmış əmək haqqına məcburi dövlət sosial sığorta haqqı ödənilən hər hansı işinin müddəti;
12.Azərbaycan Respublikası Nazirlər Kabinetinin 1996-cı il 26 dekabr tarixli, 186 nömrəli qərarı ilə təsdiq edilmiş “İşçilərin əmək kitabçasının forması və onun tərtibi qaydaları”nın 1.1-ci bəndinə əsasən isə əmək kitabçası işçinin əmək fəaliyyətini və əmək stajını təsdiq edən əsas sənəddir.
13. Azərbaycan Respublikası Nazirlər Kabinetinin 2022-ci il 28 aprel tarixli 175 nömrəli Qərarı ilə təsdiq edilmiş “Əmək pensiyalarının təyin edilməsi, hesablanması, yenidən hesablanması, bir növdən başqa növə keçirilməsi və ödənilməsi Qaydası”nın 4.1. -ci maddəsinə əsasən, əmək pensiyasının təyin edilməsi zamanı nəzərə alınan sosial sığorta stajı aşağıdakılara əsasən müəyyən edilir: 4.1.1. 2006-cı il yanvarın 1-dək olan dövr üzrə:
1. “Sosial sığorta haqqında” Azərbaycan Respublikasının Qanununa və bu sahədə münasibətləri tənzimləyən digər normativ hüquqi aktlara uyğun olaraq məcburi dövlət sosial sığorta haqlarının ödənilməsi şərtilə mülkiyyət formasından, əmək fəaliyyətinin xüsusiyyətlərindən və müddətindən asılı olmayaraq, müəssisə, idarə və təşkilatlarda əmək müqaviləsi (kontraktı) əsasında işləyənlərin iş müddəti əmək fəaliyyəti barədə sənədlərə (əmək kitabçası, o olmadıqda işəgötürənin arayışı və ya dövlət arxivinin arayışı), həmin sənədlərin mötəbərliyinə əsaslı şübhələr olduğu hallarda Fond tərəfindən işəgötürəndə, dövlət arxivində və Fondda mühafizə edilən məlumatların üzləşdirilməsi nəticəsində tərtib olunan akta əsasən;
13. “İnzibati icraat haqqında» Azərbaycan Respublikası Qanununun 2.0.1-ci maddəsinə əsasən inzibati orqan - Azərbaycan Respublikasının müvafiq icra hakimiyyəti orqanları, onların yerli (struktur) və digər qurumları, bələdiyyələr, habelə qanuna əsasən inzibati akt qəbul etmək səlahiyyəti verilmiş hər hansı fiziki və ya hüquqi şəxsdir; Həmin Qanunun 2.0.2-ci maddəsinə əsasən inzibati akt - inzibati orqan tərəfindən ümumi (publik) hüquq sahəsinə aid olan müəyyən (konkret) məsələni nizama salmaq və ya həll etmək məqsədilə qəbul edilmiş və ünvanlandığı hüquqi və ya fiziki şəxs (şəxslər) üçün müəyyən hüquqi nəticələr yaradan qərar, sərəncam və ya digər növ hakimiyyət tədbiridir; Həmin Qanunun 2.0.3-cü maddəsinə əsasən maraqlı şəxs - inzibati aktın qəbul edilməsi və ya müvafiq hərəkətin edilməsi ilə bağlı inzibati orqana müraciət etmiş və ya barəsində inzibati akt qəbul edilmiş və ya müvafiq hərəkət (hərəkətsizlik) edilmiş şəxs və yaxud inzibati orqan tərəfindən qəbul edilməsi nəzərdə tutulan və ya qəbul edilmiş inzibati aktın və ya inzibati orqanın hərəkətinin hüquqlarına və ya qanunla qorunan maraqlarına birbaşa təsir etdiyi və ya təsir edə biləcəyi və öz vəsatətinə əsasən və ya xidməti vəzifəsindən irəli gələn hallarda inzibati orqanın təşəbbüsü ilə inzibati icraata cəlb edilən hər hansı fiziki və ya hüquqi şəxsdir; Həmin Qanunun 2.0.4-cü maddəsinə əsasən ərizə - maraqlı şəxsin inzibati aktın qəbul edilməsi və ya ona məxsus olan hər hansı hüququn həyata keçirilməsi ilə bağlı inzibati orqana yazılı müraciətidir; Həmin Qanunun 2.0.5-ci maddəsinə əsasən inzibati şikayət - hüquqlarını və qanunla qorunan maraqlarını müdafiə etmək məqsədilə maraqlı şəxsin inzibati aktdan, inzibati aktın qəbul edilməsindən imtinadan və yaxud inzibati orqanın hərəkət və ya hərəkətsizliyindən subordinasiya baxımından yuxarı inzibati orqana yazılı müraciətidir; Həmin Qanunun 2.0.6-cı maddəsinə əsasən inzibati icraat - fiziki və ya hüquqi şəxslərin müraciəti əsasında və ya inzibati orqanların öz təşəbbüsü ilə inzibati aktın qəbul edilməsi, icra olunması, dəyişdirilməsi və ya ləğv edilməsi, habelə inzibati şikayətlərə baxılması üzrə müvafiq inzibati orqanlar tərəfindən bu Qanunla müəyyən olunmuş prosedur qaydalar daxilində həyata keçirilən fəaliyyətdir; Həmin Qanunun 11.1-ci maddəsinə əsasən inzibati orqanlar qanunun tələblərinə riayət etməyə borcludurlar. Həmin Qanunun 19.1-ci maddəsinə əsasən inzibati icraat zamanı işin faktiki halları ilə əlaqədar fiziki və ya hüquqi şəxslər tərəfindən təqdim olunan sənədlər və dəlillər, onların həqiqətə uyğun olmadığı sübuta yetirilməyibsə, mötəbər hesab olunur. Fiziki və ya hüquqi şəxslərdən həmin sənədlərin və dəlillərin mötəbərliyini təsdiq edən əlavə sənədlərin və ya məlumatların tələb olunması qadağandır. Həmin Qanunun 19.2-ci maddəsinə əsasən təqdim olunmuş sənədlərin və dəlillərin mötəbərliyinə əsaslı şübhələr olduğu hallarda, inzibati orqan müstəqil şəkildə və öz hesabına onların mötəbərliyinin müəyyən edilməsi üçün tədbirlər görür. Həmin Qanunun 24.1-ci maddəsinə əsasən inzibati orqan inzibati icraat zamanı işin düzgün həlli üçün əhəmiyyət kəsb edən bütün faktiki halları hərtərəfli, tam və obyektiv araşdırmağa borcludur. Həmin Qanunun 24.2-ci maddəsinə əsasən inzibati orqan maraqlı şəxslərin xeyrinə olan halların araşdırılmasından və nəzərə alınmasından imtina edə bilməz. Həmin Qanunun 24.3-cü maddəsinə əsasən inzibati icraat zamanı işin bütün hallarının araşdırılması inzibati orqanın xidməti vəzifəsindən irəli gəlir. Araşdırmanın üsulu və həcmi inzibati orqan tərəfindən müəyyən edilir. İnzibati orqan maraqlı şəxslərin izahatları ilə və təqdim etdiyi sübutlarla bağlı deyildir. Həmin Qanunun 24.4-cü maddəsinə əsasən təqdim olunmuş sübutlar yetərli olmadıqda, inzibati orqan öz təşəbbüsü ilə əlavə sübutlar toplamağa borcludur.
İşin məhkəmə tərəfindən müəyyən edilmiş hallarından görünür ki, iddiaçı xx.xx.1960-cı il təvəllüdlüdür; iddiaçının pensiya hüququ xx.xx.2024-cü il tarixdən yaranmışdır. Tərəflər arasında olan hazırkı mübahisə ondan ibarətdir ki, iddiaçı yaşa görə əmək pensiyası almaq hüququ yarandığı üçün cavabdehə müraciət etmiş, cavabdeh isə iddiaçının əmək stajı 25 ildən az, cəmi 21 il 9 ay 26 gün olması səbəbindən pensiya təyin edilməsindən imtina etmiş, sosial müavinət təyin etmişdir. Yəni cavabdeh iddiaçının “Əmək pensiyaları haqqında” Azərbaycan Respublikası Qanununun 7-ci maddəsi ilə müəyyən edilmiş yaş həddinə çatmış şəxs olduğunu təsdiq etsədə, ona yaşa görə əmək pensiyasını təyin etməsini mümkün hesab etməmişdir. Cavabdeh inzibati orqan əmək pensiyasının təyin edilməsindən imtinasını onunla əsaslandırmışdır ki, iddiaçıya məxsus əmək kitabçasında qeyd olunmuş xx.xx.1999-cu il tarixdən xx.xx.1999-cu il tarixədək, xx.xx.1999-cu il tarixdən xx.xx.2000-ci il tarixədək, xx.xx.2000-ci il tarixdən xx.xx.2004-cü il tarixədək və xx.xx.2005-ci il tarixdən sonra əmək fəaliyyəti dövrlərinin mötəbərliyinə əsaslı şübhələr vardır. Cavabdeh iddiaçının əmək kitabçasında qeyd edilmiş xx.xx.1977-ci ildən xx.xx.1999-cu ilədək olan dövr üzrə iş stajını mübahisləndirməmişdir, və bu iş stajı 22 il 5 ay 7 gün təşkil edir. Mübahisəli dövr üzrə (xx.xx.1999-cü il tarixdən xx.xx.1999-cu ilədək, xx.xx.1999-cu ildən xx.xx.2000-ci ilədək, xx.xx.2000-ci ildən xx.xx.2004-cü ilədək əmək fəaliyyəti dövrü) ilə bağlı məhkəmə bildirir ki, iddiaçının təqdim etdiyi sübut - əmək kitabçası onun həmin dövr üzrə iş stajına dair məlumatları əks etdirir və bu məlumatların həqiqətə uyğun olmadığı sübuta yetirilməyibsə, mötəbər hesab olunur.(“İnzibati icraat haqqında” Qanununun 19cü maddə) Cavabdeh tərəfindən həmin əmək kitabçasında göstərilən məlumatların həqiqətə uyğun olmadığı və ya saxta olması sübuta yetirilməmişdir. Məhkəmə eyni zamanda onu qeyd edir ki, mübahisəli dövr üzrə iddiaçının əmək kitabçasında işdən azad olma tarixi və əmrin nömrəsinin göstərilməməsinə görə iddiaçı məsuliyyət daşımamalı və onun sosial təminat – pensiya hüququ məhdudlaşdırılmamalıdır, bu məhdudlaşdırma onun Azərbaycan Respublikasının Konstitusiyasında təsbit edilmiş sosial təminat hüququnun pozulması deməkdir. Əlavə olaraq məhkəmə qeyd edir ki, iddiaçıya məxsus əmək kitabçasında işdən azad olması barədə tarix və əmr göstərilməyən müəssisədə işə başladığı dövrədək (xx.xx.2005) onun ümumi iş stajı 25 ildən çox (27 il 6 ay 6 gün) təşkil edir. Belə ki, Azərbaycan Respublikasının Konstitusiyasının 38-ci maddəsinə əsasən, hər kəsin sosial təminat hüququ vardır. Hər kəs qanunla müəyyən edilmiş yaş həddinə çatdıqda, xəstəliyinə, əlilliyinə, ailə başçısını itirdiyinə, əmək qabiliyyətini itirdiyinə, işsizliyə görə və qanunla nəzərdə tutulmuş digər hallarda sosial təminat almaq hüququna malikdir. Azərbaycan Respublikasının Konstitusiyasının 71-ci maddəsinin 2-ci hissəsinə əsasən, insan və vətəndaş hüquqlarının və azadlıqlarının həyata keçirilməsini heç kəs məhdudlaşdıra bilməz. Belə olan halda iddiaçının əmək fəaliyyəti ilə bağlı bütün şübhələr iddiaçının xeyrinə şərh olunmalıdır. Azərbaycan Respublikası Ali Məhkəməsinin İnzibati Kollegiyasının 2-1(102)-169/2020 nömrəli iş üzrə qəbul edilmiş xx.xx.2020-cu il tarixli qərarında əks olunmuş mövqeyinə əsasən “iş stajını təsdiq edən sənəd əmək kitabçasıdır”. Öz növbəsində cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialı iddiaçının əmək kitabşasının saxta, qeyri-mötəbər olmasına dair məhkəməyə heç bir sübut təqdim etməmişdir. İddiaçının əmək kitabçasına əsasən “Əmək pensiyaları haqqında” Azərbaycan Respublikasının Qanunun qüvvəyə mindiyi tarixə qədər artıq 25 ildən çox əmək stajı mövcuddur. Belə olan halda cavabdeh inzibati orqan “İnzibati icraat haqqında” Azərbaycan Respublikasının Qanunu ilə onun üzərinə qoyulmuş öhdəlikləri icra etməmiş, iddiaçının xeyrinə olan halları araşdırmamış və onları nəzərə almaqdan iddiaçıya yaşa görə əmək pensiyasının təyin edilməsindən əsassız imtina etmişdir. 16.Azərbaycan Respublikasının İnzibati Prosessual Məcəlləsinin 68.1-ci maddəsinə əsasən məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. Sözügedən Məcəllənin 68.2-ci maddəsinə əsasən məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır. 17.Məhkəmə yuxarıda göstərilən bütün hallara hüquqi qiymət verərək hesab edir ki, iddia tələbi təmin edilməli, İddiaçı yaşa görə əmək pensiyası almaq hüququ yarandığı gündən əmək pensiyasının təyin olunması, hesablanması və ödənilməyən pensiya məbləğinin ödənilməsi vəzifəsi cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialının üzərinə qoyulmalıdır. 18.Azərbaycan Respublikiasının İnzibati Prosessual Məcəlləsinin 110.1-ci maddəsinə əsasən prosessual xərclər ödənilmiş tələblərə münasib olaraq işdə iştirak edən şəxslərə aid edilir. 19.“Dövlət rüsumu haqqında” Azərbaycan Respublikasının Qanununun 9.1.12-ci maddəsinə əsasən, inzibati hüquq münasibətlərindən əmələ gələn işlər üzrə – tərəflər dövlət rüsumu ödəməkdən azad olunurlar.
NƏTİCƏVİ HİSSƏ
20.Göstərilənlərə əsasən və Azərbaycan Respublikasının İPM-nin 2, 33,34, 68,69, 85,110-cu maddələrini rəhbər tutaraq, məhkəmə
QƏRARA ALDİ: İddia tələbi təmin edilsin. İddiaçı yaşa görə əmək pensiyası almaq hüququ yarandığı gündən(13.02. 2024-cü il tarixdən) əmək pensiyasının təyin olunması, hesablanması və ödənilməyən pensiya məbləğinin ödənilməsi vəzifəsi cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialının üzərinə qoyulsun. Qərardan təqdim olunduğu gündən 30 gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin inzibati kollegiyasına (Bakı şəhəri, Z.Xəlilov küçəsi, 540-cı məhəllə) şikayət verilə bilər.
Hakim Miminat Hacıbəyova