Bakı İnzibati Məhkəməsi Qərardad — İş №2-1(112)-2937/2024

Azərbaycan Respublikası adından QƏRARDAD Bakı şəhəri İş № 2-1(112)-2937/2024 04.11.2024 BAKİ İNZİBATİ MƏHKƏMƏSİ İddiaçı Treşenko Lyudmila Pyotrivna və İddiaçı2 cavabdeh Azərbaycan Respublikasının Elm və Təhsil Nazirliyinə qarşı “öhdəliyinin qoyulması” tələbinə dair iş üzrə GİRİŞ HİSSƏ: X2 Əmir oğlunun sədrliyi ilə, Cavabdehin nümayəndəsi X1 iştirakı ilə, İddiaçı Treşenko Lyudmila Pyotrivna və İddiaçı2 cavabdeh Azərbaycan Respublikasının Elm və Təhsil Nazirliyinə qarşı “öhdəliyinin qoyulması” tələbinə dair inzibati işə məhkəmənin binasında (Bakı şəhəri, N.Vəzirov küçəsi 56) açıq məhkəmə iclasında baxaraq aşağıdakı qərardadı qəbul etdi TƏSVİRİ HİSSƏ: İddiaçı Treşenko Lyudmila Pyotrivna və İddiaçı2 cavabdeh Azərbaycan Respublikasının Elm və Təhsil Nazirliyinə qarşı “öhdəliyinin qoyulması” tələbinə dair iddia ərizəsi ilə Bakı İnzibati Məhkəməsinə müraciət etmişdir. Azərbaycan Respublikası İnzibati Prosessual Məcəlləsinin 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş sayılır. İş üzrə növbəti məhkəmə iclası xx.xx.2024-cü il tarixə təyin edilmişdir. Həmin tarixli məhkəmə iclasında iş üzrə icraata xitam verilməsi məsələsi müzakirə edilmişdir. Məhkəmə iclasında iştirak edən cavabdehin nümayəndəsi iddianın geri götürülmüş sayılmasına etiraz etmədi. ƏSASLANDİRMA HİSSƏSİ: Məhkəmə iş materiallarını araşdıraraq hesab edir ki, iddia geri götürülmüş sayılmalı və bununla əlaqədar olaraq iş üzrə icraata xitam verilməlidir. Belə ki, iş materiallarından görünür ki, iddiaçılar iş üzrə təyin edilmiş xx.xx.2024-cü il tarixli, xx.xx.2024-cü il tarixli və xx.xx.2024-cü il tarixli məhkəmə iclaslarında iştirak etməmişdir. Məhkəmənin 2-1(112)-2937/2024 nömrəli xx.xx.2024-cü il tarixli məhkəmə bildirişi ilə iddiaçıya xx.xx.2024-cü il tarixə 12:05-ə təyin edilmiş məhkəmə iclası barədə məlumat verilmişdir. Həmin bildirişdə İPM-in 55.3-cü maddəsi göstərilməklə iddiaçının məhkəmə iclasında iştirak etmədiyi təqdirdə iş üzrə icraata xitam veriləcəyi barədə xəbərdarlıq edilmişdir. Bununla yanaşı, məhkəmə qeyd edir ki, məhkəmənin adıçəkilən bildirişini iddiaçı xx.xx.2024-cü il tarixdə şəxsən qəbul etmişdir. Məhkəmə onu da qeyd edir ki, iddiaçıya məhkəmə iclaslarının vaxtı barədə məlumat şəxsin təqdim etdiyi mobil telefon nömrəsinə (“Elektron məhkəmə” informasiya sistemi vasitəsilə) SMS-lə çatdırılmışdır. Həmçinin, məhkəmə bildirişi iddiaçılara fiziki olaraq da göndərilmişdir. Azərbaycan Respublikasının Ədliyyə Nazirliyi Kollegiyasının 29 noyabr 2011-ci il tarixli 3-N nömrəli qərarı ilə təsdiq edilmiş “Azərbaycan Respublikasının məhkəmələrində kargüzarlığın aparılmasına dair Təlimat”ın 295-8-2-ci bəndinə əsasən “Elektron məhkəmə” informasiya sisteminin tətbiq olunduğu məhkəmələrdə inzibati mübahisələr üzrə işdə iştirak edən şəxslər “Elektron məhkəmə” informasiya sistemində qeydiyyatdan keçməmişlərsə, onlara məhkəmə sənədləri barədə məlumat bu sistem vasitəsilə şəxsin təqdim etdiyi mobil telefon nömrəsinə SMS-lə çatdırılır. Bu halda işdə iştirak edən şəxs məhkəmə iclasının vaxtı və yeri haqqında lazımi qaydada xəbərdar edilmiş hesab edilir. SMS-in işdə iştirak edən şəxsə çatdırıldığı vaxt barədə məlumat “Elektron məhkəmə” informasiya sistemində qeyd edilir. Göründüyü kimi (sms xəbərdarlığın AZEMİS vasitəsi ilə göndərilməsi barədə bildirişlər, xəbərnamə və məhkəmə iclas protokollarından məlum olur), məhkəmənin tələbinə baxmayaraq, iddiaçı 30 gündən artıq müddət ərzində ardıcıl olaraq iş üzrə məhkəmə icraatından yayınmışdır. Göründüyü kimi məhkəmənin tələbinə baxmayaraq, iddiaçı 30 gündən artıq müddət ərzində ardıcıl olaraq iş üzrə məhkəmə icraatından yayınmışdır. Məhkəmə iş materiallarını araşdıraraq hesab etdi ki, iddia geri götürülmüş sayılmalı və bununla əlaqədar olaraq iş üzrə icraata xitam verilməlidir. Azərbaycan Respublikası İnzibati Prosessual Məcəlləsinin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Azərbaycan Respublikası İnzibati Prosessual Məcəlləsinin 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Eyni zamanda Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair” xx.xx.2014-cü il tarixli Qərarında müəyyən olunmuşdur: “Azərbaycan Respublikası Konstitusiyasının 60-cı maddəsinin İ hissəsinin mənasına uyğun olaraq Azərbaycan Respublikası İnzibati Prosessual Məcəlləsinin 55.5-ci maddəsinin “Məhkəmənin həmin qərardadından şikayət verilə bilməz” müddəası həmin Məcəllənin 55.3-cü maddəsi əsasında qəbul edilən qərardaddan apellyasiya şikayətinin verilməsi hüququnu məhdudlaşdıran norma kimi qiymətləndirilə bilməz. Azərbaycan Respublikası İnzibati Prosessual Məcəlləsinin 55.3-cü maddəsinə uyğun olaraq iddianın geri götürülmüş sayılması barədə qəbul edilmiş qərardaddan həmin Məcəllənin 81.1-ci maddəsinə müvafiq olaraq apellyasiya şikayətinin verilməsi hüququ təmin olunmalıdır”. Həmçinin, iddiaçılara izah olunur ki, iddianın geri götürülmüş hesab edilməsi olarınn yenidən məhkəməyə müraciət etməsi üçün maneə deyildir. Göstərilənlərə əsasən və Azərbaycan Respublikası İnzibati Prosessual Məcəlləsinin 55 və 80-ci maddələrini rəhbər tutaraq, məhkəmə NƏTİCƏVİ HİSSƏ: İddiaçı Treşenko Lyudmila Pyotrivna və İddiaçı2 cavabdeh Azərbaycan Respublikasının Elm və Təhsil Nazirliyinə qarşı “öhdəliyinin qoyulması” tələbinə dair 2- 1(112)-2937/2024 nömrəli iş üzrə iddia geri götürülmüş sayılsın. İş üzrə icraata xitam verilsin. Qərardaddan təqdim olunduğu (elektron kabineti olan tərəflərin elektron kabinetinə yerləşdirildiyi) gündən 10 gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına (Bakı şəhəri, Zahid Xəlilov küçəsi 540-cı məhəllə) apellyasiya şikayəti verilə bilər. X4