Bakı İnzibati Məhkəməsi Qərardad — İş №2-1(112)-375/2020

Azərbaycan Respublikası adından QƏRARDAD Bakı şəhəri İş № 2-1(112)-375/2020 11.02.2020 BAKİ İNZİBATİ MƏHKƏMƏSİ Hakim Mədətli Fərid İlham oğlunun sədrliyi, Məhkəmə iclas katibi Əliyev Teymur Budaq oğlunun katibliyi ilə, Tərəflərin iştirakları olmadan, İddiaçı cavabdeh Bakı şəhəri Səbail rayon Bələdiyyəsinə (3-cü şəxslər Azərbaycan Respublikası Əmlak Məsələləri Dövlət Komitəsinin yanınəda Daşınmaz Əmlakın Dövlət Reyestri Xidmətinin 1 saylı Bakı Ərazi İdarəsinə, X15, X13, X2, X14, X10, X25, X26, X1, X11, X16, X12, X7, X3, X17, X27, X4, X5, X18, Mehtiyev Təhimi Nüsrət oğlu, X6, X19, X28, X8 olmaqla) qarşı “qərarın etibarsız hesab edilməsi” tələbi barədə inzibati mübahisəyə dair işə məhkəmənin binasında (Bakı şəhəri, N.Vəzirov küçəsi 56) hazırlıq icraatı mərhələsində açıq məhkəmə iclasında baxaraq, müəyyən etdi̇ : İddiaçı cavabdeh Bakı şəhəri Səbail rayon Bələdiyyəsinə (3-cü şəxslər Azərbaycan Respublikası Əmlak Məsələləri Dövlət Komitəsinin yanınəda Daşınmaz Əmlakın Dövlət Reyestri Xidmətinin 1 saylı Bakı Ərazi İdarəsinə, X15, X13, X2, X14, X10, X25, X26, X1, X11, X16, X12, X7, X3, X17, X27, X4, X5, X18, Mehtiyev Təhimi Nüsrət oğlu, X6, X19, X28, X8 olmaqla) qarşı “qərarın etibarsız hesab edilməsi” tələbinə dair iddia ərizəsi ilə 1 saylı Bakı İnzibati-İqtisadi Məhkəməsinə müraciət edərək, cavabdeh Səbail Bələdiyyəsi tərəfindən tərtib olunmuş 1412 №-li xx.xx.2004-cü il tarixli; 562 №-li xx.xx.2004-cü il tarixli; 35 №-li 24 yanvar 2005-ci il tarixli; 115 №-li 07 dekabr 2005-ci il tarixli; 74 ,№li 22 iyul 2005-ci il tarixli; 945 №-li, 30 dekabr 2004-cü il tarixli, 164 №-li, 07 mart 2003 tarixli; 257 №li xx.xx.2004-cü il tarixli; 455 №-li, 30 dekabr 2004-cü il tarixli; 826 №-li, 30 dekabr 2004-cü il tarixli; 540 №-li 29 dekabr 2004-cü il tarixli; 735 №-li, 30 dekabr 2004-cü il tarixli 792 №-li, 30 dekabr 2004-ci il tarixli sərəncamlarının; 370 №-li, 27 dekabr 2005-ci il tarixli; 52 №-li 08 aprel 2005-ci il tarixli; 1320 №-li, 30 dekabr 2004-cü il tarixli; 643 №-li, 30 dekabr 2004-cü il tarixli, 473 №-li, 29 dekabr 2005-ci il tarixli, 224 №li,27 dekabr 2006-cı il tarixli 19 №-li, 18 yanvar 2005-ci il tarixli qərarların etibarsız olunması barədə qərar qəbul edilməsini xahiş etmişdir. İş xx.xx.2019-cu il tarixdə 1 saylı Bakı İnzibati-İqtisadi Məhkəməsinin icraatına daxil olmuş, iş üzrə hazırlıq icraatı mərhələsində məhkəmə iclasları xx.xx.2019, xx.xx.2019, xx.xx.2020, xx.xx.2020-ci il tarixlərə təyin edilmiş və tərəflərə məhkəmə iclaslarının vaxtı və yeri barədə məhkəmə bildirişləri göndərilmişdir. İddiaçı xx.xx.2019-cu il, xx.xx.2019-cu il tarixlərə təyin edilmiş məhkəmə iclasında iştirak etmişdir. Lakin xx.xx.2020-ci il və xx.xx.2020-ci il tarixlərə təyin edilmiş məhkəmə iclaslarının vaxtı və yeri barədə məlumatlandırılmasına baxmayaraq, həmin məhkəmə iclaslarında iştirak etməmişdir. Beləliklə, iddiaçı 30 gündən çox müddət ərzində inzibati məhkəmə icraatından yayınmışdır. Məhkəmə iş materiallarını araşdırıb hesab edir ki, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındığından, iddia geri götürülmüş sayılmalıdır. Azərbaycan Respublikasının İnzibati Prosessual Məcəlləsinin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. M.Məmmədovun şikayəti əsasında Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair Azərbaycan Respublikası Konstitusiya Məhkəməsinin Plenumunun xx.xx.2016-cü il tarixli qərarında qeyd edilir ki, Azərbaycan Respublikası Konstitusiyasının 60-cı maddəsinin İ hissəsinin mənasına uyğun olaraq Azərbaycan Respublikası İnzibati Prosessual Məcəlləsinin 55.5-ci maddəsinin «Məhkəmənin həmin qərardadından şikayət verilə bilməz» müddəası həmin Məcəllənin 55.3-cü maddəsi əsasında qəbul edilən qərardaddan apellyasiya şikayətinin verilməsi hüququnu məhdudlaşdıran norma kimi qiymətləndirilə bilməz. Azərbaycan Respublikası İnzibati Prosessual Məcəlləsinin 55.3-cü maddəsinə uyğun olaraq iddianın geri götürülmüş sayılması barədə qəbul edilmiş qərardaddan həmin Məcəllənin 81.1-ci maddəsinə müvafiq olaraq apellyasiya şikayətinin verilməsi hüququ təmin olunmalıdır. Şərh olunanlara əsasən və Azərbaycan Respublikası İnzibati Prossesual Məcəllənin 55.3, 80, 85.1-ci maddələrini rəhbər tutaraq, məhkəmə qərara aldi: İddia geri götürülmüş sayılsın. İş üzrə icraata xitam verilsin. Qərardaddan rəsmi qaydada verildikdən sonra 10 (on) gün müddətində 1 saylı Bakı İnzibati-İqtisadi Məhkəməsi vasitəsilə Bakı Apellyasiya Məhkəməsinin İnzibati- İqtisadi Kollegiyasına (ünvan:Bakı şəhəri Z.Xəlilov küçəsi-540) şikayət verilə bilər. Hakim Fərid Mədətli