Bakı İnzibati Məhkəməsi Qərardad — İş №2-1(112)-522/2021

Azərbaycan Respublikası adından QƏRARDAD Bakı şəhəri İş № 2-1(112)-522/2021 29.01.2021 BAKİ İNZİBATİ MƏHKƏMƏSİ Hakim Hüseynov Pərviz Aktiv oğlunun sədrliyi, məhkəmə iclas katibi Əhmədov Rəşad Əhməd oğlunun katibliyi, İddiaçı iştirakı ilə, İddiaçı cavabdeh X1rşı (üçüncü şəxs Azərbaycan Respublikası Təhsil Nazirliyi) “diplom üzrə ixtisasın ölkə ərazisində tanınması” tələbinə dair iddia ərizəsi üzrə inzibati işə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı cavabdeh Azərbaycan Respublikasının Təhsil Nazirliyinə qarşı iddia ərizəsi ilə məhkəməyə müraciət edərək, cavabdehin Akkreditasiya və Nostrifikasiya İdarəsinin xx.xx.2019-cu il tarixli Q-809/03-ANİ nömrəli və onunla bağlı olan xx.xx.2017-ci il tarixli, 49/ANİ saylı imtina məktublarının ləğv edilməsi, Azərbaycan Respublikası Təhsil Nazirliyinin üzərinə iddiaçının bilik və bacarıqlarının yenidən yoxlanması və ya Dİ 046694 qeydiyyat nömrəli diplom üzrə iddiaçının ixtisasının ölkə ərazisində tanınması və ekvivalentliyinin məyyən edilməsinə dair şəhadətnamənin verilməsi öhdəliyinin qoyulması barədə qərar qəbul edilməsini məhkəmədən xahiş etmişdir. İddiaçının ərizəsi əsasında ilk cavabdeh Azərbaycan Respublikasının Təhsil Nazirliyi əsl cavabdeh X3 Agentliyi ilə əvəz edilmişdir. Eyni zamanda məhkəmə tərəfindən Azərbaycan Respublikasının Təhsil Nazirliyi üçüncü şəxs qismində inzibati məhkəmə icraatına cəlb olunmuşdur. Məhkəmə iclasında iştirak edən İddiaçı izahat verərək bildirdi ki, onun tələbi təmin edilmiş, onun xarici ali təhsil ixtisası tanınmış, ona ekvivalentlik haqqında şəhadətnamə verilmişdir. Məhkəmə mübahisəsi olmadığına görə iş üzrə icraata xitam verilməsini xahiş etdi. Məhkəmə iclasının yeri və vaxtı barədə lazımi qaydada məlumatlandırılmış cavabdeh və üçüncü şəxs məhkəmə iclasına gəlməmişlər. Məhkəmə işə onların nümayəndələrinin iştirakı olmadan baxılmasını mümkün hesab etmişdir. Cavabdeh X3 Agentliyi məhkəməyə ərizə ilə müraciət edərək bildirmişdir ki, iddiaçıya xarici ali təhsil ixtisasının tanınması ilə bağlı müvafiq şəhadətnamələr təqdim edilmişdir. Cavabdeh tərəfindən iddiaçının tələbinin təmin olunduğu və işin mahiyyəti üzrə mübahisənin artıq mövcud olmadığını nəzərə alaraq Azərbaycan Respublikası İnzibati Prosessual Məcəlləsinin 67.2-ci maddəsinə əsasən məhkəmə icraatına xitam verilməsi barədə qərardad qəbul edilməsini xahiş etmişdir. Cavabdeh tərəfindən məhkəməyə təqdim edilmiş T 022969 və i 022429 saylı Azərbaycan Respublikası Təhsil Nazirliyinin şəhadətnamələrinin təsdiq edilmiş surətlərindən görünür ki, İddiaçı adına V.N Karazin adına Xarkov Milli Universiteti tərəfindən verilmiş xx.xx.2015-ci il tarixli, Dİ 046694 nömrəli diplom ölkə ərazisində tanınmış və ekvivalentlik haqqında şəhadətnamə verilmişdir. Məhkəmə iddiaçının izahatını dinləyib, iş materiallarını araşdıraraq hesab edir ki, Azərbaycan Respublikası İnzibati Prosessual Məcəlləsinin 67.2-ci maddəsinə uyğun olaraq cavabdeh tərəfindən iddiaçının tələbi təmin olunduğundan və işin mahiyyəti üzrə mübahisə artıq mövcud olmadığından icraata xitam verilməlidir. Azərbaycan Respublikası İnzibati Prosessual Məcəlləsinin 67.1-ci maddəsinə əsasən mübahisə ilə bağlı məhkəmənin yekun qərarı qəbul edilənədək, cavabdeh (inzibati orqan) iddiaçının tələbinin təmin olunduğu yeni inzibati akt qəbul etməyə və ya qanunda nəzərdə tutulmuş başqa tədbir görməyə haqlıdır. Cavabdeh iddiaçının tələbinin təmin olunması ilə bağlı niyyəti barədə məhkəməyə yazılı məlumat verir. Bu məqsədlə inzibati orqan əvvəl məhkəməyə təqdim olunmuş sənədləri geri tələb edə bilər. Həmin Məcəllənin 67.3-cü maddəsinə əsasən bu Məcəllənin 67.2-ci maddəsinə uyğun olaraq müəyyən edilmiş müddət ərzində cavabdeh tərəfindən iddiaçının tələbinin təmin olunduğu və işin mahiyyəti üzrə mübahisənin artıq mövcud olmadığı hallarda məhkəmə icraata xitam verilməsi barədə qərardad qəbul edir. Şərh olunanlara əsasən və Azərbaycan Respublikası İnzibati Prosessual Məcəlləsinin 67, 80, 85.1-ci maddələrini rəhbər tutaraq, məhkəmə QƏRARA ALDİ: İddiaçı cavabdeh X1rşı (üçüncü şəxs Azərbaycan Respublikası Təhsil Nazirliyi) “diplom üzrə ixtisasın ölkə ərazisində tanınması” tələbinə dair inzibati mübahisəyə dair iş üzrə icraata xitam verilsin. Qərardaddan onun rəsmi qaydada verildiyi gündən 10 (on) gün müddətində Bakı İnzibati Məhkəməsi vasitəsi ilə Bakı Apelyasiya Məhkəməsinə şikayət verilə bilər. Hakim Pərviz Hüseynov