Bakı İnzibati Məhkəməsi Qərar — İş №2-1(112)-5324/2021

Azərbaycan Respublikası adından QƏRAR Bakı şəhəri İş № 2-1(112)-5324/2021 13.07.2021 BAKİ İNZİBATİ MƏHKƏMƏSİ hаkim Hаcıbəyоvа Miminаt Tаcib qızının sədrliyi, Əsədova Türkanə Malik qızının kаtibliyi, iddiaçı Məmmədov Cəlal Abbas oğlunun (qeydiyyatda olduğu ünvan: Bakı şəhəri; ixtisası İT-mühəndisi), cavabdehin nümayəndəsi Məcidov Elbəyi Bayram oğlunun (qeydiyyatda olduğu ünvan: Bakı şəhəri, ixtisası – hüquqşünas, vəzifəsi baş hüquqşünas) iştirakı ilə, iddiaçı Məmmədov Cəlal Abbas oğlunun Cavabdeh ASC-yə qarşı məlumatın verilməsi vəzifəsinin cavabdehin üzərinə qoyulması tələbi barədə iddiа ərizəsi üzrə inzibati işə məhkəmə binаsındа аçıq məhkəmə iclаsındа bахаrаq, MÜƏYYƏN ЕTDİ: İddiаçı Məmmədov Cəlal Abbas oğlu Cavabdeh ASC-yə qarşı Bаkı İnzibаti Məhkəməsində iddia qaldıraraq, Cavabdeh ASC üzərinə 02.08.2018-ci ildə 40 min pul vəsaitinin X1 adına rəsmiləşdirilməsi və pul vəsaitinin kim tərəfindən hansı zaman daxilində götürülməsi haqda məlumatın verilməsi öhdəliyinin qoyulması barədə qərar qəbul еdilməsini хаhiş еtmişdir. İddiаçı iddiа tələbini оnunlа əsаslаndırmışdır ki, 02.08.2018-ci ildə paylı mülkiyyətdə olan Suraxanı rayonu, Yeni Günəşli qəsəbəsi. A/B yaşayış massivi, 145 nömrəli evin 16 nömrəli mənzilini iddiaçı digər mülkiyyətçilər ilə birlikdə satmışdır və həmin gün onun payına düşən pulu həyat yoldaşı X1 adına cavabehə məxsus banka qoymuşdur. 18.06.2020-ci ildə həyat yoldaşı ilə arasında olan nikah pozulmuş və yuxarıda qeyd edilən pul ilə bağlı mübahisə yaranmış, cavabdehə müraciət etmiş, lakin cavabdeh 02.03.2021-ci ildə məktubla onun müraciətinin təmin edilməsindən imtina etmişdir. İddiaçı göstərilənlərə əsasən məhkəmədən iddia tələbinin təmin olunması barədə qərar qəbul edilməsini xahiş etmişdir. Azərbaycan Respublikasının İnzibati-Prosessual Məcəlləsinin 47-ci maddəsinə uyğun qaydada verilmiş məhkəmə sərəncamı əsasında cavabdeh iddia tələbinə etirazını təqdim edərək göstərmişdir ki, iddiaçı tərəfindən tələb olunan məlumatlar bank sirri təşkil etdiyindən yalnız müştərilərin özlərinə və ya onların nümayəndələrinə verilə bilər. Müvafiq qanunvericiliyə əsasən bank hesabının və bank əmanətinin, bank əməliyyatlarının və müştəri haqqında məlumatların sirrinə bank qarantiya verir. Dövlət orqanlarına və onların vəzifəli şəxslərinə bu cür məlumatlar yalnız qanunda nəzərdə tutulmuş hallarda və qaydada verilə bilər. Bank hesabının, hesab üzrə əməliyyatlar və qalıqların, habelə müştəri haqqında məlumatların, o cümlədən müştərinin adı, ünvanı, rəhbərləri haqqında məlumatların sirrinə bank təminat verir. Bank sirri təşkil edən məlumatlar yalnız müştərilərin özlərinə və onların nümayəndələrinə, həmçinin kənar auditorlara və maliyyə bazarlarına nəzarət orqanına verilir. Dövlət orqanlarına və onların vəzifəli şəxslərinə bu cür məlumatlar yalnız cinayət işinin istintaqı, müştərinin pul vəsaitinə və bank saxlancında olan əmlakına həbs qoyulması, tələb yönəldilməsi və bunların musadirə edilməsi ilə əlaqədar məhkəmənin qanuni qüvvəyə minmiş qərarı əsasında verilir.Cavabdeh göstərilənlərə əsasən iddia tələbinin təmin edilməməsini məhkəmədən xahiş etmişdir. Azərbaycan Respublikasının İnzibati Prosessual Məcəlləsinin 2.2-ci maddəsinə əsasən inzibati məhkəmə icraatı qaydasında aşağıdakı iddialara baxılır: ...2.2.3. inzibati orqan tərəfindən inzibati aktın qəbul edilməsi ilə əlaqədar olmayan müəyyən hərəkətlərin edilməsinə dair iddialara (öhdəliyin icrası haqqında iddia); Həmin Məcəllənin 34.1-ci maddəsinə əsasən öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. Öhdəliyin icrası haqqında iddia vasitəsi ilə həmçinin inzibati orqanlar tərəfindən ümumi hüquqi öhdəliklərin pozulması nəticəsində vurulmuş ziyana görə kompensasiyanın ödənilməsi də tələb edilə bilər. Hazırda iddiaçının iddiası mümkünlük şərtlərinə cavab verir. İddiaçı cavabdehə müraciət etmiş və imtina cavabı almışdır, iddia düzgün cavabdehə verilmiş, iddia müddətinə əməl edilmiş, iddia qaldırmaqda iddiaçı subyektiv hüquqa malik olmuşdur. İddiаçı Məmmədov Cəlal Abbas oğlu məhkəmə iclasında iddiа ərizəsində göstərilən məzmundа çıхış еdərək iddia tələbinin təmin edilməsini məhkəmədən xahiş etmişdir. Cavabdehin nümayəndəsi Məcidov Elbəyi Bayram oğlu məhkəmə iclasında iddiaya etirazda göstərilən məzmunda çıxış edərək iddianın təmin edilməməsini məhkəmədən xahiş etmişdir. Məhkəmə iddiаçının və cavabdehin nümayəndəsinin çıхışını dinləyərək, təqdim еdilmiş sənədləri nəzərə аlаrаq hesаb еdir ki, iddia ərizəsi əsassızdır. İş materiallarında olan: Bakı şəhəri Sabunçu rayon məhkəməsinin 2(008)-2118/2020 nömrəli, 18.06.2020-ci il tarixli qətnaməsinə əsasən iddiaçı Aslanova Qaratel Nəriman qızı ilə cavabdeh İddiaçı Abbas oğlu 25.04.2012-ci ildə rəsmi nikaha daxil olmuşlar və onların nikahları qeyd edilən qətnamə əsasında pozulmuşdur. 22.08.2018-ci il tarixli “Daşınmaz əmlakın alqı-satqı müqaviləsi”nə əsasən İddiaçı Abbas oğlu 1/3 hissə olmaqla paylı mülkiyyətində olan Bakı şəhəri, Günəşli qəsəbəsi, AB yaşayış sahəsi, ev 145, mənzil 16 ünvanda yerləşən mənzili alqı-satqı yolu ilə digər şəxsin mülkiyyətinə vermişdir. "xxxx" ASC-nin iddiaçıya ünvanlanmış 02.03.2021-ci il tarixli məktubunda bildirilmişdir ki, Azərbaycan Respublikasının Mülki Məcəlləsinin 967.1 və 967.2-ci maddələrinə əsasən bank hesabının və bank əmanətinin, bank əməliyyatlarının və müştəri haqqında məlumatların sirrinə bank qarantiya verir. Bank sirri təşkil etdiyindən iddiaçının istədiyi məlumatlar yalnız müştərilərin özlərinə və ya onların nümayəndələrinə verilə bilər. Dövlət orqanlarına və onların vəzifəli şəxslərinə bu cür məlumatlar yalnız qanunda nəzərdə tutulmuş hallarda və qaydada verilə bilər. Eyni zamanda “Banklar haqqında” Azərbaycan Respublikası Qanununun 41.1 və 41.2-ci maddələrinə əsasən bank hesabının, hesab üzrə əməliyyatlar və qalıqların, habelə müştəri haqqında məlumatların, o cümlədən müştərinin adı, ünvanı, rəhbərləri haqqında məlumatların sirrinə bank təminat verir. Bank sirri təşkil edən məlumatlar yalnız müştərilərin özlərinə və onların nümayəndələrinə, həmçinin kənar auditorlara və maliyyə bazarlarına nəzarət orqanına verilir. Dövlət orqanlarına və onların vəzifəli şəxslərinə bu cür məlumatlar yalnız cinayət işinin istintaqı, müştərinin pul vəsaitinə və bank saxlancında olan əmlakına həbs qoyulması, tələb yönəldilməsi və bunların musadirə edilmısi ilə əlaqədar məhkəmənin qanuni qüvvəyə minmiş qərarı əsasında verilir. Hazırda iddiaçı 02.08.2018-ci ildə 40 min pul vəsaitinin X1 adına rəsmilişdirilməsi və pul vəsaitinin kim tərəfindən hansı zaman daxilində götürülməsi haqda məlumatın verilməsi öhdəliyinin cavabdehin üzərinə qoyulmasını tələb edir. Azərbaycan Respublikası Konstitusiyasının 26-cı maddəsinin İİ hissəsinə əsasən hər kəsin qanunla qadağan olunmayan üsul və vasitələrlə öz hüquqlarını və azadlıqlarını müdafiə etmək hüququ vardır, 60-cı maddəsinin İ hissəsinə əsasən hər kəsin hüquq və azadlıqlarının inzibati qaydada və məhkəmədə müdafiəsinə təminat verilir, İİ hissəsinə əsasən hər kəsin hüququ var ki, onun işinə qərəzsiz yanaşılsın və həmin işə inzibati icraat və məhkəmə prosesində ağlabatan müddətdə baxılsın, İİİ hissəsinə əsasən hər kəsin inzibati icraat və məhkəmə prosesində dinlənilmək hüququ vardır, İV hissəsinə əsasən hər kəs dövlət orqanlarının, siyasi partiyaların, hüquqi şəxslərin, bələdiyyələrin və vəzifəli şəxslərin hərəkətlərindən və hərəkətsizliyindən inzibati qaydada və məhkəməyə şikayət edə bilər. Azərbaycan Respublikasının Konstitusiyasının 50-ci maddəsinə əsasən hər kəsin istədiyi məlumatı qanuni yolla axtarmaq, əldə etmək, ötürmək, hazırlamaq və yaymaq azadlığı vardır. “Məlumat azadlığı haqqında” Azərbaycan Respublikasının Qanununun 2-ci maddəsinə əsasən hər kəsin məlumat əldə etmək üçün müraciət etmək hüququ vardır. Həmin Qanunun 11-ci maddəsinə əsasən məlumatın əldə edilməsi üçün sorğunun verilməsi və məlumat əldə edilməsi haqqında sorğuya baxılması "İnformasiya əldə etmək haqqında" Azərbaycan Respublikasının Qanunu ilə tənzimlənir. “İnformasiya əldə etmək haqqında” Azərbaycan Respublikasının Qanununun 2.1-ci maddəsinə əsasən Azərbaycan Respublikasında informasiyanın əldə olunması azaddır, həmin Qanunun 2.2-ci maddəsinə əsasən hər kəs özü birbaşa və ya nümayəndəsi vasitəsilə informasiya sahibinə müraciət etmək, informasiyanın növünü və əldə etmə formasını seçmək hüququna malikdir. Həmin Qanunun 2.4-cü maddəsinə əsasən fiziki şəxslərin özləri barəsindəki sənədləşdirilmiş informasiya ilə maneəsiz tanış olmaq, onu əldə etmək, bu informasiyada dəqiqləşdirmələr aparılmasını tələb etmək, informasiyadan kimlərin və hansı məqsədlə istifadə etdiyini öyrənmək hüququ vardır. Həmin Qanunun 2.4-1-ci maddəsinə əsasən informasiyanın əldə edilməsinə o şərtlə icazə verilir ki, bu, Azərbaycan Respublikasının siyasi, iqtisadi, hərbi, maliyyə-kredit və valyuta siyasəti sahələrində maraqlarının qorunması, ictimai qaydanın, sağlamlığın və mənəviyyatın mühafizəsi, digər şəxslərin hüquq və azadlıqlarının, kommersiya və digər iqtisadi maraqlarının qorunması, məhkəmənin nüfuzunun və qərəzsizliyinin, cinayət işləri üzrə ibtidai araşdırmanın normal gedişinin təmin edilməsi məqsədlərinə zidd olmasın. Həmin Qanunun 21.1-ci maddəsinə əsasən informasiya sahibi aşağıdakı hallarda sorğunun icrasından imtina edir:21.1.1. sorğu əldə edilməsi qanunla məhdudlaşdırılan informasiyaya aid olduqda, yaxud sorğuçunun bu informasiyanı əldə etməyə səlahiyyəti çatmadıqda və ya bu Qanunla tələb edildiyi hallarda, sorğuçu şəxsiyyətini təsdiq edən sənəd təqdim etmədikdə; Azərbaycan Respublikasının Mülki Məcəlləsinin 967.1-ci maddəsinə əsasən bank hesabının və bank əmanətinin, hesab əməliyyatlarının və müştəri haqqında məlumatların sirrinə bank qarantiya verir. Həmin Məcəllənin 967.2-ci maddəsinə əsasən bank sirrini təşkil edən məlumatlar yalnız müştərilərin özlərinə və onların nümayəndələrinə, həmçinin kənar auditorlara, maliyyə monitorinqi orqanına və maliyyə bazarlarına nəzarət orqanına verilir. Dövlət orqanlarına və onların vəzifəli şəxslərinə, habelə kredit bürolarına bu cür məlumatlar yalnız qanunda nəzərdə tutulmuş hallarda və qaydada verilə bilər. “Banklar haqqında” Azərbaycan Respublikasının Qanunun 41.1-ci maddəsinə əsasən Azərbaycan Respublikasının Mülki Məcəlləsinə müvafiq olaraq bank hesabının, hesab üzrə əməliyyatlar və qalıqların, habelə müştəri haqqında məlumatların, o cümlədən müştərinin adı, ünvanı, rəhbərləri haqqında məlumatların sirrinə bank təminat verir. Müştərilərin bank saxlancında əmlakının mövcudluğu, bu cür əmlakın sahibləri, xarakteri və dəyəri haqqında məlumatların sirrinə də bank təminat verir. Həmin Qanunun 41.2-ci maddəsinə əsasən Azərbaycan Respublikasının Mülki Məcəlləsinə müvafiq olaraq bank sirrini təşkil edən məlumatlar yalnız müştərilərin özlərinə və onların nümayəndələrinə, həmçinin kənar auditorlara, maliyyə monitorinqi orqanına və maliyyə bazarlarına nəzarət orqanına verilir. İşin faktiki hallarına əsasən iddiaçının tələb etdiyi məlumatlar bank hesabı, hesab üzrə əməliyyatlar və pul qalıqları barədə məlumatlar “Banklar haqqında” Azərbaycan Respublikasının Qanunun 41.1-ci maddəsinə əsasən bank sirrni təşkil edirlər və iddiaçının özünə aid olmayan məlumatlardır, həmin məlumatları tələb etmək hüququ verən etibarnamə (nümayəndə olması barədə) cavabdehə, həmçinin məhkəməyə təqdim edilməmişdir. Belə olan halda cavabdeh iddiaçının tələb etdiyi bank sirri təşkil edən, iddiaçıya aid olmayan və iddiaçının nümayəndəsi olmadığı şəxsə aid olan məlumatları iddiaçıya təqdim etməməklə iddiaçının publik hüquqlarını pozmamışdır. Аzərbаycаn Rеspublikаsı İnzibаti-Prоsеssuаl Məcəlləsinin 58.1-ci mаddəsinə əsаsən sübutlаr məhkəmə tərəfindən şifаhi məhkəmə iclаsındа аrаşdırılır. Həmin Məcəllənin 58.7-ci mаddəsinə əsаsən sübutlаr məhkəmə tərəfindən tаm və hərtərəfli аrаşdırıldıqdаn sоnrа qiymətləndirilir. Həmin Məcəllənin 68.2-ci mаddəsinə əsаsən, məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır. Həmin Məcəllənin 68.1-ci maddəsinə əsasən məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. Qeyd edilənlərə əsasən məhkəmə hesab edir ki, iddiаçı Məmmədov Cəlal Abbas oğlunun Cavabdeh ASC-yə qarşı Cavabdeh ASC-nin üzərinə 02.08.2018-ci ildə 40 min pul vəsaitinin X1 adına rəsmiləşdirilməsi və pul vəsaitinin kim tərəfindən hansı zaman daxilində götürülməsi haqda məlumatın verilməsi öhdəliyinin qoyulması barədə iddiası əsassız olduğu üçün təmin edilməməlidir. Azərbaycan Respublikasının İPM-nin 110-1-ci maddəsinə əsasən prosessual xərclər ödənilmiş tələblərə münasib olaraq işdə, işdə iştirak edən şəxslərə aid edilir. Azərbaycan Respublikasının İPM-nin 2, 34,58, 68, 110-cu maddələrini rəhbər tutaraq, məhkəmə QƏRARA ALDİ: İddiаçı Məmmədov Cəlal Abbas oğlunun Cavabdeh ASC-yə qarşı Cavabdeh ASCnin üzərinə 02.08.2018-ci ildə 40 min pul vəsaitinin X1 adına rəsmiləşdirilməsi və pul vəsaitinin kim tərəfindən hansı zaman daxilində götürülməsi haqda məlumatın verilməsi öhdəliyinin qoyulması barədə iddiası təmin edilməsin. Qərardan şikayət qərarın tam formada təqdim olunduğu gündən 30 gün müddətində Bakı şəhəri, Z.Xəlilov, 540-cı məhəllə ünvanda yerləşən Bakı Apellyasiya Məhkəməsinin inzibati kollegiyasına Bakı İnzibati Məhkəməsi vasitəsilə verilə bilər. Hakim Miminat Hacıbəyova