Bakı İnzibati Məhkəməsi Qərardad — İş №2-1(112)-566/2023

Azərbaycan Respublikası adından QƏRARDAD Bakı şəhəri İş № 2-1(112)-566/2023 23.06.2023 BAKİ İNZİBATİ MƏHKƏMƏSİ Hakim Hüseynov Araz Firidun oğlunun sədrliyi ilə, İsayeva Gülay Rəhim qızının katibliyi ilə, İddiaçı cavabdeh Bakı şəhəri Xəzər rayon polis idarəsinə qarşı (Həmidova (Babayeva) Elnarə Əbdülhüseyn qızının, X1 üçüncü şəxs olduğu) yaşayış sahəsindən qeydiyyatdan çıxarılma öhdəliyinin qoyulması tələbinə dair iddiası üzrə inzibati işə Bakı İnzibati Məhkəməsinin binasında, açıq məhkəmə iclasında baxaraq, müəyyən etdi : İddiaçı cavabdeh Bakı şəhəri Xəzər rayon polis idarəsinə qarşı iddia ərizəsi ilə məhkəməyə müraciət edərək, Həmidova (Babayeva) Elnarə Əbdülhüseyn qızının, X1 ünvan 1 ünvanından qeydiyyatdan çıxarılma öhdəliyinin qoyulması cavabdehə həvalə olunması barədə qərar çıxarılmasını xahiş etmişdir. Bakı İnzibati Məhkəməsinin xx.xx.2022-ci il tarixli 2-1(112)-4436/2022 nömrəli qərardadı ilə qeyd olunan iş üzrə icraat, Bakı Şəhəri Xəzər Rayon Məhkəməsində baxılmış iddiaçı X2 cavabdehlər İddiaçı, Bakı şəhəri 7 saylı notariat ofisi və DƏDRX-in 1 saylı Bakı ərazi idarəsinə qarşı vərəsəlik hüququ haqqında şəhadətnamənin etibarsız hesab edilməsi, çıxarışın ləğvi və s. tələbinə dair 2(003)-397/2021 saylı işi üzrə yekun məhkəmə qərarı qanuni qüvvəyə minənədək dayandırılmışdır. İcraatın dayandırılmasına əsas olmuş mülki iş üzrə yekun məhkəmə qərarı qəbul edildiyindən Bakı İnzibati Məhkəməsinin xx.xx.2023-cü il tarixli 2-1(112)-566/2023 nömrəli qərardadına ilə iş üzrə icraat təzələnmişdir. İddiaçının nümayəndəsi Vəkil2 xx.xx.2023-cü il tarixdə ərizə ilə məhkəməyə müraciət edərək, iddia ərizəsinin və ona əlavə edilmiş sənədlərin geri qaytarılmasını xahiş etmişdir. Məhkəmə iclasının vaxtı və yeri barədə lazımı qaydada məlumat verilməsinə baxmayaraq, tərəflər məhkəmə iclasında iştirak etməmişlər. Məhkəmə İnzibati Prosessual Məcəllənin 62.3-cü maddəsinə əsaslanaraq tərəflərin iştirakı olmadan işə baxılmasını və iş üzrə müvafiq məhkəmə aktının qəbul edilməsini mümkün hesab etmişdir. Məhkəmə iş materiallarını araşdırıb hesab edir ki, ərizə təmin edilməklə iddia geri götürülmüş sayılmalı və inzibati iş üzrə icraata xitam verilməlidir. Məhkəmə hesab edir ki, iddiaçı öz hərəkəti ilə iradəsinə uyğun olaraq məhkəməyə iddianın geri götürülmüş sayılması barədə ərizə verdikdə o, iddia ərizəsinin məhkəmədə baxılmasını və iş üzrə qərarın qəbul edilməsini istəmir. Həmin səbəbdən də iddiaçı tərəfin iradəsinə uyğun olaraq məhkəmə iddianın geri götürülmüş sayılması barədə qərardad qəbul etməlidir. İPM-nin 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Göstərilənlərə əsasən və Azərbaycan Respublikası İnzibati Prosessual Məcəlləsinin 55.5, 80, 81.1, 85.1-cı maddələrinə əsasən, məhkəmə qərara aldı: İddiaçı cavabdeh Bakı şəhəri Xəzər rayon polis idarəsinə qarşı (Həmidova (Babayeva) Elnarə Əbdülhüseyn qızının, X1 üçüncü şəxs olduğu) yaşayış sahəsindən qeydiyyatdan çıxarılma öhdəliyinin qoyulması tələbinə dair iddiası geri götürülmüş hesab edilsin və inzibati iş üzrə icraata xitam verilsin. Qərardaddan inzibati məhkəmə icraatının iştirakçıları rəsmi qaydada təqdim olunduğu gündən 10 (on) gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin İnzibati Kollegiyasına (ünvan: ünvan 3akim Araz Hüseynov