Bakı İnzibati Məhkəməsi Qərar — İş №2-1(112)-5701/2022

Azərbaycan Respublikası adından QƏRAR Bakı şəhəri İş № 2-1(112)-5701/2022 17.05.2022 BAKİ İNZİBATİ MƏHKƏMƏSİ hаkim Hаcıbəyоvа Miminаt Tаcib qızının sədrliyi, X9 kаtibliyi, İddiaçı (Bakı şəhərində qeydiyyatdadır, ixtisası tibb bacısı, işləmir), iddiaçının nümayəndəsi və vəkili X2 (Bakı şəhərində qeydiyyatdadır, ixtisası hüquqşunas, Bakı şəhəri 14 saylı vəkil bürosunda vəkil işləyir) iştirakı ilə, İddiaçı cavabdeh Bakı şəhəri Binəqədi rayon Polis İdarəsinə qarşı Cavabdeh2 məhkəmə icraatına üçüncü şəxs qismində cəlb olunmaqla “Cavabdeh2 Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanından pasport qeydiyyatından çıxarılması vəzifəsinin cavabdehə həvalə edilməsi” bаrədə tələbinə dair iddia ərizəsi üzrə inzibati işə məhkəmənin binasında açıq məhkəmə iclasında baxaraq, MÜƏYYƏN ETDİ: İddiаçı İddiaçı cavabdeh Bakı şəhəri Binəqədi rayon Polis İdarəsinə qarşı “Cavabdeh2 Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanından pasport qeydiyyatından çıxarılması vəzifəsinin cavabdehə həvalə edilməsi” barədə iddia ərizəsi ilə məhkəməyə müraciət etmişdir. İddiа tələbi оnunlа əsаslаndırılmışdır ki, Bakı şəhəri Nəsimi rayon İcra Hakimiyyəti başçısının 27 dekabr 1985-ci il tarixli 40/9 nömrəli qərarına görə iddiaçının həyat yoldaşı X4 ailəsi ilə birlikdə (özü, həyat yoldaşı, oğlu Cavabdeh2, qızı X5) 03 fevral 1986-cı il tarxili 216712 nömrəli order əsasında Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanına köçmüşdür. Həyat yoldaşı X4 07 aprel 2021-ci il tarixində vəfat etmişdir. Həyat yoldaşı vəfat etdiyindən sözügedən mənzilin kirayə müqaviləsinin iddiaçının adına keçirilməsi üçün Azərbaycan Respublikası Müdafiə Nazirliyinin Mənzil-İstismar İdarəsinə müraciət etmişdir. Ona məlumat verilmişdir ki, kirayə müqaviləsinin bağlanması üçün kirayəçinin mülki hüquqi fəaliyyət qabiliyyətli ailə üzvlərinin və kirayə verənin razılığı ilə bağlanıla bilər. Oğlu Cavabdeh2 2000-ci ildə ölkə hüdudlarından çıxaraq bir daha geri qayıtmamış, harada olması barədə də məlumatı yoxdur. Bu səbəbdən o, kirayə müqaviləsinin öz adına keçirilməsi üçün razılıq ərizəsini mənzil orqanlarına təqdim edə bilmir. İddiaçı üçüncü şəxsin pasport qeydiyyatından çıxarılması ilə bağlı sənədlərin və sübutların toplanması və məhkəməyə müraciət etmək üçün 14 saylı vəkil bürosuna müraciət etmiş, 14 saylı vəkil bürosunun vəkili Dilarə xanım Əfrasiyabova müxtəlif orqanlara sorğu göndərmişdir. Azərbaycan Respublikası DİN-nin pasport Qeydiyyat İdarəsinin MAPS söbəsinə göndərdiyi 30 iyul 2021-ci il tarixli 498 nömrəli məktubunda 1979-cu ildə anadan olmuş Cavabdeh2 ümümvətəndaş pasportu və şəxsiyyət vəsiqəsinin 10 il ərzində alıb-almaması barədə arayışın verilməsini xahiş olunmuşdur. Lakin, həmin təşkilat 18 avqust 2021-ci il tarixli 018139-6800 nömrəli cavab məktubunda yalnız sorğu edilən şəxsin yaşayış yeri üzrə qeydiyyatı barədə arayış vermişdir. 2-ci sorğu 30 iyul 2021-ci il tarixli 499 nömrəli məktubu ilə Azərbaycan Respublikasının Dövlət Sərhəd Xidmətinə göndərilmişdir. Müraciətdə üçüncü şəxsin ölkə hüdudlarından çıxıb-çıxmaması və çıxdığı halda hansı tarixdə Respublikanı tərk etdiyi və qayıdıb-qayıtmaması barədə arayışın verilməsi xahiş olunmuşdur. Azərbaycan Respublikasının Dövlət Sərhəd Xidməti Sərhəd Nəzarətindən alınan cavab məktubunda məlumat verilmişdir ki, həmin arayışın verilməsi yalnız subyektin yazılı razılığı ilə yol verilir. Üçüncü şəxsin mənzildə yaşamaması ilə bağlı Müdafiə Nazirliyinin Mənzil-İstismar İdarəsinin 8 nömrəli Mənzil-İstismar Sahəsinə müracət edilmiş və oradan üçüncü şəxsin qeydiyyatda olduğu ünvanda yaşamaması barədə 12 iyul 2021-ci il tarixli akt təqdim edilmişdir. Bu səbəbdən üçüncü şəxsin qeydiyyatdan çıxarılmasına dair ərizə ilə cavabdeh inzibati orqana müraciət olunmuş, cavabdeh müraciəti təmin etmədən saxlamış və bildirmişdir ki, qanunvericiliyin tələblərinə əsasən Cavabdeh2 sözügedən ünvanda yaşayış yeri üzrə qeydiyyatdan çıxarılması və ya yaşayış sahəsindən istifadə hüququna xitam verilməsi yalnız məhkəmənin qanuni qüvvəyə minmiş qətnaməsi əsasında həyata keçirilir. İddiaçı göstərilənlərə əsasən iddia tələbinin təmin edilməsini məhkəmədən xahiş etmişdir. Azərbaycan Respublikasının İnzibati Prosessual Məcəlləsinin 47-ci mаddəsinə əsаsən verilmiş məhkəmə sərəncamı ilə iddiаyа dаir münasibət (еtirаz) təqdim edilməsi tələb edilsə də sərəncam icra edilməmiş, iddiaya dair etiraz məhkəməyə təqdim edilməmişdir. Həmin Məcəllənin 2.2.3-cü maddəsinə əsasən inzibati orqan tərəfindən inzibati aktın qəbul edilməsi ilə əlaqədar olmayan müəyyən hərəkətlərin edilməsinə dair iddialara (öhdəliyin icrası haqqında) inzibati məhkəmə icraatı qaydasında baxılır. Həmin Məcəllənin 34.1-ci maddəsinə əsasən öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. Öhdəliyin icrası haqqında iddia vasitəsi ilə həmçinin inzibati orqanlar tərəfindən ümumi-hüquqi öhdəliklərin pozulması nəticəsində vurulmuş ziyana görə kompensasiyanın ödənilməsi də tələb edilə bilər. Hazırda iddiaçının iddiası mümkünlük şərtlərinə cavab verir. İddiaçı cavabdehə müraciət etmiş, iddia düzgün cavabdehə verilmiş, iddia müddətinə əməl edilmiş, iddia qaldırmaqda iddiaçı subyektiv hüquqa malik olmuşdur. Аzərbаycаn Rеspublikаsının İnzibati Prosessual Məcəlləsinin 62.3-ci mаddəsinə görə iştirаkı оlmаdаn işə bахılmаsının və iş üzrə qərаr qəbul еdilməsinin mümkünlüyü bаrədə хəbərdаr еdilmiş cavabdeh və üçüncü şəxs məhkəmə bахışınа öz nümаyəndəsini göndərməmişdir, cavabdeh onun iştirakı olmadan məhkəmə baxışının keçirilməsini xahiş etmişdir. Оdur ki, məhkəmə işə cavabdehin və üçüncü şəxsin iştirаkı оlmаdаn bахmışdır. Məhkəmə iclasında iştirak edən iddiaçı və onun vəkili iddia ərizəsinin məzmununa uyğun izahat verərək iddia tələbinin təmin edilməsini məhkəmədən xahiş etdilər. Məhkəmə iddia ərizəsini nəzərdən keçirərək, iş materiallarında olan sənədləri tədqiq edərək, işin fаktiki hаllаrınа və sübutlаrа qiymət vеrərək hеsаb еdir ki, iddiа tələbi təmin еdilməlidir. Belə ki, iş materiallarında olan: 03 fevral 1986-cı il tarxili 216712 nömrəli Ə.K.Xaliqovun adına verilmiş orderə əsasən, X4, İddiaçı, X6, X5 Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanına köçmək hüuqu ədə etmişlər. Azərbaycan Respublikası Müdafiə Nazirliyinin Mənzil-İstismar İdarəsinin 8 nömrəli Mənzil-İstismar Sahəsinin 16.07.2021-ci il tarixli 206 nömrəli arayışına əsasən İddiaçı (xx.xx.1956-cı il təvəllüdlü), oğlu X6 (12.12.1979-cu il təvəllüdlü), qızı X5 (07.11.1976-cı il təvəllüdlü), nəvəsi X14 (10.06.1997-ci il təvəllüdlü), nəvəsi X7 (09.03.2000-ci il təvəllüdlü), nəvəsi X15 (10.06.2006-cı il təvəllülü) Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanında qeydiyyatdadırlar. 344741 nömrəli Nikah haqqında şəhadətnaməyə əsasən, X4 və İddiaçı arasında 05.07.1975-ci il tarixində nikah bağlanmışdır. AZ-İİ 149445 nömrəli Ölüm haqqında şəhadətnaməyə əsasən, X4 07 aprel 2021-ci il tarixdə Bakı şəhərində vəfat etmişdir. 12 iyul 2021-ci il tarixli akta əsasən, aktı imza edənlər, ünvan 1 ünvanında yaşayan X10, ünvan 2 ünvanında yaşayan X8, ünvan 3 ünvanında yaşayan X13, ünvan 4 ünvanında yaşayan X11 üçüncü şəxs Cavabdeh2 ünvan 5 ünvanında on iki ildir ki, yaşamadığını təsdiq edirlər. Azərbaycan Respublikası Müdafiə Nazirliyinin Mənzil-İstismar İdarəsinin 8 nömrəli Mənzil-İstismar Sahəsinin 23.07.2021-ci il tarixli 211 nömrəli arayışına əsasən İddiaçı X1 (12.12.1979-cu il təvəllüdlü) Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanında qeydiyyatda olduğuna görə 8 nömrəli MİS-ə kommunal xidmətinə və məişət tullantılarına görə ödəniş edir. Azərbaycan Respublikası Daxili İşlər Nazirliyi Baş Pasport, Qeydiyyat və Miqrasiya İdarəsinin iddiaçının vəkilinə ünvanladığı cavab məktubuna əsasən, Cavabdeh2 Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanında qeydiyyatda olmasına dair arayış təqdim edilmişdir. Bakı şəhəri Binəqədi rayonu Polis İdarəsi tərəfindən iddiaçıya ünvanlanmış 17.12.2021-ci il tarixli 059-48004X-3221 nömrəli məktubuna əsasən, qanunvericiliyin tələbinə görə Cavabdeh2 qeydiyyatdan çıxarılması və ya yaşayış sahəsindən istifadə hüququna xitam verilməsi yalnız məhkəmənin qanuni qüvvəyə minmiş qətnaməsi əsasında həyata keçirilir. Azərbaycan Respublikası Dövlət Sərhəd Xidməti Sərhəd Nəzarətinin 05.05.2022-ci il tarixli 33/1660 nömrəli məktubuna əsasən, xx.xx.1979-cü il təvəllüdlü Cavabdeh2 sonuncu dəfə 18.06.2010-cu il tarixdə Ukrayna Respublikasına çıxması kimi məlumat qeydə alınmışdır. Azərbaycan Respublikası Daxili İşlər Nazirliyi Baş Pasport, Qeydiyyat və Miqrasiya İdarəsinin 26 aprel 2022-ci il tarixli, 018-8124-1222 nömrəli məktubuna əsasən, xx.xx.1979-cu il təvəllüdlü Cavabdeh2 31.05.2006-ci il tarixdə AZE 0******* nömrəli şəxsiyyət vəsiqəsi, 09.06.2009-cu il tarixində P3829702 nömrəli ümumvətəndaş pasportu verilmişdir. Qeyd edilən tarixdən sonra Cavabdeh2 Azərbaycan Respublikasının şəxsiyyət vəsiqəsi və ümumvətəndaş pasportu ilə sənədləşdirilməsi barədə BPQMİ-də məlumat aşkar olunmamışdır. Məhkəmə iddiaçının tələbi ilə bağlı aşagıdakıları qeyd edir. Azərbaycan Respublikası Konstitusiyasının 13-cü maddəsinin İ hissəsinə əsasən, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikası Konstitusiyasının 29-cu maddəsinin İİİ hissəsinə görə, hər kəsin mülkiyyətində daşınar və daşınmaz əmlak ola bilər. Mülkiyyət hüququ mülkiyyətçinin təkbaşına və ya başqaları ilə birlikdə əmlaka sahib olmaq, əmlakdan istifadə etmək və onun barəsində sərəncam vermək hüquqlarından ibarətdir. “İnsan hüquqlarının və əsas azadlıqlarının müdafiəsi haqqında” Avropa Konvensiyasının 1 saylı Protokolunun 1-ci maddəsinə əsasən hər bir fiziki və hüquqi şəxs öz mülkiyyətindən dinc istifadə hüququna malikdir. Heç kəs cəmiyyətin maraqları naminə, qanunla və ya beynəlxalq hüququn ümumi prinsipləri ilə nəzərdə tutulmuş şərtlər istisna olunmaqla, öz mülkiyyətindən məhrum edilə bilməz. Azərbaycan Respublikası Mənzil Məcəlləsinin 29.1-ci maddəsinin tələbinə əsasən yaşayış sahəsinin mülkiyyətçisi ona mülkiyyət hüququ əsasında məxsus olan yaşayış sahəsi barəsində onun təyinatına uyğun olaraq və bu Məcəllə, həmçinin digər qanunlarla müəyyən edilmiş hüdudlarda sahiblik, istifadə və sərəncam vermək hüquqlarını həyata keçirir. Azərbaycan Respublikasının Mülki Məcəlləsinin 152.1-ci maddəsinə görə, mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Həmin Məcəllənin 178.1-ci maddəsinə uyğun olaraq, daşınmaz əmlaka mülkiyyət hüququ qanunla müəyyənləşdirilmiş əsaslarla onun verilməsinin daşınmaz əmlakın dövlət reyestrində qeydə alındığı andan əldə edənə keçir. Əgər qanuna müvafiq olaraq daşınmaz əmlak üzərində mülkiyyət hüququnun dövlət reyestrində qeydə alınmadan başqa şəxsə keçməsi mümkündürsə, onda şəxs bu barədə dövlət reyestrinə məlumat verməlidir. Həmin Məcəllənin 178.2-ci maddəsinə əsasən, yeni yaranmış daşınmaz əmlaka mülkiyyət hüququ onun daşınmaz əmlakın dövlət reyestrində qeydə alındığı andan əmələ gəlir. “Yаşаyış yеri və оlduğu yеr üzrə qеydiyyаt hаqqındа” Аzərbаycаn Rеspublikаsının Qаnununun” 2-ci maddəsinə əsasən, şəxsin yaşayış yeri — tam həcmdə fəaliyyət qabiliyyətli şəxsin mülkiyyətçi kimi icarə və kirayə müqaviləsi üzrə, yaxud Azərbaycan Respublikasının qanunvericiliyi ilə nəzərdə tutulmuş digər əsaslarla daimi və ya daha çox yaşadığı ev, mənzil, xidməti yaşayış sahəsi, yataqxana, ahıllar və əlilliyi olan şəxslər, o cümlədən sağlamlıq imkanları məhdud 18 yaşınadək uşaqlar üçün sosial xidmət müəssisələri, xüsusi təhsil müəssisələri və digər bu kimi yaşayış yerləri başa düşülür. “Yаşаyış yеri və оlduğu yеr üzrə qеydiyyаt hаqqındа” Аzərbаycаn Rеspublikаsının Qаnunundа şəxsin (şəхslərin) yаşаyış yеri üzrə qеydiyyаtdаn çıхаrılmаsının əsаslаrı dəqiq göstərilmişdir. Belə ki, “Yaşayış yeri və olduğu yer üzrə qeydiyyat haqqında” Azərbaycan Respublikasının Qanununun 9-cu maddəsinə əsasən, müvafiq icra hakimiyyəti orqanları tərəfindən şəxs yaşayış yeri üzrə qeydiyyatdan çıxarılır - yaşayış yerini dəyişdikdə yeni yaşayış yeri üzrə qeydiyyata alınması barədə müvafiq icra hakimiyyəti orqanlarının məlumatına əsasən; başqa ölkədə yaşayış yeri seçdikdə müvafiq icra hakimiyyəti orqanlarının məlumatına əsasən; ömürlük azadlıqdan məhrum edildikdə məhkəmənin qanuni qüvvəyə minmiş hökmü əsasında; öldükdə və ya məhkəmə qətnaməsi ilə ölmüş elan edildikdə ölüm aktının qeydə alınması haqqında müvafiq dövlət orqanının məlumatı əsasında; yaşayış sahəsindən çıxarıldıqda və ya yaşayış sahəsindən istifadə hüququna xitam verildikdə məhkəmənin qanuni qüvvəyə minmiş qətnaməsi əsasında; qeydiyyata alınma üçün əsas olmuş sənədlərin və ya məlumatların həqiqətə uyğun olmadığı və ya qeydiyyat məsələsi həll edilərkən vəzifəli şəxs tərəfindən qanunsuz hərəkətə yol verildiyi aşkar edildikdə məhkəmənin qanuni qüvvəyə minmiş qərarı əsasında. «Yаşаyış yеri və оlduğu yеr üzrə qеydiyyаt hаqqındа» Аzərbаycаn Rеspublikаsının Qаnununun mənаsınа görə şəхs fаktiki yаşаdığı və оlduğu yеr üzrə qеydiyyаtа аlınmаlıdır. Həmin qаnunа əsаsən yаşаyış yеri üzrə və оlduğu yеr üzrə qеydiyyаtın məqsədi şəхslərin uçоtа аlınmаsı, оnlаrın bаşqа şəхslərin, dövlət və cəmiyyət qаrşısındа vəzifələrin icrа еdilməsidir. İş materiallarından göründüyü kimi, Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanında yerləşən mənzil iddiaçının mülkiyyətindədir. Belə olan halda mülkiyyətçi ona məxsus mənzildə qeydiyyatda olan, lakin faktiki olaraq həmin mənzildə yaşamayan şəxsin qeydiyyatdan çıxarılmasını tələb etmək hüququna malikdir. Sözügedən mənzildə qeydiyyatda olan şəxs həmin mənzildə yaşamadığından, eləcə də onun həmin mənzildə istifadə hüququnun hazırda mövcudluğuna dair cavabdeh tərəfindən hər hansı sübut məhkəmə icraatına təqdim edilmədiyindən, həmin şəxsin iddiaçıya məxsus mənzildən qeydiyyatdan çıxarılmaması qanuna zidd və mülkiyyətçi kimi iddiaçının hüquqlarının pozulmasına səbəb olan hal qismində qiymətləndirilir. “İnzibati icraat haqqında” Azərbaycan Respublikası Qanununun 2.0.2-ci maddəsinə əsasən, inzibati akt – inzibati orqan tərəfindən ümumi (publik) hüquq sahəsinə aid olan müəyyən (konkret) məsələləri nizama salmaq və ya həll etmək məqsədi ilə qəbul edilmiş və ünvanlandığı hüquqi və ya fiziki şəxs (şəxslər) üçün müəyyən hüquqi nəticələr yaradan qərar, sərəncam və ya digər növ hakimiyyət tədbiridir. Həmin Qanunun 2.0.6-cı maddəsinə əsasən inzibati icraat - fiziki və ya hüquqi şəxslərin müraciəti əsasında və ya inzibati orqanların öz təşəbbüsü ilə inzibati aktın qəbul edilməsi, icra olunması, dəyişdirilməsi və ya ləğv edilməsi, habelə inzibati şikayətlərə baxılması üzrə müvafiq inzibati orqanlar tərəfindən bu Qanunla müəyyən olunmuş prosedur qaydalar daxilində həyata keçirilən fəaliyyət; Həmin Qanunun 11.1-ci maddəsinə əsasən, inzibati orqanlar qanunun tələblərinə riayət etməyə borcludurlar. Həmin Qanunun 13.2-ci maddəsinə görə, inzibati orqan mövcud inzibati praktikaya uyğun hərəkət etməyə borcludur. Yalnız ictimai maraqların tələb etdiyi hallarda mövcud inzibati praktika yeni praktika ilə dəyişdirilə bilər. Yeni inzibati praktika davamlı olmalı və ümumi xarakter daşımalıdır. Həmin Qanunun 15.2-ci maddəsinə əsasən, qanunda birbaşa nəzərdə tutulmadığı hallarda fiziki və ya hüquqi şəxslər tərəfindən formal tələblərə əməl olunmaması və ya lazımı qaydada əməl olunmaması inzibati orqanlar tərəfindən müvafiq qərarın qəbul olunmasından imtina üçün əsas ola bilməz. Azərbaycan Respublikasının İnzibati Prosessual Məcəlləsinin 52-ci maddəsinə görə məhkəmə iddia ərizəsinin ifadə tərzi ilə bağlı olmasa da, iddia tələbindən kənara çıxmağa haqlı deyildir. Həmin Məcəllənin 68.1-ci maddəsinin tələbinə görə məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. Həmin Məcəllənin 68.2-ci maddəsinə əsasən məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır. Göstərilənləri nəzərə alaraq məhkəmə hеsаb еdir ki, iddiа tələbi təmin еdilməli, Cavabdeh2 iddiaçının qanuni istifadəsində olan Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanından pasport qeydiyyatından çıxarılması vəzifəsi Bakı şəhəri Binəqədi rayon Polis İdarəsinin üzərinə qoyulmalıdır. Аzərbаycаn Rеspublikаsının İnzibаti Prоsеssuаl Məcəlləsinin 110.1-ci mаddəsinə əsаsən, prоsеssuаl хərclər ödənilmiş tələblərə münаsib оlаrаq işdə iştirаk еdən şəхslərə аid еdilir. “Dövlət rüsumu haqqında” Azərbaycan Respublikasının Qanununun 9.1.12-ci maddəsinə əsasən, inzibati hüquq münasibətlərindən əmələ gələn işlər üzrə – tərəflər dövlət rüsumu ödəməkdən azad olunurlar. Məhkəmə Аzərbаycаn Rеspublikаsının İnzibаti Prоsеssuаl Məcəlləsinin 2, 34, 68, 69, 85 və 110-cü maddəsi mаddələrini rəhbər tutаrаq məhkəmə QƏRARA ALDİ: İddiа tələbi təmin еdilsin. Cavabdeh2 İddiaçı qanuni istifadəsində olan Bakı şəhəri, Binəqədi rayonu, Biləcəri qəsəbəsi, hərbi şəhərcik, ev 1, mənzil 25 ünvanından pasport qeydiyyatından çıxarılması vəzifəsi cavabdeh Bakı şəhəri Binəqədi rayon Polis İdarəsinin üzərinə qoyulsun. Qərardan təqdim olunduğu gündən 30 gün müddətində Bakı İnzibati Məhkəməsi vasitəsilə Bakı Apellyasiya Məhkəməsinin inzibati kollegiyasına (Bakı şəhəri, Z.Xəlilov küçəsi, 540-cı məhəllə) apellyasiya şikayəti verilə bilər. Hаkim Miminаt Hаcıbəyоvа