Bakı İnzibati Məhkəməsi Qərardad — İş №2-1(112)-609/2023

Azərbaycan Respublikası adından QƏRARDAD Bakı şəhəri İş № 2-1(112)-609/2023 26.01.2023 BAKİ İNZİBATİ MƏHKƏMƏSİ hakim Hacıbəyova Miminat Tacib qızının sədrliyi, İmanov Sənan Xaliq oğlunun katibliyi ilə, cavabdehin nümayəndəsi X1 iştirakı ilə, İddiaçı cavabdeh Daşınmaz Əmlakın Dövlət Kadastrı və Reyestri publik hüquqi şəxsi 1 saylı Bakı Ərazi İdarəsinə qarşı “Bakı şəhəri, Yasamal rayonu, Xiyabani küçəsində yerləşən 3 otaqlı yaşayış sahəsi 71,5 kv.m, köməkçi sahəsi 49,7 kv.m olan 211 saylı yaşayış evi üzərində iddiaçının mülkiyyət hüquqlarının Daşınmaz Əmlakın Dövlət Reyestri Xidmətində qeydiyyata alınması vəzifəsinin cavabdehin üzərinə qoyulması” iddia tələbi üzrə inzibati işə məhkəmə binasında açıq məhkəmə iclasında baxaraq, MÜƏYYƏN ETDİ: İddiaçı cavabdeh Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 1 saylı Bakı Ərazi İdarəsinə qarşı Bakı şəhəri, Yasamal rayonu, Xiyabani küçəsində yerləşən 3 otaqlı yaşayış sahəsi 71,5 kv.m, köməkçi sahəsi 49,7 kv.m olan 211 saylı yaşayış evi üzərində iddiaçının mülkiyyət hüquqlarının Daşınmaz Əmlakın Dövlət Reyestri Xidmətində qeydiyyata alınması vəzifəsinin cavabdehin üzərinə qoyulması haqqında iddia tələbi ilə məhkəməyə müraciət etmişdir. İddiaçı iddia tələbini onunla əsaslandırmışdır ki, o, uzun müddətdir ki, ünvan 1 ünvanında ailəsi ilə birlikdə yaşayır. Mənzil onun vəsaiti hesabına inşa edilmişdir. Tərəfindən Yasamal rayon Məhkəməsinə iddia qaldırılaraq qeyd olunan mənzili dövlət mənzil fonduna daxil edilərək balansa götürülməklə iddiaçı ilə icarə müqaviləsi bağlanması barədə sərəncamın verilməsi və həmin evin onun adına verilməsinin Yasamal rayon İcra Hakimiyyətinə həvalə edilməsi barədə iddia tələbi təmin olunmuşdur. O, müvafiq hüquqi sənədlərlə və məhkəmə qətnaməsini ərizəyə əlavə edərək cavabdeh orqana müraciət etmiş, lakin cavabdeh inzibati orqan xx.xx.2021-ci il tarixli məktubu ilə imtina vermişdir. İddiaçı cavabdehin imtinasının qanunsuz və əsassız hesab edərək iddia tələbinin təmin edilməsini məhkəmədən xahiş etmişdir. Cavabdeh iddiaya dair etirazında bildirmişdir ki, araşdırma zamanı məlum oldu ki, İddiaçı müvafiq müraciətinə xx.xx.2021-ci il tarixli, **********82 nömrəli məktubla cavab olaraq bildirilmişdir ki, qeyd olunan mənzilə dair “Daşınmaz əmlakın dövlət reyestri haqqında” Azərbaycan Respublikası Qanununun 8-ci maddəsinə uyğun hüquqmüəyyənedici sənədlərin əsilləri ilə (orderin arxiv arayışı əlavə olunmaqla) “ASAN Xidmət" Mərkəzlərinə müraciət edilməsi məqsədəuyğundur. İdarənin mütəxəssisləri tərəfindən keçirilən yerli baxış zamanı məlum olmuşdur ki, iddia tələbində qeyd olunan daşınmaz əmlak ümumi torpaq sahəsi 1421.30 kv.m olan və 111.20 kv.m zirzəmi sahəsi olmaqla ümumi sahəsi 171.20 kv.m olan 3 otaqlı fərdi yaşayış evidir. Daşınmaz əmlakın fərdi yaşayış evi kimi dövlət reyestrində qeydiyyata alınması üçün iddiaçı tərəfindən heç bir hüquqmüəyyənedici sənəd təqdim edilməmişdir. Azərbaycan Respublikası İnzibati Prosessual Məcəlləsinin 1.1-ci maddəsinə əsasən, bu Məcəllə inzibati hüquq münasibətləri ilə bağlı mübahisələrin (bundan sonra - inzibati mübahisələr) məhkəmə aidiyyətini, həmin mübahisələrə məhkəmədə baxılmasının və həll edilməsinin prosessual prinsiplərini və qaydalarını müəyyən edir. Həmin Məcəllənin 1.2-ci maddəsinə görə, bu Məcəllə ilə başqa qayda müəyyən edilmədiyi və bu Məcəllə ilə nəzərdə tutulmuş prosessual prinsiplərə zidd olmadığı hallarda, inzibati mübahisələrə dair işlər üzrə məhkəmə icraatında (bundan sonra - inzibati məhkəmə icraatı) Azərbaycan Respublikasının Mülki Prosessual Məcəlləsinin müddəaları tətbiq oluna bilər. Həmin Məcəllənin 13-cü maddəsinə əsasən məhkəmə qaldırılan iddialarda yol verilən formal xətaların aradan qaldırılmasında, aydın olmayan iddia tələblərinin dəqiqləşdirilməsində, yanlış iddia növlərinin münasibləri ilə əvəz olunmasında, natamam faktiki məlumatların tamamlanmasında, eləcə də işin hallarının müəyyənləşdirilməsi və qiymətləndirilməsi baxımından əhəmiyyət kəsb edən izahatların təqdim olunmasında proses iştirakçılarına yardım etməyə borcludur. Həmin Məcəllənin 35.1-ci maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Həmin Məcəllənin 48.1-ci maddəsinə uyğun olaraq, sədrlik edən hakim bütün formal xətaların aradan qaldırılmasına, qeyri-müəyyən ifadələrin aydınlaşdırılmasına, işin mahiyyəti üzrə vəsatətlərin verilməsinə, natamam faktiki məlumatların tamamlanmasına, prosesin sonrakı mərhələlərində işin hallarının tam müəyyənləşdirilməsi və obyektiv qiymətləndirilməsi üçün əhəmiyyət kəsb edən bütün yazılı izahatların təqdim olunmasına yardım etməlidir. Həmin Məcəllənin 48.2-ci maddəsinə əsasən, inzibati məhkəmə icraatının iştirakçıları yazılı vəsatətlərini, etirazlarını, izahatlarını və bunlarla əlaqədar sənədləri məhkəmə baxışı başlayana qədər təqdim etməyə borcludurlar. Sədrlik edən hakim bu məqsədlə müddət təyin edə bilər. Məhkəmə xidməti vəzifəsinə görə həmin sənədlərin surətlərini prosesin digər iştirakçılarına göndərir. Məhkəmənin 25 noyabr 2022-ci il tarixli məktubları ilə iddiaçıya barəsində tələb irəli sürdüyü fərdi yaşayış evinin yerləşdiyi torpaq sahəsinə dair mülkiyyət hüququnu təsdiq edən sənədin məhkəməyə təqdim edilməsi tələb olunmuş, iddia ərizəsində göstərilmiş iddia tələbinin dəqiqləşdirilməsi tövsiyə olunmuşdur. İş materiallarından göründüyü kimi, iddiaçı iddia ərizəsi ilə məhkəməyə müraciət etdiyi (xx.xx.2021-ci il) tarixdən məhkəmə prosesi ilə maraqlanmamış, məhkəmənin xx.xx.2022-ci il, xx.xx.2022-ci il, xx.xx.2022-ci il, xx.xx.2022-ci il və xx.xx.2023-cü il tarixlərində keçirilmiş iclaslarına gəlməmiş, səlahiyyətli nümayəndəsinin iştirakını təmin etməmiş, məhkəmənin məktublarına cavab verməmiş, işin halların və mübahisənin vəziyyətinin müzakirə prosesində iştirak etməmişdir. Görünür iddiaçı onun iddia ərizəsində göstərilmiş iddia tələbinə məhkəmə tərəfindən baxılmasını istəmir. Azərbaycan Respublikası İnzibati Prosessual Məcəlləsinin 55.3-cü maddəsinə əsasən, məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Qeyd edilənlərə əsasən məhkəmə belə nəticəyə gəlir ki, İddiaçı cavabdeh Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 1 saylı Bakı Ərazi İdarəsinə qarşı “Bakı şəhəri, Yasamal rayonu, Xiyabani küçəsində yerləşən 3 otaqlı yaşayış sahəsi 71,5 kv.m, köməkçi sahəsi 49,7 kv.m olan 211 saylı yaşayış evi üzərində iddiaçının mülkiyyət hüquqlarının Daşınmaz Əmlakın Dövlət Reyestri Xidmətində qeydiyyata alınması vəzifəsinin cavabdehin üzərinə qoyulması” barədə iddia ərizəsi geri götürülmüş hesab edilməlidir. Göstərilənləri və Azərbaycan Respublikası İnzibati Prosessual Məcəlləsinin 55-ci və 80-ci maddələrini rəhbər tutaraq, məhkəmə QƏRARA ALDİ: İddiaçı cavabdeh Əmlak Məsələləri Dövlət Xidməti Daşınmaz Əmlakın Dövlət Kadastrı və Reyestri publik hüquqi şəxsi 1 saylı Bakı Ərazi İdarəsinə qarşı “Bakı şəhəri, Yasamal rayonu, Xiyabani küçəsində yerləşən 3 otaqlı yaşayış sahəsi 71,5 kv.m, köməkçi sahəsi 49,7 kv.m olan 211 saylı yaşayış evi üzərində iddiaçının mülkiyyət hüquqlarının Daşınmaz Əmlakın Dövlət Reyestri Xidmətində qeydiyyata alınması vəzifəsinin cavabdehin üzərinə qoyulması” barədə iddia ərizəsi geri götürülmüş hesab edilsin. Qərardad tərəfə rəsmi qaydada verildikdən sonra 10 gün müddətində ondan Bakı İnzibati Məhkəməsi vasitəsilə Bakı Apellyasiya Məhkəməsinin inzibati kollegiyasına (ünvan: ünvan 3 Hacıbəyova