Bakı İnzibati Məhkəməsi Qərardad — İş №2-1(112)-8247/2021

Azərbaycan Respublikası adından QƏRARDAD Bakı şəhəri İş № 2-1(112)-8247/2021 23.11.2021 BAKİ İNZİBATİ MƏHKƏMƏSİ Hakim Əliyev Elvin Əhəd oğlunun sədrliyi ilə, Cavadehin nümayəndəsi X1 iştirakı ilə, iddiaçı - İddiaçı cavabdeh - Bakı şəhəri Cavabdeh2nə cavabdeh - Azərbaycan Respublikası Fövqaladə Hallar Nazirliyinə üçüncü şəxs - X4 qarşı "kafenin fəaliyyətinin dayandırılması” iddiasına dair inzibati işə məhkəmənin binasında (ünvan: Bakı şəhəri, N.Vəzirov küçəsi, 56) açıq məhkəmə iclasında baxaraq Müəyyən etdi: İddiaçı cavabdeh X4 qarşı “yay kafesinin fəaliyyətinin dayandırılması” barədə qərar qəbul edilməsini xahiş etmişdir. Azərbaycan Respublikası İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş sayılır. İş materiallarından görünür ki, iddiaçı “sahibkar X2 ünvan 2 ünvanının altında (zirzəmidə) işlətdiyi “Piccolina” adlı kafenin fəaliyyətinin dayandırılması, kafenin qarşısında quraşdırılmış metal konstruksiyaların, kafenin havalandırma və işiqlandırma sistemlərinin sökülməsi vəzifəsinin Bakı şəhəri Cavabdeh2 və Azərbaycan Respublikası Fövqaladə Hallar Nazirliyinə həvalə edilməsinə dair qərar qəbul edilməsi”nə dair iddia ərizəsinin dəqiqləşdirilməsi barədə ərizə ilə məhkəməyə müraciət etmişdir. Məhkəmənin 08.09.2021-ci il tarixli qərardadı ilə iddiaçının iddianın dəqiqləşdirilməsi barədə ərizə icraata qəbul edilmiş, Bakı şəhəri Cavabdeh2 və Azərbaycan Respublikası Fövqaladə Hallar Nazirliyi cavabdeh qismində, X3 isə cavabdeh qismində prosessual iştirakına xitam verilərək üçüncü şəxs qismində məhkəmə icraatına cəlb edilmişdir. İş üzrə hazırlıq icraatı ilə bağlı növbəti məhkəmə iclası 23.11.2021-ci il tarixə təyin edilmişdir. İddiaçının vəkili Vəkil2 23.11.2021-ci il tarixdə “AZEMİS” Elektron Məhkəmə sistemi vasitəsi ilə ərizə təqdim edərək, iddia ərizəsi və ona əlavə olunmuş sənədlərin geri qaytarılması barədə qərardad çıxarılmasını xahiş etmişdir. Məhkəmə iclasında iştirak edən cavabdehin nümayəndəsi R.İsrafilov iddia ərizəsi və ona əlavə edilmiş sənədlərin geri qaytarılmasına dair ərizəsinin təmin edilməsini xahiş etmişdir. Məhkəmə iş materiallarını araşdıraraq və tərəfin izahatını dinləyərək, hesab edir ki, iddiaçının iddia ərizəsi və ona əlavə olunmuş sənədlərin geri qaytarılmasına dair ərizəsi təmin edilməlidir. Belə ki, İPM-in 1.2-ci maddəsinə əsasən həmin məcəllə ilə başqa qayda müəyyən edilmədiyi və bu məcəllə ilə nəzərdə tutulmuş prinsiplərə zidd olmadığı hallarda, inzibati mübahisələrə dair işlər üzrə məhkəmə icraatında Azərbaycan Respublikasının Mülki Prosessual Məcəlləsinin müddəaları tətbiq oluna bilər. İPM-də hazırlıq icraatında iddia ərizəsinin qaytarılmasına dair ərizə təqdim edildikdə məhkəmə tərəfindən hansı prosessual hərəkətin edilməli olduğu nəzərdə tutulmadığından məhkəmə hesab edir ki, iddiaçının iddia ərizəsi və ona əlavə olunmuş sənədlərin geri qaytarılmasına dair ərizəsinə Mülki Prosessual Məcəllənin normalarına uyğun olaraq baxılmalıdır. Azərbaycan Respublikası Mülki Prosessual Məcəlləsinin işin məhkəmə baxışına hazırlanması zamanı iş üzrə icraatın dayandırılması, xitam verilməsi və ərizənin qaytarılmasına dair 170-ci maddəsinə əsasən iddiaçının vəsatəti ilə ərizə qaytarıla bilər. Həmin Məcəllənin 170.3-cü maddəsinə görə bu Məcəllənin 170.1-ci və 170.2-ci maddələrində göstərilən qaydada qəbul edilmiş qərardadlardan şikayət verilə bilər. Göstərilənlərə əsasən məhkəmə belə nəticəyə gəlir ki, İddiaçı cavabdehlər Bakı şəhəri Cavabdeh2 və Azərbaycan Respublikası Fövqaladə Hallar Nazirliyinə qarşı (üçüncü şəxs: X5) “kafenin fəaliyyətinin dayandırılması, kafenin qarşısında quraşdırılmış metal konstruksiyaların, kafenin havalandırma və işiqlandırma sistemlərinin sökülməsi” tələbinə dair iş üzrə iddia ərizəsi və ona əlavə olunmuş sənədlər geri qaytarılmalıdır. Həmçinin, iddiaçıya izah olunur ki, iddia ərizəsi və ona əlavə edilmiş sənədlərin geri qaytarılması onun yenidən məhkəməyə müraciət etməsi üçün maneə deyildir. Şərh olunanlara əsasən və Azərbaycan Respublikası İnzibati Prosessual Məcəlləsinin 1.2-ci, 80-ci və Mülki Prosessual Məcəllənin 170-ci maddələrini rəhbər tutaraq, məhkəmə Qərara aldı: İddiaçı iddia ərizəsi və ona əlavə edilmiş sənədlərin geri qaytarılması barədə ərizəsi təmin edilsin. İddiaçı cavabdehlər Bakı şəhəri Cavabdeh2 və Azərbaycan Respublikası Fövqaladə Hallar Nazirliyinə qarşı (üçüncü şəxs: X5) “kafenin fəaliyyətinin dayandırılması, kafenin qarşısında quraşdırılmış metal konstruksiyaların, kafenin havalandırma və işiqlandırma sistemlərinin sökülməsi” tələbinə dair iş üzrə iddia ərizəsi və ona əlavə edilmiş sənədlər geri qaytarılsın. İş üzrə icraata xitam verilsin. Qərardaddan rəsmi qaydada verildikdən sonra 10 (on) gün müddətində Bakı İnzibati Məhkəməsi vasitəsi ilə Bakı Apellyasiya Məhkəməsinin İnzibati Kollegiyasına (ünvan: Bakı şəhəri, Z.Xəlilov küçəsi 540) şikayət verilə bilər. Hakim Elvin Əliyev