Bakı İnzibati Məhkəməsi Qərardad — İş №2-1(112)-8802/2021

Azərbaycan Respublikası adından QƏRARDAD Bakı şəhəri İş № 2-1(112)-8802/2021 23.11.2021 BAKİ İNZİBATİ MƏHKƏMƏSİ Hakim Əliyev Elvin Əhəd oğlunun sədrliyi, Cavabdehin nümayəndəsi X1 Üçüncü şəxsin nümayəndəsi X2 iştirakı ilə iddiaçı - İddiaçı Cəlal qızının cavabdeh - Azərbaycan Respublikası Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinə üçüncü şəxs - Azərbaycan Tibb Universitetinin X3 qarşı “müraciətə cavab verilməsi” tələbinə dair inzibati işə məhkəmənin binasında (Bakı şəhəri, N.Vəzirov küçəsi 56) açıq məhkəmə iclasında baxaraq, Müəyyən etdi: İddiaçı Cəlal qızı cavabdeh Azərbaycan Respublikası Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinə qarşı “müraciətə cavab verilməsi” tələbinə dair iddia ərizəsi ilə Bakı İnzibati Məhkəməsinə müraciət etmişdir. Azərbaycan Respublikası İnzibati Prosessual Məcəlləsinin (bundan sonra – İPM) 45.4-cü maddəsinə əsasən iddia ərizəsi məhkəməyə daxil olduğu gündən icraata qəbul edilmiş sayılır. İş materiallarından görünür ki, Bakı İnzibati Məhkəməsinin 28.07.2021-ci il tarixli qərardadı ilə Azərbaycan Tibb Universitetinin X3 üçüncü şəxs qismində məhkəmə icraatına cəlb edilmişdir. İş üzrə növbəti hazırlıq icraatı ilə bağlı məhkəmə iclası 23.11.2021-ci il tarixə təyin edilmişdir. İş materiallarından görünür ki, İddiaçı Cəlal qızı 11.11.2021-ci il tarixdə məhkəmənin dəftərxanası vasitəsi ilə ərizə təqdim edərək, iddiadan imtina etdiyini bildirmişdir. Məhkəmə iclasında iştirak edən cavabdehin nümayəndəsi B.Baxşalıyev iddiaçının ərizəsinin təmin edilməsini və iş üzrə icraata xitam verilməsini xahiş etmişdir. Məhkəmə iclasında iştirak edən üçüncü şəxsin nümayəndəsi R.Musayeva iş üzrə icraata xitam verilməsinə etiraz etməmişdir. Məhkəmə işdə iştirak edən şəxsləri dinləyək, iddiaçının ərizəsini və iş materiallarını araşdıraraq hesab edir ki, iddiaçının ərizəsi təmin edilməli və iddiaçı iddiadan imtina etdiyindən, hazırkı iş üzrə icraata xitam verilməlidir. Belə ki, İPM-n 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. İPM-in 55.4-ci maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. İPM-in 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Məhkəmənin həmin qərardadından şikayət verilə bilməz. Göstərilənlərə əsasən və İPM-nin 55 və 80-ci maddələrini rəhbər tutaraq məhkəmə, Qərara aldı: İddiaçı Cəlal qızının ərizəsi təmin edilsin. İddiaçı Cəlal qızının cavabdeh Azərbaycan Respublikası Əmək və Əhalinin Sosial Müdafiəsi Nazirliyi tabeliyində Dövlət Tibbi-Sosial Ekspertiza və Reabilitasiya Agentliyinə qarşı (üçüncü şəxs: Azərbaycan Tibb Universitetinin X3) “müraciətə cavab verilməsi” tələbinə dair 2-1(112)-8802/2021 saylı işi üzrə icraata xitam verilsin. Qərardaddan şikayət verilə bilməz. Hakim Elvin Əliyev