Gəncə İnzibati Məhkəməsi Qərardad — İş №2-1(114)-1051/2020

Azərbaycan Respublikası adından QƏRARDAD Gəncə şəhəri İş № 2-1(114)-1051/2020 05.03.2020 GƏNCƏ İNZİBATİ MƏHKƏMƏSİ Gəncə İnzibati-İqtisadi Məhkəməsinin hakimi Hüseynov Fikrət Cilingir oğlu, İddiaçı qeydə alınmış eyni adlı malların alış qiymətinin elektron qaimə-faktura üzrə üzləşdirilərək aradakı fərqin təyin olunması, qərarın ləğv olunması və artıq ödənilmiş məbləğin geri qaytarılması tələbinə dair ərizəsini və ona əlavə olunmuş sənədləri məhkəmənin binasında nəzərdən keçirərək, Müəyyən e t d i m: İddiaçı ərizə ilə xx.xx.2020-ci il tarixdə Gəncə İnzibati Məhkəməsinə müraciət edərək, vergi işçiləri tərəfindən qeyd olunmuş alış qiymətləri həmin zaman kəsiyində Vergilər Nazirliyinin bazasında qeydə alınmış eyni adlı malların alış qiymətinin elektron qaiməfaktura üzrə üzləşdirilərək aradakı fərqin təyin olunması, xx.xx.2019-cu il tarixli **********0454 nömrəli qərarın ləğv olunması və artıq ödənilmiş məbləğin geri qaytarılması barədə qərar çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia mümkün sayılmamalıdır. Belə ki, ərizəçi tərəfindən verilmiş ərizə üzrə qanunvericiliklə müəyyən edilmiş forma və məzmuna riayət edilməmiş, tərəflər iddiaçı və cavabdeh kimi göstərilməmiş, öz ünvanı, cavabdehin adı və hüquqi ünvanı qeyd edilməmiş, inzibati mübahisənin növü göstərilməmişdir. Həmçinin müəyyən edilmişdir ki, iddiaçı bir neçə müstəqil tələb (qeydə alınmış eyni adlı malların alış qiymətinin elektron qaimə-faktura üzrə üzləşdirilərək aradakı fərqin təyin olunması, qərarın ləğv olunması və artıq ödənilmiş məbləğin geri qaytarılması) irəli sürmüşdür. Tələbin “qeydə alınmış eyni adlı malların alış qiymətinin elektron qaimə-faktura üzrə üzləşdirilərək aradakı fərqin təyin olunması” və “artıq ödənilmiş məbləğin geri qaytarılması” hissəsi ilə bağlı məhkəməyə müraciət etməzdən əvvəl cavabdehə müraciət etməsini təsdiq edən sübut təqdim etməmişdir. Belə olan halda iddia üzrə mümkünlük şərtləri mövcud olmadığına görə mümkünsüz sayılmalıdır. “İnzibati məhkəmə icraatında iddianın mümkünlüyünə dair” Azərbaycan Respublikası Ali Məhkəməsinin Plenumunun xx xxxxx 2015-ci il tarixli, 5 nömrəli Qərarının 9-cu bəndində Plenum məhkəmələrə izah etmişdir ki, məcburetmə, öhdəliyin icrası və vurulmuş ziyana görə kompensasiyanın ödənilməsi haqqında iddialarda iddiaçının müvafiq ərizə ilə əvvəlcə cavabdehə müraciət etməsi və iddianın verilməsi müddətinə əməl olunması yoxlanılmalıdır. Azərbaycan Respublikası İnzibati Prosessual Məcəlləsinin 1.1 maddəsinə əsasən bu Məcəllə inzibati hüquq münasibətləri ilə bağlı mübahisələrin (bundan sonra-inzibati mübahisələr) məhkəmə aidiyyətini, həmin mübahisələrə məhkəmədə baxılmasının və həll edilməsinin prosessual prinsiplərini və qaydalarını müəyyən edir. Həmin Məcəllənin 2.2 maddəsinə əsasən, inzibati məhkəmə icraatı qaydasında inzibati orqanın üzərinə inzibati aktın qəbul edilməsi ilə bağlı müvafiq öhdəliyin qoyulmasına dair iddialara və ya inzibati orqanın hərəkətsizliyindən müdafiəyə dair iddialara (məcburetmə haqqında iddialara) baxılır. Həmin Məcəllənin 35.1 maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Həmin Məcəllənin 35.3-cü maddəsinin tələblərinə əsasən iddianın mümkün sayılmaması barədə məhkəmə qərardad qəbul edir. Yuxarıda göstərilənlərə və Azərbaycan Respublikası İnzibati Prosessual Məcəlləsinin 13, 35, 80, 81 və 85-ci maddələrinin tələblərinə əsasən, məhkəmə Q ə r a r a a l d ı: İddiaçı qeydə alınmış eyni adlı malların alış qiymətinin elektron qaimə-faktura üzrə üzləşdirilərək aradakı fərqin təyin olunması, qərarın ləğv olunması və artıq ödənilmiş məbləğin geri qaytarılması barədə iddiası mümkün sayılmasın. İddiaçıya izah edilsin ki, qərardadın məzmununda qeyd edilmiş tələblərə əməl etməklə yenidən məhkəmədə iddia qaldırmaq hüququ vardır. Qərardaddan 10 (on) gün müddətində Gəncə İnzibati Məhkəməsi vasitəsilə Gəncə Apellyasiya Məhkəməsinə şikayət verilə bilər. Sədrlik edən: Fikrət Hüseynov