Gəncə İnzibati Məhkəməsi Qərardad — İş №2-1(114)-1074/2022

Azərbaycan Respublikası adından QƏRARDAD Gəncə şəhəri İş № 2-1(114)-1074/2022 28.02.2022 GƏNCƏ İNZİBATİ MƏHKƏMƏSİ Gəncə İnzibati Məhkəməsinin hakimi Hüseynov Fikrət Cilingir oğlu, İddiaçı cavabdeh Gəncə şəhər Cavabdeh sabiq başçısı Məharət Mustafayevə qarşı (üçüncü şəxs Gəncə Şəhər İcra Hakimiyyəti) dəymiş ziyana görə kompensasiyanın ödənilməsi tələbinə dair iddia ərizəsini və ona əlavə olunmuş sənədləri məhkəmənin binasında nəzərdən keçirərək, Müəyyən e t d i m: İddiaçı cavabdeh Gəncə şəhər Cavabdeh sabiq başçısı Məharət Mustafayevə qarşı iddia ərizəsi ilə 24.02.2022-ci il tarixdə Gəncə İnzibati Məhkəməsinə müraciət edərək, əmlakının sökülməsi nəticəsində dəymiş 60000 manat ziyanın ödənilməsi barədə qərar çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddianın mümkünlülk şərtlərinə əməl edilmədiyindən iddia mümkün sayılmamalıdır. Belə ki, iddia ərizəsinin məzmununda qeyd olunur ki, iddiaçıya məxsus əmlak Gəncə Şəhər İcra Hakimiyyətinin sabiq başçısının və Cavabdeh sabiq başçısının göstərişi ilə sökülmüşdür. Buna baxmayaraq iddia ərizəsində cavabdeh qismində fiziki şəxs olaraq Məharət Mustafayev cəlb edilmişdir. Bu hal formal xəta kimi qiymtləndirilməklə hüquqi yardım əsasında aradan qaldırılması mümkün olsa da, iddia üzrə xüsusi mümkünlük şərtlərinə də əməl olunmadığından iddia mümkünsüz sayılmalıdır. Belə ki, iddiaya əlavə edilmiş iddiaçının Gəncə Şəhər İcra Hakimiyyətinə ünvanlanmış müraciətinin məzmunundan görünür ki, iddiaçı həmin qurumdan sökülmüş əmlakının bərpa edilməsini və dəymiş ziyanın ödənilməsini xahiş etmiş, lakin tələb olunan ziyanın məbləğini göstərməmişdir. Buna baxmayaraq məhkəmədən 60000 manat ziyanın cavabdehdən tutulmasını xahiş etmişdir. İddiaçıya izah olunur ki, dəymiş ziyanın həcmini dəqiqləşdirməklə məhz həmin həcmdə məbləğin ödənilməsi ilə bağlı cavabdehə müraciət etməli, müsbət cavab ala bilmədikdə məhkəməyə müraciət etməlidir. Həmçinin yenidən iddia qaldıracağı halda ziyan vurmuş qurumun sabiq və yaxud indiki rəhbərini deyil, qurumu (Gəncə Şəhər İcra Hakimiyyətini) cavabdeh qismində cəlb etməlidir. “İnzibati məhkəmə icraatında iddianın mümkünlüyünə dair” Azərbaycan Respublikası Ali Məhkəməsinin Plenumunun 10 aprel 2015-ci il tarixli, 5 nömrəli Qərarının 9-cu bəndində Plenum məhkəmələrə izah etmişdir ki, məcburetmə, öhdəliyin icrası və vurulmuş ziyana görə kompensasiyanın ödənilməsi haqqında iddialarda iddiaçının müvafiq ərizə ilə əvvəlcə cavabdehə müraciət etməsi və iddianın verilməsi müddətinə əməl olunması yoxlanılmalıdır. Azərbaycan Respublikası İnzibati Prosessual Məcəlləsinin 1.1 maddəsinə əsasən bu Məcəllə inzibati hüquq münasibətləri ilə bağlı mübahisələrin (bundan sonra-inzibati mübahisələr) məhkəmə aidiyyətini, həmin mübahisələrə məhkəmədə baxılmasının və həll edilməsinin prosessual prinsiplərini və qaydalarını müəyyən edir. Həmin Məcəllənin 35.1 maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Həmin Məcəllənin 35.3-cü maddəsinin tələblərinə əsasən iddianın mümkün sayılmaması barədə məhkəmə qərardad qəbul edir. Yuxarıda göstərilənlərə və Azərbaycan Respublikası İnzibati Prosessual Məcəlləsinin 13, 35, 80, 81 və 85-ci maddələrinin tələblərinə əsasən, məhkəmə Q ə r a r a a l d ı: İddiaçı cavabdeh Gəncə şəhər Cavabdeh sabiq başçısı Məharət Mustafayevə qarşı dəymiş ziyana görə kompensasiyanın ödənilməsi barədə iddia mümkün sayılmasın. İddiaçıya izah edilsin ki, qərardadın məzmununda qeyd edilmiş tələblərə əməl etməklə yenidən məhkəmədə iddia qaldırmaq hüququ vardır. Qərardaddan 10 (on) gün müddətində Gəncə İnzibati Məhkəməsi vasitəsilə Gəncə Apellyasiya Məhkəməsinə şikayət verilə bilər. Hakim: Fikrət Hüseynov