Gəncə İnzibati Məhkəməsi Qərardad — İş №2-1(114)-1252/2021

Azərbaycan Respublikası adından QƏRARDAD Gəncə şəhəri İş № 2-1(114)-1252/2021 14.06.2021 GƏNCƏ İNZİBATİ MƏHKƏMƏSİ Hakim Osmanov Usaməddin Hidayət oğlunun sədrliyi, X10 oğlunun katibliyi, Cavabdeh Gəncə şəhər Nizami rayon İcra Hakimiyyətinin nümayəndəsi X1 və Cavabdeh nümayəndəsi X4 iştirakı ilə, İddiaçı cavabdehlər Gəncə şəhər Nizami rayon İcra Hakimiyyətinə və Cavabdehnə qarşı əmlaka dəymiş maddi zərərin əvəzinin ödənilməsi tələbinə dair işə inzibati məhkəmə icraatı qaydasında məhkəmənin binasında açıq məhkəmə hazırlıq iclasında baxaraq məhkəmə m ü ə y y ə n e t d i: İddiaçı (bundan sonra mətndə iddiaçı) cavabdehlər Gəncə şəhər Nizami rayon İcra Hakimiyyətinə və Cavabdehnə (bundan sonra mətndə cavabdeh) qarşı iddia ərizəsi ilə məhkəməyə müraciət edərək ünvan 1 ünvanda yerləşən mağazanın (qeyri-yaşayış obyektinin) uçurulması nəticəsində dəymiş 150.000 manat maddi zərərin ödənilməsi vəzifəsinin cavabdehlərin üzərinə qoyulması barədə qərar qəbul edilməsini xahiş etmişdir. İş materiallarında olan poçt göndərişinə dair zərflərin üzərinə əlavə olunmuş F-20 qəbzlərindən görünür ki, İddiaçı ünvanlanmış zərfin üzərində qeyd edilmiş ünvanda yaşamadığı, iddiaçının nümayəndəsi X6 ünvanlanmış zərfin üzərinə əlavə olunmuş F-20 qəbzində isə məhkəmə tərəfindən göndərilmiş poçt göndərişinin mərkəzi poçta göndərilməsi səbəbi ilə geri qaytarılmışdır. Həmçinin 14.06.2021-ci il tarixdə iddiaçının nümayəndəsi (vəkili) X5 istifadəsində olan 055 928 72 44 mobil nömrəsi ilə əlaqə saxlanılaraq məhkəmə iclası barədə məlumat verilmiş, X11 rayonunda olduğunu və məhkəməyə gələ bilməyəcəyini bildirmişdir. İddiaçının və onun nümayəndəsinin şifahi məhkəmə baxışı ilə bağlı iclasa gəlməmələrinə baxmayaraq, məhkəmə işə baxıb iş üzrə qərar qəbul edə bilmişdir. Cavabdehlər Gəncə şəhər Nizami rayon İcra Hakimiyyətinin nümayəndəsi X3 və Cavabdeh nümayəndəsi X7 hər biri ayrı-ayrılıqda məhkəməyə ərizə təqdim edərək bildirdilər ki, iddiaçı X2 iş materiallarına əlavə etdiyi cavabdehə müraciət ərizəsi Gəncə şəhər Nizami rayon İcra Hakimiyyətinnə və Cavabdehnə daxil olmamışdır. İddiaçı müraciət edəcəyi təqdirdə onu müraciətinə münasibət bildiriləcək. Odur ki, məhkəmədən iddia tələbinin mümkün sayılmamasını xahiş etdilər. Məhkəmə iddia ərizəsini və ona əlavə edilmiş sənədləri nəzərdən keçirib hesab edir ki, aşağıda qeyd edilənlərə əsasən iddia mümkün sayılmamalıdır. Belə ki, iddiaçı hazırki mübahisə ilə əlaqədar məhkəməyə müraciət etməzdən əvvəl cavabdehlərə rəsmi müraciət etməsini təsdiq edən sübut təqdim etməmişdir. Belə olan halda iddia üzrə mümkünlük şərtlərindən biri mövcud olmadığına görə mümkünsüz sayılmalıdır. «İnzibati məhkəmə icraatında iddianın mümkünlüyünə dair» Azərbaycan Respublikası Ali Məhkəməsinin Plenumunun 10 aprel 2015-ci il tarixli, 5 nömrəli Qərarının 9-cu bəndində Plenum məhkəmələrə izah etmişdir ki, məcburetmə, öhdəliyin icrası və vurulmuş ziyana görə kompensasiyanın ödənilməsi haqqında iddialarda iddiaçının müvafiq ərizə ilə əvvəlcə cavabdehə müraciət etməsi və iddianın verilməsi müddətinə əməl olunması yoxlanılmalıdır. Azərbaycan Respublikası İnzibati Prosessual Məcəlləsinin:- - 1.1-ci maddəsinə əsasən bu Məcəllə inzibati hüquq münasibətləri ilə bağlı mübahisələrin (bundan sonra-inzibati mübahisələr) məhkəmə aidiyyətini, həmin mübahisələrə məhkəmədə baxılmasının və həll edilməsinin prosessual prinsiplərini və qaydalarını müəyyən edir. - 2.2.3-cü maddəsinə əsasən, inzibati orqan tərəfindən inzibati aktın qəbul edilməsi ilə əlaqədar olmayan müəyyən hərəkətlərin edilməsinə dair iddialara (öhdəliyin icrası haqqında iddia) baxılır. - 35.1-ci maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. - 35.3-cü maddəsinin tələblərinə əsasən iddianın mümkün sayılmaması barədə məhkəmə qərardad qəbul edir. İddiaçıya izah olunur ki, hazırki mübahisə ilə əlaqədar iddiaya cavab verməli olan aidiyyəti cavabdehə müraciət etməli, müsbət cavab ala bilmədikdə məhkəməyə müraciət etməlidir. Yuxarıda göstərilənlərə və Azərbaycan Respublikası İnzibati Prosessual Məcəlləsinin 13, 35, 80, 81 və 85-ci maddələrinin tələblərinə əsasən, məhkəmə q ə r a r a a l d ı: İddiaçı cavabdehlər Gəncə şəhər Nizami rayon İcra Hakimiyyətinə və Cavabdehnə qarşı əmlaka dəymiş maddi zərərin əvəzinin ödənilməsi barədə iddiası mümkün sayılmasın. İddiaçıya izah edilsin ki, qərardadın məzmununda qeyd edilmiş tələblərə əməl etməklə yenidən məhkəmədə iddia qaldırmaq hüququ vardır. Qərardaddan, onun tam formada təqdim olunduğu gündən 10 (on) gün müddətində Gəncə İnzibati Məhkəməsi (ünvan: Gəncə şəhəri, H.Əliyev prospekti 105) vasitəsilə Gəncə Apelyasiya Məhkəməsinə (ünvan: Gəncə şəhəri, Atatürk prospekti 252) apelyasiya şikayəti verilə bilər. Hakim: Usaməddin Osmanov