Gəncə İnzibati Məhkəməsi Qərardad — İş №2-1(114)-1383/2020

Azərbaycan Respublikası adından QƏRARDAD Gəncə şəhəri İş № 2-1(114)-1383/2020 17.09.2020 GƏNCƏ İNZİBATİ MƏHKƏMƏSİ Hakim Osmanov Usaməddin Hidayət oğlunun sədrliyi, Musayeva Ülviyyə İlham qızının katibliyi, İddiaçı, Cavabdehin nümayəndəsi Nümayəndə iştirakı ilə, İddiaçı cavabdeh Azərbaycan Respublikası Əmək və X1 Nazirliyinin tabeliyində X2 Gədəbəy rayon filialına qarşı iş illərinin sosial sığorta stajına daxil edilməsi tələbinə dair inzibati işə məhkəmənin binasında, açıq şifahi məhkəmə baxışı iclasında baxaraq m ü ə y y ə n e t d i: İddiaçı cavabdeh Azərbaycan Respublikası Əmək və X1 Nazirliyinin tabeliyində X2 Gədəbəy rayon filialına qarşı iddia ərizəsi ilə Gəncə İnzibati Məhkəməsinə müraciət edərək, 1978-1990-cı illərdə sabiq “Sovet ermənistanı” savxozunda fəhlə və 1991-1996-cı illərdə sabiq “İ.Əliyev” adına kolxozda kolxozçu və xx.xx.1998-ci il tarixdən xx.xx.2003-cü il tarixədək Gədəbəy rayon kommunal müəssisələr kombinatında işlədiyi illərin sosial sığorta stajına daxil edilməsi və ona pensiyanın təyin edilməsinə dair qərar çıxarılmasını xahiş etmişdir. İddiaçı xx.xx.2020-ci il tarixdə məhkəmə iclasında ərizə verərək iddia ərizəsini ona əlavə olunmuş sənədlərlə birlikdə baxılmadan geri qaytarılmasını məhkəmədən xahiş etmişdir. Məhkəmə iddiaçının ərizəsini nəzərə alıb, hesab edir ki, iddia geri götürülmüş sayılmalı və işin icraatına xitam verilməlidir. Məhkəmənin fikirincə, iddiaçı iddia sənədlərinin geri qaytarılmasını tələb etməklə hazırkı inzibati prosesin davam etdirilməsinə hüquqi marağını itirdiyini nümayiş etdirmişdir. Bu hal üçün məhkəmənin etməli olduğu hərəkətlər İnzibati Prosessual Məcəllədə konkret nəzərdə tutulmasa da, məhkəmə hesab edir ki, iddiaçının öz iddia ərizəsini geri tələb etdiyindən iddia geri götürülmüş sayılmalı və icraata xitam verilməlidir. Azərbaycan Respublikası İnzibati-Prosessual Məcəlləsinin 55.5-ci maddəsində deyilir ki, iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Yuxarıda qeyd olunanlara əsasən, məhkəmə qərara aldı: İddiaçı cavabdeh Azərbaycan Respublikası Əmək və X1 Nazirliyinin tabeliyində X2 Gədəbəy rayon filialına qarşı 1978-1990-cı illərdə sabiq “Sovet ermənistanı” savxozunda fəhlə və 1991-1996-cı illərdə sabiq “İ.Əliyev” adına kolxozda kolxozçu və xx.xx.1998-ci il tarixdən xx.xx.2003-cü il tarixədək Gədəbəy rayon kommunal müəssisələr kombinatında işlədiyi illərin sosial sığorta stajına daxil edilməsi və ona pensiyanın təyin edilməsi tələbinə dair iddiası geri götürülmüş sayılsın və icraata xitam verilsin. Qərardaddan, onun tam formada təqdim olunduğu gündən 10 (on) gün müddətində Gəncə İnzibati Məhkəməsi (ünvan: Gəncə şəhəri, H.Əliyev prospekti 105) vasitəsilə Gəncə Apellyasiya Məhkəməsinə (ünvan: Gəncə şəhəri, Atatürk prospekti 252) apellyasiya şikayəti verilə bilər. Hakim: Usaməddin Osmanov