Gəncə İnzibati Məhkəməsi Qərardad — İş №2-1(114)-1413/2020

Azərbaycan Respublikası adından QƏRARDAD Gəncə şəhəri İş № 2-1(114)-1413/2020 22.06.2020 GƏNCƏ İNZİBATİ MƏHKƏMƏSİ Gəncə İnzibati Məhkəməsinin hakimi Axundov Emin Tahir oğlu, İddiaçı cavabdeh Gəncə Şəhər İcra Hakimiyyəti Memarlıq və Tikinti şöbəsinə qarşı (üçüncü şəxs X1) Gəncə şəhəri Kəpəz rayonu, 3-cü mikrorayon şimal-şərq hissəsində yerləşən torpaq sahəsi üzərində sahiblik və istifadə hüququnun müdafiəsinin təmin edilməklə həmin torpaq sahəsində inşa etdiyi hasarın dağıdılması nəticəsində cavabdeh və üçüncü şəxs tərəfindən ona dəymiş 10.000 manat maddi və 50.000 manat məbləğində mənəvi zərərin ödənilməsi tələbinə dair iddia ərizəsini və ona əlavə olunmuş sənədləri məhkəmənin binasında, məhkəmə iclasından kənar nəzərdən keçirərək, Müəyyən e t d i m: İddiaçı cavabdeh Gəncə Şəhər İcra Hakimiyyəti Memarlıq və Tikinti şöbəsinə qarşı (üçüncü şəxs X1) xx.xx.2020-ci il tarixdə iddia ərizəsi ilə Gəncə İnzibati Məhkəməsinə müraciət edərək, Gəncə şəhəri Kəpəz rayonu, 3-cü mikrorayon şimal-şərq hissəsində yerləşən torpaq sahəsi üzərində sahiblik və istifadə hüququnun müdafiəsinin təmin edilməklə həmin torpaq sahəsində inşa etdiyi hasarın dağıdılması nəticəsində cavabdeh və üçüncü şəxs tərəfindən ona dəymiş 10.000 manat maddi və 50.000 manat məbləğində mənəvi zərərin ödənilməsi barədə qərar çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirərək hesab edirəm ki, iddia mümkün sayılmamalıdır. Belə ki, İddiaçı hazırki mübahisə ilə əlaqədar məhkəməyə müraciət etməzdən əvvəl cavabdeh Gəncə Şəhər İcra Hakimiyyətinə müraciət etməsini təsdiq edən sənədi məhkəməyə təqdim etməmişdir. Həmçinin, inzibati orqanların siyahısı Azərbaycan Respublikası Nazirlər Kabinetinin xx xxxxxx 2007-ci il tarixli, 136 nömrəli qərarı ilə təsdiq edilmiş “İnzibati orqanların” təsnifatında qeyd edilmişdir. Hazırki iddia tələbində cavabdeh qismində göstərilmiş Gəncə Şəhər İcra Hakimiyyəti Memarlıq və Tikinti şöbəsi Azərbaycan Respublikası Nazirlər Kabinetinin xx xxxxxx 2007-ci il tarixli, 136 nömrəli qərarı ilə təsdiq edilmiş “İnzibati orqanların” təsnifatının siyahısında inzibati orqan kimi qeyd edilməmişdir. Bundan başqa, Azərbaycan Respublikası İnzibati-Prosessual Məcəlləsinin tələblərinə əsasən inzibati mübahisələrə dair işlər üzrə icraatda cavabdeh qismində müvafiq inzibati orqan (Gəncə Şəhər İcra Hakimiyyəti) göstərilməli olduğu halda iddia ərizəsində cavabdeh kimi fiziki şəxs X3 göstərilmişdir. Belə olan halda, kompensasiyanın ödənilməsi haqqında iddia üzrə mümkünlük şərtləri mövcud olmadığına görə, iddia mümkün sayılmamalıdır. “İnzibati məhkəmə icraatında iddianın mümkünlüyünə dair” Azərbaycan Respublikası Ali Məhkəməsinin Plenumunun xx xxxxx 2015-ci il tarixli, 5 nömrəli Qərarının 9-cu bəndində Plenum məhkəmələrə izah etmişdir ki, məcburetmə, öhdəliyin icrası və vurulmuş ziyana görə kompensasiyanın ödənilməsi haqqında iddialarda iddiaçının müvafiq ərizə ilə əvvəlcə cavabdehə müraciət etməsi və iddianın verilməsi müddətinə əməl olunması yoxlanılmalıdır. Azərbaycan Respublikası İnzibati Prosessual Məcəlləsinin 1.1-ci maddəsinə əsasən bu Məcəllə inzibati hüquq münasibətləri ilə bağlı mübahisələrin (bundan sonra-inzibati mübahisələr) məhkəmə aidiyyətini, həmin mübahisələrə məhkəmədə baxılmasının və həll edilməsinin prosessual prinsiplərini və qaydalarını müəyyən edir. Həmin Məcəllənin 2.2-ci maddəsinə əsasən, inzibati məhkəmə icraatı qaydasında inzibati orqanın üzərinə inzibati aktın qəbul edilməsi ilə bağlı müvafiq öhdəliyin qoyulmasına dair iddialara və ya inzibati orqanın hərəkətsizliyindən müdafiəyə dair iddialara (məcburetmə haqqında iddialara) baxılır. Azərbaycan Respublikası İnzibati Prosessual Məcəlləsinin 35.1-ci maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Həmin Məcəllənin 35.3-cü maddəsinin tələblərinə əsasən iddianın mümkün sayılmaması barədə məhkəmə qərardad qəbul edir. Beləliklə, İddiaçı cavabdeh Gəncə Şəhər İcra Hakimiyyəti Memarlıq və Tikinti şöbəsinə qarşı (üçüncü şəxs X1) Gəncə şəhəri Kəpəz rayonu, 3-cü mikrorayon şimal-şərq hissəsində yerləşən torpaq sahəsi üzərində sahiblik və istifadə hüququnun müdafiəsinin təmin edilməklə həmin torpaq sahəsində inşa etdiyi hasarın dağıdılması nəticəsində cavabdeh və üçüncü şəxs tərəfindən ona dəymiş 10.000 manat maddi və 50.000 manat məbləğində mənəvi zərərin ödənilməsi barədə iddiasının mümkün sayılmaması qənaətinə gəlirəm. Yuxarıda göstərilənlərə və Azərbaycan Respublikası İnzibati Prosessual Məcəlləsinin 13, 35, 80, 81 və 85-ci maddələrinin tələblərinə əsasən, Q ə r a r a a l d ı m: İddiaçı cavabdeh Gəncə Şəhər İcra Hakimiyyəti Memarlıq və Tikinti şöbəsinə qarşı (üçüncü şəxs X1) Gəncə şəhəri Kəpəz rayonu, 3-cü mikrorayon şimal-şərq hissəsində yerləşən torpaq sahəsi üzərində sahiblik və istifadə hüququnun müdafiəsinin təmin edilməklə həmin torpaq sahəsində inşa etdiyi hasarın dağıdılması nəticəsində cavabdeh və üçüncü şəxs tərəfindən ona dəymiş 10.000 manat maddi və 50.000 manat məbləğində mənəvi zərərin ödənilməsi barədə iddiası mümkün sayılmasın. İddiaçıya izah edilsin ki, qərardadın məzmununda qeyd edilmiş tələblərə əməl etməklə yenidən məhkəmədə iddia qaldırmaq hüququ vardır. Qərardaddan 10 (on) gün müddətində Gəncə İnzibati Məhkəməsi (ünvan: Gəncə şəhəri, Heydər Əliyev pr. 105) vasitəsilə Gəncə Apellyasiya Məhkəməsinə (ünvan: Gəncə şəhəri, Atatür pr. 252) şikayət verilə bilər. Sədrlik edən Emin Axundov