Gəncə İnzibati Məhkəməsi Qərardad — İş №2-1(114)-1459/2021

Azərbaycan Respublikası adından QƏRARDAD Gəncə şəhəri İş № 2-1(114)-1459/2021 29.07.2021 GƏNCƏ İNZİBATİ MƏHKƏMƏSİ Gəncə İnzibati Məhkəməsinin hakimi Hüseynov Fikrət Cilingir oğlunun sədrliyi, Kərimov Elvin Cəfər oğlunun katibliyi, İddiaçı, cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun nümayəndəsi X2 iştirakı ilə, İddiaçı cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Sosial Ödənişlərin Təyinatı üzrə Mərkəzi Filialına qarşı (üçüncü şəxs Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin 5 saylı regional ərazi filialı) iş illərinin sosial sığorta stajına daxil edilməklə yaşa görə əmək pensiyasının təyin edilməsi və ödənilməsi tələbinə dair işə məhkəmə iclasında baxaraq, məhkəmə M üə y y ə n e t d i: İddiaçı cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Sosial Ödənişlərin Təyinatı üzrə Mərkəzi Filialına qarşı iddia ərizəsi ilə 24.06.2021-ci il tarixdə məhkəməyə müraciət edərək, cavabdehin hərəkətlərinin qanunsuz və əsassız hesab edilməsi, 27.08.1973-cü ildən 03.05.1974-cü ilədək (8 ay 6 gün) Kəlbəcərdə “Yenilik” rayon qəzetinin mətbəəsində çapçı, 15.05.1976-cı ildən 30.09.1976-cı ilədək (4 ay 15 gün) “Mayak” Montaj İdarəsində fəhlə, 22.11.1976-cı ildən 01.12.1976-cı ilədək (09 gün) Kombinatda krançı, 27.09.1977-ci ildən 02.02.1978-ci ilədək (3 ay 7 gün) Kəlbəcər Avtobazasında 2-ci dərəcə çilingər, 02 02.1978-ci ildən 27.07.1978-ci ilədək (5 ay 25 gün) Xüsusi Təsərrüfat hesablı Avtoqarajda 3-cü dərəcəli çilingər, 15.09.1978-ci ildən 28.11.1978-ci ilədək (2 ay 13 gün) Yevlax Rayonlararası İdarənin Kəlbəcər rayonunda benzin anbardarı, 10.04.1979-cu ildən 24.09.1979-cu ilədək (4 ay 14 gün) Kirovabad pivə zavodunun Kəlbəcər sexində fəhlə, 10.03.1980-ci ildən 06.05.1980-ci ilədək 1 ay 26 gün) Kirovabad pivə zavodunun Kəlbəcər sexində maşinist, 16.06.1980-ci ildən 01.11.1980-ci ilədək (4 ay 15 gün) Kəlbəcər rayon “İstisu” sanatoriyasında fəhlə, 02.11.1980-ci ildən 15.12.1984-cü ilədək (4 il 1 ay 13 gün) Kəlbəcər rayon Nərimanov adına kolxozda avtomaşın sürücüsü, 10.01.1985-ci ildən 16.10.1985-ci ilədək (9 ay 6 gün) Kəlbəcər rayon Nərimanov adma kolxozda avtomaşın sürücüsü, 04.11.1985-ci ildən 31.10.1986-cı ilədək (11 ay 27 gün) Bərdə rayon 15 nömrəli SMD (PMK-15) sürücü, 10.11.1986-cı ildən 07.01.1990-cı ilədək (3 il 1 ay 27 gün) Tərtər rayon “Pravda” kolxozunun mal-fermasına çilingər, 08.01.1990-cı il tarixdən 28.09.1991-ci ilədək (1 il 8 ay 20 gün) Tərtər rayon “Nizami” kolxozunun mal-fermasına çilingər, 30.01.1991-cı ildən 26.01.1993-cü ilədək (1 il 3 ay 26 gün) Tərtər Alqı-satqı firmasında sürücü, 03.02.1993-cı ildən 14.05.1993-cü ilədək (3 ay 11 gün) Tərtər rayonu 9 nömrəli X1 (SMD-də) 2-ci dərəcə üzrə quraşdırıcı çilingər, 14.05.1993-cü ildən 14.01.2006-cı ilədək (12 il 8 ay) Tərtər rayonu 9 nömrəli X1 (SMD-də) sürücü işlədiyi iş illərinin və 06.05.1974-cü ildən 13.05.1976-cı ilədək (2 il 7 gün) keçmiş sovet ordusunda həqiqi hərbi xidmətdə olduğu müddətin, ümumilikdə 30 il 15 gün ona pensiya hüququ verən sığorta stajına hesablanması, 01.01.2006-cı il tarixdən 14.01.2006cı il tarixədək Tərtər rayonu 9 nömrəli X1 (SMD-də) sürücü vəzifəsində işlədiyi nəzərə alınmaqla 07.06.2020-ci il tarixdən ona yaşa görə əmək pensiyasının təyin edilməsi və ödənilməsi öhdəliyinin cavabdehin üzərinə qoyulması barədə qərar çıxarılmasını xahiş etmişdir. Məhkəmə iddia ərizəsini, ona əlavə edilən sənədləri nəzərdən keçirərək hesab edir ki, aşağıdakı əsaslara görə hazırkı işə Gəncə İnzibati Məhkəməsi tərəfindən baxılmamalı və iş ərazi aidiyyəti üzrə göndərilməlidir. Məhkəmə iclasında tərəflər işin ərazi aidiyyəti üzrə göndərilməsinə etiraz etmədilər. Azərbaycan Respublikası İnzibati Prosessual Məcəlləsinin 8.1-ci maddəsinə əsasən daşınmaz əmlakla, yaxud müəyyən ərazi ilə bağlı hüquq və ya hüquq münasibəti ilə əlaqədar inzibati mübahisələrə həmin əmlakın və ya ərazinin aid olduğu yerin məhkəməsi tərəfindən baxılır; mübahisələndirmə haqqında iddialara mübahisə edilən inzibati aktı qəbul etmiş inzibati orqanın yerləşdiyi yerin məhkəməsi tərəfindən baxılır. İnzibati akt səlahiyyəti birdən çox məhkəmənin yurisdiksiyasına aid olan ərazini əhatə edən inzibati orqan tərəfindən qəbul edildiyi hallarda, belə inzibati aktlara qarşı iddialara hüquqlarına (qanunla qorunan maraqlarına) müdaxilə edilən şəxsin yaşayış yerinin və ya olduğu yerin məhkəməsi tərəfindən baxılır. Digər hallarda iddialara cavabdehin yerləşdiyi yerin, yaşayış yerinin, yaşayış yerinin olmadığı hallarda olduğu yerin və ya axırıncı yaşayış yaxud olduğu yerin məhkəməsi tərəfindən baxılır. İş üzrə cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Sosial Ödənişlərin Təyinatı üzrə Mərkəzi Filialının yerləşdiyi ünvan ünvan 1qqında” Qanunun 43cü maddəsinə əsasən inzibati məhkəmə Azərbaycan Respublikasının inzibati ərazi vahidləri üzrə təşkil edilir. İnzibati məhkəmənin təşkili və olduğu yer Məhkəmə-Hüquq Şurasının təklifi nəzərə alınmaqla, Azərbaycan Respublikası Konstitusiyasının 109-cu maddəsinin 32-ci bəndinə uyğun olaraq müəyyən olunur, ərazi yurisdiksiyası isə Məhkəmə-Hüquq Şurası tərəfindən müəyyən olunur. Məhkəmə Hüquq Şurasının 14 noyabr 2019-cu il tarixli 4 nömrəli qərarı ilə “Azərbaycan Respublikası apelyasiya, ağır cinayətlər, hərbi və inzibati məhkəmələrin ərazi yurisdiksiyası” təsdiq edilmişdir ki, həmin qərara görə Nərimanov rayonu Bakı İnzibati Məhkəməsinin ərazi yurisdiksiyasına aiddir. Azərbaycan Respublikası İnzibati Prosessual Məcəlləsinin 8.2-ci maddəsinə əsasən predmet və ya ərazi aidiyyəti üzrə mübahisəyə baxılması onun səlahiyyətinə aid olmadığı hallarda, məhkəmə tərəfləri dinlədikdən sonra xidməti vəzifəsinə görə mübahisənin aidiyyətini müəyyənləşdirir və həmin mübahisə ilə bağlı işi aidiyyəti üzrə müvafiq səlahiyyətli məhkəməyə göndərir. Həmin Məcəllənin 8.5-ci maddəsinə görə bu Məcəllənin 8.2-8.4-cü maddələrində nəzərdə tutulmuş hallarda məhkəmə əsaslandırılmış qərardad qəbul edir. Məhkəmənin aidiyyətlə bağlı qərardadından, həmin qərardadın təqdim olunduğu vaxtdan 10 gün müddətində yuxarı məhkəməyə şikayət verilə bilər. Yuxarıda göstərilənlərə əsasən və Azərbaycan Respublikası İnzibati Prosessual Məcəlləsinin 8-ci maddələrini rəhbər tutaraq məhkəmə Q ə r a r a a l d ı : İddiaçı cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Sosial Ödənişlərin Təyinatı üzrə Mərkəzi Filialına qarşı iş illərinin sosial sığorta stajına daxil edilməklə yaşa görə əmək pensiyasının təyin edilməsi və ödənilməsi tələbinə dair iş baxılması üçün ərazi aidiyyəti üzrə Bakı İnzibati Məhkəməsinə göndərilsin. Qərardaddan təqdim olunduğu gündən 10 (on) gün müddətində Gəncə İnzibati Məhkəməsi (Gəncə şəhəri, H.Əliyev pr. 105) vasitəsilə Gəncə Apelyasiya Məhkəməsinə (Gəncə şəhəri, Atatürk pr. 252) apelyasiya şikayəti verilə bilər. Sədrlik edən: Fikrət Hüseynov