Gəncə İnzibati Məhkəməsi Qərardad — İş №2-1(114)-1536/2020

Azərbaycan Respublikası adından QƏRARDAD Gəncə şəhəri İş № 2-1(114)-1536/2020 17.08.2020 GƏNCƏ İNZİBATİ MƏHKƏMƏSİ Gəncə İnzibati Məhkəməsinin hakimi Hüseynov Fikrət Cilingir oğlu, İddiaçı müavinətin ödənilməsi ilə bağlı ərizəsini məhkəmənin binasında nəzərdən keçirərək, m ü ə y y ə n e t d i m: İddiaçı ərizə ilə xx.xx.2020-ci il tarixdə Gəncə İnzibati Məhkəməsinə müraciət edərək, onun həyat yoldaşının icazəsi olmadan işə götürüb adına əmək müqaviləsi bağladıqlarına və 190 manat ödənişə mane olduqlarına görə bu işlə ciddi məşğul olunmasını xahiş etmişdir. İddiaçı məhkəməyə ərizə təqdim edərək ərizəsinin baxılmadan geri qaytarılmasını xahiş etmişdir. Ərizəni, ona əlavə edilən sənədləri və iddiaçının ərizəsini nəzərdən keçirərək hesab edirəm ki, iddia mümkün sayılmamalı, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası İnzibati Prosessual Məcəlləsinin 35.1 maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının vəqanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Həmin Məcəllənin 35.3 maddəsinə əsasən iddianın mümkün sayılmaması barədə məhkəmə qərardad qəbul edir. Yuxarıda göstərilənlərə və Azərbaycan Respublikası İnzibati Prosessual Məcəlləsinin 35, 80, 81, 85-ci maddələrinin tələblərinə əsasən, Qərara aldım: İddiaçı müavinətin ödənilməsi tələbinə dair ərizəsi mümkün sayılmasın. Ərizə və ona əlavə olunmuş sənədlər geri qaytarılsın. Qərardaddan 10 (on) gün müddətində Gəncə İnzibati Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Fikrət Hüseynov