Gəncə İnzibati Məhkəməsi Qərar — İş №2-1(114)-184/2020

Azərbaycan Respublikası adından QƏRAR Gəncə şəhəri İş № 2-1(114)-184/2020 19.10.2020 GƏNCƏ İNZİBATİ MƏHKƏMƏSİ Hakim Axundov Emin Tahir oğlunun sədrliyi, Abdullayev Əsgər Vəli oğlunun katibliyi, İddiaçı1 və vəkili X1 iştirakı ilə İddiaçılar İddiaçı1 və İddiaçı2 Cavabdehnə qarşı (üçüncü şəxslər Qurbanov Rövşən İsmayıl oğlu və X5) üçüncü şəxslərin ünvan 1 mənzil 48 ünvanından pasport qeydiyyatından çıxarılması tələbinə dair inzibati işə məhkəmənin binasında, şifahi məhkəmə baxışı iclasında baxaraq məhkəmə aşağıdakı qərarı qəbul etdi. Təsviri hissə: İddiaçılar İddiaçı1 və İddiaçı2 Cavabdehnə qarşı (üçüncü şəxslər Qurbanov Rövşən İsmayıl oğlu və X5) iddia ərizəsi ilə Gəncə İnzibati-İqtisadi Məhkəməsinə müraciət edərək, üçüncü şəxslərin ünvan 1 mənzil 48 ünvanından pasport qeydiyyatından çıxarılması barədə qərar çıxarılmasını xahiş etmişdir. Gəncə İnzibati-İqtisadi Məhkəməsinin xx.xx.2019-cu il tarixli, 2-1(83)-1915/2019 nömrəli qərardadı ilə hazırki iş üzrə icraat, Naftalan Şəhər Məhkəməsinin xx.xx.2019-cu il tarixli, 2(052)-95/2019 nömrəli qətnaməsinin qanuni qüvvəsini alanadək dayandırılmışdır. İddiaçı1 məhkəməyə xx.xx.2020-ci il tarixli vəsatət ünvanlayaraq iş üzrə icraatın təzələnməsini xahiş etmişdir. Naftalan Şəhər Məhkəməsinin xx.xx.2019-cu il tarixli, 2(052)-95/2019 nömrəli qətnaməsi ilə iddiaçılar X7 və İddiaçı2 cavabdehlər Qurbanov Rövşən İsmayıl oğluna və X3 qarşı “cavabdehə məxsus yaşayış evinə köçürməklə iddiaçıya məxsus mənzildən çıxarma” tələbinə dair iddiası qismən təmin edilərək, cavabdehlər Qurbanov Rövşən İsmayıl oğlunun və X2 iddiaçı X8 məxsus Naftalan şəhəri, H.Əliyev küçəsi, 29 nömrəli binanın 48 nömrəli mənzilindən çıxarılmaları qət edilmişdir. Gəncə Apellyasiya Məhkəməsi Mülki Kollegiyasının xx.xx.2019-cu il tarixli, 2(104)- 4697/2019 nömrəli qətnaməsi ilə cavabdehlər Qurbanov Rövşən İsmayıl oğlu və X5 tərəfindən verilmiş apellyasiya şikayəti təmin edilməyərək, Naftalan Şəhər Məhkəməsinin xx.xx.2019-cu il tarixli, 2(104)-4697/2019 saylı qətnaməsinin cavabdehlər Qurbanov Rövşən İsmayıl oğlunun və X2 iddiaçı X8 məxsus Naftalan şəhəri, H.Əliyev küçəsi, 29 nömrəli binanın 48 nömrəli mənzilindən çıxarılmaları hissəsində dəyişdirilmədən saxlanması qət edilmişdir. Cavabdehlər Qurbanov Rövşən İsmayıl oğlu və X5 iş üzrə Gəncə Apellyasiya Məhkəməsi Mülki Kollegiyasının xx.xx.2019-cu il tarixli qətnaməsindən birgə kasasiya şikayəti vermişlər, Azərbaycan Respublikası Ali Məhkəməsi Mülki Kollegiyasının xx.xx.2020-ci il tarixli, 2(102)-4295/2020 nömrəli qərarı ilə kassasiya şikayəti təmin edilməmiş, Gəncə Apellyasiya Məhkəməsi Mülki Kollegiyasının xx.xx.2019-cu il tarixli, 2(104)-4697/2019 nömrəli qətnaməsi dəyişiklik edilmədən saxlanılmışdır. Gəncə İnzibati Məhkəməsinin xx.xx.2020-ci il tarixli, 2-1(114)-184/2020 nömrəli qərardadı ilə iş üzrə icraat təzələnmişdir. Tələb onunla əsaslandırılmışdır ki, ünvan 1 mənzil 48 İddiaçı1 xüsusi mülkiyyətinə verilmişdir. Qeyd olunan mənzildə üçüncü şəxslər pasport qeydiyyatındadırlar. Bu hal isə onun hüquqlarının pozulması ilə nəticələnir. İddiaçı qeyd olunan şəxslərin ona məxsus mənzildən qeydiyyatdan çıxarılması üçün cavabdehə müraciət etsə də, sonuncu bundan imtina etmişdir. Azərbaycan Respublikası İnzibati Prosessual Məcəlləsinin tələblərinə əsasən inzibati mübahisəyə dair iş üzrə qanunamüvafiq prosessual hərəkətlər edildikdən sonra işin şifahi məhkəmə baxışı iclası xx xxxxxxx 2020-ci il tarixə təyin edilmiş və bu barədə tərəflərə lazımi qaydada məlumat verilmişdir. Şifahi məhkəmə baxışı iclasında İddiaçı1 və vəkili X4 iddia tələbini müdafiə edərək və iddia ərizəsi ilə eyni məzmunlu izahat verərək üçüncü şəxslər Qurbanov Rövşən İsmayıl oğlunun və X2 ünvan 1 mənzil 48 ünvanından pasport qeydiyyatından çıxarılmalarınınCavabdeh üzərinə qoyulması barədə qərar qəbul edilməsini xahiş etmişdir. İddiaçı2 məhkəmə iclasına gəlməmiş, Cavabdeh nümayəndəsinin iştirakını məhkəmə iclasında təmin etməmiş, üçüncü şəxslər Qurbanov Rövşən İsmayıl oğlu və X5 isə məhkəmə iclasına gəlməmiş və səbəbləri barədə məhkəməyə məlumat verməmişlər. Məhkəmə, Azərbaycan Respublikası İnzibati-Prosessual Məcəlləsinin 62.3-cü maddəsinin tələblərinə əsasən işə İddiaçı2, cavabdehin nümayəndəsinin və üçüncü şəxslərin iştirakları olmadan baxılmasını mümkün hesab etmişdir. Məhkəmə araşdırmasının predmetini təşkil etmişdir: - Naftalan Şəhər Məhkəməsinin xx.xx.2019-cu il tarixli, 2(052)-95/2019 nömrəli qətnaməsindən görünür ki, iddiaçılar X7 və İddiaçı2 cavabdehlər Qurbanov Rövşən İsmayıl oğluna və X3 qarşı “cavabdehə məxsus yaşayış evinə köçürməklə iddiaçıya məxsus mənzildən çıxarma” tələbinə dair iddiası qismən təmin edilərək, cavabdehlər Qurbanov Rövşən İsmayıl oğlunun və X2 iddiaçı X8 məxsus Naftalan şəhəri, H.Əliyev küçəsi, 29 nömrəli binanın 48 nömrəli mənzilindən çıxarılmaları qət edilmişdir. - Hüquqların dövlət qeydiyyatı haqqında daşınmaz əmlakın dövlət reyestrindən MH seriyalı, ******* nömrəli (xx.xx.2009-cu il qeydiyyat tarixli, ********** qeydiyyat nömrəli) çıxarışın təsdiq edilmiş surətindən görünür ki, ünvan 1 mənzil 48 İddiaçı1 xüsusi mülkiyyətinə verilmişdir. - Cavabdeh tərəfindən iddiaçıya ünvanlanmış xx.xx.2020-ci il tarixli, 175-5998Q- 3219 nömrəli məktubun məzmunundan görünür ki, üçüncü şəxslərin qeydiyyatdan çıxarılmasının müvafiq məhkəmə qətnaməsi əsasında həyata keçirilməsi bildirilmişdir. Əsaslandırma hissəsi: Məhkəmə toplanmış və tədqiq olunmuş sübutlara tam, hərtərəfli və obyektiv hüquqi qiymət verərək, həmçinin mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında hesab edir ki, iddia təmin edilməlidir. Belə ki, iddia mümkün olmaqla yanaşı, həm də əsaslıdır. İddia mümkün iddiadır. Belə ki, baxılan işdə söhbət Azərbaycan Respublikası İnzibati Prosessual Məcəllənin 1.1-ci maddəsində nəzərdə tutulmuş mənada inzibati mübahisədən gedir ki, buna baxmaq səlahiyyəti inzibati məhkəmələrə aiddir. İddia mahiyyəti üzrə aşağıdakılara görə əsaslıdır. Azərbaycan Respublikası Konstitusiyasının 13-cü maddəsinə əsasən Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikasının Konstitusiyası və Azərbaycan Respublikasının tərəfdar çıxdığı “İnsan Hüquqları və X6 Haqqında” Avropa Konvensiyasının 1 saylı Protokolunun 1ci maddəsinə əsasən hər bir fiziki və hüquqi şəxs öz mülkiyyətindən maneəsiz istifadə hüququna malikdir. Heç kəs cəmiyyətin maraqları naminə, qanunla və beynəlxalq hüququn ümumi prinsipləri ilə nəzərdə tutulmuş şərtlər istisna olmaqla, öz mülkiyyətindən məhrum edilə bilməz. Azərbaycan Respublikası Mülki Məcəlləsinin 152.1-ci maddəsinin tələblərinə əsasən mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Azərbaycan Respublikası Mülki Məcəlləsinin 157.2-ci maddəsinin tələblərinə əsasən mülkiyyətçi özgəsinin qanunsuz sahibliyindən öz əmlakını geri tələb edə bilər. Azərbaycan Respublikası Mülki Məcəlləsinin 152.5-ci maddəsinin tələblərinə əsasən mülkiyyətçi qanunvericiliklə və ya başqa şəkildə, o cümlədən müqavilə məhdudiyyətləri ilə müəyyənləşdirilmiş hədlərdə əmlaka (əşyaya) sərbəst surətdə sahib ola bilər, ondan istifadə edə bilər və ona dair sərəncam verə bilər, həmin əmlaka başqa şəxslərin sahibliyinə yol verməyə bilər, ona mənsub əmlak barəsində öz mülahizəsi ilə istənilən hərəkətləri edə bilər, bir şərtlə ki, həmin hərəkətlər qonşuların və ya üçüncü şəxslərin hüquqlarını pozmasın, yaxud hüquqdan sui-istifadə olmasın. Həmin Məcəllənin 157.4-cü maddəsinin tələblərinə əsasən əgər mülkiyyətə qəsd və ya başqa maneələr əşyanı götürmədən və ya ondan məhrum etmədən törədilirsə, mülkiyyətçi qəsd edəndən bu hərəkətlərə son qoymağı tələb edə bilər. Bu cür hərəkətlər davam etdirildikdə mülkiyyətçi həmin hərəkətlərə son qoyulmasını məhkəmə vasitəsilə tələb edə bilər. Həmçinin, xx xxxxx 1996-cı il tarixli “Yaşayış yeri və olduğu yer üzrə qeydiyyat” haqqında Azərbaycan Respublikası Qanununun 1-ci maddəsinin tələblərinə əsasən Azərbaycan Respublikasının vətəndaşları, əcnəbilər və vətəndaşlığı olmayan şəxslər (bundan sonra şəxslər) Azərbaycan Respublikasında yaşayış yeri və olduğu yer üzrə qeydiyyata alınmalıdırlar. Yaşayış yeri və olduğu yer üzrə qeydiyyatın məqsədi Azərbaycan Respublikasında yaşayan şəxslərin uçota alınması, onların başqa şəxslər, dövlət və cəmiyyət qarşısında vəzifələrinin icra edilməsi, insan və vətəndaş hüquqlarının və azadlıqlarının həyata keçirilməsi (sosial müdafiə, pensiya təminatı, hərbi xidmətə çağırış,məhkəmə qərarlarının icrası və s.) üçün zəruri şərait yaratmaqdır. Həmin Qanunun 2-ci maddəsinin 1-ci hissəsinin tələblərinə əsasən şəxsin yaşayış yeri-tam həcmdə fəaliyyət qabiliyyətli şəxsin mülkiyyətçi kimi icarə və kirayə müqaviləsi üzrə, yaxud Azərbaycan Respublikasının qanunvericiliyi ilə nəzərdə tutulmuş digər əsaslarla daimi və ya daha çox yaşadığı ev, mənzil, xidməti yaşayış sahəsi, yataqxana, qoca və əlil evləri və digər bu kimi yaşayış yerləri başa düşülür. Beləliklə məhkəmə araşdırmaları zamanı müəyyən olundu ki, ünvan 1 mənzil 48 tam mülkiyyət hüququ əsasında İddiaçı1 məxsusdur. Belə olan halda mülkiyyətçinin və ya əmlak hüququ sahibinin ona məxsus yaşayış sahəsinə münasibətdə hər hansı əmlak hüquqlarının sahibi olmayan şəxslərin həmin yaşayış sahəsində qeydiyyatda qalması əmlak sahibinin mənafeyinə toxunur. Həmçinin, məhkəmə qeyd edir ki, mövcud qanunvericiliklə qeydiyyatdan çıxarılan şəxslərin bu halda qeydiyyatda qalmağa dair hər hansı əsaslı mənafeləri də müəyyən olunmamışdır. Həmçinin, iş materialları ilə müəyyən edilir ki,Naftalan Şəhər Məhkəməsinin xx.xx.2019-cu il tarixli, 2(052)-95/2019 nömrəli qətnaməsi ilə iddiaçılar X7 və İddiaçı2 cavabdehlər Qurbanov Rövşən İsmayıl oğluna və X3 qarşı “cavabdehə məxsus yaşayış evinə köçürməklə iddiaçıya məxsus mənzildən çıxarma” tələbinə dair iddiası qismən təmin edilərək, cavabdehlər Qurbanov Rövşən İsmayıl oğlunun və X2 iddiaçı X8 məxsus Naftalan şəhəri, H.Əliyev küçəsi, 29 nömrəli binanın 48 nömrəli mənzilindən çıxarılmaları qət edilmişdir. Gəncə Apellyasiya Məhkəməsi Mülki Kollegiyasının xx.xx.2019-cu il tarixli, 2(104)- 4697/2019 nömrəli qətnaməsi ilə cavabdehlər Qurbanov Rövşən İsmayıl oğlu və X5 tərəfindən verilmiş apellyasiya şikayəti təmin edilməyərək, Naftalan Şəhər Məhkəməsinin xx.xx.2019-cu il tarixli, 2(104)-4697/2019 saylı qətnaməsinin cavabdehlər Qurbanov Rövşən İsmayıl oğlunun və X2 iddiaçı X8 məxsus Naftalan şəhəri, H.Əliyev küçəsi, 29 nömrəli binanın 48 nömrəli mənzilindən çıxarılmaları hissəsində dəyişdirilmədən saxlanması qət edilmişdir. Cavabdehlər Qurbanov Rövşən İsmayıl oğlu və X5 iş üzrə Gəncə Apellyasiya Məhkəməsi Mülki Kollegiyasının xx.xx.2019-cu il tarixli qətnaməsindən birgə kasasiya şikayəti vermişlər, Azərbaycan Respublikası Ali Məhkəməsi Mülki Kollegiyasının xx.xx.2020-ci il tarixli, 2(102)-4295/2020 nömrəli qərarı ilə kassasiya şikayəti təmin edilməmiş, Gəncə Apellyasiya Məhkəməsi Mülki Kollegiyasının xx.xx.2019-cu il tarixli, 2(104)-4697/2019 nömrəli qətnaməsi dəyişiklik edilmədən saxlanılmışdır. Azərbaycan Respublikası Ali Məhkəməsi Mülki Kollegiyasının xx.xx.2020-ci il tarixli, 2(102)-4295/2020 nömrəli qərarı ilə müəyyən edilmişdir ki, cavabdehlər uzun müddət həmin evdə yaşasalar da, artıq mübahisəli mənzilə ehtiyacları aradan qalxmışdır. Belə ki, işdə olan xx.xx.2015-ci il tarixli, RX seriyalı, ******* nömrəli çıxarışın surətindən görünür ki, Naftalan şəhəri, Q.Namazəliyev adına yaşayış məhəlləsi, 2 №li küçə, 10 saylı fərdi yaşayış evi Qurbanov Rövşən İsmayıl oğlunun adına qeyd edilmişdir. Bundan başqa, xx.xx.2018-ci il tarixli, RX seriyalı, ******* nömrəli çıxarışın surətindən görünür ki, Naftalan şəhəri, İ.Həsənzadə küçəsi, bina 14 saylı qeyri-yaşayış sahəsinə Qurbanov Rövşən ismayıl oğlu və X9 hüquq sahibləri kimi qeyd edilmişlər. Beləliklə də cavabdehlərin adına yaşayış sahəsinin olması müəyyən edildiyinə görə hazırki mülkiyyətçi olan İddiaçı1 evində onların yaşaması onun mülkiyyətindən dinc istifadə etməsinə maneə törədir. Odur ki, yuxarıda qeyd olunanlara əsasən məhkəmə hesab edir ki, üçüncü şəxslərin iddiaçıya məxsus mənzildən pasport qeydiyyatından çıxarılması öhdəliyi cavabdeh Gəncə şəhər Baş Polis İdarəsinə həvalə edilməlidir. “İnzibati icraat haqqında” Azərbaycan Respublikası Qanununun 72.1-ci maddəsinə əsasən inzibati aktdan şikayət inzibati qaydada və ya məhkəmə qaydasında verilə bilər. Həmin maddənin 5-ci bəndinə əsasən inzibati aktlardan məhkəmə qaydasında şikayət (inzibati iddia) Azərbaycan Respublikasının müvafiq qanunu ilə müəyyən olunmuş qaydada verilir. Azərbaycan Respublikası İnzibati-Prosessual Məcəlləsinin 34.1-ci maddəsinə əsasən öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. Həmin Məcəllənin 68.1-ci maddəsinin tələblərinə əsasən məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. Həmin Məcəllənin 68.2-ci maddəsinin tələblərinə əsasən məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır. Azərbaycan Respublikası İnzibati-Prosessual Məcəlləsinin 69.4-cü maddəsinin tələblərinə əsasən məhkəmə qərarının əsaslandırma hissəsində qərar qəbul edərkən məhkəmənin əsaslandığı faktiki hallar və sübutlar, istinad etdiyi normativ hüquqi aktlar və onların qiymətləndirilməsi göstərilməlidir. Beləliklə, məhkəmə toplanmış və tədqiq olunmuş sübutlara tam, hərtərəfli və obyektiv hüquqi qiymət verərək belə hesab edir ki, cavabdeh orqanın hərəkətləri qanuna zidd olduğundan və iddiaçının hüquqlarının pozulmasına səbəb olduğundan iddia tələbi təmin olunmalı, Qurbanov Rövşən İsmayıl oğlunun və X2 ünvan 1 mənzil 48 ünvanından pasport qeydiyyatından çıxarılması öhdəliyi Cavabdehnə həvalə edilməlidir. N ə t i c ə v i h i s s ə: Yuxarıda göstərilənlərə və Azərbaycan Respublikası İnzibati Prosessual Məcəlləsinin 34, 68-69, 75, 81-ci maddələrini rəhbər tutaraq, məhkəmə qərara aldı: İddia təmin edilsin. Qurbanov Rövşən İsmayıl oğlunun və X2 ünvan 1 mənzil 48 ünvanından pasport qeydiyyatından çıxarılması öhdəliyi Cavabdehnə həvalə edilsin. Qərardan şikayət verilmədiyi və ya proses iştirakçıları tərəfindən şikayətin geri götürüldüyü hallarda məhkəmə qərarı onun təqdim olunduğu gündən 30 (otuz) gün keçdikdən sonra qanuni qüvvəyə minir. Qərardan, onun tam formada təqdim olduğu gündən 30 (otuz) gün müddətində Gəncə İnzibati Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən Emin Axundov