Gəncə İnzibati Məhkəməsi Qərardad — İş №2-1(114)-1876/2020

Azərbaycan Respublikası adından QƏRARDAD Gəncə şəhəri İş № 2-1(114)-1876/2020 12.10.2020 GƏNCƏ İNZİBATİ MƏHKƏMƏSİ Hakim Osmanov Usaməddin Hidayət oğlunun sədrliyi, Mirzəyeva Şəms Şakir qızının katibliyi ilə, Azərbaycan Respublikası Cavabdeh inzibati tənbeh vermə haqqında xx xxxxxx 2020-ci il tarixli MN ******* nömrəli qərarının ləğv edilməsi barədə İddiaçı şikayət ərizəsinin mümkünlüyü məsələsinə məhkəmənin binasında açıq məhkəmə iclasında baxaraq məhkəmə m ü ə y y ə n e t d i: İddiaçı şikayət ərizəsi ilə məhkəməyə müraciət edərək Azərbaycan Respublikası Cavabdeh inzibati tənbeh vermə haqqında xx xxxxxx 2020-ci il tarixli MN ******* nömrəli qərarının ləğv edilməsinə dair qərar çıxarılmasını xahiş etmişdir. Şikayətin mümkünlüyü məsələsinə baxılması ilə əlaqədar təyin olunmuş məhkəmə iclasının vaxtı və yeri barəsində şikayətçiyə məlumat verilməsinə baxmayaraq, sonuncu məhkəmə iclasında iştirak etməmiş, lakin xx.xx.2020-ci il tarixdə məhkəməyə teleqram göndərərək, maddi vəziyyəti ilə bağlı məhkməyə gələ bilmədiyini bildirərək, məhkəmə iclasının iştirakı olmadan keçirilməsini xahiş etmişdir. Məhkəmə işə iddiaçının iştirakı olmadan baxılmasını mümkün hesab etmişdir. Məhkəmə şikayət ərizəsini, ona əlavə edilmiş sənədləri nəzərdən keçirib hesab edir ki, şikayət aşağıdakı əsaslara görə mümkün sayılmamalıdır. Belə ki, iş materialları ilə müəyyən edilmişdir ki, şikayətçi xx.xx.2020-ci il tarixli, MN ******* nömrəli İnzibati Xəta haqqında protokol əsasında qəbul edilmiş, xx.xx.2020-ci il tarixli MN ******* nömrəli İnzibati tənbeh vermə haqqında qərarı mübahisələndirir. «İnzibati icraat haqqında» Azərbaycan Respublikası Qanununun 3.2.2-ci maddəsinə əsasən bu Qanun inzibati orqanların inzibati xətalara dair işlər üzrə fəaliyyətinə şamil olunmur. «İnzibati icraat haqqında» Azərbaycan Respublikası Qanununun 1.1-ci maddəsinə əsasən bu qanun inzibati aktların qəbul edilməsi, icra olunması və ya ləğv edilməsi ilə bağlı inzibati orqanlar tərəfindən həyata keçirilən fəaliyyətin hüquqi əsaslarını, prinsiplərini və prosedur qaydalarını müəyyən edir. Hazırkı iddia tələbi üzrə cavabdeh tərəfindən qəbul edilmiş inzibati tənbeh vermə haqqında qərar isə «İnzibati icraat haqqında» Azərbaycan Respublikasının Qanununun anlamında inzibati akt olmadığından həmin iddia ərizəsinə inzibati məhkəmələr tərəfindən baxıla bilməz. Həmçinin, Azərbaycan Respublikası İnzibati Xətalar Məcəlləsinin 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Azərbaycan Respublikası İnzibati-Prosessual Məcəlləsinin 35.1-ci maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Beləliklə məhkəmə, Azərbaycan Respublikası Cavabdeh inzibati tənbeh tətbiq edilməsi haqqında qərarından şikayətə baxılmasının aidiyyəti üzrə Gəncə İnzibati Məhkəməsinin deyil, ümumi (rayon) məhkəmənin səlahiyyətinə aid olduğunu hesab edərək, ərizənin mümkün sayılmaması, habelə iddiaçıya Azərbaycan Respublikası İnzibati Xətalar Məcəlləsinin tələblərinə əsasən aidiyyəti üzrə ümumi (rayon) məhkəməyə şikayət vermək hüququnun olmasının izah edilməsi qənaətinə gəlir. Yuxarıda göstərilənlərə və Azərbaycan Respublikası İnzibati Prosessual Məcəlləsinin 1.1, 35, 80, 81 və 85-ci maddələrinin tələblərinə əsasən məhkəmə qərara aldı: Azərbaycan Respublikası Cavabdehnə qarşı xx.xx.2020-ci il tarixli MN ******* nömrəli protokolunda İXM-in 210.1-ci maddəsinin ləğv edilməsi haqqında qərarının ləğv edilməsi barədə İddiaçı tərəfindən verilmiş şikayət mümkün sayılmasın. Şikayətçiyə inzibati tənbeh tətbiq edilməsi haqqında qərarın ləğv edilməsi tələbi ilə ümumi (rayon) məhkəməyə şikayət vermək hüququnun olduğu izah edilsin. Qərardaddan 10 (on) gün müddətində Gəncə İnzibati Məhkəməsi (ünvan:Gəncə şəhəri, H.Əliyev pr 105) vasitəsilə Azərbaycan Respublikası Gəncə Apellyasiya Məhkəməsinə (ünvan: Gəncə şəhəri, Atatürk pr 252) şikayət verilə bilər. Hakim: Usaməddin Osmanov