Gəncə İnzibati Məhkəməsi Qərardad — İş №2-1(114)-2201/2020

Azərbaycan Respublikası adından QƏRARDAD Gəncə şəhəri İş № 2-1(114)-2201/2020 02.12.2020 GƏNCƏ İNZİBATİ MƏHKƏMƏSİ Gəncə İnzibati-İqtisadi Məhkəməsinin hakimi Axundov Emin Tahir oğlu, İddiaçı cavabdeh «xxxx» Kommersiya Bankı ASC-nə və «xxxx» Kommersiya Bankı ASC-nin Kəpəz filialına qarşı kredit müqaviləsinin etibarsız edilməsi, maddi və mənəvi zərərin ödənilməsi tələbinə dair iddia ərizəsini və ona əlavə olunmuş sənədləri məhkəmənin binasında nəzərdən keçirərək, Müəyyən etdim: İddiaçı cavabdeh «xxxx» Kommersiya Bankı ASC-nə və «xxxx» Kommersiya Bankı ASC-nin Kəpəz filialına qarşı kredit müqaviləsinin etibarsız edilməsi, maddi və mənəvi zərərin ödənilməsi tələbinə dair iddia ərizəsi ilə Gəncə İnzibati Məhkəməsinə müraciət edərək müvafiq qərar qəbul edilməsini xahiş etmişdir. İş materiallarını nəzərdən keçirərək hesab edirəm ki, həmin iddia ərizəsinə Gəncə İnzibati Məhkəməsində inzibati məhkəmə icraatı qaydasında baxılmalı olmadığından iddia mümkün sayılmamalıdır. Belə ki, “İnzibati icraat haqqında” Azərbaycan Respublikası Qanununun 2.0.1 maddəsinə əsasən Azərbaycan Respublikasının müvafiq icra hakimiyyəti orqanları, onların yerli (struktur) və digər qurumları, bələdiyyələr, habelə qanuna əsasən inzibati akt qəbul etmək səlahiyyəti verilmiş hər hansı fiziki və ya hüquqi şəxs inzibati orqan hesab edilir. İddia ərizəsində «xxxx» Kommersiya Bankı ASC-nə və «xxxx» Kommersiya Bankı ASC-nin Kəpəz filialı cavabdeh qismində qeyd olunmuşdur. «xxxx» Kommersiya Bankı ASC-ti və yaxud onun filialları “İnzibati orqanların təsnifatı”nın təsdiq edilməsi haqqında Azərbaycan Respublikası Nazirlər Kabinetinin 136 nömrəli, xx.xx.2007-ci il tarixli qərarı ilə inzibati orqan kimi təsnif olunmadığından həmin orqan inzibati icraatın subyekti ola bilməz. Azərbaycan Respublikası İnzibati Prosessual Məcəlləsinin 13-cü maddəsinə əsasən məhkəmə qaldırılan iddialarda yol verilən formal xətaların aradan qaldırılmasında, aydın olmayan iddia tələblərinin dəqiqləşdirilməsində, yanlış iddia növlərinin münasibləri ilə əvəz olunmasında, natamam faktiki məlumatların tamamlanmasında, eləcə də işin hallarının müəyyənləşdirilməsi və qiymətləndirilməsi baxımından əhəmiyyət kəsb edən izahatların təqdim olunmasında proses iştirakçılarına yardım etməyə borcludur. Qeyd edilən maddi və prosessual hüquq normalarının tələblərinə əsasən iddiaçının nəzərinə çatdırılmasını zəruri hesab edirəm ki, iddia ərizəsi üzrə cavabdeh qismində qeyd edilmiş bank və yaxud həmin bankın filialı inzibati orqan olmadığından tərəflər arasında olan mübahisə publik hüquq münasibətlərini tənzimləyən hüquq normaları ilə deyil, özəl hüquq münasibətlərini tənzimləyən hüquq normaları ilə nizama salınmalıdır. Həmin mübahisələrə isə müvafiq ümumi (rayon) məhkəmələr tərəfindən baxıldığından, iddiaçı həmin iddia tələbi ilə müvafiq ümumi (rayon) məhkəməyə müraciət etməlidir. Eyni zamanda tələb hüquqi şəxsin rəhbərinə qarşı deyil, hüququ şəxsə qarşı yönəlməlidir Azərbaycan Respublikası İnzibati-Prosessual Məcəlləsinin 35.1-ci maddəsinin tələblərinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Yuxarıda göstərilənlərə əsasən və Azərbaycan Respublikası İnzibati-Prosessual Məcəlləsinin 13, 35, 80, 81 və 85-ci maddələrini rəhbər tutaraq, Q ə r a r a a l d ı m: İddiaçı cavabdeh «xxxx» Kommersiya Bankı ASC-nə və «xxxx» Kommersiya Bankı ASC-nin Kəpəz filialına qarşı kredit müqaviləsinin etibarsız edilməsi, maddi və mənəvi zərərin ödənilməsi tələbinə dair iddia mümkün sayılmasın. İddiaçıya izah edilsin ki, həmin iddia tələbi ilə qərardadda qeyd olunan formal xətalar aradan qaldırılmaqla müvafiq ümumi (rayon) məhkəməyə müraciət edə bilər. Qərardaddan 10 (on) gün müddətində Gəncə İnzibati Məhkəməsi vasitəsilə Gəncə Apellyasiya Məhkəməsinə şikayət verilə bilər. Sədrlik edən Emin Axundov