Gəncə İnzibati Məhkəməsi Qərardad — İş №2-1(114)-5090/2025

Azərbaycan Respublikası adından QƏRARDAD Gəncə şəhəri İş № 2-1(114)-5090/2025 19.12.2025 GƏNCƏ İNZİBATİ MƏHKƏMƏSİ Mən, hakim Əliyeva Leyla Kamil qızı, iddiaçılar İddiaçı2 Kamil qızı, İddiaçı3, Şərifova Hicran Zirəddin qızı, X5, X6, X8, X9, X2, X7, X4, İddiaçı1, X3, Abbasov Ruslan, Musayeva Yaqut, Məmmədova Arzu, Ağayeva Mehriban, Quliyeva Səhərnaz, Zeynalov Niyazi, Abbasov Nicat, Əliyev Ramiz, Qasımova Kəmalə, X1 cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinə qarşı H.İsmayılovanın icarəyə verildiyi və hüquqların dövlət qeydiyyatına alınmasına dair sənədlərin ləğv edilməsi tələbinə dair ərizəsinə inzibati məhkəmə icraatı qaydasında baxaraq müəyyən etdim: İddiaçılar İddiaçı2 Kamil qızı, İddiaçı3, Şərifova Hicran Zirəddin qızı, X5, X6, X8, X9, X2, X7, X4, İddiaçı1, X3, Abbasov Ruslan, Musayeva Yaqut, Məmmədova Arzu, Ağayeva Mehriban, Quliyeva Səhərnaz, Zeynalov Niyazi, Abbasov Nicat, Əliyev Ramiz, Qasımova Kəmalə, X1 cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinə qarşı iddia ərizəsi ilə məhkəməyə müraciət edərək, cavabdehin “Hüquqi və fiziki şəxslərə torpaq sahəsinin icarəyə verilməsi barədə” xx.xx.2025-ci il tarixli, 11891 nömrəli müqaviləyə əsasən H.İsmayılovanın icarəyə verildiyi və hüquqların dövlət qeydiyyatına alınmasına dair sənədlərin ləğv edilməsi barədə qərar qəbul edilməsini xahiş etmişdir. İddiaçılardan İddiaçı1 məhkəməyə ərizə təqdim edərək, məhkəmənin icraatında olan 2-1(114)-5090/2025 nömrəli işin baxılmamış saxlanılmasını xahiş etmişdir. İddiaçının ərizəsini nəzərə alaraq belə nəticəyə gəlirəm ki, həmin müraciətə əsasən iddia ərizəsi və ona əlavə olunmuş sənədlər geri qaytarılmalı, iş üzrə icraata xitam verilməlidir. Məhkəmə belə qənaətə gələrkən aşağıdakıları nəzərə alır. Azərbaycan Respublikası İnzibati Prosessual Məcəlləsinin 15.2-ci maddəsinə əsasən inzibati məhkəmə icraatında tərəflər mübahisəyə baxılmasını barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. Həmin Məcəllənin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Məcəllənin 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Şərh olunan normativ hüquqi aktda iddiaçının ərizəsinə əsasən iddia ərizəsinin və əlavə olunmuş sənədlərin geri qaytarılması birbaşa nəzərdə tutulmasa da, inzibati mübahisənin onun iradəsinə uyğun olaraq sona çatdırılmasının mümkünlüyü təsbit olunmuşdur. Ona görə də, iddiaçının belə ərizəsi faktiki olaraq onun mübahisə ilə bağlı marağının itməsi səbəbindən iddia ərizəsinin geri qaytarılması və iş üzrə icraata xitam verilməsi barədə qərardadın qəbul olunması ilə nəticələnə bilər. Məhkəmə onu da qeyd edir ki, iddia ərizəsinin geri qaytarılması və bununla bağlı iş üzrə icraata xitam verilməsi həmin iddia ilə məhkəməyə yenidən müraciət olunmasını istisna etmir. Göstərilənlərə əsasən və Azərbaycan Respublikası İnzibati Prosessual Məcəlləsinin 2, 55 və 80-ci maddələrini rəhbər tutaraq, qərara aldım: İddiaçılardan İddiaçı1 ərizəsi təmin olunsun. İddiaçılar İddiaçı2 Kamil qızı, İddiaçı3, Şərifova Hicran Zirəddin qızı, X5, X6, X8, X9, X2, X7, X4, İddiaçı1, X3, Abbasov Ruslan, Musayeva Yaqut, Məmmədova Arzu, Ağayeva Mehriban, Quliyeva Səhərnaz, Zeynalov Niyazi, Abbasov Nicat, Əliyev Ramiz, Qasımova Kəmalə, X1 cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidmətinə (üçüncü şəxs Tovuz rayonu Yuxarı Öysüzlü bələdiyyəsi) qarşı cavabdehin “Hüquqi və fiziki şəxslərə torpaq sahəsinin icarəyə verilməsi barədə” xx.xx.2025-ci il tarixli, 11891 nömrəli müqaviləyə əsasən H.İsmayılovanın icarəyə verildiyi və hüquqların dövlət qeydiyyatına alınmasına dair sənədlərin ləğv edilməsi tələbinə dair iş üzrə icraata xitam verilsin. İddiaçıya izah olunsun ki, o, gələcəkdə eyni tərəflər arasında, eyni predmet barəsində və eyni əsaslar üzrə yenidən iddia ilə məhkəməyə müraciət edə bilər. Qərardaddan şikayət verilə bilməz. Hakim Leyla Əliyeva