Gəncə İnzibati Məhkəməsi Qərardad — İş №2-1(114)-941/2025

Azərbaycan Respublikası adından QƏRARDAD Gəncə şəhəri İş № 2-1(114)-941/2025 14.03.2025 GƏNCƏ İNZİBATİ MƏHKƏMƏSİ Hakim Əliyeva Leyla Kamil qızının sədrliyi, Abbasova Fəridə Üzeyir qızının katibliyi, iddiaçı X1 cavabdeh Gəncə şəhər Kəpəz bələdiyyəsinə qarşı borcun silinməsi tələbinə dair işə inzibati məhkəmə icraatı qaydasında müəyyən etdi: İddiaçı X2 cavabdeh Gəncə şəhər Kəpəz bələdiyyəsinə qarşı iddia ərizəsi ilə məhkəməyə müraciət edərək Gəncə şəhəri Kəpəz Bələdiyyəsi tərəfindən cari ilə hesablanmış 224 (iki yüz iyirmi dörd) manat 01 (bir) qəpik əmlak vergisi, cari ilə hesablanmış 44 (qırx dörd) manat torpaq vergisi, ötən dövrlər üzrə hesablanmış 8708 (səkkiz min yeddi yüz səkkiz) manat 05 (beş) qəpik vergi borcu, faiz və maliyyə sanksiyası olan 16592 (on altı min beş yüz doxsan iki) manat 04 (dörd) qəpik, ümümilikdə 25568 (iyirmi beş min beş yüz altmış səkkiz) manat 10 (on) qəpik məbləğində olan borcun silinməsini cavabdeh orqana həvalə edilməsinə dair qərar qəbul olunmasını xahiş etmişdir. İddiaçı məhkəmə iclasında ərizə təqdim edərək iddia ərizəsi və ona əlavə olunmuş sənədlərin baxılmadan geri qaytarılmasına dair qərardad qəbul edilməsini xahiş etmişdir. Məhkəmə iddiaçının ərizəsini nəzərə alaraq belə nəticəyə gəlir ki, həmin müraciətə əsasən iddia ərizəsi və ona əlavə olunmuş sənədlər geri qaytarılmalı, iş üzrə icraata xitam verilməlidir. Məhkəmə belə qənaətə gələrkən aşağıdakıları nəzərə alır. Azərbaycan Respublikası İnzibati Prosessual Məcəlləsinin 15.2-ci maddəsinə əsasən inzibati məhkəmə icraatında tərəflər mübahisəyə baxılmasını barışıq sazişi ilə, iddiaçının iddiadan imtina etməsi ilə, cavabdehin iddianı qəbul etməsi ilə və ya hüquqi mübahisənin nizamlanması barədə müştərək bəyanatla sona çatdıra bilərlər. Həmin Məcəllənin 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Məcəllənin 55.5-ci maddəsinə əsasən iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Şərh olunan normativ hüquqi aktda iddiaçının ərizəsinə əsasən iddia ərizəsinin və əlavə olunmuş sənədlərin geri qaytarılması birbaşa nəzərdə tutulmasa da, inzibati mübahisənin onun iradəsinə uyğun olaraq sona çatdırılmasının mümkünlüyü təsbit olunmuşdur. Ona görə də, iddiaçının belə ərizəsi faktiki olaraq onun mübahisə ilə bağlı marağının itməsi səbəbindən iddia ərizəsinin geri qaytarılması və iş üzrə icraata xitam verilməsi barədə qərardadın qəbul olunması ilə nəticələnə bilər. Məhkəmə onu da qeyd edir ki, iddia ərizəsinin geri qaytarılması və bununla bağlı iş üzrə icraata xitam verilməsi həmin iddia ilə məhkəməyə yenidən müraciət olunmasını istisna etmir. Göstərilənlərə əsasən və Azərbaycan Respublikası İnzibati Prosessual Məcəlləsinin 2, 55 və 80-ci maddələrini rəhbər tutaraq, məhkəmə qərara aldı: İddiaçı X1 ərizəsi təmin olunsun. İddiaçı X1 cavabdeh Gəncə şəhər Kəpəz bələdiyyəsinə qarşı Gəncə şəhəri Kəpəz Bələdiyyəsi tərəfindən cari ilə hesablanmış 224 (iki yüz iyirmi dörd) manat 01 (bir) qəpik əmlak vergisi, cari ilə hesablanmış 44 (qırx dörd) manat torpaq vergisi, ötən dövrlər üzrə hesablanmış 8708 (səkkiz min yeddi yüz səkkiz) manat 05 (beş) qəpik vergi borcu, faiz və maliyyə sanksiyası olan 16592 (on altı min beş yüz doxsan iki) manat 04 (dörd) qəpik, ümümilikdə 25568 (iyirmi beş min beş yüz altmış səkkiz) manat 10 (on) qəpik məbləğində olan borcun silinməsini cavabdeh orqana həvalə edilməsi tələbinə dair iddia ərizəsi və ona əlavə edilmiş sənədlər geri qaytarılaraq iş üzrə icraata xitam verilsin. İddiaçıya izah olunsun ki, o, gələcəkdə eyni tərəflər arasında, eyni predmet barəsində və eyni əsaslar üzrə yenidən iddia ilə məhkəməyə müraciət edə bilər. Qərardaddan şikayət verilə bilməz. Hakim Leyla Əliyeva