Şəki İnzibati Məhkəməsi Qərar — İş №2-1(116)-1292/2020

Azərbaycan Respublikası adından QƏRAR Şəki şəhəri İş № 2-1(116)-1292/2020 03.12.2020 ŞƏKİ İNZİBATİ MƏHKƏMƏSİ Hakim Cabbarov İlqar Hidayət oğlunun sədrliyi, İddiaçı, Cavabdehin nümayəndəsi X4 iştirakı ilə İddiaçı cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Yevlax rayon filialına qarşı “Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Yevlax rayon filialının xx.xx.2020-ci il tarixli **********8 saylı qərarının ləğv edilməsi” tələbinə dair işə məhkəmənin binasında, açıq şifahi məhkəmə baxışı iclasında baxaraq aşağıdakı qərarı qəbul etdi. Təsviri hissə: İşin halları: İddiaçı cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Yevlax rayon filialına qarşı iddia ərizəsi ilə məhkəməyə müraciət edərək, “Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Yevlax rayon filialının xx.xx.2020-ci il tarixli **********8 saylı qərarının ləğv edilməsi” barədə qərar qəbul edilməsini xahiş etmişdir. Məhkəməyə təqdim olunan iddia ərizəsində tələb belə əsaslandırılmışdır ki, iddiaçı Tibbi-Sosial Ekspert Komissiyasının müayinə aktına əsasən xx.xx.2018-ci il tarixdən əlil hesab edilmiş və bununla bağlı iddiaçıya 2-ci qrup əlillik dərəcəsi verilmişdir. Bundan sonra cavabdeh orqan tərəfindən iddiaçıya əlilliyə görə pensiya təyin edilmişdir. Ancaq cavabdehin xx.xx.2020-ci il tarixli **********8 saylı qərarı ilə ona təyin edilmiş əlillik pensiyasının ödənişi dayandırılmış və xx.xx.2018-ci il tarixdən xx.xx.2019-cu il tarixədək olan müddət ərzində iddiaçıya artıq ödənilən 2709.27 manat pensiya məbləği ondan geri tələb edilmişdir. İddiaçıya xx xxxxxx 2020-ci il tarixdə yardım məktubu göndərilərək nəzərinə çatdırılmışdır ki, işə baxarkən iddia ərizəsi və ona əlavə edilmiş sənədlərdən əlillik təyin olunması barədə qərarın ləğv edildiyi müəyyən olunmuşdır. Belə ki, iş materiallarında olan Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Yevlax rayon filialının xx xxxx 2020-ci il tarixli **********8 nömrəli qərarından görünür ki, 410003AACV6, Tibbi-Sosial Ekspert Komissiyasının müayinə aktından çıxarışına əsasən xx.xx.2018-ci il tarixdən 2-ci dərəcə əlil hesab edildiyinə görə ona, şöbənin 31 nömrəli qərarına əsasən əlilliyə görə əmək pensiyası təyin olunmuşdur. 410003AACV6 əlilliyi Tibbi-Sosial Ekspertiza və X2 etibarsız hesab edilmiş və nəticədə ona xx.xx.2018-ci il tarixdən xx.xx.2019-cu il tarixədək 2709.27 manat artıq pensiya ödənilmişdir. İddiaçı 2709.27 manat məbləğində artıq pensiya tutularaq Yevlax 16 Saylı RXİ Bölmə 6.1.3, maddə 271111 hesabına köçürülməsi qərara alınmışdır. Həmçinin yardım məktubunda iddiaçının nəzərinə çatdırılmışdır ki, əlillik pensiyasının bərpa edilməsi üçün ilk öncə əlilliyinin ləğv olunması barədə qərar ləğv edilməlidir. Bununla bağlı o, əlilliyin ləğv edilməsi barədə qərarı mübahisələndirməli və qərarı qəbul etmiş inzibati orqana qarşı müvafiq tələblə iddia ərizəsi ilə məhkəməyə müraciət etməlidir. İş materiallarına əlavə edilmiş xəbərnamədən göründüyü kimi yardım məktubu iş üzrə iddiaçı tərəfindən imza edilməklə xx.xx.2020-ci il tarixdə alınmışdır. Lakin məktuba iddiaçı tərəfindən münasibət bildirilməmişdir. Cavabdeh orqan tərəfindən iddia tələbinə edilən etirazda qeyd edilir ki, iddiaçıya xx.xx.2018-ci il tarixdən Tibbi Sosial Ekspert Komissiyasının sonuncu müayinəyə dair məlumatı əsasında 2-ci qrup əlilliyə görə əmək pensiyası təyin edilmişdir. Lakin Əmək və Əhalinin Sosial Müdafiə Nazirliyinin nəzdində yaradılmış işçi qrupunun yoxlamaları nəticəsində iddiaçı X1 əlillik dərəcəsi etibarsız hesab edilmişdir. Bundan sonra, Dövlət Sosial Müdafiə Fondu publik hüquqi şəxsin Yevlax rayon filialı tərəfindən iddiaçıya artıq ödənilmiş 2709,27 (iki min yeddi yüz doqquz manat, iyirmi yeddi qəpik) manat məbləğində pulun geri qaytarılması barədə qərar qəbul edilmişdir. “İnzibati icraat haqqında” qanunun 82-ci maddəsinə əsasən, inzibati aktı qəbul etmiş inzibati orqan tələbin icraya yönəldilməsi haqqında qərar qəbul edir. Bu halda tələbin icraya yönəldilməsi üçün məhkəmə qərarının qəbul edilməsi tələb olunmur. Belə ki, “Azərbaycan Respublikası Nazirlər Kabinetinin xx.xx.2016-cı il tarixli, 36 nömrəli qərarı ilə təsdiq edilmiş “Tibbi-Sosial ekspert komissiyaları haqqında Əsasnamə”nin 4.1-ci maddəsinə əsasən, şəxslərin TSEK-də əlilliyin qiymətləndirilməsi dövlət səhiyyə müəssisələrinin göndərişləri əsasında aparılır. Həmin əsasnamənin 4.2-ci bəndinə əsasən göndərişdə şəxsin səhhətini əks etdirən bütün funksional diaqnostik, laborator, rentgen müayinələrinin nəticələri, mütəxəssislərin ətraflı obyektiv məlumatları, aparılmış müalicə tədbirləri və onların səmərəliliyi, klinik proqnoz göstərilməklə, onun əmək fəaliyyətinin məhdudlaşdırılması və ya itirilməsi əsaslandırılır. Göründüyü kimi, əlilliyin qiymətləndirilməsi tibb müəssisələrinin göndərişləri əsasında aparıldığından, göndərişlərin etibarsız hesab edilməsi müəyyən edilmiş əlillik dərəcəsinin də etibarsız hesab edilməsinə səbəb olur. Azərbaycan Respublikası Daxili İşlər Nazirliyi Tibb İdarəsindən daxil olmuş məktubda tibb müəssisələri tərəfindən 378 nəfər barəsində rəsmiləşdirilmiş göndərişlərin əsassız rəsmiləşdirildiyi və bununla əlaqədar göndərişlərin etibarsız hesab olunduğu qeyd edilmişdir. Tibb İdarəsi tərəfindən nəzərdə tutulan 378 nəfərdən ibarət olan siyahıda İddiaçı da adı göstərilmişdir. Həmin əsasnamənin 4.7-ci bəndinə səhiyyə müəssisələri göndərişin keyfiyyətli, vaxtında verilməsi və əsaslandırılması üçün intizam məsuliyyəti daşıyırlar. Həmin əsasnamənin 4.9-ci bəndinə göndərişin rəsmiləşdirilməsi barədə məlumat Tibbi-sosial ekspert komissiyasına göndərişlərin reyestrinə real vaxt rejimində daxil edildikdən dərhal sonra Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş Elektron X3 Sosial Ekspertiza və X5 (bundan sonra - TSERAS) ötürülür. Həmin əsasnamənin 4.9-2-ci bəndinə əsasən qəbul edilmiş qərarların obyektivliyinin təmin edilməsi məqsədi ilə seçmə qaydada eyni göndəriş bir neçə TSEK-ə göndərilə bilər. Müxtəlif TSEK tərəfindən qəbul edilmiş qərarlarda uyğunsuzluq aşkar edildiyi təqdirdə, son qərar Xidmət tərəfindən verilir. Azərbaycan Respublikası Əmək və Əhalinin Sosial Müdafiəsi Nazirliyinin Aparatının daxili nəzarət şöbəsi və Xidmət tərəfindən seçmə qaydada göndəriş üzrə məlumatların yoxlanılması həyata keçirilə bilər. Həmin əsasnamənin 5.5-ci bəndinə əsasən TSEK-in qərarlarından “İnzibati icraat haqqında” Azərbaycan Respublikasının Qanununa və Azərbaycan Respublikasının İnzibati Prosessual Məcəlləsinə uyğun olaraq, inzibati qaydada və məhkəməyə şikayət verilə bilər. Məhkəmə iclasında iddiaçı iddia tələbinin təmin edilməsini xahiş etdi. Məhkəmə iclasında cavabdehin nümayəndəsi iddia tələbinin təmin edilməməsi barədə qərar verilməsini xahiş etdi. İş materiallarında olan cavabdehin xx.xx.2020-ci il tarixli **********9 nömrəli məktubu və ona əlavə edilmiş sənədlərin təsdiq edilmiş surətlərindən müəyyən edilir ki, iddiaçı xx.xx.2018-ci il tarixdə cavabdeh orqana müraciət edərək, ona əlilliyə görə pensiya təyin edilməsini xahiş etmişdir. Cavabdeh orqanın əmək pensiyası təyin edən komissiyasının xx.xx.2018-ci il tarixli 31 nömrəli Qərarı ilə iddiaçıya xx.xx.2018-ci il tarixdən xx.xx.2023-cü ilədək 154.65 manat məbləğində pensiya təyin edilmişdir. İş materiallarında olan cavabdehin xx.xx.2020-ci il tarixli, **********8 nömrəli Qərarının surətindən müəyyən edilir ki, 410003AACV6 Tibbi-Sosial Ekspert Komissiyasının müayinə aktından çıxarışına əsasən xx.xx.2018-ci il tarixdən 2-ci dərəcə əlil hesab edildiyinə görə ona şöbənin 31 nömrəli qərarına əsasən əlilliyə görə əmək pensiyası təyin olunmuşdur. Təyin edilmiş pensiyası xx.xx.2019-cu ilədək ödənilmişdir. İddiaçının əlillik dərəcəsi Tibbi Sosial Ekspertiza və X2 etibarsız hesab edilərək qeyd olunan müddət ərzində ödənilmiş 2709.27 manat artıq pensiya məbləği iddiaçıdan tələb edilmişdir. İddiaçının tələbinə dair sənədlər məhkəməyə təqdim olunmuşdur. Onlara AA seriyalı ******* nömrəli şəxsiyyət vəsiqəsinin surəti, cavabdehin **********8 nömrəli xx.xx.2020-ci il tarixli Qərarının surəti, Milli Oftolmologiya Mərkəzinin xx.xx.2017-ci il tarixli 5047 nömrəli Tibbi rəyinin surəti, Nevrologiya Klinikasının xx.xx.2019-cu və xx.xx.2019-cu il tarixli EEQ müayinələri nəticələrinin surətiləri, cavabdehin xx.xx.2020-ci il tarixli **********9 nömrəli məktubu və ona əlavə edilmiş sənədlərin təsdiq edilmiş surətləri, DSMF Məhkəmə Mübahisələri ilə İş üzrə Mərkəzi Filialının xx.xx.2020-ci il tarixli etirazı aiddir. Həmin sənədlərin məzmununa istinad olunur. Onlar məhkəmə araşdırmasının predmetini təşkil etmişlər. Əsaslandırma hissəsi: İddia mübahisələndirmə haqqında iddia növünə aiddır. Mübahisələndirmə haqqında iddia onunla xarakterizə olunur ki, inzibati aktın ləğv edilməsi və ya dəyişdirilməsi məhkəmədən tələb olunur. Mübahisələndirmə haqqında iddia ümumi mümkünlük şərtləri (iddianın lazımı qaydada qaldırılması, iddiaçının prosessual fəaliyyət qabiliyyətinə malik olması, iddianın ərazi və predmet aidiyyəti və s.) ilə yanaşı, xüsusi mümkünlük şərtlərinə də cavab verməlidir. Bu növ iddia üçün xüsusi mümkünlük şərtlərinə - iddia qaldırmaq səlahiyyətinə (İPM-in 35-ci maddəsi) və iddia qaldırmaq müddətinə (İPM-in 38.1-ci maddəsi) əməl olunmalıdır. Mübahisəli qərar xx.xx.2020-ci il tarixində qəbul edilmiş, iddiaçıya təqdim edilməmiş (cavabdeh qərarın iddiaçıya təqdim olunması barədə sübut təqdim etməmişdir), iddiaçı xx.xx.2020-ci il tarixində məhkəməyə poçt vasitəsi ilə iddia ərizəsi ilə müraciət etmişdir. Ona görə də hazırkı iddianın qaldırılması üçün Azərbaycan Respublikası İnzibati Prosessual Məcəlləsinin 38.1-ci maddəsində nəzərdə tutulan 30 günlük müddət ötürülməmişdir. İddiaçıya məhkəmə tərəfindən yardım məktubu ünvanlanaraq əlillik pensiyasının bərpa edilməsi üçün ilk öncə əlilliyinin ləğv olunması barədə qərarın ləğv edilməli olması, bununla bağlı onun əlilliyin ləğv edilməsi barədə qərarı mübahisələndirmək və qərarı qəbul etmiş inzibati orqana qarşı müvafiq tələblə iddia ərizəsi ilə məhkəməyə müraciət etmək hüququ izah olunmuşdur. Lakin məhkəmə araşdırması zamanı iddiaçının xx.xx.2019-cu ildən əlilliyə görə pensiya almadığı, yəni həmin vaxtdan ən azından əlilliyinin ləğv olunmasından xəbəri olduğu məlum olmuşdur. İddiaçı ona pensiya ödənişinin verilməsinin dayandırıldığı xx.xx.2019-cu il tarixindən məhkəməyə müraciət etməmiş, yanlız ondan artıq ödənilmiş pul geri tələb edilməsi barədə mübahisəli qərar qəbul olunanda məhkəməyə müraciət etmişdir. İddiaçı əlilliyinin etibarsız hesab olunması barədə qərardan şikayət vermə müddətini ötürdüyü üçün onun qeyd olunan qərarı mübahisələndirməsinin artıq heç bir mənası qalmır. Hətta məhkəmənin yardımından sonra da iddiaçı belə bir iddia irəli sürməmiş, yanlız ona ödənilən pensiyanın həmin dövrdə qanuni olmasını israr etmişdir. Əlilliyin etibarsızlığı ilə bağlı qərarı mübahisələndirmə imkanı itirildiyi üçün hazırki mübahisəli qərarın ləğvi ilə əlaqədar iddiaya mahiyyəti üzrə baxılması da mümkün hesab olunur. İddia mümkün olsa da, əsassızdır. İddiaçıya Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Tibbi Sosial Ekspertiza və Reabilitasiya Xidmətinin Tibbi-sosial ekspert komissiyasının xx.xx.2018-ci il tarixli qərarı ilə 2-ci dərəcə əlillik təyin edilmişdir. Müəyyən olunan əlillik dərəcəsinə əsasən xx.xx.2018-ci il tarixindən vətəndaşa əlilliyə görə əmək pensiyası təyin edilmişdir. Daha sonra Tibbi Sosial Ekspertiza və Reabilitasiya Xidmətinin qərarı ilə vətəndaşın əlillik dərəcəsi etibarsız hesab edilmişdir. Eyni zamanda iddiaçının əlillik dərəcəsi müvafiq qaydada ləğv edildiyi üçün ona təyin olunmuş əmək pensiyasının ödənilməsi də dayandırılmışdır. Bundan sonra iddiaçıya xx.xx.2018-ci il tarixindən xx.xx.2019-cu il tarixinə kimi ödənilmiş məbləğin qanunvericiliyə uyğun qaydada geri qaytarılmalı olduğu bildirilmiş, iddiaçı bununla razı olmadığı üçün mübahisəli qərar qəbul olunmuşdur. “Əmək pensiyaları haqqında” Qanunun 39.1-ci maddəsinə əsasən artıq ödənilmiş əmək pensiyası və əmək pensiyasına əlavənin məbləği əmək pensiyaçısının razılığı ilə əmək pensiyasını təyin edən orqanın qərarı əsasında, razılığı olmadıqda məhkəmə qaydasında tutulur. "İnzibati icraat haqqında" Azərbaycan Respublikası Qanununun 82.1-ci maddəsinə əsasən, pul tələblərinin ödənilməsi ilə bağlı inzibati aktların məcburi qaydada icrası "İcra haqqında" Azərbaycan Respublikasının Qanununa əsasən icra məmurları tərəfindən icra edilir. Həmin Qanunun 82.2-ci maddəsinə əsasən, inzibati aktı qəbul etmiş inzibati orqan tələbin icraya yönəldilməsi haqqında qərar qəbul edir. Bu halda tələbin icraya yönəldilməsi üçün məhkəmə qərarının qəbul edilməsi tələb olunmur. Həmin Qanunun 82.3-cü maddəsinə əsasən, tələbin icraya yönəldilməsi haqqında qərarın qəbul edilməsinin şərtləri aşağıdakılardır: - borclu tərəfindən ən azı 10 gün ərzində pul tələblərinin ödənilməsini nəzərdə tutan inzibati aktın qəbul edilmiş olması; - pul tələblərinin ödənilməsi üçün müəyyən olmuş icra müddətinin bitməsi; - inzibati orqan tərəfindən borcluya edilmiş xəbərdarlıqdan sonra, xəbərdarlığın elan olunduğu gündən sonrakı 10 gün müddətində borclunun ödəməni həyata keçirməməsi. "İcra haqqında" Qanunun 6.1.8-ci maddəsinə görə isə, bələdiyyələr tərəfindən qəbul edilmiş inzibati aktlar və digər inzibati orqanların pul tələblərinin ödənilməsi ilə bağlı inzibati aktları icra sənədləri sayılır. "İnzibati icraat haqqında" Azərbaycan Respublikası Qanununun 82-ci maddəsinin və Azərbaycan Respublikası Vergi Məcəlləsinin 52 və 90.1-ci maddələrinin şərh edilməsinə dair Azərbaycan Respublikası Konstitusiya Məhkəməsi Plenumunun xx xxxxxxxx 2011-ci il tarixli Qərarında deyilir ki, "İnzibati icraat haqqında” Qanunun 82.2-ci maddəsində nəzərdə tutulmuş inzibati aktı qəbul etmiş inzibati orqanın tələbin icraya yönəldilməsi haqqında qərar qəbul etməsi və bunun üçün məhkəmənin qərarının tələb olunmaması məsələsinə gəldikdə isə vurğulanmalıdır ki, inzibati orqan yalnız öz səlahiyyətləri çərçivəsində qərar qəbul edə bilər. Eyni ilə vergi orqanı da öz səlahiyyətləri daxilində qərar qəbul edə və onu məhkəmə qərarı tələb olunmadan icraya göndərə bilər. Lakin Vergilər Məcəlləsinin 90.1-ci maddəsində nəzərdə tutulmuş qaydaya görə vergi öhdəliyinin yerinə yetirilməməsinə görə vergi ödəyicisinin siyahıya alınmış əmlakının hərraca çıxarılması məhkəmənin səlahiyyətinə aid edilmiş və onun qərarı əsasında həyata keçirilir. "İnzibati icraat haqqında" Qanunun 82.2-ci maddəsində nəzərdə tutulmuş prosedur vergi qanunvericiliyinin pozulmasına görə şəxsin əmlakının hərraca çıxarılmasına aid edilə bilməz. Yuxarıda göstərilənlərə əsasən məhkəmə qeyd edir ki, şəxsə əsassız ödənilmiş pensiya məbləğinin qaytarılması ilə bağlı məsələ iddiaçının özü tərəfindən həll edilməli olan məsələ olduğu üçün iddiaçı göstərilən məbləğin cavabdehdən tutulmasına dair qərar qəbul etmişdir ki, pul tələbinin ödənilməsi ilə bağlı olan belə qərar "İnzibati icraat haqqında" Qanunun mənası baxımından inzibati aktdır, ünvanlandığı şəxslər üçün məcburi xarakter daşıyır və icra olunmalıdır. Qəbul edilmiş pul tələbinin ödənilməsi ilə bağlı həmin inzibati akt isə həmin aktı qəbul etmiş inzibati orqan tərəfindən qəbul edilən tələbin icraya yönəldilməsi haqqında qərarla icraya yönəldilmişdir. “İnzibati İcraat haqqında” Azərbaycan Respublikası Qanunununa əsasən fiziki və ya hüquqi şəxslərin hüquqi statusuna (prinsipial hərəkət azadlığına) hər hansı müdaxiləni nəzərdə tutan tədbirlər inzibati orqanın güddüyü qanuni məqsədə mütənasib olmalı, həmin məqsədə çatmaq üçün öz məzmunu, yeri, vaxtı və əhatə etdiyi şəxslərin dairəsi baxımından zəruri və yararlı olmalıdır (maddə 17). Azərbaycan Respublikası İnzibati Prosessual Məcəlləsinə əsasən sübutlar məhkəmə tərəfindən tam və hərtərəfli araşdırıldıqdan sonra qiymətləndirilir (maddə 58.7). Məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır (maddə 68.2). Azərbaycan Respublikası İnzibati Prosessual Məcəlləsinin 32.1-ci maddəsinə əsasən, mübahisələndirmə haqqında iddia vasitəsi ilə iddiaçı inzibati aktın ləğv olunmasını və ya dəyişdirilməsini məhkəmədən tələb edə bilər. Həmin Məcəllənin 70.1-ci maddəsinə əsasən inzibati aktın qanuna zidd olduğu və bunun nəticəsində iddiaçının hüquqlarını pozduğu hallarda, məhkəmə həmin inzibati aktın (şikayət instansiyasına inzibati şikayət verildiyi hallarda isə, habelə şikayət instansiyasının müvafiq qərarının) ləğv edilməsi barədə qərar qəbul edir. İnzibati akt qəbul edilərkən inzibati icraatın inzibati orqanın qərarına təsir edən şəkildə pozulduğu hallarda da bu qayda tətbiq olunur. Həmin Məcəllənin 52-ci maddəsinə əsasən məhkəmə iddia ərizəsinin ifadə tərzi ilə bağlı olmasa da, iddia tələbindən kənara çıxmağa haqlı deyildir. Həmin Məcəllənin 68.1-ci maddəsinə əsasən məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. Həmin Məcəllənin 68.2-ci maddəsinə əsasən məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır. Həmin Məcəllənin 69.5-ci maddəsinə əsasən, məhkəmə qərarının nəticəvi hissəsində, məhkəmənin gəldiyi nəticə, prosessual xərclər və həmin qərara qarşı hüquqi müdafiə vasitələrindən istifadə qaydası və müddəti göstərilməlidir. Nəticəvi hissə: Məhkəmə yuxarıda göstərilənlərə əsasən və Azərbaycan Respublikası İnzibati Prosessual Məcəlləsinin 68, 69, 73, 75, 85-ci maddələrini rəhbər tutaraq qərara aldı: İddiaçı cavabdeh Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Yevlax rayon filialına qarşı “Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu publik hüquqi şəxsin Yevlax rayon filialının xx.xx.2020-ci il tarixli **********8 saylı qərarının ləğv edilməsi” tələbinə dair iddiası təmin edilmir. Qərardan onun rəsmi təqdim edildiyi vaxtdan tərəflər 30 (otuz) gün müddətində Şəki İnzibati Məhkəməsi (Şəki şəhəri, Salman Mümtaz küçəsi 318) vasitəsi ilə Şəki Apellyasiya Məhkəməsinin İnzibati Kollegiyasına apellyasiya şikayəti verə bilərlər. Qərar onun rəsmi təqdim edildiyi vaxtdan 30 (otuz) gün müddətində apellyasiya şikayəti verilmədiyi və ya proses iştirakçıları tərəfindən şikayətin geri götürüldüyü hallarda məhkəmə qərarı onun təqdim olunduğu gündən 30 gün keçdikdən sonra qanuni qüvvəyə minir. Hakim İlqar Cabbarov