Azərbaycan Respublikası adından QƏRAR Şəki şəhəri İş № 2-1(116)-1455/2023 03.08.2023 ŞƏKİ İNZİBATİ MƏHKƏMƏSİ Hakim Hacızadə Fəxri Hümmət oğlunun sədrliyi, məhkəmə iclas katibi Məlikzadə Murad Vəzirxan oğlunun katibliyi, iddiaçının nümayəndəsi Qanuni nümayəndə iştirakı ilə İddiaçı cavabdeh X3rşı “Qəbələ rayonu Məlikli kənd İƏ nümayəndəliyinə tərtib edilmiş xx.xx.1983-cü il tarixli 74 saylı doğum haqqında akt qeydində uşaq və ata haqqında məlumat qrafasında ata adı “Sədyar”dan onun doğum tarixinin “xx.xx.1958-ci il”dən ata adının “Şahismayıl”a, onun doğum tarixinin “xx.xx.1959-cu il”ə , ana adının “Rəna” ya, onun doğum tarixinin isə “xx.xx.1964-cü il”ə düzəliş edilməsi və ananın ata adının “Səyyaf”a tamamlanması vəzifəsinin cavabdehin üzərinə qoyulması” tələbinə dair inzibati işə məhkəmənin binasında, açıq, şifahi məhkəmə baxışı iclasında baxaraq,məhkəmə aşağıdakı qərarı qəbul etdi. Təsviri hissə: İddiaçı cavabdehə qarşı iddia ərizəsi ilə məhkəməyə müraciət edərək “Qəbələ rayonu Məlikli kənd İƏ nümayəndəliyinə tərtib edilmiş xx.xx.1983-cü il tarixli 74 saylı doğum haqqında akt qeydində uşaq və ata haqqında məlumat qrafasında ata adı “Sədyar”dan onun doğum tarixinin “xx.xx.1958-ci il”dən ata adının “Şahismayıl”a, onun doğum tarixinin “xx.xx.1959-cu il”ə , ana adının “Rəna” ya, onun doğum tarixinin isə “xx.xx.1964-cü il”ə düzəliş edilməsi və ananın ata adının “Səyyaf”a tamamlanması vəzifəsinin cavabdehin üzərinə qoyulması” tələbinə dair qərar qəbul edilməsini xahiş etmişdir. İşin qısa mahiyyəti ondan ibarətdir ki, iddiaçı xx xxxxxx 1983-cü il tarixdə Qəbələ rayonun Bılıx kəndində doğulmuşdur. Hazırda həmin ünvanda yaşayır. Ona 29 noyabr 1983-cü il tarixdə keçmiş Qutqaşen rayonu (hazırda Qəbələ rayonu) Məlikli kənd soveti tərəfindən İX-LQ 418573 nömrali "doğum haqqında şahadətnamə” verilmişdir. Həmin şəhadətnamədə soyad, ad ve ata adı qrafasında "X2", valideyinlərə dair məlumat ata qrafasında "X1”, ana qrafasında ise X6” qeyd edilmişdir. Cavabdehndə olan doğum haqqında akt qeydində (kitabında, yəni sənədin kökündə) qeydlərlə həmin sənədlərdə olan qeydlər arasında müəyyən uyğunsuzluqlar mövcuddur.Buna görə cavabdehə mövcud uyğunsuzluğun aradan qaldırılması məqsədi ilə müraciət etmişdir.Bu barədə rəsmi olaraq xx.xx.2022-ci il tarixli, 05/Q-283/15 saylı imtina məktubu verilmişdir. Tərəflər məhkəmə iclasının yeri və vaxtı barədə lazımi qaydada xəbərdar edilmələrinə baxmayaraq, cavabdeh şifahi məhkəmə baxışı iclasında nümayəndəsinin iştirakını təmin etməmişdir. Tərəflərə təqdim edilmiş məhkəmə bildirişində şifahi məhkəmə baxışı iclasına gəlmədikləri halda işə baxılmasının və iş üzrə qərar qəbul edilməsinin mümkünlüyü barədə (Azərbaycan Respublikası İnzibati Prosessual Məcəlləsinin 62.3-cü maddəsi) xəbərdar edildiyindən, məhkəmə hazırki işə cavabdehin nümayəndəsinin iştirakı olmadan baxılaraq qərar qəbul edilməsini mümkün hesab edir. Məhkəmə iclasında iddiaçının nümayəndəsi iddia ərizəsi ilə eyni məzmunlu izahat verərək məhkəmədən iddianın təmin edilməsini xahiş etdi. İddia tələbinə dair aşağıda qeyd edilmiş sənədlər məhkəməyə təqdim olunmuşdur. Həmin sənədlərin məzmununa istinad olunur. Onlar məhkəmə araşdırmasının predmetini təşkil etmişlər: - AA seriyalı ******* nömrəli şəxsiyyət vəsiqəsinin surətindən görünür ki, İddiaçı xx.xx.1983-cü il tarixdə doğulmuşdur. - AZE seriyalı ******** nömrəli şəxsiyyət vəsiqəsinin surətindən görünür ki, Qanuni nümayəndə xx.xx.1959-cü il tarixdə doğulmuşdur. - AZE seriyalı 16062629 nömrəli şəxsiyyət vəsiqəsinin surətindən görünür ki, X10 xx.xx.1964-cü il tarixdə doğulmuşdur. - AZ-İİ seriyalı 190395 №-li nikah haqqında şəhadətnamədən görünür ki, X4 ilə İddiaçı arasında xx.xx.2017-ci il tarixdə nikah bağlanmışdır. - xx.xx.1983-cü il tarixli AZ 148573 nömrəli doğum haqqında şəhadətnamənin surətindən görünür ki, iddiaçının, ata adı və soyadı “X1”, ana adı və soyadı “X6” kimi qeyd edilmişdir. - Cavabdehin xx.xx.2022-ci il tarixli məktubundan görünür ki,iddiaçı ilkin olaraq inzibati orqana müraciət etmiş,tələbin icrasından imtina edilmişdir. - Cavabdehndə saxlanılan xx.xx.1983-cü il tarixli 74 №-li doğum haqqında akt qeydinin surətindən görünür ki, iddiaçının ata adı “Sədyar”, soyadı “Hüseynov” , atanın ata adı “Şəmsəddin” doğum tarixi “xx.xx.1958-ci il”, iddiaçının ana adı “Zərifə”, soyadı “Hüseynova” , doğum tarixi “xx.xx.1962-cü il” kimi qeyd edilmişdir. -Qəbələ RİHB-nin Qaradeyin KİƏD üzrə nümayəndəliyinin xx.xx.2023-cü il tarixli məktubundan görünür ki,iddiaçının atası kənd sakinləri tərəfindən “Sədiyar” kimi çağırılır. - Əhalinin Dövlət Reyestrindən iddiaçı barəsində çıxarışdan görünür ki, iddiaçının adı “Dilşad”, soyadı “Məmmədova”, atasının adı “Sədiyar”, doğulduğu yer Qəbələ rayonu Bılıx kəndində, doğulduğu il xx.xx.1983-cü il göstərilmişdir. - xx.xx.1959-cu il tarixli 15 nömrəli doğum aktı qeydinin surətindən görünür ki, iddiaçının, ata adı “Şahismayıl” soyadı “Hüseynov”, atanın ata adı “ Şəmsəddin” doğum tarixi “ xx.xx.1959” kimi qeyd edilmişdir. - Qəbələ rayon dövlət arxivinin xx.xx.2023-cü il tarixli məktubu; - Cavabdeh xx.xx.2023-cü il tarixli məktubundan görünür ki,iddiaçının və atası Qanuni nümayəndə adına arxiv məlumatlarında və “vətəndaşlıq vəziyyəti aktları” informasiya sistemində ad-soyada dəyişiklik edilməsi barədə məlumat aşkar edilməmişdir. Əsaslandırma hissəsi: İddiaçının iddiası öhdəliyin icrası haqqında iddia (İPM-in 2.2.3 və 34.1-ci maddələri) qismində mümkün iddiadır. Həmçinin, iddia əsaslıdır. Məhkəmə aşağıdakı qanunvericilik normalarının işin hallarına tətbiq edərək hesab edir ki,iddia təmin olunmalıdır. Azərbaycan Respublikası Ailə Məcəlləsi (Vətəndaşlıq vəziyyəti aktlarının qeydə alınması) 158.1. Vətəndaşlıq vəziyyəti aktlarının qeydə alınması həm dövlət mənafeyi və ictimai mənafe üçün, həm də vətəndaşların şəxsi və əmlak hüquqlarının qorunması məqsədilə aparılır. Vətəndaşlıq vəziyyəti aktlarının qeydiyyatı haqqında məlumatlar ailə həyatına dair məlumat hesab olunur və onların əldə edilməsinə məhdudiyyət qoyulur. Bu məlumatlar yalnız qanunvericiliklə nəzərdə tutulmuş hallarda və bu məlumatı əldə etmək hüququna malik şəxslərə təqdim edilir. 158.2. Doğum, ölüm, nikahın bağlanması, nikahın pozulması, övladlığa götürmə, atalığın müəyyən edilməsi, adın, ata adının və soyadın dəyişdirilməsi müvafiq icra hakimiyyəti orqanlarında qeydiyyatdan keçirilməlidir. 159.1. Vətəndaşlıq vəziyyəti aktlarının qeydiyyatı, o cümlədən doğumun, atalığın müəyyən edilməsinin və ölümün elektron qaydada qeydiyyatı müvafiq icra hakimiyyəti orqanının müəyyən etdiyi orqan (qurum) tərəfindən aparılır. 159.2. Müvafiq icra hakimiyyəti orqanının müəyyən etdiyi orqan (qurum) fəaliyyət istiqamətinə uyğun olaraq müvafiq icra hakimiyyəti orqanının informasiya sistemi vasitəsilə doğumun, nikahın bağlanmasının, nikahın pozulmasının, övladlığa götürmənin, atalığın müəyyən edilməsinin, adın, ata adının və soyadının dəyişdirilməsinin, ölümün qeydiyyatını aparır, vətəndaşlıq vəziyyəti akt qeydlərində dəyişiklik edir və ləğv edir, itmiş qeydləri bərpa edir, akt kitablarını saxlayır və vətəndaşlıq vəziyyəti aktlarının dövlət qeydiyyatı haqqında şəhadətnamələr və ya arayışlar verirlər. 160.1. Vətəndaşlıq vəziyyəti aktlarının qeydində dəyişiklik, bərpa və ləğv qaydalarını müəyyən edən əsas müddəalar, habelə vətəndaşlıq vəziyyəti aktlarının qeydiyyat kitablarının formaları və bu kitablardakı qeydlər əsasında verilən şəhadətnamələrin formaları, akt kitablarının saxlanması qaydası və müddətləri müvafiq icra hakimiyyəti orqanı tərəfindən müəyyən edilir. 160.2. Vətəndaşlıq vəziyyəti aktlarının qeydiyyat qaydası müvafiq icra hakimiyyəti orqanı tərəfindən müəyyən olunur. 161.1. Vətəndaşlıq vəziyyəti akt qeydində ərizə əsasında dəyişiklik edilməsi edilməsi, kifayət qədər əsaslar olduqda və aidiyyəti şəxslər arasında mübahisə olmadıqda, ərizə verən şəxsin seçdiyi, məhkəmə qətnaməsi əsasında isə bu barədə qətnamənin çıxarıldığı yer üzrə müvafiq icra hakimiyyəti orqanı tərəfindən həyata keçirilir. 161.2. Müvafiq icra hakimiyyəti orqanının müəyyən etdiyi orqanın (qurumun) akt qeydində dəyişiklik etməkdən imtinasından inzibati qaydada və (və ya) məhkəməyə şikayət edilə bilər. 30.1. Ər-arvad öz arzuları ilə onlardan birinin soyadını özləri üçün ümumi soyad seçə, yaxud onlardan hər biri nikahdan əvvəlki soyadını saxlaya və ya öz ərinin (arvadının) soyadını öz soyadı ilə birləşdirə bilər. Azərbaycan Respublikası Nazirlər Kabinetinin 2001-ci il 1 mart tarixli 52 nömrəli qərarı ilə təsdiq edilmiş, “Vətəndaşlıq vəziyyəti aktlarının qeydində dəyişiklik, bərpa və ləğv qaydalarını müəyyən edən” Əsas Müddəaların 1-ci bəndinə əsasən Vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsi, kifayət qədər əsaslar olduqda və aidiyyəti şəxslər arasında mübahisə olmadıqda ərizə verən şəxslərin daimi yaşayış yerində qeydiyyat şöbələri və konsulluq idarələri tərəfindən həyata keçirilir. 3.-cü bənddə vətəndaşlıq vəziyyəti aktının qeydində qeyri-düzgün məlumatlar göstərilməsi vətəndaşlıq vəziyyəti aktlarının qeydində dəyişikliklərin edilməsinə əsas olan hallardan biri olaraq göstərilmişdir.
4. Vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsi üçün aşağıdakılar əsas hesab edilir: - vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsinə əsas verən digər sənədlər.
5. Vətəndaşlıq vəziyyəti aktlarının qeydindəki səhvlərin düzəldilməsi və ona dəyişikliklər edilməsi haqqında ərizələr ərizə verən şəxsin daimi yaşayış yerində qeydiyyat şöbələrinə və konsulluq idarələrinə verilir. Məhkəmə işdə olan sənədləri araşdıraraq müəyyən edirki, iddiaçının atasının adının “Sədyar” deyil, “Şahismayıl” formasında qeyd olunması fonetik səslənmə fərqindən yaranmışdır.İlkin akt qeydindən sonra tərtib edilmiş bütün sənədlər düzgün fonetik qaydada verilmiş,iddiaçının ata adının “Şahismayıl” olması ona verilən sənədlərlə təsdiqini tapmışdır. İddiaçının atasına məxsus bütün sənədlərdə ata adının “Şahsimayıl”, atanın ata adının “Şəmsəddin”, soyadının “Hüseynov” doğum tarixinin “xx.xx.1959-cü il” ana adının “Rəna”, ananın soyadının “Hüseynova”, ananın ata adının “Səyyaf”, doğum tarixinin “xx.xx.1964-cü il” olması öz təsdiqini tapmışdır.Yuxarıda qeyd olunanlara əsasən məhkəmə hesab edir ki, cavabdehin imtinası əsassız olduğundan iddia təmin olunmalı,doğum haqqında akt qeydinə düzəlişlərin aparılması öhdəliyi cavabdehin üzərinə qoyulmalıdır. Azərbaycan Respublikası İnzibati Prosessual Məcəlləsinin 34.1-ci maddəsinə əsasən öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. Həmin Məcəllənin 52-ci maddəsinə əsasən məhkəmə iddia ərizəsinin ifadə tərzi ilə bağlı olmasa da, iddia tələbindən kənara çıxmağa haqlı deyildir. Həmin Məcəllənin 69.5-ci maddəsinə əsasən məhkəmə qərarının nəticəvi hissəsində, məhkəmənin gəldiyi nəticə, prosessual xərclər və həmin qərara qarşı hüquqi müdafiə vasitələrindən istifadə qaydası və müddəti göstərilməlidir. İş üzrə icraata dair prosessual xərclər məsələsi İPM-in 110.1-ci maddəsinə əsasən həll olunur. “Dövlət rüsumu haqqında” Qanununun 9.1.12-ci maddəsinə əsasən, inzibati hüquq münasibətlərindən əmələ gələn işlər üzrə - vətəndaş, inzibati orqanlar və vəzifəli şəxslər dövlət rüsumu ödəməkdən azad olunurlar. Şərh olunanlara əsasən və Azərbaycan Respublikası İnzibati-Prosessual Məcəlləsinin 2, 68, 69, 73, 75 və 85.1-ci maddələrini rəhbər tuturaq, məhkəmə,
qərara aldı
İddia təmin edilir. İddiaçı barəsində Qəbələ rayonu Məlikli kənd İƏ nümayəndəliyinə tərtib edilmiş xx.xx.1983-cü il tarixli 74 saylı doğum haqqında akt qeydində uşaq və ata haqqında məlumat qrafasında ata adının “Sədyar”dan “Şahismayıl”a, onun doğum tarixinin “xx.xx.1958”-dən “xx.xx.1959”-ə, ana adının “Zərifə”dən “Rəna” ya, onun doğum tarixinin “xx.xx.1962”- dən “xx.xx.1964”-ə düzəliş edilməsi,ananın ata adının “Səyyaf” kimi qeyd edilməsi öhdəliyi Cavabdeh üzərinə qoyulur. Qərardan onun rəsmi təqdim edildiyi vaxtdan tərəflər 30 (otuz) gün müddətində Şəki İnzibati Məhkəməsi (ünvan: Şəki şəhəri, S.Mümtaz, 318) vasitəsi ilə Şəki Apellyasiya Məhkəməsinin İnzibati Kollegiyasına apellyasiya şikayəti verə bilərlər. Qərar onun rəsmi təqdim edildiyi vaxtdan 30 (otuz) gün müddətində apellyasiya şikayəti verilmədiyi və ya proses iştirakçıları tərəfindən şikayətin geri götürüldüyü hallarda məhkəmə qərarı onun təqdim olunduğu gündən 30 (otuz) gün keçdikdən sonra qanuni qüvvəyə minir.
Hakim Fəxri Hacızadə.