Şəki İnzibati Məhkəməsi Qərardad — İş №2-1(116)-21/2020

Azərbaycan Respublikası adından QƏRARDAD Şəki şəhəri İş № 2-1(116)-21/2020 03.03.2020 ŞƏKİ İNZİBATİ MƏHKƏMƏSİ hakim Qasımov Vidadi Kamal oğlunun sədrliyi, məhkəmə iclasının katibi X1, İddiaçı iştirakı ilə İddiaçı cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 18 saylı Zaqatala Ərazi İdarəsinə qarşı “Zaqatala rayonu Faldarlı kəndi ərazisində iddiaçının və ailə üzvlərinin mülkiyyətinə verilmiş pay torpaq sahəsinin yerinin müəyyən edilərək daşınmaz əmlakın dövlət reyestrində qeydiyyata alınması öhdəliyinin cavabdehin üzərinə qoyulması” tələbinə dair inzibati işə baxaraq, müəyyən etdi: İddiaçı cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 18 saylı Zaqatala Ərazi İdarəsinə qarşı “Zaqatala rayonu Faldarlı kəndi ərazisində iddiaçının və ailə üzvlərinin mülkiyyətinə verilmiş pay torpaq sahəsinin yerinin müəyyən edilərək daşınmaz əmlakın dövlət reyestrində qeydiyyata alınması öhdəliyinin cavabdehin üzərinə qoyulması” tələbinə dair iddia ərizəsi ilə Şəki İnzibati-İqtisadi Məhkəməsinə müraciət etmişdir. Məhkəmə iclasında iştirak edən İddiaçı izahatında bildirdi ki, onun iddia ərizəsində tələb etdiyi sənədlər cavabdeh tərəfindən ona verilmiş və onun tələbi məhkəmədən kənar qaydada tamamilə təmin edilmişdir. Hazırda cavabdehlə onun arasında mübahisə qalmamışdır. İddiaçı məhkəməyə bu barədə ərizə də təqdim etdi. Azərbaycan Respublikası İnzibati Prosessual Məcəlləsinin 2.1-ci maddəsinə görə, qanunla başqa aidiyyət qaydası müəyyən edilməmişdirsə, inzibati mübahisələrə dair işlər üzrə məhkəmə icraatı inzibati məhkəmələr və inzibati kollegiyalar tərəfindən həyata keçirilir. Həmin Məcəllənin 35.1-ci maddəsinə əsasən, bu Məcəllədə başqa qayda nəzərdə tutulmamışdırsa, ərizəçinin iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Həmin Məcəllənin 35.3-cü maddəsinə əsasən, iddianın mümkün sayılmaması barədə məhkəmə qərardad qəbul edir. Göründüyü kimi, işə inzibati məhkəmədə baxılması üçün inzibati mübahisənin mövcud olması tələb olunur. Lakin hazırkı işdən görünür ki, artıq tərəflər arasında inzibati mübahisə qalmamış, cavabdeh iddiaçının tələbini məhkəmədən kənar qaydada təmin etmişdir. Ona görə də məhkəmə bu qənaətə gəldi ki, hazırkı iddiaya məhkəmədə mahiyyəti üzrə baxılmasına zərurət yoxdur və iddia mümkün sayıla bilməz. Qeyd olunanlara əsasən, məhkəmə qərara aldı : İddiaçı cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 18 saylı Zaqatala Ərazi İdarəsinə qarşı “Zaqatala rayonu Faldarlı kəndi ərazisində iddiaçının və ailə üzvlərinin mülkiyyətinə verilmiş pay torpaq sahəsinin yerinin müəyyən edilərək daşınmaz əmlakın dövlət reyestrində qeydiyyata alınması öhdəliyinin cavabdehin üzərinə qoyulması” tələbinə dair iddiası mümkün sayılmasın. Qərardaddan surəti təqdim olunduğu vaxtdan 10 gün müddətində Şəki İnzibati Məhkəməsi vasitəsilə Şəki Apelyasiya Məhkəməsinə apelyasiya şikayəti verilə bilər. Sədrlik edən Vidadi Qasımov.