Şəki İnzibati Məhkəməsi Qərardad — İş №2-1(116)-223/2022

Azərbaycan Respublikası adından QƏRARDAD Şəki şəhəri İş № 2-1(116)-223/2022 28.11.2022 ŞƏKİ İNZİBATİ MƏHKƏMƏSİ Hakim Musayev Vüqar Ələkbər oğlunun sədrliyi, məhkəmə iclas katibi Məmmədova Aynur Əhəd qızının katibliyi, İddiaçı, iddiaçının nümayəndəsi Nümayəndə, cabdehin nümayəndəsi X3 iştirakı ilə, İddiaçı cavabdeh “Daşınmaz Əmlakın Dövlət Kadastrı və Reyestri” X7 9 saylı Qəbələ Ərazi İdarəsinə qarşı “Qəbələ rayon Qəmərvan kənd inzibati ərazi dairəsinin xx.xx.2019-cu il tarixli arayışından göstərilən 0.073 ha həyətyanı torpaq sahəsi və həmin torpaq sahəsində inşa olunmuş bir mərtəbəli iki otaqlı fərdi yaşayış evi üzərində mülkiyyət hüququnun X2 məxsus olması barədə qeydiyyatın aparılması və müvafiq Çıxarışın verilməsi öhdəliyinin cavabdehin üzərinə qoyulması” tələbinə dair iddia ərizəsi və ona əlavə edilmiş sənədlərə şifahi məhkəmə baxışı iclasında baxaraq, müəyyən etdi: İddiaçı cavabdeh Azərbaycan Respublikası Əmlak Məsələləri Dövlət Xidməti yanında Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsinə qarşı məhkəməyə iddia ərizəsi ilə müraciət edərək (üçüncü şəxslər: X6, Qəmərvan kənd inzibati ərazi dairəsi) “Qəbələ rayon Qəmərvan kənd inzibati ərazi dairəsinin xx.xx.2019-cu il tarixli arayışından göstərilən 0.073 ha həyətyanı torpaq sahəsinin və həmin torpaq sahəsində inşa olunmuş bir mərtəbəli iki otaqlı fərdi yaşayış evinin X1 adına DƏDRX-də qeydə alınması öhdəliyinin cavabdehin üzərinə qoyulması” barədə qərar qəbul edilməsini xahiş etmişdir. Məhkəmə iclasında iddiaçı, tələbini dəqiqləşdirərək təqdim etdiyi ərizəsində, Qəbələ rayon Qəmərvan kənd inzibati ərazi dairəsinin xx.xx.2019-cu il tarixli arayışından göstərilən 0.073 ha həyətyanı torpaq sahəsi və həmin torpaq sahəsində inşa olunmuş bir mərtəbəli iki otaqlı fərdi yaşayış evi üzərində mülkiyyət hüququnun X2 məxsus olması barədə qeydiyyatın aparılması və müvafiq Çıxarışın verilməsi öhdəliyinin cavabdehin üzərinə qoyulması barədə qərar qəbul edilməsini xahiş etmişdir. Məhkəmənin xx.xx.2022-ci il tarixli iclas protokolunun qərardadı ilə iddia tələbinin dəqiqləşdirilməsi barədə ərizə icraata qəbul edilmişdir. Məhkəmənin xx.xx.2022-ci il tarixli iclas protokolunun qərardadı ilə cavabdeh Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsi – hüquq varisi: “Daşınmaz Əmlakın Dövlət Kadastrı və Reyestri” X7 9 saylı Qəbələ Ərazi İdarəsi ilə əvəz edilmişdir. Məhkəmə iclasında iddiaçı və iddiaçının nümayəndəsi iddia ərizəsi ilə eyni məzmunlu izahat verdilər və iddia tələbinin təmin edilməsini xahiş etdilər. İnzibati işin şifahi məhkəmə baxışı iclasında iddiaçının iştirakı ilə işin halları ilə bağlı hüquqi müzakirə aparılmış, iddianın uğursuzluğunun əsasları izah edilmiş və arzuladığı məqsədə çatmaq zəruri olan hüquqi müdafiə vasitələrini izah edilmişdir. Məhkəmə iclasında iddiaçın məhkəmənin hüquqi mövqeyi ilə razılaşdığını bildirərək iddia ərizəsinin geri qaytarılmasını xahiş etdi və məhkəməyə müvafiq ərizəni təqdim etdi. Məhkəmə iclasında cavabdehin nümayəndəsi iddia ərizəsinin geri qaytarılmasını dair ərizəyə etirazı olmadığını bildirdi. Məhkəmənin xx.xx.2022-ci il tarixli iclas protokolunun qərardadı ilə iddiaçının tərəfindən təqdim edilmiş, “iddia ərizəsinin geri qaytarılması barədə” ərizə icraata qəbul edilmişdir. Məhkəmə, ərizəni iş materialları ilə birgə araşdırıb hesab edir ki, iddiaçının vəkili (nümayəndəsi) öz aktiv hərəkəti ilə, iradəsinə uyğun olaraq iddia ərizəsinin geri götürülməsini xahiş edir. İddiaçı hazırki mərhələdə iddia tələbinə məhkəmədə baxılmasını və iş üzrə qərarın qəbul edilməsini arzu etmir. Belə olan halda məhkəmə tərəfindən iddianın geri götürülmüş sayılması barədə qərardad qəbul edilməli və iş üzrə icraata xitam verilməlidir. Azərbaycan Respublikasının İnzibati Prosessual Məcəlləsinin: 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. 55.5-ci maddəsinə əsasən, iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. İddiaçıya izah edilir ki, iddianın geri götürülmüş hesab edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna etmir. Qeyd olunanlara əsasən və Azərbaycan Respublikası İPM-nin 16.3, 55, 80-ci maddələrini rəhbər tutaraq, qərara aldı: İddiaçı c“Daşınmaz Əmlakın Dövlət Kadastrı və Reyestri” X7 9 saylı Qəbələ Ərazi İdarəsinə qarşı “Qəbələ rayon Qəmərvan kənd inzibati ərazi dairəsinin xx.xx.2019-cu il tarixli arayışından göstərilən 0.073 ha həyətyanı torpaq sahəsi və həmin torpaq sahəsində inşa olunmuş bir mərtəbəli iki otaqlı fərdi yaşayış evi üzərində mülkiyyət hüququnun X2 məxsus olması barədə qeydiyyatın aparılması və müvafiq Çıxarışın verilməsi öhdəliyinin cavabdehin üzərinə qoyulması” tələbinə dair iddiası geri götürülmüş sayılır və iş üzrə icraata xitam verilir. Qərardaddan surəti təqdim olunduğu vaxtdan 10 gün müddətində Şəki İnzibati Məhkəməsi (Şəki şəhəri, S.Mümtaz küçəsi 318) vasitəsilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Hakim Vüqar Musayev.