Şəki İnzibati Məhkəməsi Qərardad — İş №2-1(116)-23/2024

Azərbaycan Respublikası adından QƏRARDAD Şəki şəhəri İş № 2-1(116)-23/2024 03.07.2024 ŞƏKİ İNZİBATİ MƏHKƏMƏSİ Hakim Hacızadə Fəxri Hümmət oğlu, İddiaçı cavabdeh Azərbaycan Respublikası Əmlak Məsələləri Dövlət Xidməti Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsinə qarşı “Oğuz rayonu Kərimli kəndində yerləşən Kərimli Bələdiyyəsinin 07 dekabr 2007-ci il tarixli 35 saylı qərarı ilə iddiaçıya verilmiş 80 kv.metr torpaq sahəsi üzərindəki qeyri-yaşayış binasına mülkiyyət hüququnun qeydə alınması və müvafiq çıxarışın verilməsi öhdəliyinin cavabdehin üzərinə qoyulması” tələbinə dair inzibati işə məhkəmənin binasında baxaraq, müəyyən etdi: İddiaçı cavabdehə qarşı məhkəməyə müraciət edərək, “Oğuz rayonu Kərimli kəndində yerləşən Kərimli Bələdiyyəsinin 07 dekabr 2007-ci il tarixli 35 saylı qərarı ilə iddiaçıya verilmiş 80 kv.metr torpaq sahəsi üzərindəki qeyri-yaşayış binasına mülkiyyət hüququnun qeydə alınması və müvafiq çıxarışın verilməsi öhdəliyinin cavabdehin üzərinə qoyulması” barədə qərar qəbul edilməsini xahiş etmişdir. İddia ərizəsi inzibati mübahisə kimi qeydiyyata alınaraq, məhkəməyə daxil olduğu gündən (xx.xx.2022-ci il) icraata qəbul edilmiş sayılmışdır. Məhkəmə iddia ərizəsini və ərizəyə əlavə olunmuş sənədləri iş materialları ilə birgə araşdırıb hesab edir ki, hazırkı işin icraatına xitam verilməlidir. İddiaçı xx.xx.2022-ci il tarixində vəfat etmişdir.İş üzrə icraat Məhkəmənin xx.xx.2022-ci il tarixli Qərardadı ilə iş üzrə icraat iddiaçının hüquqi varisi müəyyən edilənədək dayandırılmışdır.Həmin Qərardad məlumat üçün iddiaçının ailə üzvlərinə göndərilmiş,vərəsəlik işinin açılb-açılmamasını mnüəyyən etmək üçün sorğu verilmişdir.Lakin,ötən müddət ərzində iddiaçının vərəsəsi müəyyən edilməmiş,mərhum iddiaçının iddia tələbi üzrə hüquqi marağın davam etməsi ilə bağlı məhkəməyə müraciət edilməmişdir. Məhkəmə hesab edir ki,hazırkı iddia tələbi üzrə iddiaçının hüquqi varislərinin hüquqi marağı qalmadığından iş üzrə icraata xitam verilməlidir. Azərbaycan Respublikası İnzibati Prosessual Məcəlləsinin 55.5-ci maddəsinin birinci cümləsinə əsasən, iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. "S.Bünyatov şikayəti əsasında Azərbaycan Respublikası İnzibati Prosessual Məcəlləsinin 55-ci maddəsinin bəzi müddəalarının Azərbaycan Respublikası Konstitusiyasının 60-cı maddəsinin İ hissəsinə uyğunluğunun yoxlanılmasına dair" Azərbaycan Respublikası Konstitusiya Məhkəməsi Plenumunun xx.xx.2014-cü il tarixli Qərarında İPM-in 55.3-cü maddəsinin məhkəmə təcrübəsində düzgün və dürüst tətbiqinin şərtlərinə dair hüquqi mövqelər ortaya qoyulmuşdur. Məhkəmənin bu meyarlara cavab verən tələbinin irəli sürülməsinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia məhkəmə tərəfindən geri götürülmüş sayılır." Qeyd olunanlara əsasən məhkəmə hesab edir ki, iddiaçı ardıcıl olaraq uzun müddət (30 gündən artıq) məhkəmə icraatından yayındığı üçün iddia geri götürülmüş hesab olunmalıdır. Yuxarıda göstərilənlərə əsasən və Azərbaycan Respublikası İnzibati Prosessual Məcəlləsinin 1.1, 16.3, 55 və 80-ci maddələrini rəhbər tutaraq qərara aldı: İddiaçı cavabdeh Azərbaycan Respublikası Əmlak Məsələləri Dövlət Xidməti Daşınmaz Əmlakın Dövlət Reyestri Xidmətinin 9 saylı Qəbələ Ərazi İdarəsinə qarşı “Oğuz rayonu Kərimli kəndində yerləşən Kərimli Bələdiyyəsinin 07 dekabr 2007-ci il tarixli 35 saylı qərarı ilə iddiaçıya verilmiş 80 kv.metr torpaq sahəsi üzərindəki qeyri-yaşayış binasına mülkiyyət hüququnun qeydə alınması və müvafiq çıxarışın verilməsi öhdəliyinin cavabdehin üzərinə qoyulması” barədə iddiası geri götürülmüş sayılır və iş üzrə icraata xitam verilir. Qərardaddan, onun rəsmi qaydada verildiyi gündən 10 (on) gün müddətində Şəki İnzibati-İqtisadi Məhkəməsi vasitəsilə Şəki Apellyasiya Məhkəməsinə (Şəki şəhəri, S.Mümtaz küçəsi 1) apellyasiya şikayəti verilə bilər. Hakim Fəxri Hacızadə.