Şəki İnzibati Məhkəməsi Qərardad — İş №2-1(116)-2440/2022

Azərbaycan Respublikası adından QƏRARDAD Şəki şəhəri İş № 2-1(116)-2440/2022 25.11.2022 ŞƏKİ İNZİBATİ MƏHKƏMƏSİ Şəki İnzibati Məhkəməsinin hakimi Qasımov Vidadi Kamal oğlu, iddiaçı "xxxx"nin cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Komitəsi yanında Daşınmaz Əmlakın Dövlət Reyestr Xidmətinin 12 saylı Şəki ərazi idarəsinə qarşı "İddiaçın istifadəsində olan və ünvan 1 ünvanında yerləşən X1 məntəqəsinin altında yerləşən 0,3849 ha torpaq sahəsinin Cəmiyyətə alqı-satqı yolu ilə satılmasına dair qərar qəbul edilməsinin cavabdehə həvalə olunması" barədə iddiasına dair inzibati işə baxaraq, müəyyən etdi: İddiaçı "xxxx" cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Komitəsi yanında Daşınmaz Əmlakın Dövlət Reyestr Xidmətinin 12 saylı Şəki ərazi idarəsinə qarşı "İddiaçın istifadəsində olan və ünvan 1 ünvanında yerləşən X1 məntəqəsinin altında yerləşən 0,3849 ha torpaq sahəsinin Cəmiyyətə alqı-satqı yolu ilə satılmasına dair qərar qəbul edilməsinin cavabdehə həvalə olunması" barədə iddia ərizəsi ilə Şəki İnzibati Məhkəməsinə müraciət etmişdir. Bundan sonra xx.xx.2022-ci ildə iddiaçı "xxxx" məhkəməyə elektron qaydada ərizə göndərərək, çatışmazlıqların aradan qaldırılması üçün iddia ərizəsi və ona əlavə edilmiş sənədlərin geri qaytarılmasını xahiş etmişdir. Azərbaycan Respublikası İnzibati Prosessual Məcəlləsinin 55.3-cü maddəsində deyilir ki, məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Həmin Məcəllənin 55.5-ci maddəsində deyilir ki, iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Məhkəmənin fikrincə, iddiaçı iddia ərizəsini geri götürdüyünü bildirməklə hazırkı inzibati prosesin davam etdirilməsinə hüquqi marağını itirdiyini nümayiş etdirmişdir. Bu hal üçün məhkəmənin etməli olduğu prosessual hərəkətlər İnzibati Prosessual Məcəllədə nəzərdə tutulmasa da, məhkəmə hesab edir ki, iddiaçının hazırkı ərizəsi onun 30 gündən çox müddət ərzində ardıcıl olaraq iş üzrə məhkəmə icraatından yayınması ilə eyni hüquqi nəticəyə səbəb olmalıdır. Belə olan halda isə, iddia geri götürülmüş sayılmalı və icraata xitam verilməlidir. Yuxarıda qeyd olunanlara əsasən, məhkəmə qərara aldı: İddiaçı "xxxx"nin cavabdeh Azərbaycan Respublikası İqtisadiyyat Nazirliyi yanında Əmlak Məsələləri Dövlət Komitəsi yanında Daşınmaz Əmlakın Dövlət Reyestr Xidmətinin 12 saylı Şəki ərazi idarəsinə qarşı "İddiaçın istifadəsində olan və ünvan 1 ünvanında yerləşən X1 məntəqəsinin altında yerləşən 0,3849 ha torpaq sahəsinin Cəmiyyətə alqı-satqı yolu ilə satılmasına dair qərar qəbul edilməsinin cavabdehə həvalə olunması" tələbinə dair iddiası geri götürülmüş sayılsın və icraata xitam verilsin. Qərardaddan surəti rəsmi qaydada verildiyi gündən 10 gün müddətində Şəki İnzibati Məhkəməsi (ünvan: ünvan 3legiyasına apellyasiya şikayəti verilə bilər. Sədrlik edən Vidadi Qasımov.