Şəki İnzibati Məhkəməsi Qərardad — İş №2-1(116)-2755/2022

Azərbaycan Respublikası adından QƏRARDAD Şəki şəhəri İş № 2-1(116)-2755/2022 29.12.2022 ŞƏKİ İNZİBATİ MƏHKƏMƏSİ Hakim Musayev Vüqar Ələkbər oğlu, İddiaçı Cavabdehnə qarşı “Cavabdeh imtinası qanunsuz sayılmaqla ünvan 1 ünvanında yerləşən qeyri-yaşayış sahəsi (dekabr 1999-cu il tarixli Texniki pasport) Qəbələ şəhərində yerləşən 0,80 sahibkarlıq məqsədli (xx.xx.2006-cı il tarixli Dövlət Aktı (JN744, Kod:********) torpaq sahəsində və 0,78 ha (xx.xx.2006-cı il tarixli Dövlət Aktı (JN 739, Kod: ********) torpaq sahələrinin üzərindən həbsin götürülməsi və həmin torpaq sahələrinə dair icra tədbirlərinin (qərarının) ləğv edilməsi barədə” iddia ərizəsi və ona əlavə olunmuş sənədlərə yazılı icraat qaydasında baxaraq, müəyyən etdi: İddiaçı Cavabdehnə qarşı iddia ərizəsi ilə məhkəməyə müraciət edərək “Cavabdeh imtinası qanunsuz sayılmaqla ünvan 1 ünvanında yerləşən qeyri-yaşayış sahəsi (dekabr 1999-cu il tarixli Texniki pasport) Qəbələ şəhərində yerləşən 0,80 sahibkarlıq məqsədli (xx.xx.2006-cı il tarixli Dövlət Aktı (JN744, Kod:********) torpaq sahəsində və 0,78 ha (xx.xx.2006-cı il tarixli Dövlət Aktı (JN 739, Kod: ********) torpaq sahələrinin üzərindən həbsin götürülməsi və həmin torpaq sahələrinə dair icra tədbirlərinin (qərarının) ləğv edilməsi barədə qərar qəbul edilməsi vəzifəsinin cavabdehin üzərinə qoyulması” barədə qərar qəbul edilməsini xahiş etmişdir. İşin qısa mahiyyəti ondan ibarətdir ki, Oğuz Rayon Məhkəməsinin xx.xx.2020-ci il tarixli 2(054)-17/2020 saylı qətnaməsi ilə İddiaçı ilə cavabdeh X2 birgə nikahı dövründə əldə olunmuş, cavabdehin adına rəsmiləşdirilməklə tərəflərin birgə mülkiyyətində olan «Kamaz 5511» markalı 99HU442 dövlət qeydiyyat nişanlı yük avtomobilində (xx.xx.2014cü il tarixli Qeydiyyat vəsiqəsi), ünvan 1 ünvanında yerləşən qeyri-yaşayış sahəsində (dekabr 1999-cu il tarixli Texniki pasport), Qəbələ şəhərində yerləşən 0,80 ha sahibkarlıq məqsədli (xx.xx.2006-cı il tarixli Döviət Aktı (JN744, KOD: ********) torpaq sahəsində və 0,78 ha (xx.xx.2006-cı ii tarixii Dövlət Aktı (JN 739, KOD: ********) torpaq sahəsində - hər bir əmlakda onun 1/2 hissədən ibarət payının müəyyən olunması qət edilmişdir. Oğuz Rayon Məhkəməsinin xx.xx.2020-ci il tarixli qətnaməsindən icra vərəqəsi verilmiş, qətnamə icraya yönəlmişdir. Məhkəmə iddia ərizəsini və iş materiallarını araşdırıb hesab edir ki, iddia mümkün sayılmamalıdır. Hazırkı iddia ərizəsi üzrə qəbul ediləcək qərardad mübahisəni mahiyyəti üzrə həll etmədiyindən, məhkəmə İPM-nin 16.3-cü maddəsini rəhbər tutaraq şifahi məhkəmə baxışı keçirilmədən də iddia ərizəsinə hüquqi qiymət verilməsini mümkün hesab edir. İş materiallarına əlavə edilmiş, Cavabdeh xx.xx.2022-ci il tarixli 6946/9 nömrəli məktubu ilə iddiaçıya ünvanlanmış məktubunda qeyd edilmişdir ki, ünvan 2 xx.xx.2018-ci il tarixli icra sənədinə əsasən X1 132500 (yüz otuz iki min beş yüz) manat məbləğində pul tutularaq X4 xeyrinə ödənilməlidir. Qeyd olunan icra sənədinin icrasını təmin etmək məqsədilə X3 məxsus ünvan 1 ünvanında yerləşən qeyri yaşayış binasının (dekabr 1999-cu il tarixli texniki pasport), Qəbələ şəhəri ərazisində 0.80 ha sahibkarlıq məqsədli torpaq sahəsinin (JN 744 kod 40601004 olan xx.xx.2006-cı il tarixli dövlət aktı), Qəbələ şəhəri ərazisində 0.78 ha yaşıllıq və tikinti timək məqsədli torpaq sahəsinin (JN 739 kod 40600001 olan xx.xx.2006-cı il tarixli dövlət aktı), ** HU *** dövlət qeydiyyt nişanlı, Kamaz 5511 markalı yük avtomobilinin (özüboşaldan) üzərinə həbs qoyulması barədə təqdimatla Qəbələ rayon Məhkəməsinə müraciət edilmiş, Qəbələ rayon Məhkəməsinin 8(025)-70/2019 saylı, xx.xx.2019-cu il tarixli qərardadı ilə təqdimat təmin edilmiş, yuxarıda qeyd olunan əmlaklar üzərinə həbs qoyulmuşdur. İddiaçının “birgə mülkiyyətdə olan əmlakların həbsdən azad olunması” tələbinə dair iddia ərizəsinin qəbulundan Qəbələ rayon Məhkəməsinin 2(025)-1413/2019 saylı, xx.xx.2019-cu il tarixli qərardadı ilə iddianın yolverilməzliyinə görə imtina edilmişdir. Həmin qərardaddan verilmiş apellyasiya şikayəti Şəki Apellyasiya Məhkəməsinin 2(107)- 3114/2019 saylı, xx.xx.2019-cu il tarixli qərardadı ilə təmin edilməmiş, Qəbələ rayon Məhkəməsinin 2(025)-1413/2019 saylı, xx.xx.2019-cu il tarixli qərardadı dəyişdirilmədən saxlanılmışdır. ünvan 1 ünvanında yerləşən qeyri yaşayış binasına (dekabr 1999-cu il tarixli texniki pasport), Qəbələ şəhəri ərazisində 0 80 ha sahibkarlıq məqsədli torpaq sahəsinə(JN 744 kod 40601004 olan xx.xx.2006-cı il tarixli dövlət aktı) və Qəbələ şəhəri ərazisində 0.78 ha yaşıllıq və tikinti tikmək məqsədli torpaq sahəsinə (JN 739 kod 40600001 olan xx.xx.2006cı il tarixli dövlət aktı) dair icra hərəkətlərinin dayandırılması ilə bağlı iddiaçının müraciəti təmin edilməmişdir. Əlavə olaraq qeyd etmək istəyirik ki, Oğuz rayon Məhkəməsinin 2(054)-17/2020 saylı, 27.01,2020-ci il tarixli qətnaməsi ilə iddiaçının 1/2 hissədə payınızın müəyyən olunması və hüquqları nəzərə alınaraq, üzərinə həbs qoyulmuş Qəbələ şəhəri ərazisində 0.80 ha sahibkarlıq məqsədli (JN 744 kod 40601004 olan xx.xx.2006-cı il tarixli dövlət aktı) və Qəbələ şəhəri ərazisində 0.78 ha yaşıllıq və tikinti timək məqsədli (JN 739 kod 40600001 olan xx.xx.2006-cı il tarixli dövlət aktı) torpaq sahələrinin 1/2 hissədə satışının təşkil olunması məqsədilə hərrac təşkilatına sifariş verilmişdir. Azərbaycan Respublikası Konstitusiya Məhkəməsi Plenumunun “İcra haqqında” Azərbaycan Respublikası Qanununun 20-ci maddəsinin şərh edilməsinə dair 10 oktyabr 2017-ci tarixli qərarında ortaya qoyulan hüquqi mövqe ondan ibarətdir ki, icra məmurunun icra sənədi üzrə icraata xitam verilməsi barədə qərarından tərəflər icra sənədini vermiş məhkəməyə, icra sənədi digər orqanlar tərəfindən verildikdə, icra məmurunun icraata xitam verilməsi barədə qərarından icra məmurunun olduğu yer üzrə məhkəməyə şikayət verə bilərlər. Konstitusiya Məhkəməsinin yuxarıda qeyd edilmiş qərarının əsaslandırıcı hissəsinə nəzər saldıqda da aydın olur ki, məhkəmə həmin qənaətə gələrkən “İcra haqqında” Qanunun 26-cı maddəsinə əsasən məhkəmənin öz verdiyi icra sənədinin icra vəziyyətinə nəzarət etmək səlahiyyətinin olması mövqeyindən çıxış etmiş, icra məmurunun icra sənədini vermiş məhkəməyə müraciət etməsinin müəyyən edildiyi “İcra haqqında” Qanunun 14.1-ci maddəsinə (icra sənədinə izah verilməsi), eyni zamanda Azərbaycan Respublikası Mülki Prosessual Məcəlləsinin bir sıra normalarında öz əksini tapmış, (məsələn, qətnamədəki yanlışlıqların və ya açıq hesab səhvlərinin düzəldilməsi (maddə 228), əlavə qətnamənin çıxarılması (maddə 229), qətnamənin izah edilməsi (maddə 230), qətnamənin icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi (maddə 231.1, 231.2), ödənilməli pul məbləğlərinin indeksasiyası (maddə 232) ilə bağlı qətnaməni çıxaran hakimin üzərinə qoyulan bir sıra vəzifələrlə bağlı digər maddələrə istinad etmişdir. Məhkəmə gəldiyi hüquqi nəticəni onunla əsaslandırmışdır ki, icra məmurunun icraata xitam verilməsi barədə qərarının icra sənədini vermiş məhkəməyə göndərilməsi və bu məhkəməyə öz təşəbbüsü ilə həmin qərarın qanunvericiliyin tələblərinə uyğun olubolmamasını yoxlamaq səlahiyyətinin verilməsi son nəticədə işə baxmış məhkəmənin qərarın icrasına nəzarət etməsini təmin etmək və icra sənədlərinin vaxtında və düzgün icra edilməsinə nəzarət edilməsi məqsədi daşıyır. “İcra haqqında” Qanunun 26-cı maddəsinə əsasən, icra sənədlərinin vaxtında və düzgün icra edilməsinə nəzarət icra qurumunun rəhbəri və məhkəmə tərəfindən öz səlahiyyətləri daxilində həyata keçirilir. Mülki Prosessual Məcəllədə olduğu kimi, “İcra haqqında” Qanunda da bu mövqedən çıxış edilərək qətnamənin icrasının təmin edilməsi və icra sənədlərinin vaxtında və düzgün icra edilməsinə nəzarət məqsədilə icra məmurunun icra sənədini vermiş məhkəməyə müraciət etməsi müəyyən edilmişdir. Məsələn, “İcra haqqında” Qanunun 14.1-ci maddəsinə əsasən, icra sənədində göstərilmiş tələblər aydın olmadıqda, icra məmuru həmin icra sənədinin verilməsi üçün əsas olmuş qərarın, habelə qanuna əsasən icra sənədi sayılan sənədin izah olunması barədə müvafiq məhkəməyə və ya digər orqana ərizə ilə müraciət etmək hüququna malikdir. Konstitusiya Məhkəməsinin Plenumu “İcra haqqında” Azərbaycan Respublikası Qanununun 7, 10, 24 və 26-cı maddələrinin Azərbaycan Respublikası Mülki Prosessual Məcəlləsinin bəzi müddəaları baxımından şərh edilməsinə dair” 2 sentyabr 2015-ci il tarixli Qərarında da bu mövqedən çıxış edərək qeyd etmişdir ki, məhkəmə aktı üzrə bir neçə borclu olduqda, eləcə də onların yaşadığı ərazi müxtəlif olduqda həmin aktı qəbul etmiş məhkəmə icra sənədini borcluların sayına uyğun və yaşadığı yer üzrə müvafiq icra qurumuna göndərməli və icra məmurunun icraata başlamaq haqqında qərarı vaxtında qəbul etməsinə nəzarət etməlidir. İcra sənədini vermiş məhkəmənin icra sənədlərinin vaxtında və düzgün icra edilməsinə nəzarət etmək funksiyası, həmçinin “İcra haqqında” Qanunun 20-ci maddəsində nəzərdə tutulan icraata xitam verilməsinin əsasları və qaydalarından da irəli gəlir. “İcra haqqında” Qanun icra sənədinin icra olunması ilə bağlı icra məmurunun hərəkətlərindən və ya hərəkətsizliyindən şikayət verilə biləcəyini təsbit edir. Məhkəmə qərarının icrası məhkəmə müdafiəsi hüququnun tərkib hissəsi və davamı kimi qəbul edildiyindən, məhkəmə qərarının icrası ilə bağlı icra məmurunun qərar və hərəkətlərindən (hərəkətsizliyindən) şikayətlərə də məhz icra sənədini vermiş və icraya nəzarət edən məhkəmə tərəfindən baxılmalıdır. Sözügedən şikayətlərə bu qaydada baxılmasının təmin edilməsi ədalət mühakiməsinin səmərəliliyinin təmin edilməsi və prosessual qənaətə nail olunması baxımından da olduqca önəmlidir. Konstitusiya məhkəməsinin yuxarıda qeyd edilən qərarında icra məmurunun icra sənədinə xitam verilməsi ilə bağlı qərarından şikayətin verilmə qaydası ilə bağlı konkret hüquqi mövqe öz əksini tapmışdır. Buna baxmayaraq, icra məmurunun icra prosesi zamanı qəbul etdiyi çoxsaylı digər qərarları zahirən inzibati akt təsiri bağışladığından və işin hallarının hərtərəfli araşdırılması nəticəsində qəbul edildiyindən həmin qərarların inzibati akt olması ilə bağlı yanlış təsəvvür yaranır. Belə ki, icra prosesi zamanı icra məmurunun qəbul etdiyi digər qərarlarına (iş üzrə icraata başlamaq, icra ödənişinin tutulması, qiymətləndiricinin dəvət edilməsi, borclunun əmlakının və ya uşağının axtarılması) və hərəkətlərinə (borclunun əmlakına baxış keçirilməsi, onun əmlakının həbsi, müsadirəsi və yaxud başqasına verilməsi, habelə borclunun və ya başqa şəxslərin tutduğu yaxud borcluya və ya başqa şəxslərə məxsus yaşayış və ya qeyri-yaşayış sahələrinin, obyektlərin açılması ilə bağlı fəaliyyətinə) nəzər saldıqda icra məmurunun zahirən “İnzibati icraat haqqında qanun” əsasında inzibati fəaliyyət həyata keçirdiyi görünür. Sözügedən fəaliyyət zahirən inzibati hüquq sahəsinə aid fəaliyyət kimi görünsə də, belə deyildir. İcra sənədinin icra olunması ilə bağlı icra məmuru tərəfindən həyata keçirilən fəaliyyətə və bu zaman qəbul edilən qərarlara məhkəmə müdafiəsi hüququnun reallaşdırılmasının tərkib hissəsi və davamı kimi yanaşılmalıdır. Çünki məhkəmə qərarının icrası məhkəmə müdafiəsi hüququnun ayrılmaz tərkib hissəsidir. Qanunvericilik isə icra icraatının gedişində icra sənədinin icrası ilə bağlı yaranan mübahisələrə baxılmasının xüsusi qaydasını müəyyən etmişdir. MPM-in 228-232-ci maddələrindəki tənzimləmələr də bunu təsdiq edir. İcra qurumunun icra sənədinin icra olunması ilə bağlı qərarı, hərəkəti və hərəkətsizliyi ilə bağlı mübahisələrə inzibati qaydada baxılması üçün ilk növbədə münasibətlərin inzibati hüquqla bağlı yaranması tələb olunur. Azərbaycan Respublikası Ədliyyə Nazirliyinin İcra Xidməti Azərbaycan Respublikası Nazirlər Kabinetinin 28 avqust 2007-ci il tarixli 136 nömrəli Qərarı ilə təsdiq edilmiş “İnzibati orqanların Təsnifatı”nın İİ hissəsinin 2.1.1-ci bəndinə müvafiq olaraq inzibati orqanlara aid edilsə də, bu xidmətin icra məmurlarının icra sənədlərinin icrası ilə əlaqədar həyata keçirdikləri fəaliyyət ilkin icra sənədinin hüquqi təbiətinə uyğun qiymətləndirilməlidir. “İnzibati İcraat haqqında” qanunun 2.0.2-ci maddəsində deyilir ki, inzibati akt inzibati orqan tərəfindən ümumi (publik) hüquq sahəsinə aid olan müəyyən (konkret) məsələni nizama salmaq və ya həll etmək məqsədilə qəbul edilmiş və ünvanlandığı hüquqi və ya fiziki şəxs (şəxslər) üçün müəyyən hüquqi nəticələr yaradan qərar, sərəncam və ya digər növ hakimiyyət tədbiridir. Həmçinin Konstitusiya Məhkəməsi Plenumunun “Dini etiqad azadlığı haqqında” Azərbaycan Respublikası Qanununun 22-ci maddəsinin ikinci hissəsində nəzərdə tutulmuş “müvafiq icra hakimiyyəti orqanının razılığı” müddəasının şərh edilməsinə dair 13 iyun 2013-cü il tarixli qərarında qeyd edilmişdir ki, inzibati hüquqi akt dedikdə, inzibati münasibətləri tənzimləyən və ya konkret inzibati məsələni (mübahisəni) həll edən, hüquq subyektlərinin yeni hüquqi statusunu müəyyənləşdirən, səlahiyyətli orqan və ya vəzifəli şəxslər tərəfindən inzibati qaydada qəbul edilən (idarəetmə prosesi çərçivələrində), idarəçilik funksiyalarının həyata keçirilməsi və onun məqsədlərinə nail olmaq üçün qəbul edilən akt başa düşülür. Sadalanan normaları icra məmurlarının fəaliyyətinə tətbiq etsək aydın olar ki, icra məmurlarının qərarları ünvanlandığı hüquqi və ya fiziki şəxs (şəxslər) üçün hüquqi nəticələr yaratmır və hüquq subyektlərinin yeni hüquqi statusunu müəyyən etmir. Hüquqi nəticəni və yeni hüquqi statusu yaradan, (o cümlədən inzibati məsuliyyəti müəyyən edən) ilkin icra sənədidir ki, həmin icra sənədi üzrə icra məmuru icraata başlayaraq bötüvlükdə icra prosesini həyata keçirir. Yəni, icra prosesi ilkin icra sənədinin realizəsinə yönəlmiş, prossesual fəaliyətdir. Odur ki, icra qurumunun fəaliyyəti ilkin icraatın davamı olduğundan qeyd olunan fəaliyyətlə bağlı mübahisələr tamın bir parçası kimi qiymətləndirilərək, ilkin icra sənədinin hüquqi təbiətinə uyğun olaraq müvafiq məhkəmələrdə baxılmalıdır. Konstitusiya məhkəməsinin yuxarıda qeyd edilmiş qərarında da birmənalı olaraq qeyd olunmuşdur ki, icra sənədi üzrə icraata xitam verilməsi barədə icra məmurunun qərarı həmin mülki, iqtisadi və inzibati işin bilavasitə davamıdır və icra məmurunun bu qərarından şikayətə icra sənədini vermiş məhkəmə tərəfindən baxılması hüquqi müdafiə vasitələrinin əlçatanlığına və səmərəliliyinə xidmət edir. Belə ki, məhz ilkin icraatın davamı olduğuna görə “icraata xitam verilməsi barədə” icra məmurunun qərarı qanuni qüvvəyə mindikdən sonra icra sənədi 3 gün müddətində onu vermiş məhkəməyə və ya digər orqana (notarius istisna olmaqla) geri qaytarılır (“İcra haqqında” Qanunun 20.7.m.). Odur ki, icra məmurunun qərarlarından və hərəkətlərindən (hərəkətsizliyindən) şikayət verilərkən ilk növbədə ilkin icra sənədinin hüquqi təbiətinə diqqət yetirilməli və buna uyğun olaraq aidiyyəti məhkəməyə müraciət edilməlidir. İş materialları ilə müəyyən edilir ki, Qəbələ şəhəri ərazisində 0.80 ha sahibkarlıq məqsədli (JN 744 kod 40601004 olan xx.xx.2006-cı il tarixli dövlət aktı) və Qəbələ şəhəri ərazisində 0.78 ha yaşıllıq və tikinti tikmək məqsədli (JN 739 kod 40600001 olan xx.xx.2006-cı il tarixli dövlət aktı) torpaq sahələrinin 1/2 hissədə satışının təşkil olunması məqsədilə cavabdeh orqanın həyata keçirdiyi icra tədbirləri Oğuz Rayon Məhkəməsinin xx.xx.2020-ci il tarixli 2(054)-17/2020 saylı qətnaməsi əsasında verilmiş icra sənədi əsasında, ünvan 1 ünvanında yerləşən qeyri yaşayış binasının (dekabr 1999-cu il tarixli texniki pasport), Qəbələ şəhəri ərazisində 0.80 ha sahibkarlıq məqsədli torpaq sahəsinin (JN 744 kod 40601004 olan xx.xx.2006-cı il tarixli dövlət aktı), Qəbələ şəhəri ərazisində 0.78 ha yaşıllıq və tikinti tikmək məqsədli torpaq sahəsinin (JN 739 kod 40600001 olan xx.xx.2006-cı il tarixli dövlət aktı), ** HU *** dövlət qeydiyyt nişanlı, Kamaz 5511 markalı yük avtomobilinin (özüboşaldan) üzərinə həbs qoyulması barədə cavabdeh orqanın hərəkətləri isə ünvan 2 xx.xx.2018-ci il tarixli icra sənədi əsasında həyata keçirilmişdir. Odur ki, sözügedən daşınmaz əmlak obyektləri üzərindən həbsin götürülməsi ilə bağlı cavabdeh orqanın hərəkətlərindən həbsin qoyulmasına əsas olmuş müvafiq icra sənədini verən məhkəməyə (icraya nəzarət edən – Şəki Apellyasiya Məhkəməsinə), həmin torpaq sahələrinə dair icra tədbirlərinin (qərarlarının) ləğv edilməsi ilə bağlı cavabdeh orqanın hərəkətlərindən isə müvafiq icra sənədini verən məhkəməyə (icraya nəzarət edən – Oğuz rayon Məhkəməsinə) müraciət edilməlidir. Azərbaycan Respublikası Ali Məhkəməsi Plenumunun “İnzibati məhkəmə icraatında iddianın mümkünlüyünə dair” 10 aprel 2015-ci il tarixli 5 nömrəli qərarının müvafiq olaraq 1.1, 1.4, 17-ci bəndlərində qeyd edilir ki, məhkəmələr nəzərə almalıdırlar ki, inzibati mübahisələrə dair iddianın əsaslılığının yoxlanılması üçün zəruri ilkin şərt onun mümkün olmasıdır. İddianın mümkünlüyü həmişə onun əsaslılığının yoxlanılmasından əvvəl aparılan hüquqi dəyərləndirmədir. Mülki və ya cinayət məhkəmə icraatı qaydasında, habelə inzibati xətalara dair işlər üzrə icraat qaydasında baxılmalı olan mübahisələrə dair iddialar mümkün sayılmamalı, iddiaçıya aidiyyəti üzrə səlahiyyətli məhkəməyə (yaxud, inzibati xətalara dair işlər üzrə icraat qaydasında işlərə baxmaq səlahiyyəti olan orqana) müraciət etmək hüququ izah olunmalıdır. İPM-nin 35.1-ci maddəsinə əsasən bu Məcəllədə başqa qayda nəzərdə tutulmamışdırsa, iddiaçının iddia ərizəsində inzibati aktın qəbul edilməsi və ya qəbul edilməsindən imtina olunması, yaxud inzibati orqanın hərəkəti və ya hərəkətsizliyi nəticəsində onun hüquqlarının və qanunla qorunan maraqlarının pozulduğunu əsaslandırdığı hallarda mübahisələndirmə haqqında, məcburetmə haqqında, öhdəliklərin icrası haqqında və müəyyən hərəkətləri etməkdən çəkinməyə dair iddia mümkün sayılır. Şərh olunanlara obyektiv hüquqi qiymət verərək məhkəmə hesab edir ki, hazırki iddia tələbinin predmeti inzibati məhkəmə icraatı qaydasında araşdırılmalı deyil və mübahisəyə mahiyyəti üzrə icra sənədini verən məhkəmədə baxılmalıdır. Nəticəvi hissə: Məhkəmə yuxarıda göstərilənlərə əsasən və Azərbaycan Respublikası İnzibati Prosessual Məcəlləsinin 16.3, 69, 78, 80 və 85-ci maddələrini rəhbər tutaraq qərara aldı: İddiaçı Cavabdehnə qarşı “Cavabdeh imtinası qanunsuz sayılmaqla ünvan 1 ünvanında yerləşən qeyri-yaşayış sahəsi (dekabr 1999-cu il tarixli Texniki pasport) Qəbələ şəhərində yerləşən 0,80 sahibkarlıq məqsədli (xx.xx.2006-cı il tarixli Dövlət Aktı (JN744, Kod:********) torpaq sahəsində və 0,78 ha (xx.xx.2006-cı il tarixli Dövlət Aktı (JN 739, Kod: ********) torpaq sahələrinin üzərindən həbsin götürülməsi və həmin torpaq sahələrinə dair icra tədbirlərinin (qərarının) ləğv edilməsi barədə qərar qəbul edilməsi vəzifəsinin cavabdehin üzərinə qoyulması” tələbinə dair iddia ərizəsi mümkün sayılmır. Qərardaddan, onun rəsmi qaydada verildiyi gündən 10 (on) gün müddətində Şəki İnzibati Məhkəməsi vasitəsilə Şəki Apellyasiya Məhkəməsinə (Şəki şəhəri, S.Mümtaz küçəsi 318) apellyasiya şikayəti verilə bilər. Hakim Vüqar Musayev.