Azərbaycan Respublikası adından QƏRAR Şəki şəhəri İş № 2-1(116)-491/2024 27.02.2024 ŞƏKİ İNZİBATİ MƏHKƏMƏSİ Hakim Hacızadə Fəxri Hümmət oğlunun sədrliyi, məhkəmə iclas katibi Bazarov Maqomed Omaroviçin katibliyi, İddiaçı, cavabdehin nümayəndəsi X1 iştirakı ilə, İddiaçı cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə X3 Şəxsin Sosial Ödənişlərin Təyinatı üzrə Mərkəzi Filialına qarşı “27 iyul 1978-ci il tarixdən 01 oktyabr 1979-cu il tarixinədək olan müddətdə Zaqatala Rayon İctimai İaşə Müəssisələri birliyinin nəzdindəli “Sevinc” yeməkxanasında İİİ dərəcəli aşpaz vəzifəsində işlədiyi 1 (bir) il 2 (iki) ay 4 (dörd) gün müddətin, 1993-cü il , 1994-cü il ,1999-cu il, 2000-ci il, 2001-ci illər üzrə və 2003-cü ildə isə 5 (beş) ay 15 (on beş) gün üzrə 51 №-li Tikinti Təmir İdarəsinin nəzdindəki yeməkxanada aşpaz bufetçi vəzifəsində işlədiyi 5(beş) il 5(beş) ay 15 (on beş) gün müddətin və 2023-cü ilin yanvar, fevral, mart, aprel və may ayları ərzində Daxili İşlər Nazirliyinin Zaqatala rayon Polis Şöbəsi ilə aralarında bağlanmış xidmət müqaviləsinə əsasən fəaliyyət göstərdiyi 5( beş) ay müddətin sığorta stajına daxil edilməklə, ona 05 may 2023-cü il tarixdən yaşa görə əmək pensiyasının təyin edilməsi öhdəliyinin cavabdehin üzərinə qoyulması” tələbinə dair inzibati işə məhkəmənin binasında, açıq, şifahi məhkəmə baxışı iclasında baxaraq, məhkəmə aşağıdakı qərarı qəbul etdi: Təsviri hissə: İddiaçı cavabdehə qarşı “27 iyul 1978-ci il tarixdən 01 oktyabr 1979-cu il tarixinədək olan müddətdə Zaqatala Rayon İctimai İaşə Müəssisələri birliyinin nəzdindəli “Sevinc” yeməkxanasında İİİ dərəcəli aşpaz vəzifəsində işlədiyi 1 (bir) il 2 (iki) ay 4 (dörd) gün müddətin, 1993-cü il , 1994-cü il ,1999-cu il, 2000-ci il, 2001-ci illər üzrə və 2003-cü ildə isə 5 (beş) ay 15 (on beş) gün üzrə 51 №-li Tikinti Təmir İdarəsinin nəzdindəki yeməkxanada aşpaz bufetçi vəzifəsində işlədiyi 5(beş) il 5(beş) ay 15 (on beş) gün müddətin və 2023-cü ilin yanvar, fevral, mart, aprel və may ayları ərzində Daxili İşlər Nazirliyinin Zaqatala rayon Polis Şöbəsi ilə aralarında bağlanmış xidmət müqaviləsinə əsasən fəaliyyət göstərdiyi 5( beş) ay müddətin sığorta stajına daxil edilməklə, ona 05 may 2023-cü il tarixdən yaşa görə əmək pensiyasının təyin edilməsi öhdəliyinin cavabdehin üzərinə qoyulması” barədə qərar qəbul edilməsini xahiş etmişdir. İşin qısa mahiyyəti ondan ibarətdir ki, iddiaçı 27 iyul 1978-cil tarixdən 01 oktyabr 1979-cu il tarixinədək olan 1 il 2 ay 4 gün müddətində Zaqatala Rayon İctima İaşə Müəssisələri birliyinin nəzdində "Sevinc" yeməkxanasında İİİ dərəcəli aşpaz (İ), Dövlət Sosial Müdafiə Fondunun Sosial Ödənişlərin Təyinatı üzrə Mərkəzi Filialının məktubunda qeyd etdiyi 1993-cü il, 1994-cü il, 1999-cu il, 2000-ci il, 2001-ci illər üzrə və 2003-cü ildə isə 5 ay 15 gün mən 51 №-li Tikinti-Təmir İdarəsinin nəzdindəki yeməkxanada aşpaz bufetçi vəzifəsində işləmiş (İİ) və daxili əmrə əsasən faəliyyətimi Zaqatala Rayon Polis Şöbəsinin nəzdindəki yeməkxananda həyata keçirmişdir. O cümlədən, 2023-cü ilin yanvar, fevral, mart, aprel və may ayları ərzində (İİİ) də Daxili İşlər Nazirliyinin Zaqatala Rayon Polis Şöbəsi ilə aralarında bağlanmış xidmət müqaviləsinə əsasən Dövlət Vergi Xidmətinə vergi və sosial ödənişlər həyata keçirmişdir. İddiaçı cavabdehə müraciət edərək əmək pensiyasının təyin edilməsini xahiş etmişdir. Həmin mərkəzə təqdim etdiyi ərizə və ona əlavə edilmiş sənədlər aiddiyyəti üzrə cavabdehə göndərilmişdir.Cavabdeh tərəfindən xx.xx.2023-cü il tarixində imtina məktubu verilmişdir. Cavabdeh orqan iddia tələbinə etirazını aşağıdakı kimi əsaslandırmışdır: Xidməti yoxlama zamanı müəyyən edilmişdir ki, xx.xx.1960-cı il təvəllüdlü İddiaçı yaşa görə əmək pensiyası hüququnun yaranması üçün qanunla nəzərdə tutulan yaş həddinə 63 yaşının tamam olduğu xx.xx.2023-cü il tarixdə çatmışdır. Nəzərinizə çatdırırıq ki, iddiaçı F Yusubovanın təqdim etdiyi əmək kitabçasına, digər sənədlərin surətlərinə və Mərkəzləşdirilmiş elektron informasiya sisteminin “Pensiya" altsistemində olan məlumatlara əsasən sığorta stajı 20 il 4 gün təşkil edir.Eyni zamanda fərdi hesabının sığorta hissəsində qeydə alınmış pensiya kapitalı 01.01,2006-cı il tarixədək 19 il 11 ay 4 gün sığorta stajına uyğun olaraq 18456.33 manat, 2021-ci ilin aprel ayında 1 ay sığorta stajına uyğun olaraq 41.02 manat olmaqla, ümumilikdə 18497.35 manat təşkil edir kı, bu məbləğ qanunvericiliklə tələb olunan 40320 manat pensiya kapitalından azdır və əmək pensiyasının minimum məbləğindən (280 manat) az olmayan pensiya təminatına imkan vermir.Həmçinin bildiririk ki, 01,01.2006-cı il tarixdən 01,07.2018-ci il tarixədək iddiaçının fərdi hesabının sığorta hissəsində pensiya kapitalı qeydə alınmayıb. Nəzərinizə çatdırırıq ki, iddiaçının təqdim etdiyi əmək kitabçasının surətində qeyd olunmuş mötəbərliyinə əsaslı şübhələr olan xx.xx.1983-cü ıl tarixdən xx.xx.2003-cü il tarixədək olan əmək fəaliyyəti dövrlərinin araşdırılması zərurəti yaranmışdır. Zaqatala rayon Dövlət Arxivinin xx.xx.2023cü il tarixli arayışına əsasən iddiaçının əmək kitabçasının surətində qeyd olunmuş xx.xx.1983-cü il tarixdən xx.xx.2003-cü il tarixədək olan əmək fəaliyyəti zamanı 1993-cü il, 1994-cü il,1999-cu il, 2000-ci il, 2001-ci illər üzrə və 2003-cü ildə isə 5 ay 15 gün adına əməkhaqqı hesablanmadığı üçün həmin illər sığorta stajına daxil edilməyib. Qeyd olunanları nəzərə alaraq, iddiaçının ümumi sığorta stajı 25 ildən az olduğu üçün ona yaşa görə əmək pensiyasının təyin edilməsi qanunvericiliyin tələbləri baxımından mümkün hesab edilməyib. Nəzərinizə çatdırırıq ki, xx.xx.2023-cü İl tarixdən, yəni İddiaçı aktiv vergi ödəyicisi kimi fəaliyyətinin dayandırıldığı tarixdən ona 220 manat məbləğində yaşa görə müavinət təyin edilmişdir. Yuxarıda qeyd olunanları nəzərə alaraq iddiaçının iddiasının mümkün olmaması bildirilmişdir. İddiaçı iddia ərizəsinin məzmununa uyğun izahat verərək iddianın təmin edilməsi barədə qərar qəbul edilməsini xahiş etdi. Cavabdehin nümayəndəsi etiraz məktubuna uyğun izahat verərək iddianın təmin edilməməsi barədə qərar qəbul edilməsini xahiş etdi. İddia tələbinə dair məzmunu aşağıda qeyd edilmiş sənədlər məhkəməyə təqdim olunmuşdur. Həmin sənədlərin məzmununa istinad olunur. Onlar məhkəmə araşdırmasının predmetini təşkil etmişlər:
1. Cavabdehin xx.xx.2023-cü il tarixli məktubundan görünür ki, iddiaçının ilkin tələbinin icrasından imtina olunmuşdur.
2. AZE 0******* nömrəli şəxsiyyət vəsiqəsinin surətindən görünür ki, İddiaçı xx.xx.1960-ci il təvəllüdlüdür.
3. İddiaçıya məxsus ИT-İ № ******* saylı Əmək kitabçası.
4. Zaqatala rayon Dövlət arxivinin xx.xx.2023-ci il tarixli arxiv arayışı.
5. Zaqatala rayon Dövlət arxivinin xx.xx.2023-ci il tarixli məktubu və ona əlavə edilmiş sənədlər.
6. Azərbaycan Respublikası Vergilər Nazirliyi Fiziki Şəxsin Sahibkarlıq Uçotu haqqında Şəhadətnamənin surəti.
7. Zaqatala rayon Dövlət arxivinin xx.xx.2023-cü il tarixli aktı.
8. 13 saylı Ərazi Vergilər İdarəsinin xx.xx.2023-cü il tarixli arayışı.
9. 13 saylı Ərazi Vergilər İdarəsinin xx.xx.2024-cü il tarixli məktubu Əsaslandırma hissəsi:
İddiaçının iddiası öhdəliyin icrası haqqında iddia (İPM-in 2.2.3 və 34.1-ci maddələri) qismində mümkün iddiadır. Baxılması inzibati məhkəmələrin səlahiyyətinə (İPM-nin 1.1, 2.1 və 2.2.3-cü maddələri) aiddir. Həmçinin iddia düzgün cavabdeh qarşı yönəlmiş və iddianın qaldırılması üçün iddiaçının subyektiv hüququ mövcud olmuşdur. Belə ki, iddiaçı cavabdeh inzibati orqanın müraciətin təmin edilməsindən imtinasını İPM-in 35.1-ci maddəsində nəzərdə tutulmuş mənada onun hüquqlarını pozduğunu iddia edə bilər. İddianın xüsusi mümkünlük şərti də təmin olunmuşdur. Belə ki, bu növ iddianın xüsusi mümkünlük şərti iddiaçının əvvəlcədən eyni məzmunlu tələblə inzibati orqana müraciət edib-etməməsidir. İddiaçı hazırki tələblə əvvəlcədən cavabdeh orqana müraciət etmiş, sonuncu bundan imtina etdiyindən hazırki mübahisə yaranmışdır. Məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında (Azərbaycan Respublikasının İnzibati Prosessual Məcəlləsinin (bundan sonra mətndə İPM) 68.1-ci maddəsi) sübutları qiymətləndirərək hesab edir ki, iddia əsaslı olduğundan təmin edilməlidir. Belə ki, iddia mümkün iddia olduğu kimi, mahiyyət etibarilə də əsaslıdır. İfadə tərzindən asılı olmayaraq iddiaçının hazırkı iddia tələbinə əsasən hüquqi marağı ümumi sosial sığorta stajı nəzərə alınmaqla ona 05 may 2023-cü il tarixindən yaşa görə əmək pensiyasının təyin edilməsindən ibarətdir. “Əmək pensiyaları haqqında” Qanun: Maddə 7. Yaşa görə əmək pensiyasının təyin edilməsi şərtləri 63 yaşına çatmış kişilərin və 60 yaşına çatmış qadınların fərdi hesabın sığorta hissəsində qeydə alınmış pensiya kapitalı əmək pensiyasının minimum məbləğindən az olmayan pensiya təminatına imkan verdikdə sığorta stajından asılı olmayaraq, bu pensiya təminatına imkan vermədikdə isə azı 25 il sığorta stajı olduqda (2017-ci il iyulun 1-dək yaşa görə əmək pensiyası təyin edilmiş şəxslər istisna olmaqla) yaşa görə əmək pensiyası hüququ vardır. Qeyd. Bu Qanunun 7-ci maddəsində nəzərdə tutulmuş kişilərin yaş həddi 2017-ci il iyulun 1-dən başlayaraq 2021-ci il iyulun 1-dək, qadınların yaş həddi 2017-ci il iyulun 1dən başlayaraq 2027-ci il iyulun 1-dək hər il 6 ay artırılır. Maddə 22-1.1. 2019-cu il yanvarın 1-dən etibarən sığortaolunanın əmək pensiyası avtomatlaşdırılmış qaydada təyin edilərkən, onun fərdi hesabının sığorta hissəsində 2018ci ilin 1 iyul tarixinə qeydə alınmış pensiya kapitalı olduqda, 2006-cı il yanvarın 1-dək olan sığorta stajı bu Qanunun 22-1.2-ci maddəsinə uyğun olaraq hesablanır. Maddə 22-1.2. 2019-cu il yanvarın 1-dən etibarən sığortaolunanın 2006-cı il yanvarın 1-dək olan sığorta stajı, bu Qanunun 22-1.1-ci və 22-1.4-cü maddələrinin tələbləri nəzərə alınmaqla, aşağıdakı qaydada hesablanır: Maddə 22-1.2.1. 2019-2020-ci illərdə bu Qanunun 7-ci maddəsi ilə müəyyən edilmiş yaş həddinə çatmış sığortaolunana (bu Qanunun 8-ci maddəsinin müddəaları nəzərə alınaraq həmin maddədə göstərilən şəxslər də daxil olmaqla) yaşa görə əmək pensiyası təyin edilərkən onun 2006-cı il yanvarın 1-dək olan sığorta stajı 25 il, 2021-ci ildən etibarən isə hər təqvim ili üçün bir il azaldılmaqla hesablanır;... 37.8. Bu Qanunla təyin edilmiş əmək pensiyası və əmək pensiyasına əlavələrin ödənişi aşağıdakı halların yarandığı aydan sonrakı ayın 1-dən dayandırılır: 37.8.1. əmək pensiyaçısı vəfat etdikdə; 37.8.2. əmək pensiyaçısının dul arvadı (əri) yeni nikah bağladıqda; 37.8.3. bu Qanunla müəyyən edilən əmək pensiyasına və əmək pensiyasına əlavələrin verilməsi şərtlərinə uyğun olmayan hallar yarandıqda. İddiaçıya “Əmək pensiyaları haqqında” Qanunun 22-1-ci maddəsinin müddəalarının tətbiq edilməsi üçün 3 şərt mövcud olmalıdır: - iddiaçı 1 yanvar 2019-cu il tarixdən sonra qanunla müəyyən edilmiş pensiya yaşına çatmalı; - Qanunun 22-1.1-ci və 22-1.4-cü maddələrinin tələbləri nəzərə alınmalı; - fərdi hesabının sığorta hissəsində 2018-ci ilin 1 iyul tarixinə qeydə alınmış pensiya kapitalı olmalıdır. Birinci şərt iddiaçıya münasibətdə mövcud olmuş, onun yaşa görə pensiya hüququ 1 yanvar 2019-cu il tarixdən sonra, yəni 63 yaşda – xx.xx.2023-cü il tarixdə yaranmışdır (iddiaçı xx.xx.1960-ci ildə doğulub). İkinci şərt də iddiaçıya münasibətdə mövcud olmuş, “Əmək pensiyaları haqqında” Qanunun 22-1.1-ci və 22-1.4-cü maddələrinin tələbləri iddiaçıya münasibətdə gözlənilmişdir. Üçüncü şərtlə bağlı “Əmək pensiyaları haqqında” Qanunun 22-1.1-ci maddəsinin tələbi ondan ibarətdir ki, iddiaçının fərdi hesabının sığorta hissəsində 2018-ci ilin 1 iyul tarixinə qeydə alınmış pensiya kapitalı olmalıdır. İddiaçının, məhkəmə araşdırması zamanı müəyyən edilən sosial sığorta stajı ona yaşa görə əmək pensiyasının təyin edilməsi üçün yetərli olduğundan, məhkəmə hesab edir ki, cavabdeh inzibati orqan iddiaçının müraciətinin təmin edilməsindən imtina etməkdə haqlı olmamışdur. Cavabdeh tərəfindən təqdim edilən imtina və etiraz məktublarında qəbul edilən ümumi sosila sığorta stajı 20 il 4 gün təşkil edir. Cavabdeh tərəfindən qəbul edilməyən staj müddəti 1993,1994,1999,2000,2001-ci illər və 2003-cü ilin 5 ay 15 günü ərazində adına əmək haqqı hesablanmadığını bildirmişdir. Məhkəmə araşdırması zamanı Zaqatala rayon Dövlət arxivinə verilmiş sorğuya əsasən xx.xx.2023-ci il tarixli cavab məktubunda bildirilmişdir ki,Birliyin 2000,2001-ci illərə aid kitabları arxivə verilməmişdir.Həmçinin,iddiaçının 2003-cü ilin may ayına aid əmək haqqı kitabında adının olduğu qeyd edilmiş və həmin sənədlər məhkəməyə təqdim edilmişdir.Digər mübahisələndirilən dövrlərə dair sənədlərin arxivdə aşkar olunmaması iddiaçının təqsiri deyildir,ona məxsus əmək kitabçası və digər sənədlər mübahisələndilən dövrün qəbul edilməməsinin əsassız olduğu sübut edir. Göründüyü kimi iddiaçının 1983-cü ildə işə daxil olmasına dair əmrin surəti iş materiallarına əlavə edilmiş,onun 2003-cü ilə kimi həmin müəssisədə işlədiyi və əmək haqqı aldığı digər sübutlarla da təsdiqini tapmışdır. Qəbul edilən dövrün mötəbərliyi araşdırılmaqla bərabər məhkəmə araşdırması zamanı müəyyən edilmişdir ki, iddiaçının ümumi sosial sığorta stajı 25 ildən çoxdur. Belə ki, iddiaçı 27 iyul 1978-ci il tarixdən 01 oktyabr 1979-cu il tarixinədək olan müddətdə Zaqatala Rayon İctimai İaşə Müəssisələri birliyinin nəzdində “Sevinc” yeməkxanasında İİİ dərəcəli aşpaz vəzifəsində işləmişdir. xx.xx.1979-cu ildən xx.xx.1980-cı il tarixdən “Bahar” pavilyonuna İİİ dərəcəli aşpaz təyin edilmişdir. xx.xx.1983-cü il tarixdən xx.xx.2003-cü il tarixədək 51 №-li Tikinti-Təmir İdarəsinin nəzdindəki yeməkxanada aşpaz-bufetçi vəzifəsində işləmişdir. Yuxarıda qeyd olunanlara əsasən məhkəmə belə nəticəyə gəlir ki, arxiv sənədlərinə və iddiaçının əmək kitabçasına əsasən iddiaçının ümumi sosial sığorta stajı 25 ildən artıq (25 il 4 ay 19 gün) olunduğundan iddia tələbi təmin edilməlidir. “İnzibati icraat haqqında” Azərbaycan Respublikası Qanununun 19.1-ci maddəsinə əsasən İnzibati icraat zamanı işin faktiki halları ilə əlaqədar fiziki və ya hüquqi şəxslər tərəfindən təqdim olunan sənədlər və dəlillər, onların həqiqətə uyğun olmadığı sübuta yetirilməyibsə, mötəbər hesab olunur. Fiziki və ya hüquqi şəxslərdən həmin sənədlərin və dəlillərin mötəbərliyini təsdiq edən əlavə sənədlərin və ya məlumatların tələb olunması qadağandır. Azərbaycan Respublikası İnzibati Prosessual Məcəlləsinin: 34.1-ci maddəsinə əsasən öhdəliyin icrası haqqında iddia vasitəsi ilə iddiaçı cavabdehdən inzibati aktın qəbul edilməsi ilə bağlı olmayan (inzibati aktın qəbul edilməsinə yönəlməyən) müəyyən hərəkətlərin edilməsini tələb edə bilər. Öhdəliyin icrası haqqında iddia vasitəsi ilə həmçinin inzibati orqanlar tərəfindən ümumi hüquqi öhdəliklərin pozulması nəticəsində vurulmuş ziyana görə kompensasiyanın ödənilməsi də tələb edilə bilər.
52. Məhkəmə iddia ərizəsinin ifadə tərzi ilə bağlı olmasa da, iddia tələbindən kənara çıxmağa haqlı deyildir. 58.7-ci maddəsinə əsasən sübutlar məhkəmə tərəfindən tam və hərtərəfli araşdırıldıqdan sonra qiymətləndirilir. 68.1-ci maddəsinə əsasən məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında qərar qəbul edir. Qərarda məhkəmənin mövqeyi üçün əsas olmuş səbəblər göstərilməlidir. 68.2-ci maddəsinə əsasən məhkəmə qərarı yalnız məhkəmə icraatında tədqiq olunmuş və barələrində proses iştirakçılarının öz mülahizələrini bildirmək imkanına malik olduqları faktlar və sübutlarla əsaslandırılmalıdır. 69.5-ci maddəsinə əsasən məhkəmə qərarının nəticəvi hissəsində, məhkəmənin gəldiyi nəticə, prosessual xərclər və həmin qərara qarşı hüquqi müdafiə vasitələrindən istifadə qaydası və müddəti göstərilməlidir. 81.2-ci maddəsinə görə inzibati məhkəmə icraatının iştirakçıları (tərəflər və məhkəmə icraatına cəlb olunmuş üçüncü şəxslər) yalnız onların tələblərinin təmin olunmadığı hallarda şikayət vermək hüququna malikdirlər. İş üzrə icraata dair prosessual xərclər məsələsi İPM-in 110.1-ci maddəsinə əsasən həll olunur. “Dövlət rüsumu haqqında” Qanununun 9.1.12-ci maddəsinə əsasən, inzibati hüquq münasibətlərindən əmələ gələn işlər üzrə - vətəndaş, inzibati orqanlar və vəzifəli şəxslər dövlət rüsumu ödəməkdən azad olunurlar.
Nəticəvi hissə:
Yuxarıda göstərilənlərə əsasən və Azərbaycan Respublikası İnzibati Prosessual Məcəlləsinin 68, 69, 73, 75 və 85-ci maddələrini rəhbər tutaraq məhkəmə
qərara aldı:
İddia təmin edilir. Cavabdeh Azərbaycan Respublikasının Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə X3 Şəxsinin Sosial Ödənişlərin Təyinatı üzrə Mərkəzi Filialının üzərinə İddiaçı 05 may 2023-cü il tarixindən yaşa görə əmək pensiyasının təyin edilməsi öhdəliyi qoyulur. Qərardan onun rəsmi təqdim edildiyi vaxtdan tərəflər 30 (otuz) gün müddətində Şəki İnzibati Məhkəməsi vasitəsi (Şəki şəhəri, S.Mümtaz küçəsi, 318) ilə Şəki Apellyasiya Məhkəməsinin İnzibati Kollegiyasına apellyasiya şikayəti verə bilərlər. Qərar onun rəsmi təqdim edildiyi vaxtdan 30 (otuz) gün müddətində apellyasiya şikayəti verilmədiyi və ya proses iştirakçıları tərəfindən şikayətin geri götürüldüyü hallarda məhkəmə qərarı onun təqdim olunduğu gündən 30 (otuz) gün keçdikdən sonra qanuni qüvvəyə minir.
Hakim Fəxri Hacızadə.