Şəki İnzibati Məhkəməsi Qərardad — İş №2-1(116)-676/2020

Azərbaycan Respublikası adından QƏRARDAD Şəki şəhəri İş № 2-1(116)-676/2020 13.04.2020 ŞƏKİ İNZİBATİ MƏHKƏMƏSİ Şəki İnzibati Məhkəməsinin hakimi Qasımov Vidadi Kamal oğlu, iddiaçı Ucar Rayonu Qazıqumlaq Bələdiyyəsinin cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 16 saylı Ucar Ərazi İdarəsinə qarşı "Ucar Rayonu Qazıqumlaq Bələdiyyəsinin kənd təsərrüfatı təyinatlı 3 ha əkin torpaq sahəsinin məqsədli istifadəsi əkin olduğunu nəzərə alıb, bələdiyyə torpağının plan və ölçüsünün çıxarışında torpaq sahəsinin kadastr göstəriciləri qrafasında örüşün əkin sözü ilə əvəz edilməsi öhdəliyinin cavabdehin üzərinə qoyulması" tələbibarədə iddiasına dair işə baxaraq, müəyyən etdi: İddiaçı Ucar Rayonu Qazıqumlaq Bələdiyyəsi cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 16 saylı Ucar Ərazi İdarəsinə qarşı "Ucar Rayonu Qazıqumlaq Bələdiyyəsinin kənd təsərrüfatı təyinatlı 3 ha əkin torpaq sahəsinin məqsədli istifadəsi əkin olduğunu nəzərə alıb, bələdiyyə torpağının plan və ölçüsünün çıxarışında torpaq sahəsinin kadastr göstəriciləri qrafasında örüşün əkin sözü ilə əvəz edilməsi öhdəliyinin cavabdehin üzərinə qoyulması" barədə iddia ərizəsi ilə Şəki İnzibati Məhkəməsinə müraciət etmişdir. Bundan sonra o, məhkəməyə 19.03.2020-ci il tarixli 16 nömrəli ərizə göndərərək, qeyd olunan məsələ öz həllini tapdığı üçün iş üzrə icraata xitam verilməsini, iddia ərizəsinin və ona əlavə edilmiş sənədlərin geri qaytarılmasını xahiş etmişdir. Azərbaycan Respublikası İnzibati Prosessual Məcəlləsinin 55.3-cü maddəsində deyilir ki, məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. Həmin Məcəllənin 55.5-ci maddəsində deyilir ki, iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Məhkəmənin fikrincə, iddiaçı iddia sənədlərinin geri qaytarılmasını tələb etməklə hazırkı inzibati prosesin davam etdirilməsinə hüquqi marağını itirdiyini nümayiş etdirmişdir. Bu hal üçün məhkəmənin etməli olduğu hərəkətlər İnzibati Prosessual Məcəllədə konkret nəzərdə tutulmasa da, məhkəmə hesab edir ki, iddiaçının öz iddia ərizəsini geri tələb etməsi onun 30 gündən çox müddət ərzində ardıcıl olaraq iş üzrə məhkəmə icraatından yayınması ilə eyni hüquqi nəticəyə səbəb olmalıdır. Belə olan halda isə, iddia geri götürülmüş sayılmalı və icraata xitam verilməlidir. Yuxarıda qeyd olunanlara əsasən, məhkəmə qərara aldı : İddiaçı Ucar Rayonu Qazıqumlaq Bələdiyyəsinin cavabdeh Azərbaycan Respublikası Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 16 saylı Ucar Ərazi İdarəsinə qarşı "Ucar Rayonu Qazıqumlaq Bələdiyyəsinin kənd təsərrüfatı təyinatlı 3 ha əkin torpaq sahəsinin məqsədli istifadəsi əkin olduğunu nəzərə alıb, bələdiyyə torpağının plan və ölçüsünün çıxarışında torpaq sahəsinin kadastr göstəriciləri qrafasında örüşün əkin sözü ilə əvəz edilməsi öhdəliyinin cavabdehin üzərinə qoyulması" tələbinə dair iddiası geri götürülmüş sayılsın və icraata xitam verilsin. Qərardaddan surəti rəsmi qaydada verildiyi gündən 10 gün müddətində Şəki İnzibati Məhkəməsi (ünvan: ünvan 2iyasına apelyasiya şikayəti verilə bilər. Hakim Vidadi Qasımov.