Şəki İnzibati Məhkəməsi Qərardad — İş №2-1(116)-763/2020

Azərbaycan Respublikası adından QƏRARDAD Şəki şəhəri İş № 2-1(116)-763/2020 17.09.2020 ŞƏKİ İNZİBATİ MƏHKƏMƏSİ Hakim Cabbarov İlqar Hidayət oğlunun sədrliyi, Məmmədova Aynur Əhəd qızının katibliyi, İddiaçı, cavabdehin nümayəndəsi X1 iştirakı ilə İddiaçı Azərbaycan Respublikası İcbari Tibbi Sığorta üzrə Dövlət X3 Bölmələrini İdarəetmə Birliyi “Şəki rayon Mərkəzi Xəstəxanası” publik hüquqi şəxsə qarşı “qanunvericiliyin tələblərinə uyğun doldurulmuş yeni göndəriş-forma 88 tərtib olunması və TSEK-ə göndərilməsi öhdəliyinin cavabdehin üzərinə qoyulması”tələbinə dair işə məhkəmənin binasında, açıq şifahi məhkəmə iclasında baxaraq məhkəmə müəyyən etdi: İddiaçı Azərbaycan Respublikası İcbari Tibbi Sığorta üzrə Dövlət X3 Bölmələrini İdarəetmə Birliyi “Şəki rayon Mərkəzi Xəstəxanası” publik hüquqi şəxsə qarşı iddia ərizəsi ilə məhkəməyə müraciət edərək, “qanunvericiliyin tələblərinə uyğun doldurulmuş yeni göndəriş-forma 88 tərtib olunması və TSEK-ə göndərilməsi öhdəliyinin cavabdehin üzərinə qoyulması” barədə qərar qəbul edilməsini xahiş etmişdir. Keçirilən şifahi məhkəmə baxışı iclasında cavabdehin nümayəndəsi forma 88 tərtib olunmuş əlyazmanı təqdim edərək qeyd etdi ki, həkim məzuniyyətdə olduğu üçün sözügedən sənəd imzalanmamışdır. Həkim məzuniyyətdən qayıtdıqdan sonra sənəd elektron qaydada imzalandıqda iddiaçının tələbi öz həllini tapacaqdır. İddiaçı cavabdehin nümayəndəsinin izahatı ilə razılaşaraq məhkəməyə ərizə təqdim edərək iddia ərizəsi və ona əlavə edilmiş sənədlərin geri qaytarılmasını xahiş etdi. Məhkəmə, ərizəni iş materialları ilə birgə araşdırıb hesab edir ki, iddia geri götürülmüş sayılmalı və iş üzrə icraata xitam verilməlidir. Belə ki, iddiaçının məhkəməyə təqdim etdiyi ərizəsindən görünür ki, o, iddia tələbindən imtina etməməklə iddia ərizəsinin geri qaytarılması arzusundadır və iddia tələbinə baxılmasını arzu etmir. Məhkəmə qeyd edir ki, iddiaçı öz aktiv hərəkəti ilə iradəsinə uyğun olaraq məhkəməyə iddianın geri götürülmüş sayılması barədə ərizə verdikdə də o, iddia ərizəsinin məhkəmədə baxılmasını və iş üzrə qərarın qəbul edilməsini istəmir. Həmin səbəbdən də iddiaçının iradəsinə uyğun olaraq məhkəmə iddianın geri qaytarılması barədə qərardad qəbul etməlidir. Azərbaycan Respublikasının İnzibati Prosessual Məcəlləsinin: 55.3-cü maddəsinə əsasən məhkəmənin tələbinə baxmayaraq, iddiaçı 30 gündən çox müddət ərzində ardıcıl olaraq iş üzrə məhkəmə icraatından yayındıqda, iddia geri götürülmüş sayılır. Belə hallarda məhkəmə iddianın geri götürülmüş sayılması barədə qərardad qəbul edir. İddiaçıya izah edilir ki, iddianın geri götürülmüş hesab edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna etmir. Qeyd olunanlara əsasən və Azərbaycan Respublikası İPM-nin 55, 80-ci maddələrini rəhbər tutaraq, qərara aldı: İddiaçı Azərbaycan Respublikası İcbari Tibbi Sığorta üzrə Dövlət X3 Bölmələrini İdarəetmə Birliyi “Şəki rayon Mərkəzi Xəstəxanası” publik hüquqi şəxsə qarşı “qanunvericiliyin tələblərinə uyğun doldurulmuş yeni göndəriş-forma 88 tərtib olunması və TSEK-ə göndərilməsi öhdəliyinin cavabdehin üzərinə qoyulması” tələbinə dair iddiası geri götürülmüş sayılsın və iş üzrə icraata xitam verilsin. Qərardaddan surəti təqdim olunduğu vaxtdan 10 (on) gün müddətində Şəki İnzibati Məhkəməsi (Şəki şəhəri, S.Mümtaz küçəsi 318) vasitəsilə Azərbaycan Respublikası Şəki Apelyasiya Məhkəməsinə apelyasiya şikayəti verilə bilər. Hakim İlqar Cabbarov.