Şəki İnzibati Məhkəməsi Qərardad — İş №2-1(116)-881/2020

Azərbaycan Respublikası adından QƏRARDAD Şəki şəhəri İş № 2-1(116)-881/2020 06.10.2020 ŞƏKİ İNZİBATİ MƏHKƏMƏSİ Hakim Cabbarov İlqar Hidayət oğlu, İddiaçılar İddiaçı1, İddiaçı2 və İddiaçı3 cavabdeh Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 16 saylı X1 (üçüncü şəxslər: Ömərov Elman Eynulla oğlu, Ömərov Elxan Eynulla oğlu, Ömərova Şərqiyyə Şirməmməd qızı, Ömərov Roman Elman oğlu, Ömərov Ruslan Elman oğlu, Ömərova Əfsanə Elman qızı) qarşı “ünvan 1 saylı ünvanda yerləşən, Daşınmaz Əmlakın Dövlət Reyestri Xidmətinin 16 saylı X2 tərəfindən verilmiş xx xxxx 2017-ci il tarixli RX seriyalı ******* saylı daşınmaz əmlakın dövlət reyestrindən çıxarışa əsasən mülkiyyətində olan 0,011 kv.m həyətyanı torpaq sahəsi və 35,85 kv.m fərdi yaşayış evinə yeni ünvanla ayrıca reyestrdən çıxarış verilməsi öhdəliyinin cavabdehin üzərinə qoyulması” tələbinə dair iddia ərizəsi və ona əlavə edilmiş sənədləri nəzərdən keçirib müəyyən etdi: İddiaçılar İddiaçı1, İddiaçı2 və İddiaçı3 cavabdeh Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 16 saylı X1 (üçüncü şəxslər: Ömərov Elman Eynulla oğlu, Ömərov Elxan Eynulla oğlu, Ömərova Şərqiyyə Şirməmməd qızı, Ömərov Roman Elman oğlu, Ömərov Ruslan Elman oğlu, Ömərova Əfsanə Elman qızı) qarşı iddia ərizəsi ilə məhkəməyə müraciət edərək “ünvan 1 saylı ünvanda yerləşən, Daşınmaz Əmlakın Dövlət Reyestri Xidmətinin 16 saylı X2 tərəfindən verilmiş xx xxxx 2017-ci il tarixli RX seriyalı ******* saylı daşınmaz əmlakın dövlət reyestrindən çıxarışa əsasən mülkiyyətində olan 0,011 kv.m həyətyanı torpaq sahəsi və 35,85 kv.m fərdi yaşayış evinə yeni ünvanla ayrıca reyestrdən çıxarış verilməsi öhdəliyinin cavabdehin üzərinə qoyulması” barədə qərar qəbul edilməsini xahiş etmişdir. İddiaçılar xx.xx.2020-ci il tarixli ərizə ilə məhkəməyə müraciət edərək, iş məhkəmənin icraatında olan müddətdə eyni xahişlə təkrarən cavabdehə müraciət etdiklərini və cavabdeh orqanın onlara mülkiyyətlərində olan 0,011 kv.m həyətyanı torpaq sahəsi və 35,85 kv.m fərdi yaşayış evinə yeni ünvanla ayrıca reyestrdən çıxarış verdiyini, bu səbəbdən də iddialarından imtina etdiklərini qeyd edib iş üzrə icraata xitam verilməsini xahiş etmişlər. Məhkəmə qeyd edir ki, iddiaçının iddiadan imtina etməsi onun cavabdehə qarşı irəli sürdüyü maddi-hüquqi tələbdən və bu tələbin məhkəmədə müdafiəsi hüququndan imtina etməsidir. Məhkəməyə müraciət etmiş şəxsin bilavasitə iradəsinin ifadəsi olduğuna görə, onun öz tələbindən imtina etməsi işin icraatının davam etdirilməsini lüzumsuz edir. Ona görə də qanunvericilik iddiaçının iddiadan imtina etməsini icraata xitam verilməsi əsası kimi nəzərdə tutmuşdur. Azərbaycan Respublikasının İnzibati Prosessual Məcəlləsinin: 55.1-ci maddəsinə əsasən məhkəmə qərarı qanuni qüvvəyə minənə qədər iddiaçı iddiadan imtina etməyə haqlıdır. 55.4-cü maddəsinə əsasən iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. 55.5-ci maddəsinə görə iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Məhkəmə ərizəni iş materialları ilə birlikdə qanunvericiliyin tələbləri baxımından araşdırıb hesab edir ki, hazırki işin icraatına xitam verilməlidir. Yuxarıda göstərilənlərə əsasən, Azərbaycan Respublikası İnzibati Prosessual Məcəlləsinin 16.3, 55.5-ci maddələrini rəhbər tutaraq, məhkəmə qərara aldı: İddiaçılar İddiaçı1, İddiaçı2 və İddiaçı3 cavabdeh Əmlak Məsələləri Dövlət Komitəsinin yanında Daşınmaz Əmlakın Dövlət Reyestri Xidmətinin 16 saylı X1 (üçüncü şəxslər: Ömərov Elman Eynulla oğlu, Ömərov Elxan Eynulla oğlu, Ömərova Şərqiyyə Şirməmməd qızı, Ömərov Roman Elman oğlu, Ömərov Ruslan Elman oğlu, Ömərova Əfsanə Elman qızı) qarşı “ünvan 1 saylı ünvanda yerləşən, Daşınmaz Əmlakın Dövlət Reyestri Xidmətinin 16 saylı X2 tərəfindən verilmiş xx xxxx 2017-ci il tarixli RX seriyalı ******* saylı daşınmaz əmlakın dövlət reyestrindən çıxarışa əsasən mülkiyyətində olan 0,011 kv.m həyətyanı torpaq sahəsi və 35,85 kv.m fərdi yaşayış evinə yeni ünvanla ayrıca reyestrdən çıxarış verilməsi öhdəliyinin cavabdehin üzərinə qoyulması” tələbinə dair inzibati mübahisə üzrə iddiaçılar iddiadan imtina etdiyi üçün iş üzrə icraata xitam verilsin. İzah edilsin ki, iddiadan imtina edilməsi eyni tərəflər arasında, eyni predmet barəsində və eyni əsaslar üzrə yenidən iddia qaldırma imkanını istisna edir. Qərardaddan şikayət verilə bilməz. Hakim İlqar Cabbarov