Sumqayıt İnzibati Məhkəməsi Qərardad — İş №2-1(118)-1145/2020

Azərbaycan Respublikası adından QƏRARDAD Sumqayıt şəhəri İş № 2-1(118)-1145/2020 06.11.2020 SUMQAYIT İNZİBATİ MƏHKƏMƏSİ Hakim Burcayev İmran Ramazan oğlunun sədrliyi, İbrahimov Vüsal Eldar oğlunun katibliyi ilə, İddiaçı cavabdeh Aksizli Mallar üzrə Baş Gömrük İdarəsinə qarşı ”KAWSAKİ NİNJA 2X-6R” markalı motosiklet üçün 1173,94 manat gömrük rüsumu ödəməklə rəsmiləşdirilməsi, gömrük ərazisində saxlanması üçün saxlanc haqqının tutulmaması və gömrük ərazisindən çıxarılması” tələbinə dair iddiasına inzibati məhkəmə icraatı qaydasında açıq məhkəmə iclasında baxaraq,məhkəmə müəyyən etdi : İddiaçı cavabdeh Aksizli Mallar üzrə Baş Gömrük İdarəsinə qarşı ”KAWSAKİ NİNJA 2X- 6R” markalı motosiklet üçün 1173,94 manat gömrük rüsumu ödəməklə rəsmiləşdirilməsi, gömrük ərazisində saxlanması üçün saxlanc haqqının tutulmaması və gömrük ərazisindən çıxarılması”na dair qərar qəbul edilməsini məhkəmədən xahiş etmişdir. xx xxxxxx 2020-ci il tarixdə məhkəməyə ərizə ilə müraciət etmiş İddiaçı məhkəmə icraatı dövründə mübahisə həll edildiyi və iddia predmeti aradan qalxdığı üçün iddia tələbindən imtina etdiyini və işə xitam verilməsini məhkəmədən xahiş etmişdir. Azərbaycan Respublikası İnzibati Prosessual Məcəlləsinin 55.5-ci maddəsinə görə iddiaçı iddiadan imtina etdikdə və ya iddia məhkəmə tərəfindən geri götürülmüş sayıldıqda, məhkəmə icraata xitam verilməsi barədə qərardad qəbul edir. Həmin qərardadda iddiadan imtina edilməsinin və ya iddianın geri götürülmüş sayılmasının bu Məcəllədə nəzərdə tutulmuş hüquqi nəticələri göstərilməlidir. Məhkəmənin həmin qərardadından şikayət verilə bilməz. Məhkəmə şərh olunanlara əsasən hesab edir ki, iddiaçı iddiadan imtina etdiyindən onun iddiadan imtinası qəbul edilməli və 2-1(118)-1145/2020 saylı işin icraatına xitam verilməlidir Məhkəmə hesab edir ki, inzibati məhkəmə icraatının mahiyyəti və məqsədi fiziki və hüquqi şəxslərlə inzibati akt qəbul etmək səlahiyyəti olan orqanlar arasında yaranmış mübahisənin həllindən ibarətdir. İnzibati məhkəmə icraatı qaydasında işə baxıla bilməsi üçün ilk növbədə iddiaçı ilə inzibati orqan arasında mübahisə olmalı və iddiaçının həmin mübahisəni inzibati məhkəmə icraatı qaydasında davam etdirmək iradəsi mövcud olmalıdır. Lakin hazırkı işdə iddiaçının iddia tələbindən imtina etdiyini və işə xitam verilməsini xahiş etməsi onun bu iradəsinin olmadığını göstərir. Buna görə də məhkəmə hesab edir ki, iş üzrə icraata xitam verilməlidir. Yuxarıda göstərilənlərə əsasən məhkəmə, qərara aldı : İddiaçı cavabdeh Aksizli Mallar üzrə Baş Gömrük İdarəsinə qarşı ”KAWSAKİ NİNJA 2X- 6R” markalı motosiklet üçün 1173,94 manat gömrük rüsumu ödəməklə rəsmiləşdirilməsi, gömrük ərazisində saxlanması üçün saxlanc haqqının tutulmaması və gömrük ərazisindən çıxarılması” tələbinə dair iş üzrə icraata xitam verilsin. Qərardaddan şikayət verilə bilməz. Hakim İmran Burcayev