Sumqayıt İnzibati Məhkəməsi Qərar — İş №2-1(118)-1303/2023

Azərbaycan Respublikası adından QƏRAR Sumqayıt şəhəri İş № 2-1(118)-1303/2023 05.05.2023 SUMQAYIT İNZİBATİ MƏHKƏMƏSİ Giriş hissə: Hakim Məmmədov Ceyhun Bəşir oğlunun sədrliyi, Davudova Nigar Şaban qızının katibliyi, İddiaçı2 iştirakı ilə, İddiaçılar İddiaçı2, İddiaçı1 cavabdeh Azərbaycan Respublikası Daxili İşlər Nazirliyi Sumqayıt Şəhər Polis İdarəsinə qarşı “onları və xx.xx.2013-cü il təvəllüdlü X2 hal-hazırda yaşadıqları Sumqayıt şəhəri, X7 qəsəbəsi, Xətai küçəsi ünvanda yerləşən 1Q saylı evin 5 nömrəli mənzilə yaşayış yeri üzrə pasport qeydiyyatına götürülməsi öhdəliyinin cavabdehin üzərinə qoyulması barədə qərar qəbul edilməsi” tələbinə dair inzibati mübahisəyə məhkəmənin binasında, açıq məhkəmə iclasında baxaraq aşağıdakı qərarı qəbul etdi: Təsviri hissə: İddia tələbi onunla əsaslandırılmışdır ki, Sumqayıt şəhəri, X7 qəsəbəsi, Xətai küçəsi ünvanda yerləşən 1Q saylı evin 5 nömrəli mənzil X3 məxsusdur. Həmin mənzil xx.xx.1974-cü il tarixli 20 saylı order əsasında İsmayıl İsmayılova verilmiş və order sahibi xx.xx.2001-ci ildə vəfat etmişdir. İddiaçılar İsmayıl İsmayılovun övladı və nəvələridirlər. İddiaçılar həmin mənzildə yaşasalar da pasport qeydiyyatı Sumqayıt şəhəri, X7 qəsəbəsi, Xətai küçəsi ünvanda yerləşən 1 saylı evin 5 nömrəli mənzildə olmuş və sonralar həmin mənzilin sahibləri tərəfindən onların pasport qeydiyyatlarına xitam verilmişdir. Səbəbini öyrəndikdə məlum olmuşdur ki, qeydiyyat orqanı səhvən Sumqayıt şəhəri, X7 qəsəbəsi, Xətai küçəsi ünvanda yerləşən 1Q saylı evin 5 nömrəli mənzil əvəzinə Sumqayıt şəhəri, X7 qəsəbəsi, Xətai küçəsi ünvanda yerləşən 1 saylı evin 5 nömrəli mənzilə pasport qeydiyyatına salınmaları imiş. İddiaçılar öz yaşadığı yerə görə qeydiyyata alınmaq xahişi ilə Sumqayıt şəhər Polis İdarəsinə müraciət etmiş, lakin cavabdeh xahişini təmin etməmişdir. Bu səbəbdən də məhkəməyə müraciət etmək məcburiyyətində qalmışdır. Qeyd olunanlara əsasən iddiaçı iddianın təmin edilməsini məhkəmədən xahiş etmişdir. Məhkəmə prosesində iştirak edən İddiaçı2 iddia ərizəsinin məzmununa uyğun izahat verərək iddia tələbinin təmin olunmasını məhkəmədən xahiş etdi. Məhkəmə iclasının vaxtı və yeri barədə məlumat verilməsinə baxmayaraq digər iddiaçı məhkəmə iclasına gəlməmiş və bunun üzrlü səbəbləri barədə məhkəməyə məlumat verməmişdir. Məhkəmə, Azərbaycan Respublikası İnzibati Prosessual Məcəlləsinin 62.3-cü maddəsinə əsasən işə iddiaçının iştirakı olmadan baxmışdır. Məhkəmə iclasının yeri və vaxtı barədə cavabdehə qanunla müəyyən olunmuş qaydada xəbərdarlıq edilsə də, onlar məhkəmə iclasında nümayəndəsinin iştirakını təmin etməmişlər, lakin cavabdeh məhkəməyə məktubla müraciət edərək, hazırkı iddia tələbinə heç bir etirazının olmamasını və qərar qəbul olunacağı təqdirdə tərəfindən icra olunacağını bildirmişdir. Məhkəmənin təşəbbüsü ilə cəlb edilmiş üçüncü şəxs Sumqayıt Şəhər İcra Hakimiyyəti nümayəndəsinin iştirakını təmin etməmişdir. Məhkəmə iclasının vaxtı və yeri barədə məlumat verilməsinə baxmayaraq üçüncü şəxs məhkəmə iclasına gəlməmiş və bunun üzrlü səbəbləri barədə məhkəməyə məlumat verməmişdir. Məhkəmə, Azərbaycan Respublikası İnzibati Prosessual Məcəlləsinin 62.3-cü maddəsinə əsasən işə üçüncü şəxsin iştirakı olmadan baxmışdır. İcraat materialları məhkəməyə təqdim olunmuşdur. Həmin materiallara: Azərbaycan Respublikasının Daxili İşlər Nazirliyi Sumqayıt Şəhər Polis İdarəsi tərəfindən verilmiş xx.xx.2022-ci il tarixli 123-28554İ-3222 nömrəli imtina məktubu, xx.xx.1974-cü il tarixli 20 saylı Orderin notarial qaydada təsdiq edilmiş surəti, Sumqayıt Şəhər İcra Hakimiyyəti başçısının H.Z.Tağıyev Qəsəbəsində nümayəndəliyi tərəfindən verilmiş 513 nömrəli, xx.xx.2022-ci il tarixli, 180 nömrəli, xx.xx.2022-ci il tarixli arayışları, ölüm haqqında şəhadətnamənin surəti, şəxsiyyət vəsiqələrinin təsdiqlənmiş surəti və digər sənədlər daxildir. Bu materialların məzmununa istinad edilir. Onlar məhkəmə araşdırmasının predmetini təşkil etmişlər. Əsaslandırma hissəsi: Məhkəmə mübahisə ilə bağlı iş üzrə inzibati məhkəmə icraatı nəticəsində onda yaranmış daxili inam əsasında (Azərbaycan Respublikasının İnzibati Prosessual Məcəlləsinin (bundan sonra mətndə İPM) 68.1-ci maddəsi) sübutları qiymətləndirərək hesab edir ki, iddia təmin edilməlidir. Belə ki, iddia mümkün iddia olmaqla mahiyyət etibarı ilə əsaslıdır. İddia mümkün iddiadır. Belə ki, baxılan işdə söhbət İPM-in 1.1-ci maddəsində nəzərdə tutulmuş mənada inzibati mübahisədən gedir ki, buna da baxmaq səlahiyyəti inzibati məhkəmələrə aiddir (İPM-in 2.1, 3.1 və 8.1-ci maddələri). İddiaçı İPM-in 34.1-ci maddəsinə əsasən öhdəliyin icrası haqqında iddia qaldırmışdır. İddianın xüsusi mümkünlük şərti də təmin olunmuşdur. Belə ki, bu növ iddianın xüsusi mümkünlük şərti iddiaçının əvvəlcədən eyni məzmunlu tələblə inzibati orqana müraciət edib-etməməsidir. İddiaçı hazırki tələblə əvvəlcədən cavabdeh inzibati orqana müraciət etmiş, sonuncu bundan imtina etdiyindən hazırki mübahisə yaranmışdır. İşin araşdırılan hallarından görünür ki, iddiaçı Axundova Xatirə Abdulməcid qızı Sumqayıt şəhəri 42-ci məhəllə, 13 saylı yataqxana, 54 nömrəli evin istifadəçisidir. Hazırkı iddia tələbi üzrə onun qeyd olunan mənzilə pasport qeydiyyatına almaq niyyətindədir. Belə ki, iddiaçı sahibliyində olan evə pasport qeydiyyatına düşmək üçün cavabdehə müraciət etmiş lakin onun müraciəti müsbət həll edilməmişdir. Məhkəmə hesab edir ki, aşağıda göstərilənlərə əsasən iddia tələbi təmin edilməlidir. Belə ki, “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 1-ci maddəsinə əsasən, Azərbaycan Respublikasının vətəndaşları, əcnəbilər və vətəndaşlığı olmayan şəxslər Azərbaycan Respublikasında yaşayış yeri və olduğu yer üzrə qeydiyyata alınmalıdırlar. Həmin Qanunun 5-ci maddəsinə əsasən, yaşayış yeri üzrə qeydiyyatda olmayan vətəndaşa ilk dəfə Azərbaycan Respublikası vətəndaşının şəxsiyyət vəsiqəsi verilərkən o, yaşayış yeri üzrə qeydiyyata alınır. Bu halda vətəndaş yalnız “Azərbaycan Respublikası vətəndaşının şəxsiyyət vəsiqəsi haqqında” Azərbaycan Respublikası Qanununun tətbiqi barədə Əsasnamə”də nəzərdə tutulmuş şəxsiyyət vəsiqəsinin verilməsi haqqında ərizəanketi doldurmalı və vəsiqənin verilməsi üçün tələb olunan sənədlərdən əlavə bu Qanunun 5-ci maddəsinin ikinci hissəsinin 2-ci bəndində göstərilən, yaşayış sahəsinə köçmək üçün əsas verən sənədi də təqdim etməlidir. Yaşayış yerini dəyişdirmiş vətəndaş yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq icra hakimiyyəti orqanına müraciət edərək forması müvafiq icra hakimiyyəti orqanı tərəfindən təsdiq edilən, yaşayış yeri üzrə qeydiyyata alınma haqqında ərizə-anketlə birlikdə aşağıdakı sənədləri təqdim etməlidir: 1) şəxsiyyət vəsiqəsi 2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına alınması haqqında daşınmaz əmlakın dövlət reyestrindən çıxarış, order, icarə və ya kirayə müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və ya vətəndaşa yaşayış sahəsi verən şəxsin ərizəsi. Müvafiq icra hakimiyyəti orqanı yaşayış yerinin dəyişdirilməsi ilə bağlı müvafiq sənədləri təqdim etmiş vətəndaşı dərhal yaşayış yeri üzrə qeydiyyata almalı və onun şəxsiyyət vəsiqəsinin elektron daşıyıcısında yaşayış yeri haqqında məlumatı dəyişdirməlidir. Sumqayıt şəhəri, X7 qəsəbəsi, Xətai küçəsi ünvanda yerləşən 1Q saylı evin 5 nömrəli mənzil “Azəraqrostroy” Tresti tərəfindən verilmiş xx.xx.1974-cü il tarixli 20 saylı Order əsasında iddiaçıya ayrılmışdır. Mənzil xüsusi təyinatlı mənzildir və iddiaçıların atası İsmayıl İsmayılovun müəsisədə işlədiyi müddət ərzində yaşaması üçün nəzərdə tutulmuşdur. İsmayıl İsmayılov 2001-ci ildə vəfat etdiyindən övladları həmin mənzildə ailə üzvləri ilə birlikdə yaşayır və istifadə edirlər. Nəzərə alınmalıdır ki, Sumqayıt şəhəri, X7 qəsəbəsi, Xətai küçəsi ünvanda yerləşən 1Q saylı evin 5 nömrəli ev Mənzil-Kommunal Təsərrüfatı İstehsalat Birliyinin balansındadır və həmin mənzilə köçmə üçün iddiaçıya order verilmişdir. Bu səbəbdən də məhkəmə hesab edir ki, iddiaçıların yaşayış sahəsinə pasport qeydiyyatına alınması üçün heç bir maneə yoxdur. Beləliklə, məhkəmə hesab edir ki, İddiaçı2, İddiaçı1 və xx.xx.2013-cü il təvəllüdlü X4 istifadələrində olan Sumqayıt şəhəri, X7 qəsəbəsi, Xətai küçəsi ünvanda yerləşən 1Q saylı evin 5 nömrəli mənzilə pasport qeydiyyata alınması vəzifəsi cavabdehin üzərinə qoyulmalı və iddia tələbi təmin edilməlidir. Nəticəvi hissə: Yuxarıda göstərilənlərə və İPM-in 68, 69, 81.1, 85.1,110.1-ci maddələrinə əsasən, məhkəmə qərara aldı: İddia tələbi təmin edilsin. Sumqayıt şəhəri, X7 qəsəbəsi, Xətai küçəsi ünvanda yerləşən 1Q saylı evin 5 nömrəli mənzilə İddiaçı2, İddiaçı1 və xx.xx.2013-cü il təvəllüdlü X1 pasport qeydiyyatına alınması vəzifəsi Azərbaycan Respublikasının Daxili İşlər Nazirliyi Sumqayıt Şəhər Polis İdarəsinə həvalə olunsun. Qərardan, onun tam formada təqdim olunduğu gündən 30 (otuz) gün müddətində ziyanına qərar qəbul edilmiş inzibati məhkəmə icraatının iştirakçıları (tərəflər və məhkəmə icraatına cəlb olunmuş üçüncü şəxslər) Sumqayıt İnzibati Məhkəməsi vasitəsilə Sumqayıt şəhəri, Sülh prospekti 70 ünvanında yerləşən Sumqayıt Apellyasiya Məhkəməsinə apellyasiya şikayəti verə bilərlər. Qərar, surəti rəsmi təqdim edildiyi vaxtdan 30 (otuz) gün müddətində apellyasiya şikayəti verilmədiyi və ya proses iştirakçıları tərəfindən şikayətin geri götürüldüyü hallarda təqdim olunduğu gündən 30 (otuz) gün keçdikdən sonra qanuni qüvvəyə minir. Hakim Ceyhun Məmmədov