Sumqayıt İnzibati Məhkəməsi Qərardad — İş №2-1(118)-1502/2020

Azərbaycan Respublikası adından QƏRARDAD Sumqayıt şəhəri İş № 2-1(118)-1502/2020 03.11.2020 SUMQAYIT İNZİBATİ MƏHKƏMƏSİ Hakim Məmmədov Ceyhun Bəşir oğlunun sədrliyi, X1 katibliyi, Tərəflərin iştrakı olmadan, İddiaçı Azərbaycan Respublikası Dini Qurumlarla İş üzrə Dövlət Komitəsinə qarşı “Sumqayıt şəhəri, 17-ci mikrorayon, Məhəmməd Əsədov küçəsində yerləşən ümumi sahəsi 6 kv.metr olan qeyri-yaşayış sahəsində dini təyinatlı ədəbiyyatın, dini mal və məlumatların ixtisaslaşdırılmış satış məntəqələrinin yaradılması üçün xüsusi icazənin (lisenziyanın) verilməsi vəzifəsinin cavabdehin üzərinə qoyulması tələbinə” dair iddiasına inzibati məhkəmə icraatı qaydasında açıq məhkəmə iclasında baxaraq, müəyyən etdi : İddiaçı Azərbaycan Respublikası Dini Qurumlarla İş üzrə Dövlət Komitəsinə qarşı “Sumqayıt şəhəri, 17-ci mikrorayon, Məhəmməd Əsədov küçəsində yerləşən ümumi sahəsi 6 kv.metr olan qeyri-yaşayış sahəsində dini təyinatlı ədəbiyyatın, dini mal və məlumatların ixtisaslaşdırılmış satış məntəqələrinin yaradılması üçün xüsusi icazənin (lisenziyanın) verilməsi vəzifəsinin cavabdehin üzərinə qoyulması tələbinə” dair qərar qəbul edilməsini məhkəmədən xahiş etmişdir. xx xxxxxx 2020-ci il tarixdə iddiaçı məhkəməyə ərizə ilə müraciət edərək,iddia ərizəsininin və ona əlavə edilmiş sənədlərin geri qaytarılmasını məhkəmədən xahiş etmişdir. Azərbaycan Respublikası İnzibati Prosessual Məcəlləsinin 80.1-ci maddəsinə əsasən həmin Məcəlləyə əsasən barəsində məhkəmə qaydasında şikayət verilə bilən, habelə hüquqi müdafiə vasitələrindən istifadə qaydalarını və müddətini müəyyən edən məhkəmə qərardadları mütləq əsaslandırılmalıdır. Məhkəmə hesab edir ki, inzibati məhkəmə icraatının mahiyyəti və məqsədi fiziki və hüquqi şəxslərlə inzibati akt qəbul etmək səlahiyyəti olan orqanlar arasında yaranmış mübahisənin həllindən ibarətdir. İnzibati məhkəmə icraatı qaydasında işə baxılaraq bilməsi üçün ilk növbədə iddiaçı ilə inzibati orqan arasında mübahisə olmalı və iddiaçının həmin mübahisəni inzibati məhkəmə icraatı qaydasında davam etdirmək iradəsi mövcud olmalıdır. Lakin hazırkı işdə iddiaçının iddia ərizəsinin geri qaytarılmasını xahiş etməsi onun bu iradəsinin olmadığını göstərir. Buna görə də məhkəmə hesab edir ki, iddia ərizəsivə ona əlavə edilmiş sənədlər geri qaytarılmalıdır. İddiaçıya izah edilsin ki, iddia ərizəsinin qaytarılması onun yenidən eyni iddia ilə məhkəməyə müraciət etməsini istisna etmir. Yuxarıda göstərilənlərə əsasən məhkəmə, qərara aldı : İddia ərizəsi və ona əlavə edilmiş sənədlər iddiaçıya geri qaytarılsın. İş üzrə icraata xitam verilsin. Qərardaddan tərəfə rəsmi qaydada verildikdən sonra 10 gün müddətində Sumqayıt İnzibati Məhkəməsinə şikayət verilə bilər. Hakim Ceyhun Məmmədov