Sumqayıt İnzibati Məhkəməsi Qərardad — İş №2-1(118)-1622/2021

Azərbaycan Respublikası adından QƏRARDAD Sumqayıt şəhəri İş № 2-1(118)-1622/2021 09.09.2021 SUMQAYIT İNZİBATİ MƏHKƏMƏSİ Hakim Mirzəyeva Leyla Eytibar qızının sədirliyi ilə, Davudova Nigar Şaban qızının katibliyi ilə, İddiaçı1 QSC-nin, İddiaçı2 MMC-nin və "xxxx" MMC-nin cavabdeh Azərbaycan Respublikası Ədliyyə Nazirliyi Cavabdehnə qarşı Cavabdeh icra məmuru İİİ dərəcəli ədliyyə qulluqçusu X2 İddiaçı1 QSC-nin, İddiaçı2 MMC-nin və "xxxx" MMC-nin bank hesablarına həbs qoyulması barədə 15.07.2021-ci il tarixli qərarının ləğv olunması tələbinə dair inzibati mübahisəyə Sumqayıt İnzibati Məhkəməsinin inzibati binasında, açıq məhkəmə iclasında baxaraq, MÜƏYYƏN ETDİ: İddiaçı1 QSC, İddiaçı2 MMC və "xxxx" MMC cavabdeh Azərbaycan Respublikası Ədliyyə Nazirliyi Cavabdehnə qarşı iddia qaldıraraq Cavabdeh icra məmuru İİİ dərəcəli ədliyyə qulluqçusu X2 İddiaçı1 QSC-nin, İddiaçı2 MMC-nin və "xxxx" MMC-nin bank hesablarına həbs qoyulması barədə 15.07.2021-ci il tarixli qərarının ləğv olunmasına dair qərar qəbul edilməsini məhkəmədən xahiş etmişdir. 03 avqust 2021-ci il tarixdə məhkəməyə iddiaçı "xxxx" MMC-nin nümayəndəsi X1 iddia ərizəsi və ona əlavə edilmiş sənədlərin geri qaytarılmasına dair ərizəsi daxil olmuşdur. Azərbaycan Respublikası İnzibati Prosessual Məcəlləsinin 80.1-ci maddəsinə əsasən həmin Məcəlləyə əsasən barəsində məhkəmə qaydasında şikayət verilə bilən, habelə hüquqi müdafiə vasitələrindən istifadə qaydalarını və müddətini müəyyən edən məhkəmə qərardadları mütləq əsaslandırılmalıdır. Məhkəmə hesab edir ki, inzibati məhkəmə icraatının mahiyyəti və məqsədi fiziki və hüquqi şəxslərlə inzibati akt qəbul etmək səlahiyyəti olan orqanlar arasında yaranmış mübahisənin həllindən ibarətdir. İnzibati məhkəmə icraatı qaydasında işə baxıla bilməsi üçün ilk növbədə iddiaçı ilə inzibati orqan arasında mübahisə olmalı və iddiaçının həmin mübahisəni inzibati məhkəmə icraatı qaydasında davam etdirmək iradəsi mövcud olmalıdır. Lakin hazırkı işdə iddiaçı "xxxx" MMC-nin nümayəndəsinin ərizənin geri qaytarılmasını xahiş etməsi onun bu iradəsinin olmadığını göstərir. Buna görə də məhkəmə hesab edir ki, iddia ərizəsi və ona əlavə edilmiş sənədlər geri qaytarılmalıdır. Yuxarıda göstərilənlərə əsasən məhkəmə, QƏRARA ALDİ: İddia ərizəsi və ona əlavə edilmiş sənədlər iddiaçıya geri qaytarılsın. Qərardaddan 10 gün müddətində Sumqayıt İnzibati Məhkəməsi vasitəsi ilə Sumqayıt şəhəri, Səməd Vurğun küçəsi 120 ünvanında yerləşən Sumqayıt Apellyasiya Məhkəməsinə şikayət verilə bilər. Hakim Leyla Mirzəyeva