Sumqayıt İnzibati Məhkəməsi Qərar — İş №2-1(118)-1802/2023

Azərbaycan Respublikası adından QƏRAR Sumqayıt şəhəri İş № 2-1(118)-1802/2023 06.03.2023 SUMQAYIT İNZİBATİ MƏHKƏMƏSİ Hakim Əzizova Vəfa Ehtiram qızının sədrliyi, X14 Ramiz qızının katibliyi ilə İddiaçı (ünvan 1 ünvanında yaşayan) İddiaçı cavabdeh Abşeron rayon Polis İdarəsinə qarşı X5 və qeyrilərinin Abşeron rayonu, Xırdalan şəhəri, 27-ci məhəllə, 1 saylı evdə yerləşən 31 saylı mənzildən qeydiyyatlarının çıxarılması öhdəliyinin cavabdeh Abşeron rayon Polis İdarəsinin üzərinə qoyulması dair iddiası üzrə işə açıq məhkəmə iclasında baxaraq, aşağıdakı qərarı qəbul etdi TƏSVİRİ HİSSƏ İddiaçı cavabdeh Abşeron rayon Polis İdarəsinin Şəxsiyyət Vəsiqəsi və Qeydiyyat Şöbəsinə qarşı iddia ərizəsi ilə Sumqayıt İnzibati Məhkəməsinə müraciət edərək, X17, X6 və qeyrilərinin ona məxsus Abşeron rayonu, Xırdalan şəhəri, 27-ci məhəllə, 1 saylı evdə yerləşən 31 saylı mənzildə olan qeydiyyatlarının ləğv edilməsi barədə qərar qəbul edilməsini xahiş etmişdir. Daha sonra iddiaçı iddia tələbinin dəqiqləşdirilməsi barədə ərizə ilə məhkəməyə müraciət edərək, cavabdeh Abşeron rayon Polis İdarəsinin Şəxsiyyət Vəsiqəsi və Qeydiyyat Şöbəsinin əsl cavabdeh Abşeron rayon Polis İdarəsi ilə əvəz edilməsini xahiş etmişdir. Məhkəmənin xx.xx.2022-ci il tarixli qərardadı ilə X35, X30, X11, X22, X31, X7, X17, X18, X8, X9, X23, X12, X10, X36, X2, X15, X3, X13, X24, X37 üçüncü şəxs qismində inzibati məhkəmə icraatına cəlb edilmişlər. İddia tələbi onunla əsaslandırılmışdır ki, Abşeron rayonu, Xırdalan şəhəri, 27-ci məhəllə, ev 1-də yerləşən 31 saylı mənzil iddiaçının mülkiyyətindədir. Həmin mənzili o, xx.xx.2006-cı il tarixdə alqı-satqı müqaviləsinə əsasən əldə etmişdir. üçüncü şəxslər həmin mənzild qeydiyyatda olmalarına baxmayaraq iddiaçı onları tanımır. Həmin şəxslərin qeydiyyatı formal xarakter daşıyır. O, həmin şəxsləri ümumiyyətlə tanımır və heç bir əlaqəsi yoxdur. Onların mənzilə hansı yolla qeydiyyata alınması ona məlum deyildir. O, üçüncü şəxslərin qeydiyyatdan çıxarılması ilə bağlı sorğu ilə Abşeron rayon Polis İdarəsinə müraciət etmişdir. Lakin ona imtina cavabı verilərək məhkəməyə müraciət etmək izah olunmuşdur. Məhkəmə iclasında iddiaçı iddia tələbini müdafiə edərək iddianın təmin edilməsi barədə qərar çıxarılmasını məhkəmədən xahiş etdi. Cavabdeh və üçüncü şəxslər şifahi məhkəmə baxışının vaxtı və yeri barədə lazımi qaydada xəbərdar edilməsinə baxmayaraq məhkəmə iclasında iştirak etməmişlər. Məhkəmə işə Azərbaycan Respublikası İPM-nin 62.3-cü maddəsinə əsasən cavabdehin və üçüncü şəxslərin iştirakı olmadan baxılmasını və iş üzrə qərar qəbul edilməsini mümkün hesab etmişdir. İş materiallarında olan : - **********64-05101-093009 reyestr nömrəli daşınmaz əmlakın dövlət reyestrindən çıxarışdan görünür ki, Abşeron rayonu, Xırdalan şəhəri, 27-ci məhəllə, ev 1, 31 saylı mənzil İddiaçı xüsusi mülkiyyətindədir. - DİN-in yaşayış yeri üzrə qeydiyyat haqqında ******* nömrəli arayışdan görünür ki, X35, X25, X11, X22, X31, X7, X17, X18, X8, X9, X23, X12, X10, X36, X2, X15, X3, X13, X24, X1 rayonu, Xırdalan şəhəri, 27-ci məhəllə, ev 1-də yerləşən 31 saylı mənzildə qeydiyyatdadırlar. - Xırdalan şəhəri 2 saylı MTİİTS tərəfindən verilmiş xx.xx.2022-ci il tarixli 2 saylı forma üzrə arayışdan görünür ki, X35, X30, X11, X22, X31, X7, X17, X18, X8, X9, X23, X12, X10, X36, X2, X15, X3, X13, X24, X37 əvvəlki mülkiyyətçinin ailə üzvləri olmaqla Abşeron rayonu, Xırdalan şəhəri, 27-ci məhəllə, ev 1-də yerləşən 31 saylı mənzildə qeydiyyatdadırlar. -Məhkəmənin sorğusuna əsasən Azərbaycan Respublikası DİN Baş Pasport Qeydiyyat və Miqrasiya İdarəsinin xx.xx.2023-cü il tarixli məktubundan görünür ki, xx.xx.2016-cı il təvəllüdlü X35 xx.xx.2021-ci il, xx.xx.2019-cu il təvəllüdlü X11 xx.xx.2021-ci il, xx.xx.2021-ci il təvəllüdlü X31 xx.xx.2021-ci il, xx.xx.2013-cü il təvəllüdlü X25 xx.xx.2020-ci il, xx.xx.2019-cu il təvəllüdlü X22 xx.xx.2022-ci il, xx.xx.2019-cu il təvəllüdlü X7 xx.xx.2019-cu il, xx.xx.1985-ci il təvəllüdlü X17 xx.xx.2020-ci il, xx.xx.1992-ci il təvəllüdlü X8 xx.xx.2019-cu il, xx.xx.2011-ci il təvəllüdlü X43 xx.xx.2014-cü il, xx.xx.1983-cü il təvəlüdlü X18 xx.xx.2022-ci il, xx.xx.1952-ci il təvəllüdlü X9 xx.xx.2007-ci il, xx.xx.2016-cı il təvəllüdlü X12 xx.xx.2018-ci il, xx.xx.1960-cı il təvəllüdlü X10 xx.xx.2012-ci il, xx.xx.2015-ci il təvəllüdlü X2 xx.xx.2018-ci il, xx.xx.2017-ci il təvəllüdlü X4 24,06.2018-ci il, xx.xx.1982-ci il təvəllüdlü X36 xx.xx.2017-ci il, xx.xx.2013-cü il təvəllüdlü X15 xx.xx.2014-cü il, xx.xx.1962-ci il təvəllüdlü X13 27.01 2013-cü il, xx.xx.1990-cı il təvəllüdlü X24 xx.xx.2016-cı il, xx.xx.1991-ci il təvəllüdlü X37 xx.xx.2018-ci il tarixdən ünvan 3 ünvanında qeydiyyatdadırlar. Məhkəmə araşdırması zamanı müəyyən edildi ki, iddiaçı üçüncü şəxsin qeydiyyatdan çıxarılması üçün cavabdeh Sumqayıt şəhər Polis İdarəsinə müraciət etmiş, lakin cavabdeh inzibati orqan imtina məktubunda bildirmişdir ki, “Yaşayış yeri və olduğu yer üzrə haqqında” Azərbaycan Respublikası Qanununun” 9-cu maddəsinə əsasən yaşayış yeri üzrə qeydiyyatdan çıxarılmasına əsas olan hallar, eləcə də qeyd edilən məsələnin yaşayış sahəsinə münasibətdə hüquqi nəticəyə səbəb ola biləcəyi nəzərə alınaraq həmin şəxsin qeydiyyatdan çıxarılması məsələsinə inzibati məhkəmə icraatı qaydasında müraciəti edilməsi tövsiyyə edilmişdir. ƏSASLANDİRMA HİSSƏSİ Məhkəmə iddiaçının izahatını dinləyərək, iş üzrə toplanmış materialları tədqiq edərək və araşdırılan sübutlara məcmu halda hüquqi qiymət verərək hesab edir ki, iddia tələbi əsaslı olduğundan təmin edilməlidir. Azərbaycan Respublikasının Mülki Məcəlləsinin 152.1-ci maddəsinə görə mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Həmin Məcəllənin 157.4-cü maddəsinin tələblərinə görə əgər mülkiyyətə qəsd və ya başqa maneələr əşyanı götürmədən və ya ondan məhrum etmədən törədilirsə, mülkiyyətçi qəsd edəndən bu hərəkətlərə son qoymağı tələb edə bilər. Bu cür hərəkətlər davam etdirildikdə mülkiyyətçi həmin hərəkətlərə son qoyulmasını məhkəmə vasitəsilə tələb edə bilər. Məhkəmə qeyd edir ki, iddiaçı xx.xx.2006-cı il tarixdən sözügedən mənzilin mülkiyyətçisi olmaqla üçüncü şəxslərin qeydiyyatdan çıxarılması üçün tələb hüququna malikdir. Mənzilin mülkiyyətçisi dəyişsə də, həmin şəxslər göstərilən ünvanda qeydiyyatda qalmaqdadırlar. «Yaşayış yeri və olduğu yer üzrə qeydiyyat haqqında» Azərbaycan Respublikası Qanununun 1-ci maddəsinin 1-ci hissəsinə görə Azərbaycan Respublikasının vətəndaşları, əcnəbilər və vətəndaşlığı olmayan şəxslər Azərbaycan Respublikasında yaşayış yeri və olduğu yer üzrə qeydiyyata alınmalıdırlar. Yaşayış yeri və olduğu üzrə qeydiyyatın məqsədi Azərbaycan Respublikasında yaşayan şəxslərin uçota alınması, onların başqa şəxslər, dövlət və cəmiyyət qarşısında vəzifələrinin icra edilməsi, insan və vətəndaş hüquqlarının və azadlıqlarının həyata keçirilməsi (sosial müdafiə, pensiya təminatı, hərbi xidmətə çağırış, məhkəmə qərarlarının icrası və s.) üçün zəruri şərait yaratmaqdır. Göründüyü kimi, qanun yaşayış yeri üzrə qeydiyyatın məqsədini müəyyən etmişdir və bu məqsəd üçün hər bir şəxs yaşayış yeri və olduğu yer üzrə qeydiyyata alınmalıdır. Şəxsin uzun müddət qeydiyyatda olduğu ünvanda yaşamaması qeyd edilən qanunun məqsədlərinə ziddir. Həmin Qanunun 9-cu maddəsinin 5-ci hissəsinə görə şəxs yaşayış sahəsindən çıxarıldıqda və ya yaşayış sahəsindən istifadə hüququna xitam verildikdə məhkəmənin qanuni qüvvəyə minmiş qətnaməsi əsasında müvafiq icra hakimiyyəti orqanları tərəfindən şəxs yaşayış yeri üzrə qeydiyyatdan çıxarılır. “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 9-cu maddəsinin birinci hissəsinin bəzi müddəalarının şərh edilməsinə dair Azərbaycan Respublikası Konstitusiya Məhkəməsinin 24 sentyabr 2020-ci il tarixli Qərarının 3-cü bəndində göstərilmişdir ki, yaşayış sahəsinə əmlak hüquqları mövcud olmayan şəxslərin mülkiyyətçinin tələbi əsasında qeydiyyatdan çıxarılmasından inzibati orqan tərəfindən imtina edildikdə, məhkəmələr bununla bağlı mübahisələrə inzibati məhkəmə icraatı qaydasında baxaraq şəxsin yaşayış yeri üzrə qeydiyyatdan çıxarılması öhdəliyini həmin orqanın üzərinə qoya bilər. Azərbaycan Respublikası İnzibati Prosessual Məcəlləsinin 58.7-ci maddəsinə əsasən sübutlar məhkəmə tərəfindən tam və hərtərəfli araşdırıldıqdan sonra qiymətləndirilir. “İnzibati icraat haqqında” Azərbaycan Respublikası Qanununun 17-ci maddəsinə əsasən fiziki və ya hüquqi şəxslərin hüquqi statusuna (prinsipial hərəkət azadlığına) hər hansı müdaxiləni nəzərdə tutan tədbirlər inzibati orqanın güddüyü qanuni məqsədə mütənasib olmalı, həmin məqsədə çatmaq üçün öz məzmunu, yeri, vaxtı və əhatə etdiyi şəxslərin dairəsi baxımından zəruri və yararlı olmalıdır. Məhkəmə hesab edir ki, iddia tələbi təmin olunmalı, X35, X30, X11, X22, X31, X7, X17, X18, X8, X9, X23, X12, X10, X36, X2, X15, X3, X13, X24, X19 İddiaçı mülkiyyətində olan Abşeron rayonu, Xırdalan şəhəri, 27-ci məhəllə, ev 1-də yerləşən 31 saylı mənzildən qeydiyyatdan çıxarılması öhdəliyi cavabdeh Abşeron rayon Polis İdarəsinin üzərinə qoyulmalıdır. NƏTİCƏVİ HİSSƏ Göstərilənlərə əsasən və Azərbaycan Respublikası İnzibati Prosessual Məcəlləsinin 69, 75, 81 və 85-ci maddələrini rəhbər tutaraq, məhkəmə QƏRARA ALDİ: İddia təmin edilsin. X35, X30, X11, X22, X31, X7, X17, X18, X8, X9, X23, X12, X10, X36, X2, X15, X3, X13, X24, X19 İddiaçı mülkiyyətində olan Abşeron rayonu, Xırdalan şəhəri, 27-ci məhəllə, 1 saylı evdə yerləşən 31 saylı mənzildən qeydiyyatdan çıxarılması öhdəliyi cavabdeh Abşeron rayon Polis İdarəsinin üzərinə qoyulsun. Şikayət məhkəmə qərarının tam formada təqdim olunduğu gündən 30 (otuz) gün müddətində Sumqayıt İnzibati Məhkəməsi vasitəsi ilə Sumqayıt şəhəri, Sülh prospekti,70 ünvanında yerləşən (Sumqayıt Məhkəmə Kompleksi) Sumqayıt Apellyasiya Məhkəməsinə verilə bilər. Hakim Vəfa Əzizova