Sumqayıt İnzibati Məhkəməsi Qərardad — İş №2-1(118)-3021/2022

Azərbaycan Respublikası adından QƏRARDAD Sumqayıt şəhəri İş № 2-1(118)-3021/2022 08.09.2022 SUMQAYIT İNZİBATİ MƏHKƏMƏSİ Hakim Əzizova Vəfa Ehtiram qızının sədrliyi, X2 Ramiz qızının katibliyi ilə, İddiaçılar İddiaçı1, İddiaçı2, X1 və İddiaçı4 cavabdeh Quba rayon Qəçreş bələdiyyəsinə qarşı torpaq sahələrinin əvəzinə iddiaçıların hər birinə 0.12 ha torpaq sahəsinin ayrılması öhdəliyinin cavabdehin üzərinə qoyulması və xüsusi qərardad çıxarılması tələbinə dair iddiası üzrə iş materiallarını yoxlayaraq və iddiaçının iddia ərizəsinin qaytarılması barədə ərizəsinə baxaraq, MÜƏYYƏNETDİ: İddiaçı1, İddiaçı2, X3 və İddiaçı4 cavabdeh Quba rayon Qəçreş bələdiyyəsinə qarşı iddia ərizəsi ilə məhkəməyə müraciət edərək torpaq sahələrinin əvəzinə iddiaçıların hər birinə 0.12 ha torpaq sahəsinin ayrılması öhdəliyinin cavabdehin üzərinə qoyulması və xüsusi qərardad çıxarılması barədə qərar çıxarılmasını xahiş etmişdir. Hazırda iddiaçıların nümayəndələri ərizə ilə məhkəməyə müraciət edərək iddia ərizəsinin və sənədlərin geri qaytarılmasını xahiş etmişdir. Məhkəmə iddiaçıların nümayəndələrinin iddia ərizəsinin geri qaytarılması barədə ərizəsinə baxaraq hesab edir ki, iddia ərizəsi ona əlavə edilmiş sənədlərlə birlikdə iddiaçıya qaytarılmalıdır. Məhkəmə hesab edir ki, iddiaçıların iddia ərizəsinin qaytarılmasına dair ərizəsi tərəflərin hüquqlarına və qanunla qorunan mənafelərinə toxunmur və prosesual qanunvericiliyin tələblərinə zidd deyildir. Azərbaycan Respublikası İnzibati-Prosessual Məcəlləsinin 80.1-ci maddəsinə əsasən bu Məcəlləyə əsasən barəsində məhkəmə qaydasında şikayət verilə bilən, habelə hüquqi müdafiə vasitələrindən istifadə qaydalarını və müddətini müəyyən edən məhkəmə qərardadları mütləq əsaslandırılmalıdır. Göstərilənlərə əsasən məhkəmə hesab edir ki, iddia ərizəsi və ona əlavə edilmiş sənədlər iddiaçılara geri qaytarılmalıdır. Azərbaycan Respublikası İPM-nin 49, 85-ci maddələrini rəhbər tutaraq məhkəmə, QƏRARA ALDİ: İddiaçılar İddiaçı1, İddiaçı2, X1 və İddiaçı4 cavabdeh Quba rayon Qəçreş bələdiyyəsinə qarşı torpaq sahələrinin əvəzinə iddiaçıların hər birinə 0.12 ha torpaq sahəsinin ayrılması öhdəliyinin cavabdehin üzərinə qoyulması və xüsusi qərardad çıxarılması tələbinə dair idda ərizəsi və ona əlavə edilmiş sənədlər iddiaçılara geri qaytarılsın. Qərardaddan onun təqdim olunduğu vaxtdan 10 (on) gün müddətində Sumqayıt İnzibati Məhkəməsi vasitəsi ilə Sumqayıt Apellyasiya Məhkəməsinə şikayət verilə bilər. Hakim Vəfa Əzizova