Sumqayıt İnzibati Məhkəməsi Qərardad — İş №2-1(118)-4152/2023

Azərbaycan Respublikası adından QƏRARDAD Sumqayıt şəhəri İş № 2-1(118)-4152/2023 29.08.2023 SUMQAYIT İNZİBATİ MƏHKƏMƏSİ Hakim Mirzəyeva Leyla Eytibar qızının sədrliyi, Mirzəliyeva Türkan Ərşad qızının katibliyi ilə, Tərəflərin iştirakı olmadan İddiaçı cavabdeh Abşeron rayon Saray bələdiyyəsinə qarşı “Abşeron rayon Saray bələdiyyəsinin xx.xx.2023-cü il tarixli 02 saylı iclas protokolunun gündəliyində duran 0.02 ha torpaq sahısinin mülkiyyətə verilməsi məqsədilə açıq müsabiqənin keçirilməsi barədə olan 2/16 nömrəli qərarının (aktının) ləğv olunması” tələbinə dair iddiasının mümkünlüyünü inzibati məhkəmə icraatı qaydasında yoxlayaraq, MÜƏYYƏN ETDİ: İddiaçı cavabdeh Abşeron rayon Saray bələdiyyəsinə qarşı “Abşeron rayon Saray bələdiyyəsinin xx.xx.2023-cü il tarixli 02 saylı iclas protokolunun gündəliyində duran 0.02 ha torpaq sahısinin mülkiyyətə verilməsi məqsədilə açıq müsabiqənin keçirilməsi barədə olan 2/16 nömrəli qərarının (aktının) ləğv olunması” barədə iddia ərizəsi ilə Bakı İnzibati Məhkəməsinə müraciət etmişdir. Məhkəmə tərəfindən Azərbaycan Respublikası İnzibati Prosessual Məcəlləsinin 13cü maddəsinə uyğun olaraq iddiaçıya hüquqi yardımın edilməsi məqsədilə onun nümayəndəsi məhkəmə iclasına dəvət edilmiş, lakin cavabdehin nümayəndəsi məhkəmə iclasında iştirak etməmişdir. Məhkəmə iş materiallarını araşdıraraq belə nəticəyə gəlir ki, iddiaya Azərbaycan Respublikası İnzibati Prosessual Məcəlləsinin müddəalarına uyğun olaraq inzibati icraat qaydasında baxılması mümkün sayılmamalıdır. Belə ki, Azərbaycan Respublikası Ali Məhkəməsi Plenumunun “İnzibati məhkəmə icraatında iddianın mümkünlüyünə dair” 10 aprel 2015-ci il tarixli 5 nömrəli qərarında qeyd edilir ki, məhkəmələr nəzərə almalıdırlar ki, inzibati mübahisələrə dair iddianın əsaslılığının yoxlanılması üçün zəruri ilkin şərt onun mümkün olmasıdır. İddianın əsaslılığının yoxlanılmasına yönəlmiş fəaliyyəti zamanı məhkəmə cavabdehə qarşı irəli sürülmüş maddi hüquqi tələbin mövcud olub-olmamasını araşdırmaqla mahiyyəti üzrə qərar qəbul edir. Mümkünlük şərtləri iddiaya mahiyyəti üzrə baxmağa imkan verən şərtlərin mövcudluğunun yoxlanılmasını nəzərdə tutur. Ona görə də, iddianın mümkünlüyü həmişə onun əsaslılığının yoxlanılmasından əvvəl aparılan hüquqi dəyərləndirmədir. Məhkəmələr ilk növbədə iddiaçının həmin tələbi üzrə subyektiv hüququnun olub-olmamasını, cavabdehin həmin iddiaya cavab verməli olub-olmamasını, qanunvericilikdə nəzərdə tutulduğu hallarda cavabdehin imtinasının olub-olmamasını, İPM-də nəzərdə tutulmuş iddia müddətlərinə riayət edilib-edilmədiyini, prosessual həmiştirakçılığın yol verilənliyini, tələblərin bir iddiada birləşdirilməsinin mümkünlüyünü İPM-in 37-ci maddəsinə uyğun yoxlamalıdırlar, iddianın mümkünlük şərtləri icraatın bütün mərhələlərində yoxlanılmalı, həmin şərtlər mübahisənin mahiyyəti üzrə qərar çıxarıldığı anda mövcud olmalıdırlar. Hazırki işdə iddiaçı məhkəmədən Abşeron rayon Saray bələdiyyəsinin xx.xx.2023-cü il tarixli 02 saylı iclas protokolunun gündəliyində duran 0.02 ha torpaq sahısinin mülkiyyətə verilməsi məqsədilə açıq müsabiqənin keçirilməsi barədə olan 2/16 nömrəli qərarının (aktının) ləğv olunmasını məhkəmədən xahiş edir. Göründüyü kimi iddia inzibati aktın ləğvi ilə bağlı olmaqla Azərbaycan Respublikası İnzibati Prosessual Məcəlləsinin 2.2.1-ci maddəsinə əsasən mübahisələndirmə haqqında iddia növünə aiddir. Həmin Məcəllənin 38.1-ci maddəsinə əsasən mübahisələndirmə haqqında iddia inzibati aktın təqdim (elan) olunduğu vaxtdan, şikayət instansiyasına şikayət verildiyi hallarda isə şikayətə dair qəbul olunan inzibati aktın təqdim olunduğu vaxtdan 30 gün müddətində, elmi dərəcələr və elmi adlar verilməsi, xarici ölkələrdə verilmiş elmi dərəcələr və elmi adlar haqqında sənədlərin nostrifikasiyası (ekvivalentliyinin müəyyən edilməsi və tanınması) və ya təkrar attestasiya əsasında tanınması, elmi dərəcədən və elmi addan məhrumetmə (elmi adın və elmi dərəcənin bərpası) ilə bağlı inzibati aktlara münasibətdə isə bu inzibati aktlar qəbul edildiyi tarixdən 2 ay müddətində qaldırıla bilər. Mübahisləndirmə haqqında iddialara baxılması üçün prosessual qanunvericilikdə müəyyən şərtlər nəzərdə tutulmuşdur ki, bu şərtlərə əməl olunmadan məhkəmədə iddia qaldırılması həmin iddiaya baxılmasının mümkünsüzlüyünə səbəb olur. Buna görə də qeyd edilən iddia növünün şərtlərinə uyğun olaraq məhkəmə müddət məsələsinə münasibət bildirilməsini zəruri hesab edir və hesab edir ki, hazırki işdə iddianın qaldırılması üçün qanunvericilikdə nəzərdə tutulmuş iddia müddəti ötürülmüşdür. Belə ki, inzibati iş materiallarında olan iddiaçı orqan tərəfindən Abşeron rayonu Saray bələdiyyəsinə ünvanlanmış məktubdan görünür ki, iddiaçı orqan tərəfindən qeyd edilən qərarın ləğv edilməsi ilə bağlı müraciət edilmişdir və həmin məktub Abşeron rayonu Saray bələdiyyəsi tərəfindən xx.xx.2023-cü il tarixdə qəbul edilmişdir. İddiaçı orqanın mübahisələndirdiyi qərardan 2023-cü ilin mart ayından məlumatı olmuşdur. Beləliklə iddiaçı mübahisələndirilən qərarı məhkəmədə xx.xx.2022-ci il tarixdə mübahisələndirmiş və bununla da hazırki iddiaya inzibati məhkəmə icraatı qaydasında baxılması üçün qanunvericilikdə təsbit olunmuş 30 gün müddəti ötürmüşdür. Qeyd olunanlara əsasən məhkəmə hesab edir ki, İddiaçı cavabdeh Abşeron rayon Saray bələdiyyəsinə qarşı “Abşeron rayon Saray bələdiyyəsinin xx.xx.2023-cü il tarixli 02 saylı iclas protokolunun gündəliyində duran 0.02 ha torpaq sahısinin mülkiyyətə verilməsi məqsədilə açıq müsabiqənin keçirilməsi barədə olan 2/16 nömrəli qərarının (aktının) ləğv olunması” tələbinə dair iddiası mümkün sayılmamalıdır. Azərbaycan Respublikası İnzibati Prosessual Məcəlləsinin 16.3, 35, 80, və 85-ci maddələrini rəhbər tutaraq məhkəmə QƏRARA ALDİ: İddiaçı cavabdeh Abşeron rayon Saray bələdiyyəsinə qarşı “Abşeron rayon Saray bələdiyyəsinin xx.xx.2023-cü il tarixli 02 saylı iclas protokolunun gündəliyində duran 0.02 ha torpaq sahısinin mülkiyyətə verilməsi məqsədilə açıq müsabiqənin keçirilməsi barədə olan 2/16 nömrəli qərarının (aktının) ləğv olunması” tələbinə dair iddiası mümkün sayılmasın. Qərardaddan 10 gün müddətində Sumqayıt İnzibati Məhkəməsi vasitəsi ilə Sumqayıt şəhəri, Sülh prospekti 70 ünvanında yerləşən Sumqayıt Apellyasiya Məhkəməsinə şikayət verilə bilər. Hakim Leyla Mirzəyeva